Hismið Hlaðvarp - Podcast Details

Shows

Hismið hlaðvarpHismið - Allt hey heim í hlöðuHismið mætir í síðasta sinn saman í höfuðstöðvum þáttarins og ræðir meðal annars um undirbúning live shows og lokaþáttinn í næstu viku. Farið er yfir vinnubrögð í unglingavinnunni, stöðuna á miðunum, hvalveiðar og árásir Sea Shepard samtakanna á hvalveiðaflota Kristjáns Loftssonar árið 1986. Grétar fer yfir kaup sín á Costco korti og greiningu á hrávörumarkaði og við förum yfir hvers konar alpha-hundar veljast í að vera formenn íþróttafélaga.2022-06-231h 00

Hismið hlaðvarpHismið - Stjórnmálin eru eins og gamanleikurHismið fær engan annan en Sigtrygg Magnason, hinn íslenska Kasper Juul, í settið og ræðir sigurgöngu Framsóknarflokksins að undanförnu og landslagið í pólitíkinni yfir höfuð, nekt, hlaup og jóga og kónginn í Boston.2022-06-091h 00

Hismið hlaðvarpHismið - Hvítur Monster í EyjumÍ Hismi vikunnar förum við yfir atlögu að virðingu Alþingis, prófkjör í Eyjum þar sem Hismið lýsir í fyrsta sinn opinberlega yfir stuðningi við frambjóðenda, söluna á Íslandsbanka og stöðuna í Úkraínu. Þá fara umsjónarmenn yfir umdeildar myndir sem birtust af þeim á Smartlandinu í vikunni. 2022-03-241h 14

Hismið hlaðvarpHandkastið snýr aftur. Og Hismið.Hismið snýr aftur á nýju ári, og gerir upp brimrót síðustu viku þegar þátturinn féll óvænt niður. Þá förum við yfir handboltann, sem er aftur orðinn þjóðaríþrótt Íslendinga og óvæntan utandeildarferil Grétars, bæjarstjóramálin í kraganum, upprisu gingseng kóngsins, og uppáhald allra - Covid.2022-01-201h 10

Hismið hlaðvarpHismið - Íslendingar elska að hringja beint í stjórnmálamennHismið fer yfir það helsta úr vikunni, stórafmæli Heimis Karlssonar úr Bítinu og nýtt lag sem hann kynnti til leiks við það tilefni sem heitir Ó góði Jesús, bólusetningarvegabréfin, förum yfir mikla grein um unglingadrama hjá bresku pari, manninn sem steig fram og taldi sig draumaprins Lindu Pjé sem DV pikkaði upp, nálægðina á Íslandi við stjórnmálamenn og frægt fólk, mikið tvít forsetans á þýsku og grein um stafrænt ferðalag LinkedIn-atvinnulífsins.2021-03-181h 05

Hismið hlaðvarpHismið - Kristján Már í beinni hangandi úr þyrluÍ viku hamfara og jarðhræringa fær Hismið Þorbjörg Sigríður Gunnlaugsdóttur, stúdent í jarðfræði, í settið til að greina stöðuna með yfirveguðum hætti. Við förum yfir nýjar sjónvarpsstjörnur úr hópi jarðvísindamanna, fréttamenn í þyrlum, hamfarablæti þjóðarinnar og hvernig við þurfum að fá stöðugar fréttir um sviðsmyndir og helstu nýyrði, eins og óróapúls og kvikuinnskot. 2021-03-041h 05

Hismið hlaðvarpHismið - Listin að vera erfiður á fundumHismið er tekið upp að kveldi til og fer yfir áhrifavaldaferð Árna og Birgittu Lífar til Akureyrar, hrifnæma Borgartúnsketti, sterkan Mogga sem er að henda sér í nýmiðlunarleikinn undir áhrifum Churchill, firnasterka og bandaríska yfirlýsingu frá Lyin' Ted Cruz, geðvonda bæjarstjóra og listin að vera erfiður á fundum. 2021-02-191h 22

Hismið hlaðvarpHismið - Málsvörn HismisinsÍ Hismi vikunnar förum við yfir valdaskiptin í Bandaríkjunum, mikla grein í Morgunblaðinu þar sem vinstri menn eru greindir, fullyrðingar þess efnis að endurskoðendur séu hressir, kaup Kaupfélags Skagfirðinga á Metro og bók sem Hismið getur ekki beðið eftir að lesa; Málsvörn Jóns Ásgeirs Jóhannessonar.2021-01-211h 06

Hismið hlaðvarpHismið - Að nikka mikilmenniÍ Hismi vikunnar förum við yfir væntanlegt bóluefni, ungverskan þingmann sem stendur fyrir íhaldsöm gildi en var gripinn í orgíu með 25 öðrum mönnum, Hannes Hólmstein sem tók upp hanskann fyrir Margaret Thatcher í vikunni, smá vesen í bókhaldi Pírata og rifjum upp þegar Grétar hitti knattspyrnumanninn Francesco Totti og Árni tók í hendina á frú Thatcher. 2020-12-031h 13

Hismið hlaðvarpHismið - Í beinni frá fyrirheitnalandi G-mannsinsHismið hringir til Stokkhólms í þætti vikunnar og fær sóttvarnaraðgerðir Anders Tegnell og félaga beint í æð frá Önnu Margréti Gunnarsdóttur, atvinnulífskonu í Stokkhólmi, en hún segir okkur af stemmningunni í fyrirheitna landinu. Í síðari hluta þáttarins er hefðbundið gas frá þáttastjórnendum um stöðu mála og hvernig mismunandi samfélagsmiðlar krefjast þess að mismunandi nálgun sé beitt.2020-11-271h 06

Hismið hlaðvarpHismið - Bóluefninu verður dreift með BylgjulestinniÍ þætti dagsins er farið yfir víglínur í tenglsum við sóttvarnaraðgerðir og nýjan hóp efasemdarfólks sem hefur verið stofnaður, hvernig bóluefninu verður dreift hér á landi og annars staðar, t.d. í Bandaríkjunum þar sem búið er að fá herinn í málið og setja upp rándýran titil á verkefnið. Þá er fjallað um mikið verkefni hjá Evrópusambandinu við að endurgera lykt í borgum frá því á miðöldum. 2020-11-191h 08

Hismið hlaðvarpHismið - Blaðamannafundur hjá Bílamálun Ásgeirs Hilton NordicaÍ Hismi vikunnar förum við yfir góðar fréttir af bóluefni, stöðuna í Bandaríkjunum og stórkostlegan blaðamannafund framboðs Trumps, vönduð sængurföt, árekstur raunhagkerfisins og Landverndar ásamt því að kynna nýja nálgun á að leysa ágreiningsmál.2020-11-121h 16

Hismið hlaðvarpHismið - Fagleg yfirferð yfir kosningarnar í USAÍ Hismi vikunnar fáum við sérfræðing þáttarins í bandarískum stjórnmálum, Magnús H. Magnússon, til að fara faglega yfir stöðuna eftir kosningarnar. Þá ræðum við auglýsingu eldri borgara á upplýsingafundum almannavarna, heimsókn Grétars í raunhagkerfið og kynnum stoltir til leiks nýja samstarfsaðila. 2020-11-051h 03

Hismið hlaðvarpHismið - Trump-skólinn: Aldrei lítill, aldrei sorryÍ Hismi vikunnar förum við yfir hertar sóttvarnir sem hafa verið boðaðar og minnisblöð sóttvarnalæknis sem eru lengi í smíðum og skoðun, veirumótmæli, Bjössa í World Class sem stóð í lappirnar í vikunni að hætti gamla skólans, kosningar í Bandaríkjunum og ólíkindatólið Trump, opnun Dýrafjarðarganga og kynnum til leiks fyrsta gjafaleik Hismisins. 2020-10-2950 min

