Shows
Hemmi frændi81 - Hemmi Bjarnar GautBjarni Gautur boðberi dánarfregna, kvikmyndagerðarmaður, leikari, rappari, ritstjóri, sófaeigandi og uppistandari var gestur Hemma frænda að þessu sinni. Íslenska tungan er hægt og rólega að deyja út en Bjarni hyggst bjarga henni með útgáfu Hetjumyndasagna á móðurmálinu. Boðið var upp á kaffi og egg með spjallinu sem hverri hetju sæmir sem gott kann að meta.
2023-11-201h 32
Hemmi frændi80 - Hemmi endurkemurFyrsti snjórinn fallinn, jólabjórinn kominn í bæ og Airwaves í fullum gangi. Þetta og margt fleira var ekki rætt í þessum endurkomu þætti Hemma frænda eftir langa bið ástkærra hlustenda. Sperrið eyrun og leyfið Hemmanum að flæða.
2023-11-0659 min
Hemmi frændi79 - Látt’ekki Svona Hemmi frændi - JólaþátturGleðileg jól kæru hlustendur! - Þessi þáttur er einnig í boði í MYND á Hemma frænda síðunni á Youtube! - Þessi einstaki jólaþáttur var gerður í samvinnu með uppistöndurunum góðkunnu Arnóri Daða Gunnarssyni og Þórhalli Þórhallssyni í Látt'ekki Svona. Um tuttugu mínútur inn í þáttinn verður allt rafmagnslaust af því við gerðum grín að frelsaranum. Það er auðvitað bannað og við hættum því umsvifalaust. Vonandi eigið þið gleðilega hátíð og Hemmi frændi óskar ykkur farsældar að nýju ári.
2022-12-261h 03
Hemmi frændi78 - Hemmi fær heilablóðfall með ArnóriArnór Daði Gunnarsson kom í þáttinn með litlum fyrirvara því Þórhallur Þórhallsson skrópaði. Takk Arnór. Horfið á allt stöffið hans Arnórs á VOD-inu einhversstaðar og bara gúgglið hann og eitthvað. Ekki gúggla Þórhall. Arnór kom með kerti.
2022-11-211h 16
Hemmi frændi77 - Hemmi leigir barnavörur af ÁstuFrábæra manneskjan og frumkvöðullinn Ásta Rós Árnadóttir kom og sagði Hemmunum frá fyrstu íslensku barnavöruleigunni MiniRent.is sem hún og vinkonur hennar: Ragnhildur Inga og María Sigurborg hentu í framkvæmd á aðeins þremur mánuðum! Ásta hefur reynslu af því að ferðast erlendis með ung börn og þekkir því brasið við að ferðast með barnavörur erlendis. Hún vil gera barnafólki lífið auðveldara, hvort sem þau eru á leiðinni í ferðalag erlendis eða að heimsækja Ísland og allt þar á milli. Fjölnota fullorðinsbleyjur eru því miður ekki til á l...2022-11-071h 04
Hemmi frændi76 - Hemmi fær Evu í sigtiðJussutussumelluhóra hvað framtíðin er björt í rafíþróttum nú þegar Eva Margrét Guðnadóttir er orðin formaður Rafíþróttasamtaka Íslands. Að auki er hún viðburðastjóri í Arena í Kópavogi og meistaranemi í mannauðsstjórnun og vinnusálfræði í HR (sem hún ætlar sér aldrei að vinna við). Þegar hún er að plaffa fólk í sundur heitir hún EvaSniper69 og þið getið séð hana og sveittu BabePatrol vinkonur hennar á Twitch þar sem þær eru í beinni á miðvikudögum klukkan 21:00. Ekkert sprell var í þættinum en nóg um fíflagang.
2022-10-241h 14
Hemmi frændi75 - Hemmi skorar sjálfsmarkþjálfun með ÖnnuKulnunarmarkþjálfinn og skemmtikrafturinn Anna Claessen heiðraði Hemmana með ráðum sínum og dáðum. Hún er orkumikil, veraldarvön og hefur afhent Tom Hanks Diet Pepsi. Anna og kollegi hennar Friðrik Agni eru til staðar fyrir þig í Happy Studio þar sem þau bjóða upp á leiðir til að takast á við kulnun, finna gleðina á ný og ná árangri í lífinu. Lögfræðingar Hemma frænda eru enn að ræða við lögfræðinga Önnu um hvort hún megi rukka fyrir ráðgjöfina sem hún veitti í þættinum.
2022-10-101h 24
Hemmi frændi74 - Hemmi fær Arnór 2.0Arnór Daði Gunnarsson er töluvert betri manneskja en alnafni hans sem kom síðast í heimsókn. Hann hefur verið afreksmaður frá unga aldri, snertir ekki sukk og er kominn faglega mun lengra í lífinu. Þegar hann tók rétta beygju í lífinu tók hinn Arnór ranga beygju og þær beygjur voru margar og flestar út af brautinni. Dæmi hver fyrir sig en þessi Arnór hefur greinilega fengið öll góðu genin við nafngiftina. Þetta er auðvitað engin keppni en Hemmi frændi veit núna hvaða hest hann setur peningana sína á.
