Shows
Tierra de barrenausTierra de barrenaus 11x17. Cuervos y masHa pasau lo Día d’o libro, y d’Aragón, y tornamos d’a paradeta de Nogara con una inchección d’aragonesina, prestas pa seguir treballando firme por la nuestra luenga. Dimpués de tot un día charrando aragonés con los capazos que nos pretemos con toda la chent que pasez por la Plaza, acabemos cansas de tot, y cuasi sin voz, pero bien contentas.
Por astí alto, sobre los nuestros tozuels, a fe que volaba bella gralleta, una d’as aus d’a familia d’os cuervos que nos ne charra Tamara en iste programa a on que tra...
2025-05-061h 14
Tierra de barrenausTierra de barrenaus 11x16. Especial Día d'o libroYe a tocar lo Día d'o libro de 2025 y editorials y librerías s'aprestan pa una chornada de fer conoixer las suyas novedaz y lo treballo de muitos meses. Una oportunidat pa trobar-nos y pretar-nos un sobrebuen capazo literario. Asinas que Tierra de barrenaus no podeba deixar pasar la enchaquia pa charrar de libros y historias.
Empecipiamos con una mica de poesía, con versos de Lucía López (Cuan plegue o colapso) y Álex García (Las ausencias, las ciudades y el mar). Seguimos con un relato mío de l'inktober de 2020, que t'a par d'alavez se dició "R...
2025-04-221h 09
Tierra de barrenausTierra de barrenaus 11x15. ...y un paisacheSi de bella cosa podemos fer-nos-ne la bamba en lo país ye de paisaches. De bonicos y de variaus. Tenemos de tot en muit poco territorio. Podría decir-se que ye una parte vital d’a nuestra identidat colectiva. En zagueras tot ixo ye en periglo en muitas partes, de nuevas, por ixa fambre de recursos intrinseca a lo desarrollismo capitalista.
Chusé Alegre ye d'a "Plataforma en Defensa del Territorio de Cinco Villas" y un activista embrecau en la causa de desfender lo suyo territorio y paisaches d’as Cinco Villas. Con el charramos sobre lo chandrío que son fend...
2025-04-081h 28
Tierra de barrenausTierra de barrenaus 11x14. Chornadas d'as luengas 2025Iste ye un programa prou especial y, pa saber por qué, habrás d’ascuitar-lo. Empecipiamos con una editorial a on que anunciamos una gran novedat pa lo que queda de temporada. No te lo pierdas.
Lo programa fa diez anyos en istos días. Lo dos d’abril, pa estar exactos. Y, entre atras cosas, lo celebramos con una charradica en Ordio Minero lo martes 25 a las 19:00 a on que podremos charrar d’a devantdita novedat, d’os 10 anyos de programa, d’os cuasi vinte de blog y d’o que tos pete.
Pero la medolla d’iste nuevo capitol ye en las...
2025-03-241h 13
Tierra de barrenausTierra de barrenaus 11x13. O dichital y capezutos en luitaAmanau a los diez anyos de comunicación radiofonica en aragonés, de cabo ta cuan he sentiu una sensación de soledat en tener poqueta chent arredol que faiga lo mesmo. Por ixo, cada vegada que naixe una nueva iniciativa que mira de trencar ixa comunicación y d’ixamplar las canals en aragonés, me foi bien contento de caminar mas acompanyau. En lo programa nuevo entrevistamos a Lorien, un d’os miembros de O dichital, un nuevo medio en aragonés d’información cheneralista que naixió fa bel mes.
Tanimientres, la mía ciudat pateixe una alcaldesa encer...
2025-03-111h 28
Tierra de barrenausTierrade barrenaus 11x12. Cronicas concierterasCon las almendreras ya floreixendo lo país va pillando ritmo y vienen convocatorias arrienda pa alegrar-nos la vida un poquet. Una d’ellas, la Cincomarzada, nos fa vez pa charrar d’as continas prebatinas de man de l’administración pa acotolar las fiestas populars.
Antimás d’ixa fiesta, una d’as pocas de tot laicas que i hai en tot lo calandario, tos convidamos a participar en lo Chueves larder de Nogara u en lo Facharnaval de Radio Topo y la Fabrika de Chocolate, dos actividaz que marcan buena borina. En la parte de conciertos, femos alcordanza d’os de Ampar...
2025-02-251h 28
Tierra de barrenausTierra de Barrenaus 11x11 Popurri CulturalZaragoza ye bullindo, plena de conciertos y convocatorias de toda mena. No sé vusatras, pero yo no adubo a ir ta tot lo que me faría goyo. Asinas que en lo programa nuevo damos treslada de cuantas actividaz y eventos que i hai arredol d’istos días.
Empecipiamos con un nuevo tema de Mallazo, que visitó la ciudat fa poquet y que nos traye antimás una colabo con Ixo Rai!. Lo devandito bullir cultural no ye d’o goyo de belún que diz que Aragón ye lo culo d’o mundo cuanto a cultura. Y tot y que ye...
