Primeiros plans de outono que nos trae Carlos Crespo. Desta volta cunha novidade: cun convite ao baile e, por fin, de pé. Repasamos o que vai da de si o festival Osa do Mar (con Delaporte, Verto, Blanco Palamera…), o Lalín D Fest (de novo con Delaporte e Verto, ademais de Delafé e Ale) ou o festival Maré, a grande cita da lusofonía agora ampliada a outras latitudes e sonoridades. Tamén nos detemos no Melona Fest e no Orballo Cultural que esta finde reúne en Padrón a Ataque Escampe, Oh! Ayatollah, Ortiga e Grande Amore.
Falamos con Daniel Lorca, baixista e fundador de Nada Surf, que actúan no ciclo Terraceo do auditorio Mar de Vigo.
Tamén repasamos o que pasa nas salas, con Momboi e Caldo na Pousada da Galiza Imaxinaria; Indie Tumbita & Te Voodo Bandits e Kleejos Band na Salasón; Chicharrón no Guión Club; Espiño na sala Moon de Santiago ou Ale e Taburete no Náutico de San Vicente.
Tamén lembramos outras citas como o Festivalo (con Secho e Berlai), o Montando Cristo (con Aphonnic e Zona Zero), o concerto de de María Rodés no teatro Jofre de Ferrol, o de Jazz Frequency Group en Vilanova e o de Os D’Abaixo en Brion.
A novidade musical da semana chéganos da man e presentada por Nastasia Zurcher.