2022-09-261h 19
Hemmi frændi73 - Hemmi fær Arnór - Hann bara fær hannArnór Daði Gunnarsson grínmanneskja er næs og ligeglad gestur. Honum var boðið aftur í þáttinn því hann hagaði sér vel síðast. Aðrir eldri gestir fá jafnvel ekki boð aftur. Gúgglið big, small town kid það er gott stöff.
2022-09-121h 42
Hemmi frændi72 - Hemmi kemur úr vetrarfríiArnar „leikaravinur“ Hauksson kemur í heimsókn til Hemma frænda og lætur grípa fram í fyrir sér. Strákarnir íhuga að taka upp vegan lífstíl eftir að hafa smakkað dýrindis smákökur sem maður prumpar ekki mikið af. Bjarni er að fara að missa íbúðina, Einar býr í hjólhýsi og Arnar er bara að leika sér.
2022-02-041h 22
Hemmi frændi71 - Hemmi Hugar að KatliKetill Hugi Hafdal Halldórsson heimsækir Hemma í hátíðlegu hlaðvarpi hæstánægður með hetjudáð, hárið, og hestana sína. Hressari mann í verkfræðinámi er ekki hægt að finna enda alveg með á hreinu hvað krítískur hiti og þrýstingur eru. Svo spilar hann á risavaxna fiðlu í þokkabót. Selt!
2021-02-151h 19
Hemmi frændi70 - Hemmi fær sér MC BjórAnnar þáttur Hemma frænda árið 2021 er kominn í loftið og einhverra hluta vegna er hljóðið komið í lag. Rapparinn MC Bjór, Róbert Sveinn Lárusson, heiðrar Hemmana með nærveru sinni, ræðir tónlistarferil sinn og komandi verkefni. Ef þið kunnið að meta rapp, jólin og fermingar þá er það alveg frábært en þátturinn fjallar eitthvað smá um það. Splæsið „MC Bjór“ í leitarreitinn á Spotify, Youtube eða Soundcloud til að fræðasta meira um kauða.
2021-02-011h 09
Hemmi frændi69 - Hemmi kemur úr sumarfríiEftir langa bið er Hemmi frændi loksins kominn úr sumarfríi. Ekkert sérstakt var undirbúið við endurkomuna heldur er einungis að finna sama gamla röflið. Græjurnar í Hemma frænda eru orðnar eitthvað ryðgaðar eins og heyrist á pirrandi aukahljóðunum í upptökunni. Athugið að ekki er verið að vinna að því að bæta gæðin á hljóðinu.
2021-01-111h 08
Hemmi frændi68 - Hemmi fær Kristófer í kaffiVegna tæknilegra örðugleika í mixernum hjá Hemma frænda þurfti töluverða klippingu fyrir þennan þátt. Þess vegna kemur Kristófer Þorri Haraldsson (Klipptófer) í þáttinn til að snyrta Hemmana til og segja þeim sögur úr sveitinni þar sem hann hefur gripið í margan spenann.
Hemmi frændi er nú kominn í smá sumarfrí og hlakkar til að kvelja eyru ástkærra hlustenda aftur von bráðar. Gleðilegt sumar og heyrumst síðar!
2020-08-101h 08
Hemmi frændi67 - Hemmi fær Davíð í sögurDavíð Már Gunnarson, hinn nýjungagjarni lífskúnstner, heiðrar Hemma frænda með viðveru sinni í þessum þætti. Hann er einn hressasti og jákvæðasti maður sem hægt er að finna á árinu 2020 og geislar af vinsemd og virðingu. Athugasemdir í þættinum gætu fengið þig til að brosa.
2020-08-031h 14
Hemmi frændi66 - Hemmi fær Almar í kaffiListamaðurinn Almar Steinn Atlason er gestur Hemma frænda í einum mest sextugasta og sjötta þætti sem gerður hefur verið. Almar ræðir við Hemmana um listina, tímann og Íslandspóst en á mörgu þarf að taka innan veggja skriffinskubáknsins ógurlega sem heltekið hefur sál þjóðarinnar. Þess má geta að Bjarni og Almar eru skyldir í fimmta og fjórða ættlið. Ættliði að trúa þessu?
2020-07-271h 03
Hemmi frændi65 - Hemmi fær skoðun hjá ValgerðiAf einskærri manngæsku heimsækir Valgerður Briem Magnúsdóttir Hemma frænda og segir frá ævintýrum sínum um heim allan. Valgerður er hrædd um að barnaverndarstofa taki af henni son sinn vegna viðtalsins og er hún því flutt til Noregs þar sem þau mæðgin eru óhult fyrir oti þeirra og poti.
2020-07-201h 10
Hemmi frændi64 - Hemmi fær lánaðan súpupottHann er kominn aftur til Hemma frænda. Grallarinn, brallarinn og súpumallarinn Gunnar Þór Böðvarsson. Ævintýrin sem einn maður getur lent í eru með ólíkindum og fá Hemmarnir að heyra allt um þau. Verði ykkur að góðu.