2025-02-111h 22
Tierra de barrenausTierra de barrenaus 11x10. Mallacán y El bigote de AznarNos ha quedau un programa bien mosical y ye que en Aragón tenemos muitismo calitre y una tradición artistica a saber qué ampla que fa buens fruitos.
Empecipiamos, manimenos, por una banda que no vive en Aragón. Dende Madrit nos visita Raúl, cantaire de “El bigote de Aznar”, colla punk que fa servir l’aragonés en beluna d’as suyas composicions. Con el parlamos de luenga, de memoria historica, de mosica y de mas cosicas. Entre ellas, d’o concierto de Mallacán, lo motivo que le fació venir ta Zaragoza.
Ixe concierto centra la segunda parte d’o...
2025-01-281h 28
Tierra de barrenausTierra de barrenaus 11x09. Deseyos pa 2025A diferencia de l’anterior, en iste nuevo programa sí que hemos reblau y hemos tirau de topico: charrar d’o nuevo anyo. Entre todas las tradicions nadalencas que no sigo, i ye la d’as doce ugas de cabo d’anyo, un ratico bien majo que goso aproveitar pa fer fotos con la boca plena y cenyo d’apuro d’as mías companyeras de mesa.
Pero como nos quedemos sin fer los deseyos, aquí va un programa cargau d’ixo: deseyos pa un 2025. Se nos n’ha quedau difuera buena patacada, pero no nos querebanos fer cansos y l’estudio ye compar...
2025-01-151h 00
Tierra de barrenausTierra de barrenaus 11x08. A cascar-la 2024Rematamos l’anyo y m’he resistiu a fer resumen de 2024 u deseyos pa lo 25. Pa enmarcar la calendata, ixo sí, tos comparto una editorial sobre los mesías. Concretament, sobre los mesías de l’aragonés, que de cabo ta cuan, n’amaneixe cualcún pa trayer la verdat a lo pueblo fablilandés. Ya sabez que en ista temporada goso compartir las editorials de TdB tamién en texto bel día dimpués d’emitir-se en la radio.
En Pase de prensa damos treslau d’os zaguers zancochos culturals d’o concello de Zaragoza y lo gubierno d’Aragón, char...
2024-12-311h 08
Tierra de barrenausTierra de barrenaus 11x07. Ha nevauLos Punsetes cantaban ixo de “Que no pase un día sin que des la tuya opinión de mierda”. A los negacionistas d’o cambio climatico, les podríanos cantar “Que no caiga un nevazo si que contrimuestres la tuya ignorancia”. Y ye que con los primers flocos de nieu arriban los tuits d’o facherío creyendo que ixe nevazo ye la preba de que no i hai cambio climatico, que somos uns exacheraus y que cal cremar mas carbón y petrolio, que ixe ye lo futuro. Prou que sí, Jose Luis.
En Tierra de barrenaus nos prenemos en serio...
2024-12-161h 27
Tierra de barrenausTierra de barrenaus 11x06. Aviento ye lo pior mesUnatra vegada arriba lo nadal, la chent rebuteixe felicidat… deciba lo clasico de S.A. Y yo, que soi un grinch y que en que s’acerca aviento no deixo d’ascuitar-la, empecipio lo programa con una editorial en contra d’iste mes que tanta pampurria me fa y, de man de Tamara, que no ye d’alcuerdo con lo ferrete que tos doi, tos proposamos de fer-nos arribar iniciativas que se sigan fendo en contra d’istas “fiestas”.
Charrando de ronyazas, damos treslau d’una carta que hemos recibiu en la radio, que cualcún le ha escrito a un tal “corrector c...
2024-12-041h 18
Tierra de barrenausTierra de barrenaus 11x05. Popurri a prioriNuevo programa popurri a on que tornamos con buena cosa de contenius, que empecipian con una editorial relacionada con la dana d’o País Valenciano, lo cambio climatico y lo papel d’a comunidat cientifica y los movimientos ecolochistas.
En la parte mas creativa, trayemos poesía y narrativa. Pa la primera contamos con Cardelina un poema bien bonico escrito por la Ángeles Marto que nos presienta y recita ella mesma. En l’apartau d’os relatos, en locuto un d’o reto Inktober de 2020: Amagar. Una historia a on que, igual como en la poesía, tamién i hai presencia...
2024-11-191h 11
Tierra de barrenausTierra de barrenaus 11x04. Popurri oficialDimpués de tanto especial, ya tocaba un programa normal, un a on que presentar-tos beluna d'as novedaz y seccions que quereba trayer en ista temporada que nos enfila ent'os 10 anyos de programa. Tot un popurri de contenius que arriba precediu por una editorial adedicada a la oficidalidat de l'aragonés.
Empecipiamos con una nueva sección-concurso a on que tos proposamos endevinar una canción que he traduciu a l'aragonés. La respuesta, a la fin d'o programa, pa que tos quedez tot lo rato. Continamos con unatra sección que ya me feba muitas ganas d'empecipiar: un espacio poetic...
