Shows
Ormstungur4. Reykdæla saga & Víga SkútuVíga-Skúta mætir á klakann og hefur bara eitt í huga. Að hefna pabba gamla og nú duga engin vettlingatök, hvorki hjá honum né tungunum. Þessi hluti sögunnar hefur allt: dulargervi, leynibirgi, tilræði á tilræði ofan og mann bundinn nakinn við staur í hólma út á miðju Mývatni. Lifir hann það af? Jah, bölvaðu ekki blessaðri flugunni sagði afi en vargurinn gefur … og vargurinn tekur. Hlustið og hlýðið.Styrktu Ormstungur:https://www.patreon.com/c/ormstungur
2025-10-071h 09Ormstungur3. Reykdæla saga & Víga Skútu -Vémundur Fjörleifsson! Hvað er hægt að segja? Geitin í slæmum hugmyndum, skeytingarleysi og forréttindahyggju? Jókerinn? Eða bara ljótur hálfviti? Allavega er maðurinn harðákveðinn í að gera sem mest vesen á þeim blaðsíðum sem hann lifir í sögunni. Og honum er ekkert heilagt hvort sem það eru hvalföng, þingbúðir, nautgripir eða tilvonandi brúðir. Áskell hefur ekki undan að sópa upp eftir hann og tungurinar skilja hvorki upp né niður í þessum gaur. En það er ekkert nýtt. Hlustið og hlýðið.Styrktu Ormstungur:https://www.
2025-10-0753 minOrmstungur2. Reykdæla saga & Víga Skútu - Áskell í yfirvinnuÁskell goði Eyvindarson. Hann hefur líklega séð fyrir sér rólegt líf í allsnægtunum í Reykjadal. Bara eitthvað að rölta meðfram ánni með strá í munni, en ónei. Hann er í yfirvinnu við að skrifa sáttargerðir fyrir systursyni sína og nágranna. Og hann er bara rétt að byrja. Tungurnar sigla nokkuð örugglega af stað en Hjalti lendir þó í vandræðum þegar hann man ekki orðið móðurbróðir. En þetta hefst. Hlustið og hlýðið.Styrktu Ormstungur:https://www.patreon.com/c/ormstungur
2025-10-0727 minOrmstungur1. Reykdæla saga & Víga Skútu - Lagt á borðLoksins loksins segja einhverjir! Þessir einhverjir eru ættaðir úr dölunum norðan við Mývatnssveit og nágrenni. Tungurnar ráðast nefnilega í Reykdælasögu og Víga-Skútu og hitta fyrir nokkra vel gíraða höfðinga. Því eins og allir vita eru Norðlendingar montnastir Íslendinga, Þingeyingar montnastir Norðlendinga, Mývetningar montnastir Norðlendinga og Suðursveitungar montntastir Mývetningar. Það er því ekki furða að tungurnar lendi fljótt í vandræðum með að hemja menn eins og Vémund Fjörleifsson og Víga - Skútu. Hlustið og hlýðið.Styrktu Ormstungur:ht
2025-10-0712 minOrmstungur5. Finnboga saga ramma - Hinn rammiKlárum þessa sögu. Sá rammi stendur undir nafni. Það er enn sótt að honum úr öllum áttum. Hann á fleiri óvini en það eru mýflugur eru á Mývatni. En er allt gott sem endar vel?Viltu hjálpa okkur styðja við lestur Íslendingasagnanna? Farðu á Patreon og kláraðu málið: www.patreon.com/ormstungur
2025-08-2955 minOrmstungur4. Finnboga saga ramma - Heimkoma, deilur og harmleikurVið erum komnir heim. Finnbogi er búinn að vera í stórsókn. Allt búið að ganga upp. Hann á samt óuppgerðar sakir heima fyrir. Nú fara óveðurskýin að hrannast upp. Vandræðin elta okkar mann uppi. Það er kalt á toppnum!Viltu hjálpa okkur að styðja við lestur Íslendingasagnanna? Farðu á Patreon og kláraðu málið: www.patreon.com/ormstungur
2025-08-2934 minOrmstungur3. Finnboga saga ramma - Suðrænar slóðirEins og í öllum góðum Íslendingasögum þá höldum við til Noregs. Finnbogi er enn með kattareðlið í sér og með klækjum fær hann að sýna sig og sanna fyrir Jarlinum í Niðarósi. Við förum líka á suðrænni slóðir í fyrsta sinn.Viltu hjálpa okkur aðstyðja við lestur Íslendingasagnanna? Farðu á Patreon og kláraðu málið: www.patreon.com/ormstungur
2025-08-2944 minOrmstungur2. Finnboga saga ramma - UrðarkötturKettir eru lúmsk dýr og það eru margir sem skilja þá ekki. Söguhetjan okkar, Urðarköttur, er ekki eins og flest önnur börn. Það er ástæða fyrir því. Við skoðum barnæsku Urðarkattar og fylgjum honum úr bæjarhlaðinu. Viltu hjálpa okkur að styðja við lestur Íslendingasagnanna? Farðu á Patreon og kláraðu málið: www.patreon.com/ormstungur
2025-08-2939 minOrmstungur1. Finnboga saga ramma - Lagt á borðVelkomin um borð. Langt síðan síðast. Nú leggja Ormstungur á borð fyrir Finnboga sögu ramma. Er höfundur þessarar sögu að gera gys af Íslendingasögunum? Má ekki hafa gaman? Svarið er jú. Fylgið okkur í þessa þeysireið!
2025-08-2908 minOrmstungur7. Laxdæla - Þeim var ég verst er ég unni mestLokaorð Laxdælu hefur skemmt marga og fólk á ekki afturkvæmt í samfélag manna eftir að hafa lesið þessa sögu. Ormstungur gera klára og gera upp söguna. Þeir verða aldrei samir aftur.
2024-10-1335 minOrmstungur1. Laxdæla - Dælan snúin í gang (aftur)Sem betur fer er ekki nóg að taka Laxdælu einu sinni fyrir. Ormstungur taka söguna aftur fyrir í betri gæðum en síðast og þeir eru betri menn fyrir vikið. Eða hvað?
