Shows
ЕквалисZëshëm për përvojat queer në shoqërinë maqedonase - Version në shqip„Zëshëm për përvojat queer në shoqërinë maqedonase” është botim i përbërë nga 4 tregime të 4 anëtarëvë të komunitetit LGBTIQ+, që identifikohen si gej, lezbike, biseksuale dhe grua transgjinore. Ky botim flet për përvojat. Përvojat tona të cilat janë gjithmonë dytësore për sistemin. Përvojat të lidhura rreth sigurisë, ecjes në rrugë, frikës, sulmeve fizike që anëtarët e komunitetit tonë i bartin në shpinë. Pastaj, procesi i pranimit dhe i vetë-pranimit, beteja të gjata dhe komplekse me veten, e më tutje, me mikrorrethin tonë, familjet, institucionet, religjionet, k...2020-12-091h 30
ЕквалисГласно за КВИР искуствата во македонското општество - Македонска верзијаОд Предговорот:
„Гласно за квир искуствата во македонското општество“ е публикација составена од 4 приказни на 4 припадниц(чк)и на ЛГБТИК+ заедницата, коишто се идентификуваат како геј, лезбејка, бисексуалка и трансродова жена. Оваа публикација зборува за искуствата. Нашите искуства коишто се секогаш секундарни за системот. Искуствата поврзани со безбедноста, одењето по улица, стравот, физичките напади коишто припадниците на нашата заедница ги имаат износено на својот грб. Потоа, процесот на прифаќање и самоприфаќање, долги и комплексни битки со самите себе, а, понатаму, и со нашите микросредини, семејства, институции, религии, општества и Влади.
Оваа публикација зборува за локации, места и простори во коишто нашата заедница се чуствува удобно да се социјализира, а каде што, во исто време, се имаат случено, можеби, и најопасните искуства за нас. Како читател(к)и на овие приказни, ќе нурнете во искуства поврзани со семејеството, со нашите биолошки семејства и со живеењето во постојан грч поради стравот да не го изгубите семејството коешто го имате, ако им го откриете своето вистинско „јас“. Приказните се и за нашите искуства на заљубување, живеењето тајни животи со нашите партнери, нашите среќни мигови и нашите погледи за иднината. Дури, и за нашата анксиозност за иднината. Но, и за чувството дека иднината (ќе) е наша и дека ја земаме во свои раце.
Искуствата од оваа публикација, пред сѐ, им ги даваме на припадниците на нашата заедница. Во секоја од овие приказни сакаме да отвориме простор за надеж, за поистоветување, за чувство на единство и за живеење на заедничка реалност, но и за делење на визијата за подобар живот на нашата заедница. Сакаме да создадеме простор за борба, особено, простор за заедничка борба.
Пропратно, овие приказни им ги нудиме и, како будење, на оние коишто ја имаат моќта да бидат привилигирани во ова општество поради својата сексуална ориентација. Ова се приказни коишто ги отвараат прашањата за привелгијата, за системот, за институциите и коишто, сосема ненаменски, низ нашето секојдневно живеење, сакаат да им препорачаат, на оние коишто имаат привилегија, дека нашите искуства се валидни, но дека нема да чекаме на валидација базирана на сожалување или милостина, туку, едноставно, ќе ги валидираме поради фактот што заслужуваме да бидеме еднакви исто како и хетеросексуалните и цис луѓето во оваа држава.
Приказните во оваа публикација се приказни на четири припадници на заедницата коишто се идентификуваат како геј, лезбејки, бисексуалки и трансродови лица, но во исто време носат и други маргинални идентитети. Тие идентитети се провлекуваат и се спомнати низ самите интервјуа. Некои од нив се лица со попреченост, други се жени, млади или доаѓаат од помали средини, надвор од главниот град. Разговорите со секој/а од нив се транскрибирани и прераскажани онака како што течеа, полни со природен говор, дијалектни изрази, жаргони и англизми. Веруваме дека, токму тој, директно пренесен говор, без никакви интервенции, ќе ви помогне, Вие, како читател(к)и, да ги почувствувате овие приказни поблиски, пообични и посекојдневни.
Заради заштита на личната безбедност, сите говорници се анонимни, иако, некои од нив се имаат и јавно аутирано. Споделувањето имиња на локали, локации, градови и институции во оваа публикација е свесно, намерно и дозволено од страна на говорни(ци)чките.2020-12-091h 35
ЕквалисАна ИлиеваАна Илиева за нејзиното искуство во активностите на Еквалис.2020-09-2201 minЕквалисЕва КарамановскаЕва Карамановска за нејзиното искуство со Еквалис и фестивалите.2020-09-2200 minЕквалисСимона МладеновскаСимона Младеновска за нејзиното искуство како врсничка едукаторка во Еквалис.2020-09-2202 minЕквалисНаѓенка Туторов АпостоловскаНаѓенка Туторов Апостоловска за нејзините предизвици како мајка на лице со физичка попреченост2020-09-2201 min
ЕквалисПодкаст: За унапредувањето на работната позиција во една државна институцијаВо петтата епизода од мини-серијалот подкасти кои прикажуваат реални случаи на дискриминација зборуваме за дискриминацијата врз основа на политичка припадност и политичко уверување.