2024-11-051h 11
Tierra de barrenausTierra de barrenaus 11x03. Especial PilarsNi unas fiestas sabe organizar lo facherío. Que guarda si ye sota-caballo-rei, que los Pilars levan fendo-se anyos arrienda y con formulas que ya se sabe que funcionan. Pero los mayordomos d’os amos de Zaragoza han quiesto zancochiar mesmo cualcosa tan simpla como la nuestra Fiesta Gran d’a ciudat.
Nos hemos trobau con uns Pilars jautos, sin morfuga fiestera por las carreras, con una ufierta cultural radida, monotona y menos plural que no nunca. En l’atro costau, un teixiu social y cultural que sabe fer-se valer y imple de conteniu y borina istos días a pesar d’...
2024-10-221h 24
Tierra de barrenausTierra de barrenaus 11x02. Especial cursos aragonés 24/25.L’acto de Devantadera de Nogara marca la fin d’un curso y l’empecipiar d’o siguient. L’alumnau que ha pasau por las nuestras clases presienta los suyos prochectos, replega los titols y, sobre tot, se chunta pa alparciar lo que s’ha feito en ixe vrano y fer plans pa lo nuevo curso. De cutio, antimás, se fa bella actividat y en ista edición me permitioron fer la gravación d’un programa con publico. Ixe que ya leva bel anyo y que ye l’especial sobre los cursos d’aragonés de Nogara.
En lo local de Treziclo...
2024-10-081h 26
Tierra de barrenausTierra de barrenaus 11x01. Una nueva temporadaYa somos tornaus. Dimpués d’o mereixiu descanso estiver nos fiquemos en lo cado d’o taboner pa empecipiar una nueva temporada, la oncena, d’ista aventura radiofonica que ye Tierra de barrenaus. Ye una tornada con ganas a embute, de fer radio, de colaborar a la difusión y dignificación de l’aragonés y de ascuitar y dar voz a todas las iniciativas d’a buena chent que treballaz por la nuestra cultura y los nuestros dreitos colectivos.
Y precisament ixa queremos que siga lo sinyal d’ista nueva temporada: la vuestra colaboración. Aguardamos en candeletas que no...
2024-09-231h 17
Tierra de barrenausTierra de barrenaus 10x22. Temazos 2024Las circunstancias d'as aqueferadas vidas nuestras facioron que, dende 2021 no nos chuntasenos pa fer lo tradicional programa de cabo de temporada. Afortunadament y fendo puzzles con las nuestras fayenas y responsabilidaz variadas, en iste 2024 torna l'especial Temazos pa rematar la temporada y marchar de vacaciones, que ya toca.
Dabi, Tamara y Rubén tornan a acompanyar-me trayendo cada ún tres temazos diferents. Muita y diversa mosica a la que damos lo premio a posteriori, mirando de trobar cuál ye lo que mereixe. Como de cutio, muitas cancions de toz los estilos y, sobre tot, muitas risas y somardería a pa...
2024-07-082h 20
Tierra de barrenausTierra de barrenaus 10x21. Calaixera 2024Ha pasau la millor semana de l'anyo u, como poco, una d'as millors. Ixa que empecipia con la pastera d'o verano y lo Tamborilé, las fiestas d'a Madalena, la semana cultural que nos deixa acotolaus, que contina con lo viache ent'o Poborina Folk y que remata pretando-le fuego a la chera de Sant Chuan. Y de rematadera, bien escamalladas, gravamos lo programa que tos trayemos hue.
Como ya s'ha feito costumbre, tenemos un programa mosical a on que zarramos los calaixos mosicals que hemos iu ubrindo durant l'anyo. Cuatre nuevos calaixos que suman repertorio mosical diverso en estilos, procedencias y l...
2024-06-251h 56
Tierra de barrenausTierra de barrenaus 10x20. Los libros y Obrint PasFa bella semaneta se republicaba Totes les cançons parlen de tu, la primer -y, por agora, unica- novela de Xavi Sarrià, ex-cantaire d’Obrint Pas. Sembrallibres la tornaba a publicar cuan fa diez anyos que amaneixió, como un d’os primers libros d’a, en aquellas envueltas, recien naixida editorial. Con ista enchaquia, reprengo un programa que teneba en ment dende habe tiempo y que completa una trilochía de especials sobre Obrint Pas.
En iste programa repasaremos las relacions literarias d’a banda y d’os suyos components, a traviés d’obras bien diferents. Empecipiamos con un asayo sobre la hi...
2024-06-181h 26
Tierra de barrenausTierra de barrenaus 10x19. Cancions de cancionsEnfilamos los zaguers programas d’a temporada y en queda cuatre de bien mosicals. Toz adedicaus d’una manera u d’atra a charrar de cancions y autors que comparten lo suyo arte. Lo tema central d’iste programa son las cancions de cancions: temas que charran de bandas, influencias, himnos y cantaires. Lo femos con un viache por Galiza, lo País Valenciano y Castiella de man de tres grupos con firme calitre.