2024-10-1314 min
Ormstungur7. Njáls saga - UppgjörSælir kælir hitamæli… komið með slökkvitækið, þetta er búið! Erfiðasta verki Ormstungna lokið. Ekkert á að vera fullkomið og þessi þáttaröð um Njálu er dæmi um það. En þá er gott að eiga í handraðanum nokkra sérfræðinga sem geta dregið okkur að landi og það er á bullandi tali hjá Tungunum í þættinum. Vala Garðars um fornleifar, Einar Kára um höfundinn, Ragnhildur Elísabet um að alast upp með Njálu og Flosi Þorgeirsson um að heita Flosi. Svo er bara spurning hvað Ormstungur taka fyrir næst?! Hlustið og hlýðið.
Viltu styrkja okkur styðja við les...
2023-05-181h 11
Ormstungur6. Njáls saga - Brenna og bugunÞetta byrjaði svo vel. Tungurnar höfðu alvöru trú. En svo bregðst krosstré sem viðarásar Bergþórshvols. Það óvæntur gestur sem leggur Tungurnar að velli - Ingjaldur á Keldum! Hver var hann? Hvaðan kom hann? Og hvaða andskotans máli skiptir hann í þessari sögu!? Örvæntið ekki, uppgjörið er eftir. Hlustið og hlýðið.
Viltu styrkja okkur styðja við lestur Íslendingasagnanna? Hérna getur þú nálgast Patreon síðu Ormstungna: https://www.patreon.com/ormstungur
2023-05-1848 min
Ormstungur5. Njáls saga - Mörður á leikHundraðasti þátturinn og Tungurnar heyra í kyndlum fyrir utan stúdíóið. Vafasamar kenningar um kristni, hestaát og hlutverk Skarphéðins í sögunni verða til þess að jafnvel sprelllifandi fræðifólk snýr sér við í kumlunum. En einhvern veginn tekst að klára þáttinn og þá er bara eitt eftir - að kveikja í skinninu. Hlustið og hlýðið.
Viltu styrkja okkur styðja við lestur Íslendingasagnanna? Hérna getur þú nálgast Patreon síðu Ormstungna: https://www.patreon.com/ormstungur
2023-05-1850 min
Ormstungur4. Njáls saga - HöskuldarviðvörunTungurnar höfðu verið varaðar við, þær vissu örlög þeirra sem reyna að greiða úr hinum mörgu þráðum Njálu. Hlustuðu þær - nei. Það verður til þess að þrátt fyrir gott gengi í Noregsköflunum um Víga Hrapp þá fara þræðir Njálu að herðast um kverkar þeirra eins og Urður, Verðandi og Skuld séu að hengja þá. Tunguknörrinn brotnar í spón á ströndum kaflanna sem fjalla um Höskuldana tvo. Lifa þeir þetta af? Verður annar þáttur? Hlustið og hlýðið.
Viltu styrkja okkur styðja við lestur Íslendingasagnanna...
2023-05-1852 min
Ormstungur3. Njáls saga - Fögur er hlíðinGunnar slær sinn síðasta tón á atgítarstrenginn. En tónnin reynist falskur og holur og slitnar að lokum. Þá er nú gott eiga háprúða eiginkonu. Nema auðvitað að maður hafi einhvern tímann gert eitthvað á hennar hlut sem gæti komið manni í koll… karma is a bitch Gunnar! Hvernig höndla Tungurnar þessa ófyrirsjáanlegu framvindu? Hlustið og hlýðið.
Viltu styrkja okkur styðja við lestur Íslendingasagnanna? Hérna getur þú nálgast Patreon síðu Ormstungna: https://www.patreon.com/ormstungur
2023-05-181h 09
Ormstungur2. Njáls saga - Hornkerlingin hættulegaTungurnar stinga sér til sunds í Rangá og synda á móti straumnum allan þáttinn. Þær eru án kúts og korks en á einhvern ótrúlegan hátt ná þær að fara yfir misgáfulegar kenningar um kynlífskúnstir Hrúts og Unnar Marðardóttur, blóðug hjónabönd Hallgerðar og húskarlavíg húsfreyjanna á Bergþórshvoli og Hlíðarenda. Einungis ein spurning stendur eftir: „Hvað í fjandanum þýðir að fjórðungi bregður til fósturs“? Hlustið og hlýðið.
Viltu styrkja okkur styðja við lestur Íslendingasagnanna? Hérna getur þú nálgast Patreon síðu Ormstungna: https://www.patreon.com/ormst
2023-05-181h 06
Ormstungur1. Njáls saga - Lagt á borðSú elsta. Sú virtast. Sú hættulegasta - Brennu Njáls saga. Okkar Everest og eldfimasta verkefni Tunganna hingað til. Það er enginn öruggur um að lifa Njáluna af og allra síst Tungurnar. Þær telja sig hafa pakkað í bakpokann og undirbúið sig vel en er það nóg? Eru þær nógu vel nestaðar? Guð blessi Ísland… og Tungurnar.
Viltu styrkja okkur styðja við lestur Íslendingasagnanna? Hérna getur þú nálgast Patreon síðu Ormstungna: https://www.patreon.com/ormstungur
2023-05-1821 min
Ormstungur7. Egils saga - UppgjörTungurnar gera söguna upp og skila henni aftur í skinnhandritið. Auðvitað klúðraðist margt og gleymdist fullt (til dæmis að keyra heim punktinn með að Egils saga er í rauninni ástarsaga þar sem sterkustu viðbrögð Egils eru vegna ástarinnar. Til Þórólfs, til Ásgerðar, til sonar síns og síðast en ekki síst ástarinnar á peningum.) En einhvern veginn blessaðist þetta alveg eins og hjá Agli sjálfum. En hver leikur hann í bíómyndinni? Hver talsetur hann í teiknimyndinni? Og hvar er silfrið? Hlustið og hlýðið.