2020-07-131h 05
Hemmi frændi63 - Hemmi ferðalangar í sumarfríFerðalangurinn Elísabet Ýr Guðjónsdóttir kemur aftur í heimsókn til Hemma frænda en hún er betri helmingur víðförla dúósins @twotravellingidiots. Hlutir, fólk og staðir verða ræddir í þættinum og er því lítið frá brugðið fyrir elskulega aðdáendur þáttarins.
2020-07-061h 13
Hemmi frændi62 - Hemmi fær Gná í spjallÍ forsvari fyrir unga fólkið í landinu er Gná Elíasdóttir Tik Tok stjarna. Hún kann að olla á bretti, kann alls konar skammstafanir og segist hafa verið markvörður FC Barcelona á yngri árum sem er helber lygi. Við bjóðum hana samt velkomna og heyrum hvað unga fólkið er að gera þessa dagana.
2020-06-291h 24
Hemmi frændi61 - Hemmi Ólar ArnarTónlistarmaðurinn Holy Hrafn er við það að gefa út nýja plötu og leyfir okkur að fá smakk af henni í seinni hluta þáttarins. Arnar "leikaravinur" Hauksson fær að vera með og segir já og einmitt allan þáttinn. Annars erum við bara að tala um allt og ekkert eins og venjulega hjá Hemma frænda.
2020-06-221h 33Hemmi frændi60 - Hemmi sextugurÞegar Hemmi frændi hleypur á tug má alltaf vænta þess að minnsta mögulega orka fór í gerð þáttarins enda eru Hemmarnir að þessu sinni bara að tuða við hvorn annan um allt og ekkert að venju. Bjarni fær vinnu hjá Reykjavíkurborg og getur ekki haldið kjafti á meðan Einar hefur voða lítið að segja.
2020-06-221h 08
Hemmi frændi59 - Hemmi spjallar við SólborguHún er að læra lögfræði, gefa út bók og tónlist með hægri hendinni á meðan hún tekur á móti verðlaunum og berst fyrir réttlátara samfélagi með vinstri hendinni. Svo situr þú og tuðar af því þér finnst árið 2020 vera aflýst. Sólborg Guðbrandsdóttir fórnaði smá tíma úr lífi sínu til að koma í létt spjall og heiðraði Hemma frænda með nærveru sinni.
2020-06-081h 10
Hemmi frændi58 - Hemmi hlustar á IsaacIsaac Jameson er gestur Hemma frænda að þessu sinni og ræðir hann m.a. hvernig tónlistin hefur hjálpað honum í gegnum erfiðleika lífsins. Síðasta föstudag gaf hann út sína fyrstu hljómplötu á Spotify: Forest, undir sínu nafni þar sem hann spreytir guðdómlega söngrödd sína og fagran gítarleik.
2020-06-011h 53
Hemmi frændi57 - Hemmi grillar í AgliEgill Karel Logason kemur í annað sinn til Hemma frænda vopnaður nákvæmlega einni spurningu sem er ekki stolin frá Hemmunum í stað þess að spyrja þá spjörunum úr líkt og planið var upprunalega. Þátturinn reddast samt alveg því Egill er hress gæji og flottur strákur.
2020-05-251h 19
Hemmi frændi56 - Hemmi Óskar sérEinn helsti meðlimur fellgönguhópsins Fellingarnar, Óskar Logi Ágústsson, er svo rausnarlegur að koma í heimsókn til Hemma frænda. Hann talar lítið um fellgöngur en alveg slatta um hljómsveit sína The Vintage Caravan í hverri hann leikur á gítar, syngur og semur lög fyrir. Óskar er með geggjaðan fatasmekk og er rauðhærður.
2020-05-181h 48
Hemmi frændi55 - Hemmi hittir MóuMóeiður Sif Skúladóttir er að reyna að komast í ræktina, keppa í fitness og verða flugfreyja en staðan í heiminum er ekki henni í hag. Þess í stað útbýr hún sína eigin rækt í bílskúrnum, viðheldur mataræðinu af mikilli yfirvegun þangað til fitnesskeppnin verður haldin og bíður þolinmóð eftir atvinnutækifæri. Hún á sætan hund og bros sem drepur.
2020-05-111h 05
Hemmi frændi54 - Hemmi Gunn-ar sig í gangHvað hefur þú farið á marga tónlistar- og/eða skemmtanaviðburði erlendis? Ekki jafn marga og orkuboltinn Gunnar Hjörtur Baldvinsson sem hefur ferðast um víðan völl og prófað ein villtustu partý sem jörðin hefur upp á að bjóða. Hann tók veiruvánna í nösina og skipulagði dagskrá fram í tímann svo hann hefði eitthvað skemmtilegt að gera hvern dag í þessu skítaástandi. Flottur strákur sem fýlar Vikings og Starwars en það er bara hann.