Completamos lo programa con la locución de Capturar, un d’os relatos d’o Inktober de 2019 que se replegó adintro d’o fanzine Tintubre. Ixe fazine, los atros...
2024-05-281h 26
Tierra de barrenausTierra de barrenaus 10x18. Parques faunisticosUn d’os alacez pa la conservación de bel patrimonio ye conoixer-lo. Ye de mal apreciar y d’entender lo que no se conoixe. Por ixo ye tan important la divulgación lingüistica. Y por ixo en ye tamién la medioambiental. En un mundo por cada día mas urbanita, s’amenista prou saber qué ye lo que tenemos arredol y cómo hemos de fer pa chestionar-lo de manera correcta y que conserve la biodiversidat.
Una d’ixas ferramientas educativas pueden estar los parques faunisticos. En Aragón en tenemos dos: Lacuniacha, en Piedrafita de Tena, y La Maleza en T...
2024-05-141h 18
Tierra de barrenausTierra de barrenaus 10x17. La rabiaLas zagueras modas podcasteras tiran por lo que claman podcast conversacional, una bonica manera de decir-le a que una colla d’amiguez se dediquen a gravar las suyas estrolicaderas y puyar-las t’os rez. De buen fer, antimás, porque no fa falta guion ni costodias. Te chuntas y prou.
No ye ixe lo caso de Tierra de barrenaus, a on que miro de tener guion, escaleta y mesmo bel conteniu gravau d’emerchencia. Pero lo mes d’abril ha estau una loquería y veniba ta iste programa con cuatre cosetas pa replenar, tos he de confesar.
Asinas que empecipiam...
2024-04-301h 13
Tierra de barrenausTierra de barrenaus 10x16. Especial libros 2024En acercar-se lo Día d'o libro, surten como fungos actividaz arrienda arredol d'o mundo d'a literatura. Toz istos días son un bullir de presentacions, exposicions, publicacions, charradas y asinas-asinas. Enfilando-se enta ixe gran día que ye lo 23 d'abril a on que nos trobaremos lectoras, autoras, editoras, libreras y toda ixa parrafiquera de chent que amamos leyer.
Iste anyo torné a fer un clamamiento popular, agora a traviés de tik tok, pa que me ninviasez las vuestras propuestas lectoras. Como de cutio, rai en qué luenga lo fesez, que chenero recomendasez, si l'autora yera nueva u viella, d'aquí...
2024-04-161h 24
Tierra de barrenausTierra de barrenaus 10x15. 30enas Chornadas d'as luengas d'AragónComo toz los anyos, pa istas calendatas, tenemos a tocar las Chornadas d'as Luengas d'Aragón que organiza l'Asociación Cultural Nogara. En ista trentena edición, que se celebrará entre lo 8 y lo 12 d'abril en lo Centro Joaquín Roncal, tendremos, como de cutio, firme variedat en las propuestas d'as chornadas. Teatro en asturianu, audiovisuals en aragonés, un cuento de grudas, una novela de memoria historica y transmisión d'os conoiximientos ecolochicos tradicionals en cinco sesions que aguardan la presencia de toda la chent que ama l'aragonés.
Pa charrar-ne ye veniu t'o programa una vegada mas Cherardo Callejón...
2024-04-011h 07
Tierra de barrenausTierra de barrenaus 10x14. ¿Qué ye l'achenda 2030?En las zagueras semanas las demandas de buena parte d'o entorno rural adedicau a la agroganadería han estau d'actualidat por las protestas en tot l'estau. Una patacada de tractors han empliu las carreteras y las carreras de lugars y ciudaz con toda mena de mensaches, en ocasions contradictorios. Entre ixa parrafiquera de chent, bien variada, s'ha trobau belún que centraba la suya carranya en la Achenda 2030. Astí se barrachaba la denuncia d'una burocracia que consideran excesiva con atras cuestions que poco u cosa tienen a veyer con los problema d'o campo.
En iste nuevo programa de Tierra de bar...
2024-03-191h 18
Tierra de barrenausTierra de barrenaus 10x13. Orache, club de lectura trilingüeLos clubs de lectura son por cada día mas ixemenaus. Se'n ubre por tot, de tematicos y de chenerals, en librerías y centros socials, presencials y online. Voi empecipiar a ir-ie a un fa bel anyo y ye una d'as experiencias mas bonicas que he viviu en zagueras. Como diz la convidada d'o programa, ye una manera de convertir cualcosa tan individual como la lectura en una experiencia compartida.
Orache ye un club de lectura trilingüe, en aragonés, catalán y castellano, que ye a pocas d'empecipiar a funcionar y Cristina, una d'as suyas organizadoras, ye en lo...