Inn- og útgöngustef: Reynir Haraldsson
2022-06-1742 minOrmstungurx Hjalti Halldórsson - Barnabókmenntir og ÍslendingasögurnarTungurnar hverfa djúpt inn í sjálfhverfuna og taka viðtal við sjálfar sig. Það er að segja Oddur spyr Hjalta spjörunum úr enda stúdíóið gluggalaust og heitasti dagur vorsins. Benni Erlings taldi Hjalta ruglaðan að gera barnabók um Egil Skallagrímsson, sturlaða fyllibyttu og fjöldamorðingja, en er kannski eitthvað við í því? Hlustið og hlýðið á af hverju Hjalti skrifar og af hverju um barnabækur innblásnar af Íslendingasögunum.
2022-06-0521 min
OrmstungurKvikmyndarýni - Austmaðurinn (The Northman)Tungurnar eru vanar fljótaskrift á skraufþurrt skinnhandrit en reyndu sitt besta við að rýna í hina stafrænt skráðu, epísk-amerísku íslendingasagnaræmu Austmanninn. Vopnaðar súru slátri, mysu og signum silungi sátu þær sem dæmdar undir feðraveldisklámi Róberts Eggertsonar hins föðurlausa. Og ekki síðan þær sáu Ástrík og víkingana hafa þær verið jafn heillaðar af nokkru SJÓNarspili.
2022-05-3031 min
Ormstungur5. Króka-Refs saga - SögulokBragðarefurinn skýtur mönnum ref fyrir rass í síðasta sinn og það í Danmörku af öllum stöðum. Jesu kemur við sögu en hver í fjúkandi fjandanum var Pétur Postuli?! Hvað um það, tungurnar komast upp úr leðjunni og gera söguna upp í leiðinni. Spurning hvort þær leggja í frekari leiðangra eftir þessa krókaleið? (svarið er að sjálfsögðu já) Hlustið og hlýðið!
Styrktu okkur á https://www.patreon.com/ormstungur
Inn- og útgöngustef: Reynir Haraldsson
2022-04-2132 min
Ormstungur4. Króka-Refs saga - Virki og vítiseldarSagan tekur á sig VIRKIlega ævintýralegan blæ. Sem betur fer eru tungurnar vel lærðar í verkfræðinni og fara auðveldlega með að útskýra skurðgröft og vatnsveitur á miðöldum… NOT! Þær eru á útivelli sem aldrei fyrr og gera varla lesið söguna sér til gamans hvað þá gagns. En einhvern veginn klárast nú þátturinn, eða hvað? Hlustið og hlýðið!
Styrktu okkur á https://www.patreon.com/ormstungur
Inn- og útgöngustef: Reynir Haraldsson
2022-04-2127 minOrmstungur3. Króka-Refs saga - Gassagangur á GrænlandiRefurinn er sigldur frá skítaskerinu Íslandi, tekur land á stærstu eyju heims og gerist stórtækur á Grænlandinu góða. Skreytir sig með rostungstönnum og safnar selum eins og sannkallaður Nanook norðursins. En hómófóbían er víða og Daltonbræður miðaldanna æra óstöðugan með rógburði og ræfilsskap. Endar það vel? Hlustið og hlýðið!Styrktu okkur á https://www.patreon.com/ormstungurInn- og útgöngustef: Reynir Haraldsson
2022-04-2129 minOrmstungur3. Króka-Refs saga - Gassagangur á GrænlandiRefurinn er sigldur frá skítaskerinu Íslandi, tekur land á stærstu eyju heims og gerist stórtækur á Grænlandinu góða. Skreytir sig með rostungstönnum og safnar selum eins og sannkallaður Nanook norðursins. En hómófóbían er víða og Daltonbræður miðaldanna æra óstöðugan með rógburði og ræfilsskap. Endar það vel? Hlustið og hlýðið!
Styrktu okkur á https://www.patreon.com/ormstungur
Inn- og útgöngustef: Reynir Haraldsson
2022-04-2127 minOrmstungur2. Króka-Refs saga - Erjur á ÍslandiKrókurinn hér hvar og hvenær sem er söng Sálin hans Jóns míns en tungurnar eru ekki hvar sem er, þær eru í Kvennabrekku í dölunum. Þar hafa menn löngum haft áhuga á skinnum, enda hundraðkallinn sálugi Árni Magnússon fæddur þar en öfugt við hann hefur okkar maður Refur meiri áhuga á að naga skinn en að skrifa á það. En eins og gjarnan er með fálát börn þá rætist fljótt úr Rebba. Hvernig? Hlustið og hlýðið!
Styrktu okkur á https://www.patreon.com/ormstungur
Inn- og útgöngustef: Reynir Haraldsson
2022-04-2132 minOrmstungur1. Króka-Refs saga - Lagt á borðOrmstungur halda í enn eina óvissuferðina. Í þetta skiptið er ótroðna slóðin krókótt en eins og tungurnar segja gjarnan er betri krókur en kelda enda engin Íslendingasaga sem heitir Keldu-saga. Það þýðir auðvitað ekki að tungurnar lendi ekki í keldunni. Ójú, eins og kettir út í mýri vaða þeir leðjuna strax í byrjun. Komast þeir af stað? Hlustið og hlýðið!
Styrktu okkur á https://www.patreon.com/ormstungur
Inn- og útgöngustef: Reynir Haraldsson
2022-04-2114 min
Ormstungurx FGrettirOddur er fjarri góðu gamni að gamna sér í útlöndum en Hjalti deyr ekki ráðalaus og fær annan Odd og einn Alexander með honum í viðtal. Þeir fara yfir uppfærslu Fjölbrautarskólans í Garðabæ á söngleiknum Gretti. Tungurnar hvetja… nei hreinlega skipa öllum að fara og sjá sýninguna. Auðvitað lesa Grettis sögu fyrst. Og lesa hana svo aftur eftir sýningu. Kannski best að taka hana bara með á sýninguna.
2022-03-2422 min
Ormstungurx Arngrímur VídalínJólaþátturinn er lentur. Þegar Ormstungur eru nýkomnir úr glímu sinni við skrímsli og drauga þá verður að hringja í skrímslafræðing. Eina akademíska skrímslafræðing sem finnst hér á landi. Dr. Arngrím Vídalín. Hann skólar okkur til í hugtökum eins og afmennskun, blámenn, tröll, draugar, kúgun kvenna og...hvar á að hætta? Eða byrja?