Hismið hlaðvarpHismið - GIF-örlög íslenskra stjórnmálamannaFanney Birna Jónsdóttir, fjölmiðakona og umsjónamaður Silfursins, er gestur okkar í þætti vikunnar og fer yfir magnaða viku með okkur. Jarðskjálftinn, misrólegir stjórnmálamenn, lögreglan í brimrótinu, sóttvarnaraðgerðir og sundrung, frábæra atvinnuauglýsingu frá ORA, og uppáhald þáttarins; aðsendar greinar í Mogga frá eldri mönnum sem boða lausnir, ásamt mörgu öðru. 2020-10-221h 13

Hismið hlaðvarpHismið - Kísilbræðsluofninn Ísabella og Fróði flokkariÍ Hismi vikunnar förum við yfir nokkra litla skandala sem virðast dúkka upp á hverjum degi, hvort sem það eru stjórnmálamenn í golfi eða knattspyrnumenn að faðmast, deilur miðbæjarelítunnar vegna sjálfsafgreiðslukassa, nýjan fjölmiðil sem þorir meðan aðrir þegja, Íslendinga sem búa erlendis og vélar og tæki sem fá krúttleg nöfn.2020-10-151h 00

Hismið hlaðvarpHismið - Slegin utanundir frá öllum hliðumÍ Hismi vikunnar förum við yfir síþyngri stemningu landans í þriðju bylgju kórónaveirunnar, gagnrýni á aðgerðir sóttvarnalæknis frá öllum hliðum, orð bæjarstjóra Akureyrar um hversu góðir bæjarbúar eru að fylgja reglum, Covid smit Trumps, kappræður Pence og Harris og forsetakosningarnar og stafræna leiðtoga á Íslandi 2.0. 2020-10-081h 06

Hismið hlaðvarpHismið - Kynþokki og kosningarÍ Hismi vikunnar förum við yfir væntanlegt nýtt framboð vinstri manna, kappræður Trump og Biden, kosningaveturinn framundan, óskiljanlegan lista Kínverja, Kveik og Eimskip, kynþokkafyllstu íslensku karlmennina og derhúfuleik Árna og Skúla Mogensen. 2020-10-011h 06

Hismið hlaðvarpHismið - Millistjórnendur með streetcred og rappleikHismið fær engan annan en Danna Deluxe í settið í dag, rappara, viðskiptamann og eiganda STÓRT vörumerkjaráðgjafar. Farið er yfir hvort íslenskt rapp sé dautt, hinn óskiljanlega íslenska start-up leik, rafræna árshátíð Origo, rant Guðjóns Þórðarsonar um Air Iceland Connect og loks er konungur hins íslenska slow-TV, Sigmund Erni Rúnarsson, tekinn til sérstakrar umfjöllunar.2020-09-241h 13

Hismið hlaðvarpHismið - Kórónaveiran komin aftur á kreikÍ Hismi vikunnar förum við yfir mikla opnu auglýsingu í Mogganum, ritdeilu tveggja alþjóðlegra stórmeistara, hlutafjárútboð Icelandair og rekstrarmanninn Boga Nils, skellinn undanfarna daga varðandi kórónuveiruna og aðgerðir stjórnvalda, 10 atriði sem gestir taka eftir heima hjá þér og sjötugsafmæli Arthurs Björgvins Bollasonar. 2020-09-171h 01

Hismið hlaðvarpHismið - Costco gírafinn þarf bóluefnið sittHismið snýr aftur endurnært eftir gott sumarfrí og rúllar af stað 8. veturinn í röð! Við förum yfir góðar og þarfar fréttir af eigendum Costco gíraffans, heiðrum meistara KMU sem hefur starfað 40 ár í fjölmiðlum, fáum 4 góð ráð hjá Nigellu ásamt því að kynnast þrívíðri hugsun. Þá ræðum við ekki breytingar á klukkunni og hvaða bækur atvinnulífið er með á náttborðinu, biðina eftir bóluefni, þungan vetur framundan og hugsunarvikur Bill Gates. 2020-09-031h 04

Hismið hlaðvarpHismið - Við erum öll EuroshopperÍ Hismi vikunnar förum við yfir úrslit forsetakosningana og vandaða kosningavöku RÚV, afglæpavæðingu fíkniefna, Englandsmeistaratitil Liverpool, Euroshopper vörurnar og markaðssetningu á nýju ítölsku pasta sem Árni ætlar að setja á markaðinn, ásamt því að kveðja okkar bestu konu, Önnu Fríðu Gísladóttur, sem er að hætta hjá Dóminós.2020-07-011h 12

Hismið hlaðvarpHismið - Gullöld KallakallsinsÍ Hismi vikunnar fáum við Andrés Jónsson almannatengil og verndara Hismisins til okkar og förum yfir stöðuna hjá Icelandair, ólíka skóla við pöntun á kaffihúsum og gullöld kallakallsins í níunni, en Hismið hefur eins og margir verið að horfa á Last Dance þættina um Michael Jordan og Chicago Bulls.2020-05-221h 07

Hismið hlaðvarpHismið - Opnun landsins og slagurinn um BessastaðiÍ Hismi vikunnar er farið yfir opnun landsins í júní og hvaða harðduglegu keflvísku athafnamenn fái samninginn um að prófa alla ferðamenn sem koma til landsins, atvinnulífsviðtal Vísis við Árna og afhjúpun Axels Péturs í kjölfar viðtalsins, hinn síharðnandi slag um Bessastaði 2020 þar sem menn með mikið sjálfstraust etja kappi við Guðna, gamla skólann þegar borgarstjórar tóku menn í viðtöl, fyrrverandi sérleyfishafa og 60 ára gamlar slúðurgreinar.2020-05-1459 min

Hismið hlaðvarpHismið - Menn sem þurfa knús og klippinguÍ þætti dagsins er farið yfir hárstíla Grétars og Ólafs saksóknara, atlöguna sem er í gangi gegn Bjössa í World Class og nýjan konung neytendamála á Íslandi, nýtt merki Samfylkingarinnar og útleggingar manna á því og hvort knúsið sé dautt. *Fyrsta útgáfa þáttarins sem kom inn var ekki rétt - en hér er sú rétta!2020-05-0759 min

Hismið hlaðvarpHismið - Leitin að money heavenÍ Hismi vikunnar er farið yfir stöðuna í þungri viku uppsagna, nýjar tillögur Miðflokksins um ástandið, sem ganga út á neyðaraðgerðir fyrir fólkið í landinu og að setja ferðaþjónustuna í hýði út árið 2021 og hvort aðrar leiðir væru heppilegri, mikla sögu af því þegar seðlabankastjóri var niðurlægður í partýi, reglulega faraldra af veirum, leyndarmál Sigga Hlö í eldhúsinu, nýja samkeppni í hlaðvarpsleiknum og margt fleira.2020-04-301h 06

Hismið hlaðvarpHismið - Kallar með sjálfstraust en ekki sérfræðiþekkinguAtli Fannar Bjarkason, samfélagamiðlastjóri RÚV, er gestur Hismisins þessa vikuna og fer yfir stórtíðindi af baráttunni um Bessastaði en nokkrir af uppáhaldsleikmönnum Hismisins hafa lýst yfir framboði eða daðrað við það. Þá förum við yfir afhafnasama kalla-kalla með óbilandi sjálfstraust, allskonar lausnir á efnahagsvandanum, aðferðir Svía við Covid-19 faraldurinn, sem eru Grétari þungbærar, og einn af bestu sonum þessa lands, Simma Vill, og óstöðvandi athafnasemi hans. 2020-04-241h 04

Hismið hlaðvarpHismið - Eldræður og flasa djöfulsinsÍ Hismi vikunnar förum við yfir eldræðu Boris Johnson og rándýrt hrós Ólafs Ragnars, tilslökunina á samkomubanninu, málsókn útgerða vegna makrílveiða, tíföldun listamannalauna, atvinnulífs-Viðreisn og innáskiptingu í þingmannaliðið og grjótharða aðsenda grein í Mogga um bók Páls Baldvins Baldvinssonar um síldarárin.2020-04-1658 min