2024-03-061h 00
Tierra de barrenausTierra de barrenaus 10x12. Especial Rap metalD’as mezclas de mosicas gosan surtir productos interesants. De dos estilos, a priori tan diferents como lo rap y lo metal, naixioron a-saber-las bandas que han marcau la mosica d’as zaguers decadas.
Qui creixiemos en los bars d’os 90, de Planta Baja, DeVizio, Atrio, Posturas y tantos atros guariches mas efimeros, nos fartemos d’ascuitar a Rage Against The Machine u DEF CON DOS. Atros heban veniu antes, fendo tranya pa aquellas collas. Atros plegoron dimpués y hue continan amaneixendo terne que terne grupos encerrinaus en ir contra las corrients mosicals imperants y seguir dando ferrete con lo d’o ra...
2024-02-201h 12
Tierra de barrenausTierra de barrenaus 10x11. De gaviotas y fiestas d'hibiernoEmpecipiamos febrer con un programa popurrí pleno de contenius bien variaus. En la entradeta nos despedimos de los Drunken Cowboys que rematará la suya trachectoria d'anyos arrienda con un concierto despedida en la Rock & Blues. Charramos tamién d'a represión a l'aragonés y lo catalán de man d'a DGA y d'as modificacions lechislativas que fa PP-VOX, tema que ya en charré en un post fa bel día.
Con la enchaquia d'a canción d'o programa anunciamos lo Canal Roya Fest, un concierto organizau por la Asamblea Canal Roya, que mira de clamar l'atención sobre lo zancocho q...
2024-02-061h 06
Tierra de barrenausTierra de barrenaus 10x10. Virals y presentacionsEn iste Tierra de barrenaus hemos tirau por lo camín que fan a-saber-los podcasts y nos metemos con la fayena de comentar virals. Como si fuesenos en lo bar. Empecipiamos con un que arriba dende Galicia, de man de Xurxo Carreño, un tiktoker que ye mirando de fer servir lo gallego toz los días y que se troba con la experiencia d'un fablant no nativo d'una luenga minorizada. Lo que cuenta, a fe que tos sonará a muitas d'as personas que sentiz lo programa.
En lo segundo viral tornamos t'Aragón. L'alcaldesa d'a mía immortal ciudat fació...
2024-01-231h 28
Tierra de barrenausTierra de barrenaus 10x09. Vesque y masLa gran noticia d'o programa ye la tornada de Tamara t'as ondas, dimpués d'una temporadeta de baixa. Torna, antimás, con la suya sección medioambiental a on que nos charrará d'un metodo de cacera de muixons, vedau en muitos puestos, pero que en lo País Valenciano encara ye legal y que la extrema dreita quier fomentar. Astí le dicen parany y por Aragón lo conoixemos como vesque, en aragonés, u liga, en castellano. Conoixeremos qué ye, cuál ye la suya lechislación y a ón se fa encara ista practica barbara y sinsentiu.
Tos recuento tam...
2024-01-091h 06
Tierra de barrenausTierra de barrenaus 10x08. Emitindo un aragonés ecolochicoPrograma popurrí de tot que, como s'emite lo nadal, empecipia con la millor canción de nadal que s'haiga escrito nunca y, probablement, la unica buena: Fairy tale of New York, escrita por lo feneixiu Shane MacGowan, cantaire de The Pogues. Pero como odeo lo nadal, a escape me torno Mr Scrooge y voi con l'atra millor pieza que i hai pa istos días.
Empecipiamos con bella reflexión sobre los días que estié visitando la Feria d'o Libro Aragonés de Monzón, a on que podié presentar Parola de diaplerona y compartir con qui me visitez muit buen...
2023-12-261h 12
Tierra de barrenausTierra de barrenaus 10x07. Chiflo y salterioDe todas las manifestacions culturals que tenemos en Aragón, una d'as que mas interés i tiengo ye la mosica. Luent d'a jota, y sin fer-la mica de menos, i hai una riqueza y variedat bien ampla. Como tantas atras d'ixas manifestacions culturals, remaneixen amagadas, difuera d'os medios de comunicación y d'as aulas, asinas que un s'ha de buscar las manyas pa enterar-se d'a suya simpla existencia.
A sobén ixe ye lo caso d'instrumentos como lo chiflo y lo salterio que buena parte d'a población aragonesa desconoixe u en sabe bien poco. Lo nuevo episodio de Tierr...
2023-12-121h 22
Tierra de barrenausRelatos de correr, aragonés y mas. Tierra de barrenaus 10x06Ubrimos lo programa con una patacada de noticias sobre l'aragonés: chornadas, presentacions, manifestacions, actividaz.... La luenga no rebla y la buena chent que la desfendemos no aturamos ni un día. Dende Monzón dica Bilbao pasando por Zaragoza u Moncayo.
Lo mes de noviembre ye bien sinyaler pa las runners. Se celebra la Behobia - Sant Sanbastián, la corrida mas bonica y emocionant que he corriu. Toz los anyos se publica una revista y, en ista edición bi incluyoron un relato protagonizau por la llebre d'as dos horas, escrito por Alber Vázquez. Podrez ascuitar-lo en lo pro...
