തൊലിനിറം എല്ലാം നിര്ണയിച്ചിരുന്ന ഒരിടത്ത് ജനിച്ച കറുത്തവനായിരുന്നു ഡെസ്മണ്ട് ടുട്ടു. ബിഷപ്പായിരുന്ന രാഷ്ട്രീയക്കാരന്; രാഷ്ട്രീയക്കാരനായിരുന്ന ബിഷപ്പ്. കറുപ്പിലും വെളുപ്പിലുമല്ല, മാരിവില് നിറത്തിലാണ് ടുട്ടു ദക്ഷിണാഫ്രിക്കയെ വിഭാവനംചെയ്തത്. എല്ലാ സംസ്കാരങ്ങളും എല്ലാ വംശങ്ങളും എല്ലാ ലൈംഗികാഭിമുഖ്യമുള്ളവരും സമത്വത്തോടെ കഴിയുന്ന 'റെയിന്ബോ നേഷന്'. മണ്ടേല ഒരിക്കല് പറഞ്ഞതുപോലെ ദക്ഷിണാഫ്രിക്കയുടെ വൈവിധ്യമായിരുന്നു ടുട്ടുവിന്റെ ആനന്ദം. തയ്യാറാക്കിയത്: സിസി ജേക്കബ്. അവതരണം: ഭാഗ്യശ്രീ. എഡിറ്റ്: ദിലീപ് ടി.ജി