2020-05-041h 14
Hemmi frændi53 - Hemmi bragðar á sósuÍ þessum þætti svamla Hemmarnir í gegnum ýmsar pælingar eftir að hafa smakkað sterka sósu sem var svo ekkert svo sterk. Annars bara eitthvað raus um kúk og dauðann. Þið vitið alveg hvað þið eruð að fá þegar þið veljið Hemma frænda sem áhlustunarefni.
2020-04-2752 min
Hemmi frændi52 - Hemmi afmælar sigÞá er komið ár frá því að Hemmi frændi rann fyrst í hlað og vegna fjölmargra eftirspurna mun koma í ljós hvers vegna þátturinn ber það nafn. Arnar „Leikaravinur“ Hauksson kemur í spjall og hver veit nema Hemmarnir hleypi honum að í samtalið að þessu sinni. Goðsagnakennda atvikið á Ship Anson í starfsmannaferð Isavia til Portsmouth árið 2018 verður reifað í þættinum og Davíð Þór „Toolshed“ Logason, stærsta vitnið í málinu, leysir loks frá skjóðunni um hvað raunverulega átti sér stað innan veggja skemmtistaðarins þetta örlagaríka kvöld.
2020-04-2054 min
Hemmi frændi51 - Hemmi í einangrunÍ þessum gestalausa þætti Hemma frænda ræða Bjarni og Einar um typpalækna, atvinnumál og samfélagið á þessari ögurstundu þar sem Covid-19 heldur öllum í heljargreipum.
2020-04-131h 00
Hemmi frændi50 - Hemmi hittir Konna GottaErtu í atvinnuleit en enginn vill ráða þig til starfa? Ert jafnvel með flekklausa ferilskrá, hefur sótt Dale Carnegie námskeið og með meðmæli frá Forsetanum? Þá viltu heyra sögu Konráðs Gunnars Gottliebssonar sem varð einn eftirsóttasti starfskraftur landsins vegna örlagaríks myndbands. Konni Gotta sækir ekki um störf heldur sækja störfin um Konna Gotta. Tjekkið á honum á samfélagsmiðlum undir nafninu konnigotta.
2020-04-061h 08
Hemmi frændi49 - Hemmi hótar ArnóriArnór Daði Gunnarsson er frá Hauganesi. Hann er kannski ekki færasti uppistandarinn samkvæmt dómnefndinni á Íslandsmótinu í uppistandi 2020 en hann er að minnsta kosti flottur strákur.
2020-03-301h 36
Hemmi frændi48 - Hemmi Mixar MaggaÞegar maður leitar ráða sækir maður í reynslu. Maggi Mix, ein reyndasta og langlífasta samfélagsmiðlastjarna Íslands, heiðrar Hemmana með nærveru sinni og segir þeim sögur um líf sitt og störf í þágu þjóðarinnar.
2020-03-232h 01
Hemmi frændi47 - Hemmi spennir GreipGreipur Hjaltason vann Íslandsmótið í uppistandi árið 2020. Hann er næstum tveir metrar á hæð, vinnur á frístundaheimili (ekki leikskóla) og er stundum fyndinn. Beðist er velvirðingar á öskurhlátri í þættinum.
2020-03-161h 43
Hemmi frændi46 - Hemmi Helgar sig ÁstuÞau koma færandi hendi í þáttinn með Durian konfekt og Kopi Luwak kaffi sem fær misgóðar undirtektir Hemmanna. Ásta Rós Árnadóttir og Helgi Arason hafa marga fjöruna sopið víðs vegar um hnöttinn og segja okkur meðal annars frá Asíureisunni sem þau fóru í ásamt 7 mánaða dóttur þeirra fyrir skömmu. Ef þú finnur lykt af blautum sokkum er það bara daunninn af Durian konfektinu að smitast í gegnum hljóðkerfið þitt.
2020-03-091h 17
Hemmi frændi45 - Hemmi fær Telmu í sögurHvernig er að leika berbrjósta í bíómynd, missa fullorðins framtennurnar og fá boð frá áströlskum hlutabréfabraskara um að koma hinumegin á hnöttinn í rómantíska heimsókn? Leikkonan Telma Huld Jóhannesdóttir segir okkur frá nokkrum af þeim fjölmörgu ævintýrum sem hún hefur lent í á lífsleiðinni. Þið finnið meira um Telmu á vefsíðu hennar https://www.telmajoa.com.
2020-03-021h 25
Hemmi frændi44 - Hemmi hremmir Holy HrafnHann er tónlistarmaður, pin númerið hans er einhver útgáfa af 7-9-13 og honum finnst Einar vera hnyttinn. Farðu á Spotify eða Youtube til að heyra mergjaða tónlist Holy Hrafns en hlustaðu samt fyrst á þáttinn. Þess vegna ertu hérna auðvitað. Nema þú lesir alltaf bara lýsinguna á þættinum og ferð síðan einhvert annað. Það væri virkilega furðulegt bara svo þú vitir.