Hismið hlaðvarpHismið-klassík: Óskar Jósúa getur staðfest þaðHismið heldur áfram að setja gamla þætti í loftið til að stytta stundir í samkomubanninu. Hér förum við til október 2016 þar sem Daníel Rúnarsson er með okkur á línunni og kryfur ásamt Hismismönnum fréttatilkynningu Eyjamannsins Inga Sigurðssonar, þar sem hann fer yfir ásakanir í sinn garð innan knattspyrnuhreyfingarinnar.2020-04-051h 03

Hismið hlaðvarpHismið - 360 gráðu greining í miðju samkomubanniÍ Hismi vikunnar tökum við 360 gráðu yfirferð yfir ástandið og ræðum meðal annars innkomu Björns Inga og Viljans á upplýsingafundi stjórnvalda, óvænt samstarf Frosta Sigurjónssonar og Ólínu Kjerúlf Þorvarðardóttur, fáum vandaða greiningu frá Árna á þeim tækifærum sem verða til staðar eftir faraldurinn, beiðni lögreglunnar á Suðurnesjum til glæpamanna, hvort smitrakningar-app stjórnvalda sé Stóri bróðir eða nauðsynlegt skref, ásamt ýmsu öðru. 2020-04-0246 min

Hismið hlaðvarpHismið-klassík: Árni á lakkskóm að leita að rjúpnaskyttuÍ ljósi aðstæðna í samfélaginu hefur Hismið ákveðið að henda nokkrum eldri þáttum í loftið. Við byrjum hér með þætti sem fór í loftið í nóvember 2016 en þar rekur Árni frækna ferð sína austur á Egilsstaði þar sem hann fór léttklæddur á lakkskóm í Borgartúns-úlpu að leita að týndri rjúpnaskyttu með strangheiðarlegum austanmönnum.2020-03-2947 min

Hismið hlaðvarpHismið - Fjarfundir á fordæmalausum tímumÍ Hismi vikunnar förum við yfir fjarfundi atvinnulífsins, ræðum kókaínskort á Íslandi, aukna samkeppni Hismisins nú þegar Spaugstofan er mætt í hlaðvarpsleikinn, ferðalög þjóðarinnar í sumar og fl.2020-03-2650 min

Hismið hlaðvarpHismið - Hamingjan er soðin ýsa á mánudegiÁföllin halda áfram að dynja á okkur og nú hefur Jon Ola Sand aflýst Eurovision. Við fengum Björgu Magnúsdóttur, sjónvarpsstjörnu, til okkar til að fara yfir það og stöðuna almennt vegna COVID-19. Þá förum við heiðarlegar auglýsingar, söluna á Borgun og Tinder leik Bjargar.2020-03-191h 01

Hismið hlaðvarpHismið - Kórónakreppan 2020Á þessum ótrúlegu tímum fara Grétar og Árni, tveir kettir með enga sérfræðiþekkingu á málum, yfir stöðuna í miðri kóróna-kreppunni, ferðabann Trump á Evrópumenn að Bretum undanskildum, lockdown-ástandið sem er komið á víða, áhrifin á fyrirtækin og atvinnulífið hér heima, að nú sé tími þeirra sem eiga gull og hrávörur, óvænta heimsfrægð íslensk læknis, hvort skimun Kára Stefánssonar munu breyta leiknum og hvað sé framundan auk þess sem þróun mála í baráttu Grétars við súrinn er rakinn.2020-03-121h 01

Hismið hlaðvarpHismið - Skrifstofufólk með daglega blaðamannafundiÍ Hismi vikunnar förum við yfir og lýsum fullum stuðningi við viðbragðsáætlun yfirvalda við kórónufaraldrinum og framgöngu Einar Þorsteinssonar í Kastljósinu, ræðum hvernig skrifstofufólk hjá Sóttvarnalækni og Landlækni er að standa sig í beinni útsendingu, köllum eftir sterkum stjórnmálaleiðatoga til að stappa stálinu í þjóðina, rýnum í mikið myndband frá Frímúrurum og förum yfir erótíska pósta frá Ólafi Ragnari á Twitter.2020-03-0650 min

Hismið hlaðvarpHismið - Allir léttir í sóttkvíOkkar eina sanna DD Unit mætir í settið og fer yfir það helsta með Hisminu sínu, Kóróna-veiruna og hvort fylgja eigi leiðsögn sóttvarnalæknis eða Ingu Sæland og bara tékka sig inn í sóttkví í Egilshöll, stemninguna á Tene og stöðuna í Bandaríkjunum, hvort Demókratarnir geti unnið Trump, örlög Harvey Weinstein og síðast en ekki síst ráðningu Aðalsteins Leifssonar sem ríkissáttasemjara. 2020-02-261h 12

Hismið hlaðvarpHismið - Víkingsklappið endanlega cancelledÍ Hismi vikunnar fáum við til Særúnu Ósk Pálmadóttur samskiptastjóra Haga til okkar og ræðum munnleg próf í almannatengslum, mikla ferð sendinefndar Alþingis til Nýja Sjálands, verkföll, kyrkislöngur í Litla Stokkhólmi, makalaus vinnustaðapartý og Söngvakeppnina. 2020-02-2059 min

Hismið hlaðvarpHismið - V fyrir veikindi, vont veður, Viðskiptaþing og verkföllÍ Hismi vikunnar, sem er aðeins seinna á ferðinni vegna veikinda, förum við yfir rauða viðvörun, Viðskiptaþing, ferðalög stjórnmálaflokkanna um landið, hvernig Aðalsteinn Leifsson er rétti maðurinn til að skera á hnútinn í Straumsvík, Óskarverðlaun Hildar Guðnadóttur og súrdeigsgerð Grétars.2020-02-141h 01

Hismið hlaðvarpHismið - Bjarni Ben: Stjórnmálamaður og life coachBjarni Benediktsson, formaður Sjálfstæðisflokksins og fjármálaráðherra, er gestur Hismisins þessa vikuna. Bjarni fer yfir sviðið í pólitíkinni, framtíð sína í stjórnmálum og hringferð Sjálfstæðisflokksins, þar sem hann deilir því hvaða þingmenn njóta sín best þar. Bjarni fer yfir hvernig sé að hitta erlend fyrirmenni á fundum og leiðtogaráðstefnum ásamt því að gefa Grétari góð ráð inn í fimmtugsaldurinn, fara yfir fræg meiðsli aftan í læri og hvernig Óttar Proppe olli því að hann komst ekki í Berlínarmaraþonið.2020-02-0655 min

Hismið hlaðvarpHismið - Dante’s Peak í GrindavíkÍ Hismi vikunnar mætast skólastjórar gamla og nýja skólans, en gestur þáttarins er atvinnulífsmaðurinn Tómas Steindórsson, og við förum yfir opin, verkefnamiðuð vinnurými og viðbrögð gamla skólans við þeim, nýjan útvarpsstjóra, hugsanlegt gos í Grindavík, þorrablót Íslendinga á Tene ásamt fleiri málum. 2020-01-301h 11

Hismið hlaðvarpHismið - Óðir sléttuúlfar og óttaslegnir skákmennHismið er sameinað á ný eftir að Grétar snýr frá meginlandinu og fer yfir mál vikunnar; endalaust óveður, óvæntan stuðning Dorritar við Trump og hvað Ólafur Ragnar geri, bandarískan mann sem kyrkti óðan sléttuúlf og var furðulega góður í að tala um það í sjónvarpi, átök skákmanna og öskrandi hugræktunarsinna í Faxafeninu, stundvísi og óstundvísi þingmanna og margt fleira.2020-01-2356 min