Hlustið bara, þið sjáið ekki eftir því!
2021-12-2246 min
Ormstungurx Oddur AtliOddur Atli er venjulegur strákur sem gengur í 8. bekk í Oddeyrarskóla. Eða hvað? Oddur er kannski betur þekktur undir listamannanafninu OddurArg og sennilega yngsti atvinnulistamaður á Íslandi. Ef þú hefur stoppað við í Hauganesi, rétt hjá Dalvík, á ferð þinni um landið þá hefur þú kannski rekist á verk eftir Odd þar sem hann fær útrás fyrir brennandi áhuga sinni á miðöldum og Íslendingasögunum.
Oddur fer yfir hvernig honum, sem grunnskólanemi, finnst að sögurnar ættu að vera kenndar í skólanum og fleira skemmtilegt.
Hlustið og hlýðið!
2021-12-1726 minOrmstungurx Hundur í óskilumNjála í höndunum á hundunum Njála hræðir tungurnar meira en flest annað, nema ef vera skyldi að hitta Án hrísmaga í dimmu húsasundi. Þáttastjórnendur liggur við yfirliði þegar drottningu Íslendingasagnanna svo mikið sem ber á góma. Þá er gott að viðmælandinn að þessu sinni er vanur að blása í ýmsa heimagerða lúðra og flautur og gæti blásið í tungurnar lífi ef illa skyldi fara.
Tónmenntakennarinn, leikritaskáldið og lífskúnstnerinn Hjörleifur Hjartarson fór yfir fræðin og sagði frá Njálusýningu Hunds í óskilum og skyld mál. Hlustið, hlýðið og njótið.
2021-11-1124 minOrmstungurx Aðalheiður GuðmundsdóttirEru miðaldabókmenntir framtíðin? Aðalheiður Guðmundsdóttir, prófessor í bókmenntum fyrri alda við Háskóla Íslands svarar þessari spurningu og fræðir tungurnar um fornaldarsögur, Íslendingasögur, samtíðarsögur og riddarasögur. Hún hefur rannsakað allt milli himins og jarðar er varðar bókmenntir fyrri alda þar á meðal galdra, hina munnlegu geymd, dans og rímur. Hlustið og hlýðið!
2021-09-2743 minOrmstungur8. Grettis saga - UppgjörÞá er sagan öll en eigi er sopið kálið þó í ausuna sé komið. Ormstungur vita sem er að enginn er allheimskur ef þegja má og kalla því til sérfræðinga til að klára yfirferðina, enda hlýtur jafnan illt af athugaleysi og jafnan er hálfsagan sögð ef einn segir. Stebbi Jak fer yfir nestismálin, Sigrún Þ. Geirsdóttir kennir tungunum að synda í sjó og Ragnar Bragi Sveinsson fræðir þær um hestaatið á Þingvöllum 1930. Að lokum er sagan gerð upp. Hver myndi leika Gretti í kvikmyndinni? Eða Glám? Hvaða lag rammar inn Grettissögu? Fleira veit sá er fleira reynir!
2021-09-131h 07Ormstungur7. Grettis saga - Drungi í DrangeyLífið í Drangey leikur við Gretti sem hefur sigrast á margri þrautinni þegar hér er komið við sögu. En loks mætir hann ofjarli sínum. Fátt er rammara en forneskjan og illa rotinn rekaviður verður söguhetjunni að falli. Grettir er ekki ber á bakinu og litli bróðir hjálpar honum að spyrna við fótum. Glaumur reynist hins vegar verri en enginn, enda illt að eiga þræl að einkavin.
2021-09-1343 minOrmstungur6. Grettis saga - Ævintýri í útlegðTungurnar renna sér stjórnlaust fram af snjóhengjunni með bundið fyrir bæði augu í örvæntingarfullri tilraun til að halda í við söguhetjuna. Grettir slakar ekkert á þrátt fyrir að vera orðinn útlægur. Alls konar hindranir verða í veginum - Um hvað var Megas að semja? Hvað er Íslandsmetið í réttstöðulyftu? Hver er munurinn á réttstöðulyftu og hnébeygju? Lögfræðin fer líka illa með Tungurnar. Betur gengur að velta fyrir sér stóru spurningunni - hvað var líkt og ólíkt með útlögunum Gretti og Gísla Súra?
2021-09-131h 06Ormstungur5. Grettis saga - Þau tíðkast nú hin breiðu spjótinHvert ferðu þegar það er komið bremsufar í buxurnar? Hvar er best að vera þegar álögin leggjast ofan á þig eins og mara? Hvar er hamingjuna að finna þegar Glámskrattinn hefur hrifsað frá þér lífsviljann? Jú auðvitað í landi tækifæranna, perlu Skandinavíu - Noregi. Þessi seinni utanför er þó ekki eins gæfusöm og fyrr en varir fer allt bókstaflega í bál og brand. Grettir fer óvarlega með eld í Noregi og kemur það harkalega í bakið á honum, í framhaldinu fer hann í slæma skírslutöku og að lokum fellur Atli í valinn. Niðurtúrinn er hafinn!
2021-09-1332 minOrmstungur4. Grettis saga - Gæfa eða gjörvileikurErfiður þáttur fyrir Ormstungur, eðlilega. Einn svakalegasti Svíi bókmenntasögunnar stimplar sig inn með skelfilegum afleiðingum - hinn hljóðmikli og dimmraddaði smali Glámur, AKA Staffan Olson miðalda. Eftir hrikalegustu glímu Grettis við drauginn skeinuhætta hefur hann náð toppnum. Gjörvulegur er hann, um það er ekki deilt. En gæfusamur ekki. Það er kalt á toppnum og okkar maður ekki í kuldagallanum.