2020-02-241h 16
Hemmi frændi43 - Hemmi fer með Sólimann í siglinguÁgúst Thór Sólimann er skipstjórinn á skútunni Jón Guðmundsson. Undanfarin ár hefur hann verið á siglingu um Atlants-, Miðjarðar- og Eyjahaf þar sem hann hefur boðið fólki að slást í för með sér til að læra að sigla skútu eða einfaldlega njóta lífsins á fallegum stöðum. Gústi segir okkur frá ferðalögum sínum og hvernig hann fékk þá hugmynd að leggja í þetta ævintýri. Áhugasamir geta pantað ferðir á Facebook síðunni hans Solimann Sailing eða skoðað myndir á Instagram reikningnum solimannsailing.
2020-02-1758 min
Hemmi frændi42 - Hemmi fær Inga í heimsóknIngi Eggert Ásbjarnarson er einn fremsti söngnemi Reykjanesbæjar um þessar mundir. Hann hefur leikið í stórverkum á borð við Benjamín dúfa, Flags of our fathers og nú nýlega Fiðlarinn á þakinu í útsetningu tónlistarskóla Reykjanesbæjar. Ef þið nennið að hlusta fram að miðju eru smáuglýsingar að finna þar. Getið líka spólað bara. Hlustið samt endilega á allan þáttinn.
2020-02-101h 10
Hemmi frændi41 - Hemmi Helgar sig bardagaíþróttumÞegar Helgi „Flex“ Rafn Guðmundsson er á svæðinu er alltaf mikil orka í loftinu. Jafnvel latasta fólkið finnur fyrir lífskraft þegar hann er nálægt enda er hann með viðkunnanlegustu, jákvæðustu og afkastamestu mannverum jarðarinnar. Hemmi frændi sóar viðtalinu auðvitað í einhverja vitleysu eins og venjulega enda hefur hún verið einn helsti burðarbiti þáttarins frá upphafi.
2020-02-031h 10
Hemmi frændi40 - Hemmi fær Turbo í chatÞórir „TurboDrake“ Viðarsson segir Hemmunum frá heimi rafíþrótta og starfi sínu sem formaður rafíþróttadeildar KR. Þórir hefur lengi verið viðriðinn rafíþróttabransann á Íslandi og þekkir inn á alla helstu tölvuleikina sem keppt er í. Í lok þáttarins fá hlustendur að heyra lagið bangsapabbi eftir Þórir sem er án efa besta lag sem hefur verið spilað í Hemma frænda á árinu 2020.
2020-01-271h 06
Hemmi frændi39 - Hemmi fær Rakel í sögurÓlátabelgurinn Rakel Ólöf Andrésdóttir kemur til Hemma frænda og segir sögur úr æsku sinni sem líkjast frekar skáldsögubútum eftir Astrid Lindgren en raunverulegu lífi. Smáuglýsingarnar eru komnar aftur eftir fjölmargar eftirspurnir og þátturinn byrjar á þvaðri hjá Bjarna og Einari um lasertag og hvor þeirra ætti að vera krýndur skyndihjálparmaður ársins.
2020-01-201h 11
Hemmi frændi38 - Hemmi fær Ellen í heimsóknLoksins loksins! Ellen Austmann, aðdáandi og auglýsandi Hemma frænda númer eitt, er mætt til að ræða mikilvæg málefni líðandi stundar og gleðjast með Hemmunum á nýju ári. Ekki missa af þessum. Eða þúrst, gerðu bara það sem þú vilt en það væri frábært ef þú myndir hlusta á þennan. Takk.
2020-01-131h 12
Hemmi frændi37 - Hemmi fær köttinn í kaffiFlugvirkinn og fréttahaukurinn Guðmundur Hallur „kötturinn“ Hallsson kemur í nýjárskaffi til Hemma frænda. Deiglan, flugvirkjun, trommusláttur og margt fleira er til umræðu í þættinum.
2020-01-0658 min
Hemmi frændi36 - Hemmi áramótar MaggaMagnús Bjarni Gröndal er gestur í áramótaþætti Hemma frænda 2019-2020. Hann er með sólóverkefnið Mighty Bear og er einnig söngvari/gítarleikari post-metal bandsins We Made God. Maggi er talinn af mörgum vera hressasti gestur Hemma frænda ársins 2019.
2019-12-301h 38
Hemmi frændi35 - Hemmi fær Gunna í jólapeysuGunnar Þór Böðvarsson er gestur í jólaþætti Hemma frænda. Hann segir okkur frá íkornum, Kínverjum og tölvuleikjanámi í Noregi. Óstaðfestar heimildir um Jesú Krist koma fram í þættinum sem eru að öllum líkindum fleipur og málræpa.
2019-12-231h 02
Hemmi frændi34 - Hemmi fær Tönyu í jólaölTanya Lind Pollock ræðir við Hemma frænda um seiðlist, tónlist, jólin, páskana og líf sitt. Mosi sonur hennar og Gunnar Ragnar Sveinbjörnsson kærasti fá að segja nokkur orð líka.