2023-11-281h 05
Tierra de barrenausMosica de primers de noviembre. Tierra de barrenaus 10x05Toca programa continación dreita de l'anterior. Feito con lo material que teneba presto y que no i cullió porque siempre foi conteniu de mas. Mas mosicas, bien variadas, pa concarar l'agorrada.
Empecipiamos con una novedat valenciano-euskalduna: lo nuevo tema de Los Chikos del Maíz que han gravau con motivo d'o deceno aniversario d'a librería pamplonesa Katakrak. Un homenache a los orichens d'o rap que se incluye en un disco que publica ista librería pa celebrar ixos diez anyos de sobrebuena fayena literaria. Una visita obligada si pasas por la capital navarra.
Pasada ya la nueit d'almetas, con t...
2023-11-131h 03
Tierra de barrenausMosicas de cabo d'octubre. Tierra de barrenaus 10x04Arriba un nuevo programa de Tierra de barrenaus pleno de propuestas mosicals, unas mas nuevas, atras no pas tanto, distribuyidas en dos bloques. En lo primer, repasamos bel evento que bi ha habiu en Zaragoza en zagueras. Empecipiamos con lo concierto presentación de O zaguer chilo VI que se fació adintro d'a Fiesta Gran de Zaragoza. Seguimos con unatra presentación, en iste caso, la d'o libro "Las ausencias, las ciudades y el mar" de Álex García Jaimerena, mosico de collas como Nuei y Casbas, a qui entrevisté fa bel par d'anyos. Lo bloque se completa con la mosica...
2023-10-311h 06
Tierra de barrenausIndividualismo, suenio y escuela. Tierra de barrenaus 10x03Torna Tierra de barrenaus con un programa gravau en lo preto d'a Fiesta Gran de Zaragoza a on que NO charraremos de Pilars. Bueno, cuasi. Empecipiamos con un texto que sobre l'individualismo con banda sonora d'Extremoduro y Suu y referencia a lo libro Walkaway de Cory Doctorow, que resenyé fa poco en lo blog chirmán Entre cortesía y colofón.
Tot y que iste 2023 no faré inktober, como en 2019, 2020 y 2021, ni sisquiá Zaratober, como l'anyo pasau, no deixo d'escribir y tos locuto un relato escrito de fa poco, con la segunda parola d'o inktober d'estianyo: Suenio. Una historia sobre...
2023-10-171h 01
Tierra de barrenausCursos y fiestas. Tierra de barrenaus 10x02Con lo mes d'octubre empecipian tamién los cursos d'aragonés. Debant d'as enrestidas contra la nuestra luenga que imos a tener de man d'o gubierno aragonés y d'o concello zaragozano, las personas que sí que valuramos lo nuestro patrimonio cultural y lingüistico tenemos la oportunidat de fer servir todas las ferramientas que podamos pa conservar-lo y desfender-lo.
Entre atras, los cursos d'aragonés d'a Escuela Nogara que, como leva fendo mas de trenta anyos, torna a ufrir cursos de toda mena. N'i hai presencials y a distancia, de maitins y de tardes, de tres nivels, en Zaragoza y en b...
2023-10-031h 39
Tierra de barrenausMuito aragonés pa empecipiar lo curso. Tierra de barrenaus 10x01En acabar lo vrano empecipia Tierra de barrenaus y torna con la suya decena temporada, con firme rasmia y ganas de compartir con todas vusatras las mías basemias, historias y luitas. Han estau meses d'a-saber-las noticias y polemicas. De festivals, conciertos y viaches que darían pa una temporada completa. Pero me quiero mirar ent'o nuevo curso pa prencipiar a treballar antes con antes por la nuestra luenga.
Empecipiamos con un chiquet analís d'a nueva situación comentando l'articlo que publiqué fa bel día aquí mesmo. L'escenario institucional pa l'aragonés ha cambiau prou y lo poco refirme...
2023-09-181h 11
Tierra de barrenausTierra de barrenaus 9x22 Fin de temporada con tamborinadaEntre las cosas que jodió la tamborinada de l'atro día en Zaragoza, la menos important estió la fin de temporada de Tierra de barrenaus que gravabanos ixe chueves a las 19:00. A los problema pa que arribasen las convidadas se sumó la baseta que s'heba formau en los estudios d'a radio, asinas que calió polargar la gravación. Bien se vale que lo lunes tot fue bien, si fa u no fa y podiemos trayer-tos lo programa que zarra ista novena temporada y con lo que me despido dica setiembre u octubre.
Por lo cambio de calendata bella convidada se quedó...