2021-09-1339 minOrmstungur3. Grettis saga - Sætir sigrar í NoregiTungurnar eru landkrabbar báðar tvær og það er vesen því sagan er komin út á haf. Dæmdur Grettir siglir í útlegðina álíka súr og nestið sem olli útlegðinni. Fljótlega tekur hann þó gleði sína þegar hann kemst til perlu Skandinavíu - Noregs. Draugar eru rassaðir, berserkir barðir í spað og skógarbjörn fær makleg málagjöld. Grettir er að finna sjálfan sig. Þetta getur ekki klikkað - eða hvað?
2021-09-1335 minOrmstungur2. Grettis saga - Tréfættur forfaðir og bernskubrek brjálæðingsÞað er byrjað í Noregi og Tungurnar ruglast strax á fyrstu mínútu leiksins! En hverjum er ekki sama hvort Önundur var afi eða langafi? Maðurinn var viskílepjandi víkingur með tréfót! Fljótlega berst leikurinn þó til Íslands og æsku Grettis. Þá ná tungurnar betri tökum á leiknum enda uppeldisfræðimenntaðar báðar. Það er þó bara í stuttan tíma og þegar morð er framið út af nesti er þeim öllum lokið.
2021-09-1341 minOrmstungur1. Grettis saga - Lagt á borðOrmstungur ráðast í sitt stærsta verkefni til þessa og eru hreinlega ekki vissar um að valda verkefninu. Því byrja þær á að hringja í Ármann Jakobsson til að nesta sig almennilega fyrir verkefnið. Manni er eðlilega efins um tungurnar, enda hefur hann sjálfur orðið fyrir barðinu á vanþekkingu þeirra í viðtalsþætti, en gefur að lokum ráðin góð. Ormstungur halda þá út á Grettishafið, vissulega á hriplekum báti en með ausurnar klárar.
2021-09-1315 minOrmstungurOrmstungur - Áður en þú hlustarHjalti og Oddur leggja þér línurnar áður en þú veður í sögurnar.
2021-08-0501 min
Ormstungurx Einar KárasonEinar Kárason er rithöfundur, ljóðskáld og sérstakur áhugamaður um Íslendingasögurnar. Gerðar hafa verið kvikmyndir og leikverk eftir bókum Einars og ber þar til dæmis nefna Djöflaeyjuna. Einar er einn mesti sérfræðingur okkar í Sturlungu og hefur hann gefið út bækurnar Óvinafagnaður, Ofsi, Skáld og Skálmöld þar sem hann gefur atburðum Sturlungaaldar skáldlegan blæ.
Í spjalli okkar við Einar fórum við víða. Við leituðum af höfundi Íslendingasagnanna, ræddum um sannleiksgildi þeirra og uppáhaldssögu
2021-07-2346 minOrmstungurx Flosi ÞorgeirssonFlosi Þorgeirsson er sagnfræðingur, tónlistarmaður og sérlegur áhugamaður um Íslendingasögurnar. Flosi og félagi hans, Baldur Ragnarsson, halda úti hlaðvarpsþáttunum Draugar Fortíðar sem er eitt vinsælasta íslenska hlaðvarp sem boði er í dag. Í þáttunum fjalla þeir um alls kyns söguleg viðfangsefni allt frá mönnum sem skjóta sér út í geim í garðstól yfir í aðra sem festa sig í holu neðanjarðar. Það vakti athygli Ormstungna þegar Flosi og Baldur gerðu atburði Njáls sögu einstaklega lifandi fyrir hlustendum sínum og gátum við ekki annað en fengið Flosa í smá...
2021-07-1659 minOrmstungurGunnlaugs saga Ormstungu - UppgjörSagan gerð upp. Farið er yfir hetjuskap og kvarði smíðaður til að meta hann í Íslendingasögunum. Hjalti kveður Odd í kútinn. Hvaða máltíð væri Gunnlaugs saga? Hvaða lag? Stóru spurningunum er svarað í þessum rosalega uppgjörs þætti! Einnig lagðar línur fyrir framtíðina.
2021-03-3037 minOrmstungurGunnlaugs saga Ormstungu kaflar 11-13Sagan nær hámarki. Draumar og blóð. Stirt er á milli Helgu og Hrafns. Þungt yfir þrátt fyrir partýhald.. Lágskýjað. Ský dregin fyrir sólu. Gulli og Hrafn eiga í basli að finna stað fyrir hólmgöngu því þær hafa verið bannaðar á Íslandi. Af hverju? Rætist draumur Þorsteins? Hverjir munu liggja í valnum? Það er allavega dramatískt lokauppgjör milli Gulla og Hrafns!
2021-03-3025 minOrmstungurGunnlaugs saga Ormstungu kaflar 9-10Það eru sænskir dagar hjá Gulla. Sem er slæmt því Hjalti er einn helsti áhugamaður um tilvistarkreppu Svía og orðið ,,lagom”. Leikar fara að æsast í sögunni þegar Gulli og Hrafn fara að kveðast á fyrir framan konung.
2021-03-3023 minOrmstungurGunnlaugs saga Ormstungu kaflar 6-8Gulli slær í gegn en sullur hefur myndast á fæti hans. Ekkert virðist þó geta stöðvað hann í leið sinni til heimsfrægðar. Eða hvað? Áhugaverðar umræður fara á flug um skikkjur og primaloft úlpur.
2021-03-3025 minOrmstungurGunnlaugs saga Ormstungu kaflar 4-5Gulli Ormstunga stimplar sig inn í söguna ásamt Helgu fögru. Ástin svífur yfir vötnum. Grasið er samt alltaf grænna hinum meginn. Gulli reynir hvað hann getur að komast á vit ævintýranna og sýna hvað í honum býr. Það ætlar þrautinni þyngra að komast af landi.
2021-03-3025 minOrmstungurGunnlaugs saga Ormstungu kaflar 1-3Persónur sem leggja jarðveginn fyrir aðalpersónur sögunnar seinna meir eru kynntar til leiks. Syni Egils Skallagrímssonar, Þorsteini Egilssyni, dreymir draum og fær Austmann til að ráða. Það boðar ekki gott!
2021-03-3024 minOrmstungurGunnlaugs saga Ormstungu - Lagt á borðÍ tilefni af 1. árs afmæli Ormstungna ákveða Hjalti og Oddur að endurhljóðblanda Gunnlaugs sögu. Sagan hefur allt! Af nógu er að taka; ást, draumar, hetjuskapur, öfund og hefnd.