2019-12-161h 37
Hemmi frændi33 - Hemmi fær Egil í heimsóknEgill Karel Logason er gestur Hemma frænda að þessu sinni. Hann er einn af fáum aðdáendum þáttarins sem fær að koma og sjá undir huluna hjá Hemma frænda og spyrja þáttastjórnendurna spjörunum úr en Bjarni fer einmitt úr buxunum í þættinum.
2019-12-091h 27
Hemmi frændi32 - Hemmi fær Munda í teGuðmundur „Mundi“ Hauksson virðir neysluhyggjuna að vettugi. Hann gaf allar eigur sínar og ferðaðist erlendis til að finna sjálfan sig. Við fáum að heyra sögu Munda og spjöllum um hugleiðslu, jóga og sjökrur.
2019-12-021h 39
Hemmi frændi31 - Hemmi fær Þorgerði í orkudrykkÞorgerður María Þorbjarnardóttir hefur engan tíma til að gera neitt því hún eyðir honum öllum í að gera eitthvað annað. Hún gaf Hemmunum þó fórnfúslega hluta af degi sínum til að segja þeim frá umhverfismálum nútímans og einhverju fleira skemmtilegu. Í þessum þætti er einhver leikur í gangi þar sem þú þarft að giska á hljóðið. Allt voða spennandi.
2019-11-2557 min
Hemmi frændi30 - Hemmi hjarta ArnarArnar leikaravinur Hauksson kíkir í orkudrykkjasmökkun til Hemmanna. Það er ekkert sérstakt til umræðu í þættinum eins og venjulega en hlustendur ættu að vera búnir að komast að því núna hvað þetta eru allt samhengis- og stefnulausir þættir. Njótið.
2019-11-181h 17
Hemmi frændi29 - Hemmi kynnist ÁsrúnuÁsrún Mjöll er gestur okkar í allra besta þætti Hemma frænda hingað til. Hún hefur áhuga á klifri, ferðalögum og sjálfbærum lífstíl. Ásrún hefur ferðast einsömul á mótorhjóli þvert yfir Evrópu, sótt tantra námskeið í Noregi og safnar frímerkjum. Áhugaverðari manneskju er vart hægt að finna norðan Alpafjalla.
2019-11-111h 15
Hemmi frændi28 - Hemmi Me GustaÞegar heimspekingurinn Gústav Adolf Bergmann Sigurbjörnsson kemur í heimsókn til Hemma frænda veit maður að hlaðvarpið er komið á hærra stig. Gústi ræðir við Hemmana um hvernig skal tækla öll þau vandamál sem plaga íslensku þjóðina sem og önnur mikilvæg málefni.
2019-11-041h 32
Hemmi frændi27 - Hemmi fær í magannDouble dragon, pabbabrandarar, kampavín opnað með stæl, saumakennsla, Búdapest, björgunarsveitarferð og margt annað æðisgengið er rætt í þættinum. Beðist er velvirðingar á geispi sem kann að heyrast í Hemmunum.
2019-10-2856 min
Hemmi frændi26 - Hemmi hittir ÆvarGestur þáttarins er lífskúnstnerinn Ævar Már Ágústsson sem er búinn að halda titilnum þriðji fyndnasti maður Íslands síðan 2012. Ævar gekkst undir hnífinn í apríl á þessu ári í hjáveituaðgerð í Lettlandi. Síðan þá hefur hann misst um þriðjung af líkamsþyngd sinni en ekki örðu af kímnigáfunni. Ævar segir okkur frá lífi sínu og ferðalögum sem eru mun skemmtilegri en ykkar hlustenda.
2019-10-211h 26
Hemmi frændi25 - Hemmi í háskerpuNýju hljóðnemarnir eru loksins tengdir og til að prófa nýju uppsetninguna er rætt björgunarsveitina, vinnuvélablæti, B-12 skort, Costco verslunarferð, ljónapíkur og margt fleira. Leynigestur með sexy rödd hringir óvænt í Hemmana. Þátturinn hljómar eins og silki.
2019-10-1459 min
Hemmi frændi24 - Hemmi afsakar hvað hann kemur seintEinar er kominn aftur til landsins með hversdagslegar sögur frá Bandaríkjunum. Bjarni er búinn að kaupa ný föt sem hann gleymdi alfarið að ræða í þættinum. TSA, Jókerinn, Sturgill Simpson, þorsti, þvaglosun í sturtu og Ellen verða rædd í þættinum. Beðist er velvirðingar á seinkomu þáttarins sem er alfarið Einari að kenna.
2019-10-081h 07
Hemmi frændi23 - Hemmi kíkir til ArnarsÁ meðan Einar er í Bandaríkjunum hefur Arnar „leikaravinur“ Hauksson leyst hann af hólmi. Arnar fær lítið að koma orðum að í þættinum vegna munnræpu úr Bjarna en þeir ná þó að ræða draumaspuna, Rambo, tyrkneska sjónvarpsþætti, Stewart Lee og heimspekilegar tilvistarpælingar. Restin af þættinum fer í leikina „Arnar giskar“ og „Bjarni! Hvort myndirðu frekar?“ sem voru nánast fundnir upp á staðnum.