2023-07-181h 29
Tierra de barrenausTierra de barrenaus 9x21. Zarrando la calaixeraFatin-fatiand van 150 programas de Tierra de barrenaus. Mas de 200 horas d'emisión en aragonés, hereuas de La Enredadera, a on que aprendié a fer radio, de programas como Fendo Orella y A hora charrante que facioron tranya y de todas las companyeras y companyers de Radio Topo que m'aduyan por cada día y de qui contino aprendendo a-saber-lo, no nomás sobre radio.
Iste programa, como ya ye tradición d'as zagueras temporadas l'adedicamos a completar con la cuarta canción los calaixos de cancions que s'han iu ubrindo en la vintena de programas anteriors. Un total de decisei...
2023-07-051h 50
Tierra de barrenausTierra de barrenaus 9x20. Cluixiuesos, morals d'izquierdas y atras cosasZaguer programa "normal" d'a temporada a on que trayemos un capitol clasico pleno de contenius. Antes d'empecipiar, tos doi las gracias a toda la chent que nos ascuitaz por fer posibles istos (cuasi) 150 programas y a todas las personas que tos pasez por la Feria d'o Libro de Zaragoza en istos días y me faciez arribar tot lo carinyo d'as lectoras. Sin los vuestros animos, no sería posible Tierra de barrenaus.
Tamara traye, en la suya sección medioambiental, un d'os temas polemicos d'istos días: la suspensión d'o programa de reintroducción d'o cluixiuesos en lo Mayest...
2023-06-201h 21
Tierra de barrenausTierra de barrenaus 9x19. Especial libros 2023Entre lo 3 y lo 11 de chunyo se fa en lo Parque Gran Jose Antonio Labordeta la Feria d'o Libro de Zaragoza. Toda una semana pa disfrutar d'a ufierta literaria d'a ciudat y lo país. Autoras, editorials, librerías y personas relacionadas de diferents maneras con los libros nos trobaremos ixos días en lo parque pa compartir ixa rebonica afición que ye la lectura. Imposible visitar-la y no salir con bel libro baixo lo brazo.
Con ixa enchaquia, hemos feito un programa centrau en recomendacions literarias, y con la participación d'as personas que respondiez a lo clamamiento feito...
2023-06-071h 28
Tierra de barrenausTierra de barrenaus 9x18. De cicloturismoEnfilamos ya los zaguers programas d'a temporada pensando en lo verano que tenemos a tocar. La mayoría ya somos barruntando lo ciento de plans que lo tiempo libre y lo buen orache propician. Asinas que tenemos la enchaquia perfecta pa charrar d'unatra manera de veyer mundo, de fer lo que claman turismo, que ye fer-lo en bici. Una manera barata y ecolochica d'arribar a muitos puestos de mal visitar movendo-nos d'atras trazas.
Arale torna t'o programa con la suya sección pa consellar-nos cómo aprestar ixas rutas de cualques días con la bici. Dende qué levar dica cómo...
2023-05-231h 47
Tierra de barrenausTierra de barrenaus 9x17. VictoriasFa bel anyo escribiba un post sobre la redota, ixe sentimiento que tant a soben pateixco y que s'instala de camín en la vida de cualsequier activista d'izquierdas. En iste nuevo programa de Tierra de barrenaus viacho ta l'atro cabo, a fer-le una uellada a ixe atro sentimiento que tant poquico podemos disfrutar: la victoria. Dimpués de tot iste tiempo de militancias, me pienso que nos cal aprender mesmo a reconoixer-las porque, de cabo ta cuan, nian en paramos cuenta, de que hemos ganau. Ye verdat que cuasi todas las vegadas son victorias parcials, chiquetas, temporals y que no...
2023-05-091h 31
Tierra de barrenausTierra de barrenaus 9x16. Obrint Pas y Xavi Sarrià dillá d'os discosEntre lo repertorio de programas que teneba en 2015, cuan decidié empecipiar Tierra de barrenaus radio, ya i yera lo deceno programa d'a sietena temporada: un especial sobre Obrint Pas a on que repasé toda la suya discografía. Ye probablement la mía banda favorita y una d'as que mas m'ha marcau y inspirau. La suya fayena sobrece de tot aquels discos asinas que ixe programa especial no ye que un d'os que quiero adedicar a lo grupo valenciano. Tocaba ya, dos anyos dimpués, fer lo segundo programa sobre Obrint Pas y Xavi Sarrià dillá d'os discos.
En zagueras ye cuas...
2023-04-241h 05
Tierra de barrenausTierra de barrenaus 9x15. Popurri aragonés sin mordaza y montanyésEntramos de tot en la primavera con un programa a on que han culliu temas arrienda, y ye que l'actualidat ye rusient*, igual como l'actividat social y cultural d'o país. En la parte mosical sentiremos bel tema de dos collas que se prenen descansos, en primeras, temporals: Manel y Smoking souls. Mas cerqueta, tos proposamos conoixer a Chata Flores, qui acaba de recibir lo Premio d'a Mosica Aragonesa a mayor prochección y que, malas que ascuitez lo suyo rap, entenderez por qué. S'imple ista parte con la tercer canción d'o calaixo buenrollero, de man de Lágrimas de sa...