2021-03-3013 minOrmstungurHrafnkels saga Freysgoða - UppgjörAustfaðirinn gerður upp. Ormstungur reyna að setja einhvern boðskap í söguna, bera hana saman við aðrar Íslendingasögur ásamt því að bulla töluvert. Eftir stendur ærandi spurning - hvert skal halda næst?
2021-01-0823 minOrmstungurHrafnkels saga Freysgoða - Lagt á borðOrmstungur iða í sætunum eins og Gísli Marteinn á föstudagskvöldi - bísperrtir. Enda er gestalistinn ekki af verri gerðinni. Til veislunnar er boðið sjálfum Hrafnkatli Freysgoða með sögu sína. Eftar að hafa skaðað sig á Gísla sögu verður spennandi að sjá hvort Ormstungur verði líka gerðar útlægar af Austurlandi?
2021-01-0811 minOrmstungurHrafnkels saga Freysgoða kaflar 12-16Varúð!!! Þessi þáttur er ekki fyrir viðkvæma enda er eitt mesta níðingsverk Íslendingasagnanna undir. Jafnvel tvö. Það dugar ekki minna en að hringja í doktor til að fá bókstaflega úr því skorið. Hlustið á eigin ábyrgð.
2021-01-0830 minOrmstungurHrafnkels saga Freysgoða kaflar 7-11Ormstungur halda til Alþingis og reyna að skilja ráðabrugg Þorkels Þjóstarsonar. Það tekst ekki betur en svo að fljótlega eru þeir farnir að ræða pabba Kardashian systra. Þeir eru nú meiri dusilmennin þessar Ormstungur.
2021-01-0825 minOrmstungurHrafnkels saga Freysgoða kaflar 1-6Ormstungur halda inn í þokuna og rekast strax á hindranir. Að vísu eru þeir fljótir að reikna út manngerð Kela en þegar kemur að Einari smala vandast málið. Hvað gera smalar? Hvað þurfa þeir að kunna fyrir sér? Og síðast en ekki síst, hvað þurfa þeir að hafa í nesti? Sem betur fer er sérfræðingur að norðan í símanum og Orsmtungur fá svör við öllu. Já, svo er framið eitt morð.
2021-01-0833 minOrmstungurHrafnkels saga Freysgoða kaflar 17-20Keli nær vopnum sínum á ný. Sammi situr í súpunni. Eyvindur kemur austur að austa alveg að fjöllum þegar hann er veginn aaalsaklaus. Þetta fíla menn fyrir vestan ekki og neita að koma nálægt þessum austfirðingum aftur.
2021-01-0818 minOrmstungurGísla saga uppgjörGíslinn gerður upp og við förum í sjálfskipaða útlegð frá Vestfjörum #jesuisGísli
2020-12-1235 minOrmstungurGísla saga Súrssonar kaflar 34-38Lokaorustan harðnar. Gísli fer upp á Einhamar og fellur þaðan. Við föllum öll með honum og Ormstungur falla endanlega á prófinu.
2020-11-1224 minOrmstungurGísla saga Súrssonar kaflar 31-33Njósnar-Helgi fær háðuglega útreið, en ekki verri en Eyjólfur grái þegar feðraveldið fær á snúðinn. Gísla er orðið svo illt í maganum að hann fær sturlaða drauma.
2020-11-1118 minOrmstungurGísla saga Súrssonar kaflar 28-30Þorkell fellur, ekki fyrir eigin hendi en þó fyrir eigin sverði. Gestur hinn spaki er farinn að toga í spotta. Magaverkir Gísla ágerast og valda honum slæmum draumförum. Hann er þó háll sem áll og ólíklegt að Ormstungur geti nokkurn tímann fangað hann.
2020-11-1123 minOrmstungurGísla saga Súrssonar kaflar 25-27Njósnar-Helgi sýnir hvers hann er megnugur en Gísli er snjallari. Hann er nú orðinn frægur enda enginn hraustari eða hugrakkari. Ekki er hann þó gæfumaður.
2020-11-1026 minOrmstungurGísla saga Súrssonar kaflar 23-24Ormstungum hefur ekki tekist að fanga Gísla. Þá er kynntur til sögunnar 007 Íslands, útsendari Eyjólfs gráa, sjálfur Njónsar-Helgi. Gísli reynir enn að fá bróður sinn til að hjálpa sér en Þorkell hafði ekki lesið 152. kafla Njálu og skilur við bróður sinn beran að baki.
2020-11-0920 minOrmstungurGísla saga Súrssonar kaflar 20-22Ormstungur missa Gísla frá sér og hann hrekst að heiman og fer í leiðinni illa með þrælinn Þórð. Hann er dæmdur sekur og fer að finna fyrir ónotum í maganum.
2020-11-0823 minOrmstungurGísla saga Súrssonar kaflar 17-19Nefið belgir út nasirnar og hnusar í allar áttir. Það hefur voveiflegar afleiðingar síðar meir en fyrst er Nefinu komið fyrir kattarnef. Þess á milli játar Gísli á sig morð.
2020-11-0718 minOrmstungurGísla saga Súrssonar kaflar 14-16Þorgrímur reimar skó... já það er merkilegt! Grásíða fær að væta sig blóði í annað sinn og það í höndum manns á nærbuxunum.
2020-11-0625 minOrmstungurGísla saga Súrssonar kaflar 11-13Allt vitlaust fyrir vestan! Vötn renna öll til Dýrafjarðar, reflar eru gefnir en ekki þegnir og að lokum er framið morð. Síðast en ekki síst mætir Nefið til leiks.
2020-11-0532 minOrmstungurGísla saga Súrssonar kaflar 7-10Nú dregur til tíðinda. Bræður skipta búi og eftir stendur spurningin: Stendur oft illt af kvennahjali?
2020-11-0428 minOrmstungurGísla saga Súrssonar kaflar 4-6Vestfirðir 952. Það er súld. Lönd eru keypt, fólk giftist og vinir skera sig á púls. Basic.