2019-09-301h 39
Hemmi frændi22 - Hemmi fær Bergdísi í teSjúkrahústrúðurinn Bergdís Júlía Jóhannsdóttir er gestur Hemma frænda að þessu sinni. Hún er menntuð í leiklist úr Rose Bruford í Bretlandi og einnig sem leiklistakennari úr Háskóla Íslands. Nýjir hljóðnemar eru á leiðinni og Einar hyggst halda ræðu í Bandaríkjunum. Fjörið endar ekki.
2019-09-231h 27
Hemmi frændi21 - Hemmi fær Kristján í heimsóknAð þessu sinni fær Hemmi frændi Kristján "Heimsfara" Kristjánsson í heimsókn þar sem meðal annars er rætt ferðalag hans til Norður-Kóreu fyrr á þessu ári. Kristján hefur áhuga á að ferðast til vafasamra landa og kynnast þar menningu og staðháttum og lætur það hljóma eins og það sé minnsta mál. Áhugasamir geta lesið bloggfærslur og séð myndbönd frá ferðalögum Kristjáns í gegnum tíðina á www.interestingworld.info en hann hefur ferðast til 85 landa þegar þetta hlaðvarp fer á veraldarvefinn.
2019-09-161h 49
Hemmi frændi20 - Hemmi tautarÍ þessum þætti er mikið um taut. Kommentakerfi fjölmiðlanna eru tekin fyrir og er það í raun eina sem er boðið upp á í þessum tuttugasta þætti Hemma frænda. Gæti það verið betra? Já alveg pottþétt.
2019-09-091h 07
Hemmi frændi19 - Hemmi fær Aron í heimsóknEftir gott spjall um daginn, veginn og mannann kemur heljarmennið Aron Friðrik Georgsson í heimsókn til Hemma frænda. Í þessum nær tveggja tíma langa þætti er rætt um lyftingar, mataræði, bifreiðar, bíómyndir og allt þar á milli.
2019-09-021h 57
Hemmi frændi18 - Hemmi fær Arnar í heimsóknArnar Hauksson leikaravinur Hemma frænda kemur í heimsókn í seinni hluta hlaðvarpsins og ræðir listir, leik og lífið. Í fyrri hlutanum má heyra opið bréf Hemma frænda til Neytendastofu og ýmislegt annað tuðlegt.
2019-08-261h 08
Hemmi frændi17 - Hemmi fer í bíóLykilorð þessa þáttar eru hinsegin dagar, frolf, Tarantino og gönguskór. Einar ropar í þættinum.
2019-08-1957 min
Hemmi frændi16 - Hemmi kommentarÞað styttist í jólin greinilega. Einar segir okkur frá ferðalagi sínu efst vinstra megin á landinu og filsan er rædd sem viðskiptahugmynd. Allur seinni helmingur þáttarins fer í að gera grín af athugasemdum fólks í athugasemdakerfum íslenskra fréttamiðla.
2019-08-121h 19
Hemmi frændi15 - Hemmi verður hressEinar sagði að Hemmarnir yrðu að vera aðeins hressari í þættinum, þannig þeir ræddu Chihuahua niðurgang, týndan tónlistarmann frá Danmörku, útihátiðir, Ginnzfest og fylleríssögur. Það gerist ekki hressara en það.
2019-08-051h 08Hemmi frændi14 - Hemmi fær sér KFCErfitt er að njörva niður nákvæmlega hvað rætt er í þættinum án þess að telja upp svona 300 mismunandi umræðuefni en fyrir utan tuð og taut kynnir Hemmi nýjan dagskrárlið sem fjallar um að borða mat og spjalla á sama tíma. Að þessu sinni snæddu Hemmarnir KFC máltíð. Varað er við smjatthljóðum í þættinum.
2019-07-291h 12
Hemmi frændi13 - Hemmi fær Elfar í kaffiÞrettándi þátturinn byrjar á röfli að venju með smá spúkí ívafi. Gestur þáttarins er Elfar Þór grínisti, hlaðvarpari og kvikmyndaböff. Elfar segir okkur frá lífi sínu í leik og starfi sem hann reynir eftir fremsta megni að lifa með kærleik gagnvart náunganum. Þið getið fundið hlaðvarp Elfars: Endalaus óviska á iTunes, Spotify og Stitcher eða séð það í myndbandsformi á Facebook: www.facebook.com/EndalausOviska/. Varað er við miklum og háværum hlátri í þættinum.
2019-07-221h 58
Hemmi frændi12 - Hemmi fær Árna í heimsóknHefðbundið smjatt í þessum þætti að viðbættum nýja dagskrárliðnum: falsfréttir. Árni Jóhannsson skjalavörður kíkir í heimsókn og ræðir meðal annars ævintýrin sem gerast á þjóðskjalasafni Íslands. Fjórðungur, hlaðvarp Árna um íslenskan körfubolta, má finna á: https://www.buzzsprout.com/226644/ og twitter nafnið hans er: @arnijo. Í lok þáttarins syngur Einar fyrir okkur With arms wide open með Creed í blindu Karaoke.