Hismið hlaðvarpHismið - Klapp í flugvélum og ástleitnar skjaldbökurHismið stendur í tæknilegum stórræðum þessa vikuna, er með Grétar á beinni línu frá skíðabrekkunum í Austurríki og fer yfir stöðuna með Árna og Önnu Fríðu Gísladóttur, markaðsgúrú og ferðalangi, sem fer yfir 20 tíma ferðalag sitt frá Tenerife til Íslands á dögunum í gegnum lægðir og aftakaveður. Þá er farið yfir klapp í flugvélum, skjaldbökuna Díegó sem bjargaði nánast eins síns liðs sinni tegund, comeback handboltalandsliðsins sem "strákana okkar" og sjúkrabíla-eltandi lögmenn.2020-01-1654 min

Hismið hlaðvarpHismið - Samningamenn, öfgar og rebbarHismið snýr aftur með fullhlaðin batterý eftir gott jólafrí. Við ræðum brimrót Andra Snæs og Sævars Helga á Twitter, Tesluna sem Skúli Mog skildi eftir í Hafnarfirði, manninn sem Hismið hlustar á þegar kemur að alþjóðapólitíkinni – Albert Jónsson og ráðningu nýs Ríkissáttasemjara. Þá skoðum við hvernig árið 2020 liggur, væntanlegar forsetakosningar og 1% rebbann Guðna Th. Hismið er í boði Te & kaffi og Dominos.2020-01-091h 04

Hismið hlaðvarpHismið - Mikilvægi þess að vera viðkunnanlegurÍ þætti dagsins er rætt um líf kjördæmaþingmannsins og hvort þingið í ár hafi verið það daufasta lengi, velmegun fyrir norðan, sigur Boris Johnson í UK, óvænt spjall Þórdísar Kolbrúnar og Björgólfs Jóhannssonar á kaffiteríunni á flugvellinum og stóra sjoppumálið í Stykkishólmi.2019-12-1757 min

Hismið hlaðvarpHismið og #ársins 2019Það er árviss viðburður að fá Guðmund Hauk Guðmundsson sem gest í þáttinn til að gera upp árið en Guðmundur heldur úti #ársins á Twitter sem er skemmtilega útgáfan af áramótaannáll. Farið er yfir yfirlýsingu ársins, life hack ársins, brúð/brauðkaup ársins, viðtal ársins, samfélagsmiðlamóment ársins, vinskap ársins, fyrirsögn ársins, æði ársins, mann ársins og margt margt fleira frá árinu 2019.2019-12-101h 13

Hismið hlaðvarpHismið - "Elskan, ég var að skrá mig í Crossfit og MBA-nám"Í Hismi vikunnar fáum við til okkar sérstakan velgjörðarmann okkar, Guðmund Jóhannsson, og förum yfir stofnun Félags sjálfstæðismanna um fullveldismál, fólk í MBA-námi, ráðningu nýs útvarpsstjóra, dýra fundi borgarinnar, aðventuferð Árna til Köben, Andrés Inga sem kvaddi VG í síðustu viku og Breiðholtið, fjölmiðlafrumvarp ríkisstjórnarinnar og margt fleira.2019-12-031h 09

Hismið hlaðvarpHismið - Silfur og salt jarðarÍ Hismi vikunnar förum við yfir Silfrið og ræðum átök og lista sem voru settir fram þar, nýjustu vendingar í Samherjamálinu, salt á götum og reiða kalla-kalla á Akureyri, hasiteraðan Bjarna Ben, Cybertruck frá Teslu, álbræðsluofnana Birtu og Boga, OneCoin rafmyntar fíaskóið og Fiskikónginn sem lenti í fjársvikum.2019-11-2658 min

Hismið hlaðvarpHismið - Samherjamálið: Tár, bros og inniskórÍ Hismi vikunnar bjóðum við upp á vandaða 360 gráðu greiningu á máli málanna - Samherjamálinu. Eltingaleikur Aðalsteins Kjartanssonar við Þorstein Má, viðbrögð samfélagsins og stjórnmálanna, aðgerðir Samherja til að bregðast við málinu, aggressív innkoma Elliða Vignissonar í Silfrið og glaður Már Guðmundsson. 2019-11-191h 02

Hismið hlaðvarpHismið - Ofurpeppaðir Kanar og almannavarnaflauturÍ Hismi vikunnar fer Árni yfir samskipti sín við hip og kúl fólk á Airwaves og reynt er að lesa í hvaða tegund af bíl líklegt er að formenn stjórnmálaflokkanna eigi. Fyrirspurnir Miðflokksmanna um þjóðaröryggi og hvernig hægt væri að tæma Reykjavík á sem stystum tíma, ofurpeppaðir Bandaríkjamenn og dálæti þeirra á fyrrum hermönnum, jólabjóra tímabilið sem er að renna í hlað og nýtt bjórhlaðvarp þar sem Grétar hélt á lofti merkjum lagersins, fatastíl formanns Blaðamannafélagsins, skyndiverkfall netblaðamanna og gömlu góðu 2019-11-1258 min

Hismið hlaðvarpHismið - Strangheiðarlegar glærur Play og atvinnulífshúmorÍ Hismi vikunnar förum við að sjálfsögðu yfir stórtíðindi úr flugheiminum, en samkvæmt strangheiðarlegu glærushowi Play Air er stutt í að Íslendingurinn geti keypt netsmelli til Tene. Þá förum við yfir bið í öryggisleit á Keflavíkurflugvelli og svar Isavia, verðlag á Tene en okkar besti maður Svali segir að ekki sé allt sem sýnist þar, bakaríismarkaðinn, Svía sem eru búnir að láta græja örflögur í sig og 360 ráðgjöf í atvinnulífinu þar sem húmorinn er notaður á lífsþreytt starfsfólk stofnana. 2019-11-0551 min

Hismið hlaðvarpHismið - Þrír karlmenn tjá sig um ÍslandsbankamáliðKarl Pétur Jónsson bæjarfulltrúi og PR-gúrú sest í stólinn þessa vikuna og gerir upp stóra Íslandsbankamálið enda hefur verulega skort á að karlmenn tjái sig um málið. Þá segir Karl frá nýjasta fjölskyldumeðlimnum, hinum klónaða hundi Samson auk þess sem rætt er um sterkan samfélagsmiðlaleik tengdaforeldra hans, grein Viðar Guðjohnsen yngri í Mogganum um samfélagsmiðlalaust líf, furðulegt ferðalag Michelle Ballarin við að koma Wow 2.0 í loftið og loks er farið aðeins yfir landslagið í pólitíkinni á miðju kjörtímabili.2019-10-291h 06

Hismið hlaðvarpHismið - Nýr Þórudagur?Í Hismi vikunnar er farið yfir mál vikunnar, þar á meðal hinn dularfulla gráa lista FATF þar sem Ísland lenti og velta upp hvernig stjórnvöld koma til baka, hvort partýið hjá Stjórnarskrárfélaginu um helgina hafi verið nýi Þórudagurinn, landsfund VG sem er djúpt sokkið í loftslagskrísuna, hið sístækkandi smjörfjall Mjólkursamsölunnar og hvernig standi á því að '68 kynslóðin sé svo miklu peppaðri og hressari en kynslóðin fædd í kringum '80.2019-10-2256 min

Hismið hlaðvarpHismið - Stundum langar mig bara að leika við gámaSkyndibitaheimurinn skalf í vikunni og Hismið ykkar fer að sjálfsögðu yfir kaup Simma Vill á Hlölla, sameiningu og atvinnulífsvæðingu toll- og ríkisskattstjóra, fólk sem brennur af ástríðu fyrir gámum, enn eitt nafnlausa bréfið sem Makamálum barst frá manni um fimmtugt ásamt stuttri yfirlýsingu um breska eigendur Dominos.2019-10-1754 min