2020-11-0325 minOrmstungurGísla saga Súrssonar kaflar 1-3Eins og allar góðar sögur byrjar Gísla saga í Noregi. Nánar tiltekið í Súrnadal. Stemmningin er eins og nafn dalsins gefur til kynna - súr.
2020-11-0217 min
OrmstungurGísla saga Súrssonar - Lagt á borðVarúð! Hjalti og Oddur eru komnir til Vestfjarða. Það eru blikur á lofti. Útlaginn sjálfur er á skurðarborðinu og það súrnar í stúdíóinu um leið og krufningin hefst.
2020-11-0111 min
OrmstungurGísla saga Súrssonar - UppgjörOrmstungur gera lokatilraun til að fanga útlagann sem Gísla saga er en átta sig á að þeir eru gíslar sögunnar. Við erum öll gíslar #jesuisgísli.
2020-11-0100 min
OrmstungurOrmstungur - Fleira veit sá er fleira reynirÞemalag Ormstungna ,,Fleira veit sá er fleira reynir" gjörið svo vel!
Höfundur: Reynir Haraldsson
© 2020
2020-10-0200 min
Ormstungurx Friðbjörn GarðarssonVið höfum oft verið í reknir á gat þegar upp koma lagadeilur í sögunum sem við förum yfir. Þess vegna kölluðum við til okkar sérfræðing í lögfræði miðalda. Friðbjörn Garðarsson er lögmaður og áhugamaður um Íslendingasögurnar. Farið var yfir Grágás, refsingar og Flosareið svo eitthvað sé nefnt.
Hlustið og njótið!
2020-09-2144 minOrmstungurOrmstungur - Áður en þú hlustarOrmstungur byrjuðu að tala tungum á tímu msamkomubannsins sem sett var á í mars 2020 vegna kórónuveirufaraldursins sem skók þá heiminn. Kennurum var bannað að hitta nemendur sína og áttu krakkar við unglingadeild Langholtsskóla að lesa Gunnlaugs sögu Ormstungu. Nú voru góð ráð dýr. Auðvitað brugðu þeir á það ráð að henda einu stykki hlaðvarpi í loftið til að styðja við lestur Íslendingasagnanna. Úr þessu fæddist hlaðvarpið Ormstungur og hefur það heldur betur undið upp á sig.
Hjalti og Oddur eru ekki sérfræðingar heldur áhugamenn. Markmið hlaðvarpsins er fyrst of fremst að styðja við lestur Íslendin...
2020-09-1402 min
Ormstungurx Kristín Ragna GunnarsdóttirKristín Ragna Gunnarsdóttir getur skreytt sig með mörgum höttum. Fyrst og fremst er hún sögumaður. Hefur henni tekist að glæða norrænu goðsagnirnar með öllum sínum kynjaverum lífi og þannig kynnt þær fyrir ungum sem öldnum. Spjallið fór um víðan völl, meira að segja alla leið á Hvolsvöll.
Hlustið og njótið!
2020-09-1435 min
Ormstungurx Benedikt ErlingssonBenedikt Erlingsson þarf varla að kynna fyrir landsmönnum. Leikari, leikstjóri, leikskáld, sjómaður og kartöflubóndi. Þekktastur er hann þó fyrir hlutverk sitt sem Þjóðólfur í Fóstbræðrum.
Hann hefur sett á Íslendingasögurnar á svið og miðlað þeim til samtímafólks. Fyrst var það Ormstunga og svo Mr. Skallagrímsson. Við fórum yfir víðan völl, frá manni að nafni Mel yfir í umræður um hvort að það eigi að skrifa barnabækur um sækópata.
Inn- og útgöngustef: Reynir Haraldsson
2020-09-0744 min
Ormstungurx Brynhildur ÞórarinsdóttirHinn margverðlaunaði rithöfundur Brynhildur Þórarinsdóttir hefur legið yfir Íslendingasögunum í gegnum tíðina og miðlað þeim til barna. Hún fór yfir af hverju þessar sagnir eiga erindi enn þann dag í dag, jafnt við unga sem aldna.
2020-08-3128 min
Ormstungurx Vala GarðarsdóttirVala Garðarsdóttir, fornleifafræðingur, kom og fræddi okkur um fornminjar og lifnaðarhætti víkingaaldar. Hvar er silfur Egils, bogi Gunnars og Grásíða? Kannski finnur þú svör við þessum spurningum í þættinum!
2020-08-2443 min
Ormstungurx Ármann JakobssonOrmstungur eru peð á taflborði Íslendingasagnanna en kynna til leiks kónginn til að hefja skákina. Ármann Jakobsson, prófessor í miðaldabókmenntum, tók Ormstungur í stutta kennslustund.
Hlustið og hlýðið!
Inn- og útgöngustef: Skálmöld - Kvaðning (fengið með leyfi)
2020-08-1740 minOrmstungurKjalnesinga saga - UppgjörKjölurinn er gerður upp. Hjalti og Oddur ná lendingu. Með hvaða persónu sögunnar færir þú út að borða? Hvaða lag er Kjalnesinga saga. Ef þú hefur aðrar skoðanir en við endilega hentu á okkur línu á @ormstungur á helstu samfélagsmiðlum!
Inn- og útgöngustef: Skálmöld - Kvaðning (fengið með leyfi)
2020-08-0724 minOrmstungurKjalnesinga saga kaflar 17-18Rússíbaninn stöðvast. Harkalega. Búi kemur heim til Íslands og Kolfinnur tekur á móti honum. Öll kurl eru komin til grafar. Eða hvað?
Inn- og útgöngustef: Skálmöld - Kvaðning (fengið með leyfi)
2020-08-0715 minOrmstungurKjalnesinga saga kafli 15-16Úff! Þessi saga er hvergi nærri farin að slaka á. Búi hefur komist yfir taflið og heldur að hann sé búinn að leysa það verkefni sem konungur lagði fyrir hann. Bíddu hægur og haltu þér fast. Konungur leggur fyrir hann lokaþraut.