По втор пат, ни гостува Игор Јадровски, проектен менаџер во областа на дискриминацијата во Хелсиншки комитет за човекови права. Покрај тоа што разговаравме за конкретниот случај на дискриминација утврдена во една македонска државна институција, Игор образложи подетално и за состојбата со Законот за спречување и заштита од дискриминација, кој пред половина година беше укинат од страна на Уставниот суд, како и за начините на докажување дискриминација со и без овој закон.
По слушањето, предлагаме да размислите за следново:
1. Каде се воочува дискриминација во случајот раскажан во овој подкаст?
2. Дали вие некогаш сте биле жртва или сведок на ваков или сличен вид дискриминација?
3. Кои се начините на докажување дискриминација со и без Закон за спречување и заштита од дискриминација?
2020-08-3114 min
ЕквалисПодкаст: Патувањето со автобус за еден ромски студентОваа епизода ги разгледува аспектите на дискриминација врз основа на етничка припадност.
Разговараме со студентот Сирхан Усеин којшто пред околу половина година беше жртва на директна дискриминација во еден од автобусите на Јавното скопско претпријатие - ЈСП.
По слушањето, предлагаме да размислите за следново:
1. Каде се воочува дискриминацијата во приказната на Сирхан Усеин?
2. Дали вие некогаш сте биле жртва или сведок на етничка дискриминација? Како сте постапиле?
3. Кои други етнички малцинства се дискриминирани во Македонија?
4. Како можеме да го отстраниме ваквиот вид дискриминација од македонското општество?2020-08-2809 min
ЕквалисПодкаст: Патувањето со автобус за една девојка - лице со попреченостОваа епизода ја обработува дискриминацијата кон лицата со попреченост.
Разговараме со Оливера Апостоловска, идна студентка на Специјална едукација и рехабилитација, а воедно и лице со попреченост, и со нејзината мајка, Наѓа Апостоловска.
По слушањето на овој подкаст предлагаме да размислите за следново:
1. Зошто оваа ситуација се дефинира како дискриминација?
2. Дали вие некогаш сте биде жртва или сведок на ваква или слична дискриминација?
3. Што треба да направи македонското општество за да ја отстрани дискриминацијата кон лицата со попреченост?2020-08-2710 min
ЕквалисПодкаст: Пладневното кафе на една трансродова женаОваа епизода ги разгледува аспектите на дискриминација нанесена врз трансродовите лица.
Случајот којшто е опишан во овој подкаст е вистински и се има случено во С. Македонија. Сепак, името на жртвата, како и името на градот се променети од безбедносни причини.
Разговараме со Игор Јадровски, правник и проектен менаџер во областа на дискриминацијата во Хелсиншки комитет за човекови права.
По слушањето, предлагаме да размислите за следново:
1. Во кои аспекти се воочува дискриминацијата во претходно опишаните случаи во овој подкаст?
2. Дали вие некогаш сте искусиле или сте биле сведок на ваков или сличен вид дискриминација?
3. Како сте се чувствувале и која била вашата реакција во таа ситуација?
2020-08-2609 min
ЕквалисПодкаст: Куса приказна за гинеколошката амбуланта во Шуто ОризариОваа епизода ги обработува аспектите на дискриминација врз жените од општината Шуто Оризари. Откако последната докторка по гинекологија, во јануари годинава, ја пресели својата ординација во друга општина, жените во Шуто Оризари, повторно, се оставени без гинеколошка амбуланта.
За илустрација, во други општини со приближна големина, има по околу 10 амбуланти, а во Шуто Оризари нема ниту една.
Разговараме со Салија Бекир Халим, една од основачките на неформалната група 'Иницијатива на жени од Шуто Оризари', којашто беше една од првите јавно да реагираат на преселбата на ординацијата во јануари.
По слушањето на овој подкаст, предлагаме да размислите за следново:
1. Каде се воочува дискриминација во опишаните случаи?
2. Дали, и како, се преклопуваат различните видови дискриминација во овие случаи?
3. Дали вие некогаш сте биле жртва или сведок на родова дискриминација? Како сте постапиле?
4. Што треба да преземе македонското општество за дискриминацијата воочена во овој подкаст да биде отстранета од општеството?2020-08-2509 min