Hismið hlaðvarpHismið - Kanslarar og flugdólgarGestur Hismisins þessa vikuna er Þorbjörg Sigríður Gunnlaugsdóttir, lögfræðingur og góðvinur þáttarins. Við ræðum flugdólga og sögu þeirra, Oddfellow-konur á Heathrow flugvelli, kanslara og stórmeistara í Frímúrarahreyfingunni, Gretu Thunberg og Hannes Hólmstein og herferð hans á samfélagsmiðlum gegn Jóni Ásgeiri og Ingibjörgu Pálmadóttur, mayonnaise siðrof á Englandi og nýja grein vitringana þriggja á Þingeyri sem bjóða sem fyrr upp á lausnir.2019-10-0856 min

Hismið hlaðvarpHismið - Þegar Ísland missti sakleysiðVið ræðum Brighton-ferð Grétars og breska bjórmenningu, ráðningu Hreins Loftssonar sem aðstoðarmanns og rifjum upp þann tíma þar sem Baugsmálið og ásakanir um tilraunir til að múta forsætisráðherra voru í gangi, bók Ómars Ragnarssonar um Geirfinnsmálið, hinn ávallt óaðfinnanlega Sigmund Erni Rúnarsson, lokun veitingastaðarins í Bragganum og hver hefði tekið að sér að stjórna Wow air ef íslenska ríkið hefði stigið inn.2019-10-011h 04

Hismið hlaðvarpHismið - Halli litli og íslenskur Netflix-bani (taka 2!)Í Hismi vikunnar fáum við Sunnu Valgerðardóttur fréttakonu á RÚV í heimsókn og förum yfir það helsta; Ríkislögreglustjóra og dagbækur pabba hans, Ísflix efnisveituna sem Hismið er gríðarlega spennt fyrir, sólarhringsútsendingu Landans, mjúka lendingu Sævars Karls í Munich og ísóða Íslendinga. Þátturinn er settur inn í annað sinn þar sem hljóðið var að stríða okkur í fyrstu útgáfunni.2019-09-2555 min

Hismið hlaðvarpHismið - Testósterón-löggur og þingmenn sem tala ekki samanÍ Hismi vikunnar ræðum við þingsetninguna og sætaskipan þingmanna, Sjallaballið þar sem Eyþór Arnalds fór á kostum, kalla-kallana í Lögreglunni sem eru að rífast á síðum Moggans, old-money Lúxemborgara sem mótmæltu um helgina og fjármálamennina Árna og Má Guðmundsson sem hittust í Leifsstöð.2019-09-1756 min

Hismið hlaðvarpHismið - Leyniskyttur, regnbogafánar og kínverskir þjóðvegirÍ ljósi stórrar fréttaviku, fengum við okkar allra besta mann Andrés Jónson til okkar að gera upp vikuna. Við ræðum sögulega heimsókn Mike Pence, muninn á íslenskum og bandarískum stjórnmálamönnum, nýjan dómsmálaráðherra og landslagið í stjórnmálunum hérna heima. Þá förum við yfir blaðamannafund Michele Ballarin, einnig þekkta sem Michele Roosevelt Edwards, og áform hennar um að endurreisa Wow og gera það skemmtilegt að fljúga á ný.2019-09-101h 01

Hismið hlaðvarpHismið - Vélvæddir bankamenn og Spirit of MississippiHismið er á nýjum tíma í vikunni, þriðjudögum og fer yfir það helsta í vikunni, fjármál Pírata, hvort orkupakkamótmælin hafi verið stormur í vatnsglasi, mótmælandann í gula kraftgallanum með þokulúðurinn, flugáhugamenn og the orrustuþotuna Spirit of Mississippi sem kostar á við góða Borgarlínu. Þá segir Grétar frá ferð sinni í útibú banka þar sem ferlar nútímans sendu hann á Skype-samtal og rætt er um hvers vegna áhugamenn um enska boltann óski hvorum öðrum lífláti og líkamsmeiðingum. 2019-09-0359 min

Hismið hlaðvarpHismið - Haustþynnka og málin sem kljúfa þjóðinaHismið snýr aftur úr sumarfríi og fer yfir menningarstríð grænkera og kjötæta, hver staða Hismisins sé núna þegar annar hver maður er kominn með hlaðvarp, fundarherferð Más Guðmundssonar um landið, þriðja orkupakkann, raunir borgarinnar í sumar og mest ómissandi starfsmann hennar, Boris Johnson og mikilvægi þess að vera alþýðlegur. 2019-08-291h 01

Hismið hlaðvarpHismið - Morgunkaffið í bullandi toxóplasmaÍ síðasta þætti vetrarins (e. season finale) fáum við sjónvarpsstjörnur landsins, þau Gísla Martein Baldursson og Björgu Magnúsdóttur, í heimsókn þar sem þau segja okkur aðeins af lífinu bakvið tjöldin á Eurovision í Tel Aviv, vínsmekk Graham Norton og hvaða viðurlög Íslendingar kunni að fá. Þá veltum við því upp hvort Gísli Marteinn sé mest pólariserandi maður landsins, hvernig toxóplasmi gerir mann að Skúla Mogensen, förum yfir það hvernig hann var mættur á Vestfirðina langt á undan #current fólkinu úr 101 og ræðum stöðuna í stjórnmálum, hvort Gísli hyggist snú...2019-07-031h 12

Hismið hlaðvarpHismið - Brask, brall og Be Happy á TeneÍ Hismi vikunnar deilir Árni vikuferð sinni til Tenerife (e-ið borið fram) með hlustendum, þar sem hann var með fjölskylduna í svokallaðri all-inclusive ferð. Hann svarar þeim spurningum sem hafa brunnið á þjóðinni varðandi slíkar ferðir og fer með okkur í ferðalag um ævintýraheim eyjunnar. Þá ræðum við sykurskatt, veltum fyrir okkur hvort Angela Merkel þjáist af kulnun í starfi og hvað sé til ráða, ásamt því að kynna okkur Aerotropolis hugmyndafræði John D. Kasarda og ræða um hvort starf körfuboltadómarans sé eitt það versta sem hægt er að komast í. 2019-06-271h 04

Hismið hlaðvarpHismið - Er Ísland nógu stórt fyrir Rúrik Gíslason?Í Hismi vikunnar förum við yfir þá reiðibylgju sem skók samfélagið þegar fararstjórum á fótboltamóti var boðið upp á einn þakklætis-öl eftir margra vikna #brimrót, agressíva fjölmiðlastefnu I.O.G.T bindindissamtakanna, brúðkaup ársins við Como-vatn og hvort Ísland sé nógu stórt til framtíðar fyrir Rúrik Gíslason, atvinnulífsketti sem eru alltaf flottir, þjónustumiðaða stjórnsýslu og nýjasta útspil ríkisstjórnarinnar í þeim efnum, ásamt borgarlínu sem mun hugsanlega ná inn á Seltjarnarnes. 2019-06-181h 04

Hismið hlaðvarpHismið í raunhagkerfinu í VestmannaeyjumHismið ykkar er statt í hinu eina sanna raunhagkerfi íslensku þjóðarinnar, Vestmannaeyjum og báðir hlustendur þáttarins í Eyjum tóku ekki annað í mál en að tekinn yrði upp þáttur af því tilefni. Hentugleika-Eyjamaðurinn Árni sest því niður með tveimur strangheiðarlegum Eyjamönnum, Sindra Ólafssyni og Pálma Harðarsyni með Grétar Theodórsson á beinni frá Orlando og farið er yfir hvort Eyjarnar séu Texas Íslands, hvort annar hver Eyjamaður sé djúpur í Hvítasunnusöfnuðinum, hvernig pizzur frá síðasta vígi Pizza 67 á Íslandi smakkist, Ingó Veðurguð vs. Árna Johnsen, þjóðhátíð og hvenær Eyjamenn fá loksins göngin s 2019-06-1345 min