2020-08-0717 minOrmstungurKjalnesinga saga kaflar 12-15Við erum stödd í Noregi. Tröllkallar og konur koma við sögu.Búi heldur í ótrúlegan leiðangur inn í fjall að sækja tafl. Minnir á Hringadróttinssögu á tímabili. Var Tolkien undir áhrifum frá Kjalnesinga sögu? Hjalti og Oddur ræða þetta allt saman.
Inn- og útgöngustef: Skálmöld - Kvaðning (fengið með leyfi)
2020-08-0725 minOrmstungurKjalnesinga saga kaflar 9-11Kolfinnur reynir að skáka Búa en myrkraverk Esju hjálpa honum enn og aftur að halda lífi. Eins og allar góðar sögur færi sagan færir sig frá Íslandi yfir Noregs þar sem undarlegir hlutir byrja að gerast.
Inn- og útgöngustef: Skálmöld - Kvaðning (fengið með leyfi)
2020-08-0722 minOrmstungurKjalnesinga saga kaflar 6-8Hvað er í gangi? Jú, það er allt í gangi. Hart er barist um hana Ólöfu hina vænu. Menn eru meira að segja tilbúnir að fara á stangarstökki frá Elliðavatni alla leið upp á Kjalarnes til að heilla hana.
2020-08-0627 minOrmstungurKjalnesinga saga kaflar 3-5Það er kjölurinn í dag. Nú duga engin vettlingatök. Búi nokkur Andríðsson röltir um Kjalarnes með leðurpyngju og varpar grjóti. Kveikt er í hofum og menn drepnir hægri vinstri. Hlustun er sögu ríkari!
Inn- og útgöngustef: Skálmöld - Kvaðning (fengið með leyfi)
2020-08-0628 minOrmstungurKjalnesinga saga kaflar 1 og 2Hjalti og Oddur lenda á Kjalarnesi. Við fáum líka smjörþefinn af heiðnum siðum landnámsmanna. Var verið að fórna mannfólki? Í alvöru?
Inn- og útgöngustef: Skálmöld - Kvaðning (fengið með leyfi)
2020-08-0624 minOrmstungurKjalnesinga saga - Lagt á borðVið pökkum niður og spennum beltin því þessi ferð verður rússíbanareið. Haldið ykkur fast!
Inn- og útgöngustef: Skálmöld - Kvaðning (fengið með leyfi)
2020-08-0610 min
OrmstungurLaxdæla kaflar 31-34 og uppgjörÞað er allt kreist úr tannkremstúpunni og sagan er gerð upp. Dælan stöðvast.
Inn- og útgöngustef: Kvaðning - Skálmöld (fengið með leyfi)
2020-05-1155 minOrmstungurLaxdæla kaflar 29-31Guðrún er í hefndarhug og leitar ráða hjá Snorra Goða. Hvað gerist næst? Hjalti og Oddur skeggræða.
2020-05-1018 min
OrmstungurLaxdæla kaflar 26-28Það eru alltaf eftirmálar þegar einhver er veginn. Nú er sótt að Bolla úr öllum áttum. Höskuldar viðvörun: Án hrísmagi dansar sinn síðasta dans eins og Phil Jackson og Bulls gerðu 1998. Enginn spillingardans þar á ferð.
Inn- og útgöngustef: Kvaðning - Skálmöld (fengið með leyfi)
2020-05-0920 minOrmstungurLaxdæla kaflar 24-25Hér hefur verið framið morð. Eða hvað? Hjalti og Oddur fara í saumana á því.
Inn- og útgöngustef: Kvaðning - Skálmöld (fengið með leyfi)
2020-05-0820 minOrmstungurLaxdæla kaflar 21-23Það er allt að sjóða upp úr. Kjartan giftist Hrefnu og það verða gripahvörf í veislu í Hjarðarholti. Það er öllum illt í maganum í þokkabót!
Inn- og útgöngustef: Kvaðning - Skálmöld (fengið með leyfi)
2020-05-0824 min
OrmstungurLaxdæla kaflar 19-20Farið er yfir víðan völl í þættinum. Bolli reynir að róa Kjartan með gjöf í formi hesta. Hjalti elskar hesta. Upp úr því sprettur umræða um hestamennsku á miðöldum sem nær engum enda.
Inn- og útgöngustef: Kvaðning - Skálmöld (fengið með leyfi)
2020-05-0729 minOrmstungurLaxdæla kaflar 16-18Leikar fara að æsast þegar Bolli fer aftur til Íslands og biður Guðrúnar. Hvernig tekur Kjartan í það? Ormstungur svara þeirri spurningu.
Inn- og útgöngustef: Kvaðning - Skálmöld (fengið með leyfi)
2020-05-0627 minOrmstungurLaxdæla kaflar 12-15Hjalti og Oddur fara yfir Noregsför þeirra Kjartans og Bolla þar sem þeir æra óstöðuga.
Inn- og útgöngustef: Kvaðning - Skálmöld (fengið með leyfi)
2020-05-0526 minOrmstungurLaxdæla kaflar 8-11Drottningin og draumar hennar mæta inn taflborðið ásamt sverðinu Fótbít.
Inn- og útgöngustef: Kvaðning - Skálmöld (fengið með leyfi)
2020-05-0428 minOrmstungurLaxdæla kaflar 5-7Ólafur pái smellir sér yfir til Írlands og biður Þorgerðar. Tvær lykilpersónur eru svo kynntar til leiks!
Inn- og útgöngustef: Kvaðning - Skálmöld (fengið með leyfi)
2020-05-0326 minOrmstungurLaxdæla kaflar 1-4Dælan er sett í gang. Eins og allar góðar sögur þá byrjar hún í Noregi. Ketill flatnefur, Auður djúpuðga og fleiri keyra söguna af stað.
Inn- og útgöngustef: Kvaðning - Skálmöld (fengið með leyfi)
2020-05-0225 minOrmstungurLaxdæla - Lagt á borðDælan er sett í gang. Hjalti og Oddur leggja á borð fyrir Laxdælu, eitt af meistaraverkum Íslendingasagnanna.
Inn- og útgöngustef: Kvaðning - Skálmöld (fengið með leyfi)
2020-05-0108 min