2019-07-151h 29
Hemmi frændi11 - Hemmi finnur ástinaÍ þessum þætti er hefðbundið vikuspjall og nýji dagskrárliðurinn „Sönn íslensk ástarmál“ er kynntur til leiks. Þá gera Hemmarnir tilraun til að kryfja íslenska ástarlagatexta til að finna út hvað ást er í raun og veru. Í bláendann flytur Bjarni "blint karaoke" á Robbie Williams laginu Angels.
2019-07-081h 10
Hemmi frændi10 - Hemmi fær Ella í heimsóknElías Örn Friðfinnsson kokkur og sprelligosi kemur í heimsókn til Hemma frænda. Hann er að fara af stað með matvagninn Taco Bless í Reykjanesbæ sem er að verða klár í slaginn von bráðar fyrir svanga taco-unnendur.
2019-07-011h 10
Hemmi frændiHemmi kafar dýpraBólstruð herðatré, samsæriskenning um einn ástsælasta söngvara þjóðarinnar og þriðji hluti útvarpsleikritsins vinsæla eru á dagskrá Hemma frænda að þessu sinni. Í blálokin fá hlustendur að heyra dubstep útgáfu af Eventyr eftir raftónlistarmanninn Tæknijens ft. SkífuÞeytir SkransX.
2019-06-2456 min
Hemmi frændiHemmi haldinn hátíðlegurÍ þjóðhátíðarþætti Hemma frænda er rædd áhugaverð púttferð, þrítugsafmælisgjöf Búffa Pulsu og hvers vegna Íslendingar halda upp á 17. júní. Spurningunni um af hverju nef á hundum eru alltaf blaut er loksins svarað og þátturinn endar með fallegu Karaoke í tilefni dagsins.
2019-06-171h 02
Hemmi frændiHemmi byrjar að bullaÞriðji orkupakkinn, þungunarrofsfrumvarpið og samdráttur í ferðaþjónustu verður ekki til umræðu í sjöunda þætti Hemma frænda. Hins vegar verða flutt ljóð, rætt stóra tannlæknasamsærið og bullað um lítt mikilvæg málefni.
2019-06-0953 min
Hemmi frændiHemmi fer á ÞingvelliSjötti þáttur Hemma frænda er tekin upp á Þingvöllum í þetta skiptið og fáum við að heyra ferðasögur af Grikklandi frá Elísabetu Ýr og Einari. Það var víst mikið af ævintýrum og allt morandi í kínverskum ferðamönnum. Bjarni fær að tuða smá í þættinum. #freethelegs
2019-06-021h 20
Hemmi frændiHemmi fer til GrikklandsHemminn tvístrast í þessum fimmta þætti Hemma frænda. Einar er farinn á vit ævintýranna í Grikklandi á meðan Bjarni er heima að bora í nefið. Hemmi hringir í Einar og fær allt helsta skúbbið, auglýsingarnar eru á sínum stað, spurt verður almúgann um hvaða ofurkrafta hann myndi vilja og annar hluti útvarpsleikritsins: "Ástir og álfelgur" er fluttur.
2019-05-2659 min
Hemmi frændiHemmi hlustar á tónlistÍ þættinum er kynnt plötuna Fortíðar framfarir frá sirka 2005 sem er frumraun raftónlistarmannsins Tæknijens. Þátturinn byrjar sem þurr plötukynning og gagnrýni sem vindur upp á sig og verður epísk saga um tímaflakkara sem lendir í ævintýrum víðsvegar um heiminn og tímans rás í leit sinni að lækningu fyrir dauðvona elskhuga sinn. Tónlist í þættinum er ekki við hæfi neinna.
2019-05-1956 min
Hemmi frændiHemmi flytur leikritÍ þessum þriðja og jafnframt langbesta þætti Hemma frænda til þessa er frumflutt leikritið Eggjandi Alpar. Hemmi býður einnig upp á vikurant, auglýsingar og spjall um kaffi og ferðalög. Athugið að efni í þættinum er ekki við hæfi alvarlegra.
2019-05-1253 min
Hemmi frændiHemmi hittir Mónu LeuÍ þessum besta þætti Hemma frænda af tveimur mun gesturinn Móna Lea fræða hlustendur um vöruhönnun, veiðimennsku og hvort kúkur sé í raun og veru vegan. Vikurantið, áskorunin og grínauglýsingarnar eru á sínum stað. Beðist er velvirðingar á bankhljóðum sem heyrast í þættinum.
2019-05-051h 40
Hemmi frændiHemmi frændi rúllar af staðÍ þættinum er reifað atburði liðinnar viku hjá Bjarna og Einari. Umræðuefni dagsins er "síðasta máltíðin" sem er einnig hluti af spurningu vikunnar þar sem gengið er á mann og annan og spurt viðmælendur spjörunum úr. Grínauglýsingar eru lesnar í þættinum sem eiga engar stoðir í veruleikanum heldur eru aðeins til gamans gerðar.
2019-05-0258 min