Hismið hlaðvarpHismið - Bolaferðir til Tene og hipsterar í þorskastríðiÍ Hismi vikunnar förum við yfir frábæra aðsenda grein Sigmunds Davíðs í Mogga þar sem hann gerir harða atlögu að kaldhæðnu hipsterunum á Twitter ásamt því að fara yfir nýjustu vendingar í Guðmundar og Geirfinnsmáliðnu, all-inclusive Tenerife ferð Árna í sumar, meðvitaða og ábyrga ferð Grétars í sænska skerjagarðinn og fyrirlestur Skúla Mog um Wow 2.0 fyrir current frumkvöðlaketti, ásamt fleiru.2019-06-0652 min

Hismið hlaðvarpHismið - Er Ísland að verða Búlgaría flugheimsins?Þórlindur Kjartansson, hagfræðingur og pistlahöfundur, er gestur Hismisins þessa vikuna og fer yfir nýja bók um fall WOW (sem enginn í þættinum hefur reyndar lesið), hvernig ferlaða calendar-fólkið er að taka yfir þjóðfélagið, hlauparaunir miðaldra fólks, hvalrekann í Vesturbænum, ásamt því að Árni deilir sögu af samskiptum sínum við gæsir í Elliðárdalnum. 2019-05-301h 01

Hismið hlaðvarpHismið - Felix Bergsson með krakkana í bekkjarferð til Tel AvivHismið er mætt enn á ný og í þessari viku gerum við upp frægðarför Hatara til Ísrael, stórleik Felix Bergssonar sem fararstjóra ferðarinnar, tvo ólíka skóla sem mættust fyrir utan Alþingi til að ræða þriðja orkupakkann, Everest klifur auðmanna, hvenær sé rétt að sýna einhverjum puttann og fimmtugsaldurinn sem Grétar siglir inn í á næstu árum.2019-05-2350 min

Hismið hlaðvarpHismið - Eurovision í Egilshöll 2020?Konan með stóra nafnið, Dröfn Ösp Snorradóttir Rozas, eða DD Unit, er gestur þáttarins að þessu sinni og uppfræðir strákana um nýjustu stefnur og strauma í mat, þriðju kaffibylgjuna og heitustu sögurnar, slúðrið og bestu hverfin í Hollywood þar sem DD býr. Farið er yfir flugferðir þingmanna, nýjan forstjóra IKEA sem vann sig upp úr því að vera kerrustrákur 1987, hvað gerist ef Hatari vinnur Eurovision og hvort Simmi Vill fái að halda keppnina í Egilshöllinni.2019-05-161h 15

Hismið hlaðvarpHismið - Skrifstofumenn með aflitað hár landa Íslandsmeistaratitli Gestir Hismisins þessa vikuna eru Helgi Már Magnússon og Pavel Ermolinskij, nýkrýndir Íslandsmeistarar úr KR. Farið er yfir hvernig KR landaði sjötta Íslandsmeistaratitli félagsins í röð, þar sem unnið var eftir lögmálinu að titlar vinnast ekki á haustin, Interrail-ferð Pavel síðasta sumar, sem dróst aðeins á langinn og hvernig það var fyrir 37 ára skrifstofumann að mæta aftur á völlinn. Þá er rætt um sameiningartákn þjóðarinnar, Liverpool og harðorðar yfirlýsingar handboltadeildar Hauka og ÍBV. 2019-05-091h 04

Hismið hlaðvarpHismið - Er Þórólfur Gíslason umhverfisvænasti Íslendingurinn?Í Hismi dagsins er farið yfir hvernig annar hver maður er að reyna að stofna alþjóðlegt flugfélag, flugviskubitið og hvað sé hægt að gera við því og hvort Þórólfur Gíslason kaupfélagsstjóri sé umhverfisvænasti Íslendingurinn. Rætt er um hvað nýr kælir í vínbúðinni á Seltjarnarnesi muni gera fyrir menningarstofnunina sem Eiðistorgið er. Þá gera umsjónarmenn þáttarins upp páskahelgina á Sigló og tónleika Stebba og Eyfa sem sameinuðu fólk úr öllum þjóðfélagshópum. Þá er upplýst um samstarf Hismisins og Fréttablaðsins, sem mun taka að sér að dreifa 2019-05-0253 min

Hismið hlaðvarpHismið - Katrín Jakobs gestur í Páskabombu HismisinsKatrín Jakobsdóttir, forsætisráðherra, er gestur Hismisins í sérstakri páskabombu þáttarins og gerist þar með fyrsti forsætisráðherrann til að verða gestur í íslensku hlaðvarpi samkvæmt óvísindalegri rannsókn þáttarins. Við förum yfir stuðning Katrínar við Liverpool og hvernig það fari saman að vera formaður VG og aðdáandi Sálarinnar, sjónvarpsþætti með Gordon Ramsey og hvaða tónlist Katrín er að vinna með í útihlaupum. Farið er yfir ríkisstjórnarsamstarfið og hvort líkja megi því við þriðja hjónaband fólks þar sem praktík er tekin umfram rómantík, hv...2019-04-1440 min

Hismið hlaðvarpHismið - Heiðarleiki í Þorláklshöfn og reiðir leigubílstjórarÍ Hismi vikunnar förum við yfir nýjustu vendingar hjá Skúla Mog og Wow air, stórkostlega innkomu Guðna Th í Rússlandi, okkar besta fólk í loftlagsmálum, Gretu Thunberg og Ólaf Ragnar og strangheiðarlega ferð Hismisins á Meitilinn í Þorlákshöfn.2019-04-1150 min

Hismið hlaðvarpHismið - Lífskjarasamningurinn og íslenskasti blaðamannafundur sögunnarFanney Birna Jónsdóttir kíkti í Hismið þessa vikuna. Til umræðu var LífskjarasamningURINN, hönnun skiltisins og dásamlegan realisma við kynningu þeirra á blaðamannafundi ársins, reiði flugmanns Wow Air yfir örlögum fyrirtækisins og áform hans um að vísa tilteknum farþegum frá borði og grein ársins hjá Gunnari Birgissyni, þar sem hann lætur helstu leikmenn heyra það. 2019-04-0456 min

Hismið hlaðvarpHismið - Góðærið has ceased operation Í Hismi vikunnar fáum við beint samband við meginlandið og ræðum við Daníel Rúnarsson um þessar svakalegu fréttir sem bárust í morgun varðandi Wow Air og hvað þetta þýði fyrir Íslendinga og hagkerfið. Þá förum við yfir skærur Samherja og Seðlabankans og góð ráð frá Dale Carnegie fyrir ferrmingaveislur.2019-03-281h 05

Hismið hlaðvarpHismið - Business in the front - party in the back!Í Hismi vikunnar förum við yfir hugsanlega ríkisábyrgð til Wow, vesen Boing og óútreiknanlegan flugbransa, mikla ályktun frá okkar besta fólki á Tene, stórar fréttir sem bárust í Litla-Stokkhólmi í vikunni og tyggjó. 2019-03-211h 07

Hismið hlaðvarpHismið - Sigmundur Davíð á Kaffi VestSólmundur Hólm skemmtikraftur og viðskiptafræðingur af endurskoðunarbraut er gestur þáttarins og rýnir með Árna og Grétari í stöðu Wow og hve langt sé í að Skúli Mogensen verði kominn á gamlan ryðgaðan LandRover, gjaldþrot Sólningar, ABBA-showið á milliþingi Viðreisnar, hina vel ættuðu Hatara-drengi og margt fleira. 2019-03-071h 09

Hismið hlaðvarpHismið - Þykjustulöggur, verkföll og bjórúrvalið 1. mars 1989Gunnar Dofri Ólafsson lögfræðingur Viðskiptaráðs er gestur Hismisins í þessari vikunni. Farið er yfir verkföllin, kosningabíl Eflingar og hvort lykill að lausn sé samhent átak helstu skyndibitastaða landsins með tvöfaldri Megaviku strax í kjölfar undirritunar nýrra kjarasamninga. Rætt er um manninn sem þóttist vera lögreglumaður, handtók fólk og fór með upp á Hverfisgötuna, auk þess sem afmæli bjórsins er rætt og hvaða bjóra Íslendingar, þar á meðal flugumsjónarmaðurinn í Grímsey, voru að vinna með 1. mars 1989.2019-02-2857 min

Hismið hlaðvarpHismið - Verkfall framundan - fara fínu forstjórarnir í afgreiðslustörfin?Í Hismi vikunnar förum við yfir yfirvofandi verkföll og viðbrögð verkalýshreyfingarinnar við tilboði ríkisstjórnarinnar sem lagt var fram á dögunum. Þarf fína fólkið í atvinnulífinu að ganga í verkin ef til verkfalla kemur og hvernig mun það ganga? Þá ræðum við fingrasetningu, uppgang sósíalisma hjá aldamótakynslóðinni og ákvörðun Kristjáns Þórs Júlíussonar að opna landið fyrir ógerilsneyddri mjólk. 2019-02-2152 min

Hismið hlaðvarpHismið - Strangheiðarlegar rútuferðir og innblásnar yfirlýsingarÍ Hismi vikunnar ræða Árni og Grétar þessa miklu fréttaviku sem er að líða og ræðum vandaða yfirlýsingu frá forsvarsmönnum Menn í Vinnu ehf., förum yfir mál Procar bílaleigunar ásamt því að rýna í harðorða aðsenda grein í Mogga um áramótaþátt Vikunnar á RÚV, strangheiðarlega rútuferð XD um landið, hversu sannfærandi það er þegar Jamie Oliver er farinn að elda heiðarlegan mat og loks hið hraðvirka réttarkerfi Færeyja sem dæmir menn á mánudegi fyrir hnefahögg helgarinnar. 2019-02-1458 min

Hismið hlaðvarpHismið - High season hjá siðfræðingumJakob Birgisson uppistandari er gestur þáttarins að þessu sinni og Grétar hringir inn, að þessu sinni frá Amsterdam. Farið er yfir það offramboð af hneykslismálum sem eru í gangi núna, allt frá Páli Óskari til Pírata með viðkomu hjá Páli Vilhjálmssyni á Moggablogginu, Siðferðisgáttina og uppgrip hjá siðfræðingum um þessar mundir, hlaðvarp þingmanna og hvort fleiri þingmenn þurfi ekki að fara að koma sér upp hlaðvarpi. Ný keiluhöll fyrir hipstera, maður sem kyrkti fjallaljón og hvernig sé best að bera sig að í frumskóginum ef kyrkislanga ræðst á þig. 2019-02-0756 min

Hismið hlaðvarpHismið - Land verkefnastjórannaJóhann Alfreð Kristinsson sest í settið með Árna í dag og Grétar er með stutt innslag frá skíðaferð sinni í Austurríkjum. Förum yfir pálmatrésmálið og glæsilegt yfirfaraskegg Hjálmars Sveinssonar, Seðlabankann, formannsslaginn í KSÍ, hugmyndir um að steypa upp í Miklubrautina, hvernig Simmi Vill er orðinn hot take kóngur landsins og söknuðinn eftir gamla níðsterka plastpokanum sem allt þoldi. 2019-01-3153 min

Hismið hlaðvarpHismið - Velgengnisskyrtur og varalesturHismið er á alþjóðlegum nótum í dag þar sem Grétar er í leiðinlegasta hluta LA, Anaheim og fer yfir málin í gegnum síma. Ræðum um endurkomu Miðflokksmanna og hverju Lilja Alfreðsdóttir hefur hvíslað í eyra Gunnars Braga í þingsalnum og hvort ekki þurfi að fara að vinna með varalestur í sjónvarpsfréttum til að greina betur hvað sagt er. Förum yfir endurkomu Heimastjórnarinnar, velgengnisskyrtur Ingva Hrafns, peak-miðaldra móment Árna á dögunum og menn sem teikna útlínur á verkfærin sín í bílskúrnum. 2019-01-2449 min

Hismið hlaðvarpHismið - Beinlausir fuglar og ÁstarfleyiðHekla Elísabet Aðalsteinsdóttir er gestur Hismisins þessa vikuna og ræðir meðal annars áhrifavalda, raunveruleikasjónvarp og pizzu ást. Þá rýnum við í uppáhaldsmat þingmanna, og hvort eitthvað komi á óvart í þeim efnum.2019-01-1758 min

Hismið hlaðvarpHismið - Janúar er góssentíð lífstílsgúrúsinsÍ þætti dagsins ræða Árni og Grétar um hvernig janúar að fara með Íslendinginn og hvernig markþjálfar, ketó-gúrúar og aðrir lífstílsráðgjafar láta til sín taka í markaðssetningu og sölu í þessum mánuði. Árni fer yfir ferð sína á Höfðann í vikunni og hádegismati á Nings og velt er upp hvaða reglur gildi um fyrirkomulag hádegismats á fundum í hádeginu. Rætt er um nýjan starfsvettvang hjá Jóni Gerald Sullenberger sem selur nú fasteignir á Flórída auk þess sem rætt er um gjaldþrot Bílanausts og kyrrsetningu á flugvé...2019-01-1053 min

Hismið hlaðvarpHismið - Janúar realisminnHismið fer aftur af stað í djúpum janúar realisma og við förum yfir hátíðirnar og veltum fyrir okkur hvernig árið 2019 verður en annar umsjónarmanna þáttarins hyggst hætta á Facebook og fá sig alfarið fjarlægðan af forritinu. Við ræðum old-money paradísina Sviss, en Grétar eyddi jólum og áramótum þar, yfirlýsingu ársins sem kom 2. janúar frá Félagi eldri feðra og ritfélagana þrjá á Þingeyri sem koma fram með fullfjármagnaðar hugmyndir. 2019-01-0354 min

Hismið hlaðvarpHismið - Tumi litli fer til lögmannsÍ þætti vikunnar ræðir Hismið kaup Ragnars Þórs á gulum vestum í anda Parísarmótmælanna og hvernig það muni fara í meðal Íslendinginn sem hefur haft það gott undanfarin ár, unnið mikið í að vera besta útgáfan af sjálfum sér og finnst flestallt sem gerist vera "geggjað" ef verkföll og skærur fara að verða daglegt brauð. Farið er yfir barnabækur og hvort þörf sé á því að uppfæra þær með hliðsjón af nýjum tímum þannig að börn kynnist því strax að leita til lögmanna og almannatengla og einnig hver sé baksaga pabba Einars Áskels. Loks er farið yfir vef...2018-12-2058 min

Hismið hlaðvarpHismið - Strokufanginn, Ed Sheeran, BDSM-skátar og vegan-vandræðiGuðmundur Haukur Guðmundsson lögræðingur er gestur Hismisins þessa vikuna en hann tekur saman skemmtilegar og skrýtnar fréttir frá árinu 2018 undir myllumerkinu #ársins á Twitter. Ed Sheeran, Sindri strokufangi, steikur sem gjaldmiðlar, Sturla Jónsson, tilraunir strangheiðarlegra skyndibitastaða til að selja vegan-útgáfur af helstu réttum, Kristján Loftsson, skörun milli BDSM og skátahreyfingarinnar og Bára/Marvin42 eru meðal þeirra sem stóðu upp úr á árinu.2018-12-131h 09

Hismið hlaðvarpHismið - Skúli og Sigmundur draga kanínur upp úr hattiÍ Hismi vikunnar er farið yfir stóra Klausturbarmálið og ólíka skóla í viðbrögðum við því, bæði hjá helstu leikmönnum málsins og almenningi. Skúli Mogensen náði að toga kanínu upp úr hattinum og Bill Franke og félagar hjá Indigo eru mættir til Íslands til að loka dílum. Þá er fyrsti bókadómur Hismisins gerður opinber, ásamt því sem aldur stjórnenda bankanna í Hruninu er skoðaður.2018-12-0659 min

Hismið hlaðvarpHismið - Ólafur Ísleifsson næsti forstjói Wow?Þorbjörg Sigríður Gunnlaugsdóttir er gestur Hismisins þessa vikuna og fer yfir stóra Klaustursmálið, nýjustu vendingar hjá Wow, Evrópubandalagið og matarkörfuna ásamt viðurkenndri hegðun í ræktinni.2018-11-291h 08

Hismið hlaðvarpHismið - Frammistöðuvandi og vitsmunaskekkjaÍ Hismi vikunnar er farið yfir stóra OR málið, vönduðu skýrsluna sem komst að þeirri niðurstöðu að allt væri í góðu og tölvupóst Einars Bárðarsonar. Þá er borgin aftur í veseni og þar er okkar besti maður Hrólfur Jónsson í brúnni sem fyrr. Við kynnum til leiks nýja hetju K-100 PrimaLoft hreyfingarinnar, Mánudags Margeir, sem er þekktur fyrir allt annað en að liggja á skoðunum sínum. Þá förum við líka yfir aðsent bréf vikunnar um afborgunarlaus skuldabréf, vegatolla og þá staðreynd að jólin eru nú um ¼ af árinu.2018-11-2252 min

Hismið hlaðvarpHismið - Hipsteraklám og grái fiðringurinnBaldur Kristjánsson ljósmyndari er gestur vikunnar í Hisminu og fer m.a. yfir gráa fiðringinn og hættumerkin sem allir þurfa að þekkja, auk þess sem rætt er um lagerbjórást Íslendinga, stóra Banksy málið sem enginn skilur, sixpensarann sem margir helstu leikmenn bæjarins eru farnir að nota mikið ásamt ýmsu fleira góðgæti.2018-11-151h 05

Hismið hlaðvarpHismið - Flugfélög og stoltir frímúrararÍ Hismi vikunnar förum við yfir málið sem allir eru að tala um, kaup Icelandair á Wow og geggjaðan feril Skúla Mogensen og Wow-ævintýrsins. Við förum líka yfir Frímúrararegluna og óvænta meðlimi hennar. Þá ræðum við aðeins um Óla Stef sem virðist vera kominn á stað sem okkur öll dreymir um.2018-11-081h 01

Hismið hlaðvarpHismið - Listin að vera miðaldra og leiðinlegurHismið fær Þórhildi Ólafsdóttir útvarpsstjörnu og Seltirning í heimsókn þessa vikuna. Við ræðum glæsilegt kótilettukvöld Gróttu þar sem Árni fór ekki heim tómhentur, klónun hunda og mögulega klónun manna, yfirbugun lögreglunnar á nöktum, trylltum manni og viðbrögðin á Twitter. Þá förum við yfir leiðinlegt miðaldra fólk, Sómasamlokur og Grandiosa pizzur.2018-11-0158 min

Hismið hlaðvarpHismið - Bobbingar, Sálin og heiðarleg hádegistilboðÍ Hismi vikunnar fara þeir Árni og Grétar yfir síðustu tónleika Sálarinnar, heiðarlegasta hádegismat landsins og hjálpsemi gamla Íslands. Þá ræða þeir sjóðheitt viðskiptatækifæri í raunhagkerfinu, opið bókhald Pírata í Reykjavík og aðvaranir Seðlabankans um slaka í hagkerfinu, ofhitnun hagkerfisins eða niðursveiflu.2018-10-2556 min

Hismið hlaðvarpHismið - Atli Fannar lagði Kristján LoftssonAtli Fannar Bjarkason er gestur þáttarins að þessu sinni en Hismið hefur útnefnt sölu Atla á Nútímanum sem viðskipti ársins eftir harða samkeppni við sölu Kristjáns Loftssonar hvalveiðimanns á hlutabréfum í HB Granda. Farið er yfir gesti á Landbúnaðarsýningunni í Laugardal sem voru almennt ekki að borga í stöðumæli auk þess sem Árni segir sögu sína frá samskiptum við lögreglu á Sauðárkróki í sumar, eldræðu Þórarins Ævarssonar IKEA-manns, kaup ráðgjafa við braggann á snitzel og blómum, landtöku í Vesturbænum og lífið við Einimel, fínustu götu bæjarins.2018-10-1858 min

Hismið hlaðvarpHismið - Vigdís Hauks rödd skynseminnarÍ Hismi vikunnar fá þeir Árni og Grétar til sín útvarpskonu Íslands, Björgu Magnúsdóttur, og ræða braggamálið mikla, framúrkeyrslu í framkvæmdum og hvort hið opinbera þurfi ekki að fara að ráða menn sem standa yfir iðnaðarmönnum í verkefnum. Þá ræða þau lífstílsbreytingu Sigmundar Davíðs og Árna, hófsama sjóðstjórann í Nevada og verðlaun í atvinnulífinu.2018-10-1158 min

Hismið hlaðvarpHismið - Flug og bíll til Lúx.Árni og Grétar bakka inn með stútfullan þátt af brakandi fersku efni þessa vikuna. Þeir fara yfir stöðuna á flugmarkaðnum og hvort gjaldþrot Primera og staðan hjá Wow og Icelandair þýði að við verðum komin aftur í flug og bíl til Lúx næsta sumar, eins og var venjan á níunda áratugnum. Þá fara þeir yfir skærur Ragnars Þórs hjá VR við Seðlabankann, afsökunarbeiðni vikunnar, stafræn þjónustufyrirtæki og það nýjasta í heimi fjármálastjórnunar: Beyond Budgeting 2018-10-0455 min

Hismið hlaðvarpHismið - Árshátíð HrunsinsHismið fer yfir 10 ára afmæli hrunsins með Andrési Jónssyni og þá ákvörðun ríkisstjórnarinnar að halda ekki strangheiðarlega árshátíð Stjórnarráðsins þann 6. október. Farið er yfir eftirminnileg móment úr hruninu og hvort nýtt hrun sé á leiðinni, eða í öllu falli þungur átakavetur með verkföllum og fjöri. Þá er farið yfir hvernig það að fara vel með sjálfan sig er orðið mikilvægara en að vinna og láta sér aldrei falla verk úr hendi.2018-09-2757 min

Hismið hlaðvarpHismið - Garðabærinn: Get rich or die tryingAnnar þáttur Hismisins fer yfir fyrstu daga sjálfstæðrar útgáfu sem hafa innihaldið ýmsar áskoranir þar sem helstu hlaðvarpsveitur heimsins hafa ekki enn lokið áreiðanleikakönnun sinni á þættinum. Þá er farið yfir fyrirhugaða hópferð íslenskra frímúrara til Ísrael, hugarfarið í Garðabæ, PR-mál Wow air í tengslum við útboð og lendingargjöld og hetjulega framgöngu Skúla Mogensen í málinu og einnig eru mál Örlygs Hnefils og Orkuveitunnar rædd.2018-09-2651 min

Hismið hlaðvarpHismið - Eigið fé Íslands að klárastHismið snýr aftur í fyrsta þátti vetrarins, nú í eigin útgáfu. Farið er yfir mögulega atburðarrás helgarinnar, sem Hismið spáir að verði ákveðið throwback á hrunhelgina í byrjun október 2008 með mikið af Wow-air neyðarfundum, fólki að hlaupa milli bygginga og svo sameiginlegum fréttamannafundi Skúla Mogensen og Sigurðar Inga þegar allt verður farið í skrúfuna. Þá er farið yfir ógöngur viðskiptavina í verslunum, átök Margrétar Friðriksdóttur og Semu Erlu Serdar í sumar og hvað hafi orðið um íslenska landsliðið í fótbolta?2018-09-2647 min