2023-04-101h 26
Tierra de barrenausTierra de barrenaus 9x14. O zaguer chilo 6Ya tenemos unatra edición de O zaguer chilo, lo disco que edita totz los anyos l'Asociación Cultural Nogara y que replega vinte cancions de vinte bandas d'o país gravadas en aragonés. Se publica dimpués d'a polemica de l'anyo pasau quan los representants institucionals d'o faixismo censuroron lo disco por la suya portalada, una obra d'arte de Eva Cortés que acabó ganando lo premio d'a mosica aragonesa a millor disenyo.
O zaguer chilo sigue entabant gracias a tot lo treballo d'as mosicas que han quiesto participar-ie y fer asinas que l'aragonés ixample las suyas mugas ar...
2023-03-281h 10
Tierra de barrenausTierra de barrenaus 9x13. Carrileros y chinchorreyoYa plega la primavera y en Tierra de barrenaus empecipiamos lo tretzeno programa d’a temporada celebrando ixe cambio d’estación que tant feliz me fa. Lo femos con una edición bien variada con a saber qué temas que tractar.
Empecipiamos con la canción d’o programa remerando los tres anyos dende que la pandemia plegó en las nuestras vidas. La Ronda de Boltaña ha publicau un disco sobre la pasa pleno de cancions bien emotivas. Tos proposo d’ascuitar una d’ellas. La ideya yera adedicar-le-ne a mai, que estió ATS, en representación de todas las personas...
2023-03-141h 28
Tierra de barrenausTierra de barrenaus 9x12. Todas las mosicas, todas las luengas, todas las mullersS'acerca lo 8M y la parrafiquera de programas, actividatz y movilizacions feministas d'a-saber-las formas. Radio Topo, como totz los anyos, fará una programación especial ixe día y muitos d'os programas tamién tendremos bell capitol especial pa una calendata tant important. En lo caso mío, decidié de centrar-lo en la mosica feita por mullers.
Fa anyos, en un Esperanzah, fuemos a veyer lo concierto d'Amparanoia. En ixa edición bi heba tot un cartelazo. Dubioza Kolektiv, Fermín Muguruza, Manu Chao, Zoo... una borinaza, ya podetz contar. Amparo nos fació notar, dende lo scenario, que ella yera la sola r...
2023-02-281h 07
Tierra de barrenausTierra de barrenaus 9x11. Autochestión cultural y de l'ocio y centros socialsPlegamos en la metat, si fa u no fa, d'a temporada con un programa a on que charramos d'un tema que sisquiá no tenese tantisma actualidat: las enrestidas d'o sistema contra tot lo que supose autochestión y ocupación y visibilización d'os espacios publicos. En ista nueva edición femos un repaso por belunas d'ixas enrestidas que venimos patindo en la nuestra ciudat dende habe anyos y por diferents gubiernos y institucions.
Empecipiamos con las fiestas d'a Madalena, eixemplo d'autochestión y d'organización popular que vive por cada anyo mas problemas institucionals pa celebrar los suyos actos mas sin...
2023-02-131h 35
Tierra de barrenausTierra de barrenaus 9x10. Tim Voyeur y lo I Encuentro de la música popular en Aragón de 1973Una d'as millors cosas que me trayioron totz los anyos que facié de mayestro d'aragonés en Nogara ye la patacada de buena chent que he conoixiu. Un d'ells ye lo protagonista d'o programa de hue: Guillermo Laseca. Tot un referent personal que amaga un troz d'a historia mosical d'Aragón y que contina creyando sin aturar en diferents disciplinas.
Una d'ellas, que le ha trayiu t'o programa ye la literatura. Guillermo acaba de publicar iste agüerro la suya primer novela. Tim Voyeur (Imperium, 2022) ye la historia, ambientada en París, d'un periodista poco profesional y los suyos embolique amoro...
2023-01-311h 02
Tierra de barrenausTierra de barrenaus 9x09. Canal roya, rock en aragonés y muito mas¡Qué trazas d'empecipiar 2023! Un programa de quasi dos horas, pleno de contenius y con muita medolla. Empecipiamos con un tema bien rusient en istos zaguers dias, pero que levamos carriando masa tiempo: la unión de pistas d'esquí arramplando con Canal Roya. Conoixeremos un texto de Ecologistas en acción y Tamara nos aporta la suya envista como profesional d'a educación ambiental.
Atro d'os temas principals ye un visitant cutiano d'o programa: lo rock en aragonés. Compartimos la cronica que fació en lo suyo blog Chorche Paniello a on que nos recuenta la chornada que organizó la Colla de Charrad...
2023-01-171h 42
Tierra de barrenausTierra de barrenaus 9x08. Empecipiamos 2023S'acaba 2022 y he resistiu la tentación de fer un resumen de l'anyo. Por contra, traigo un programa con a-saber-los contenius, d'actualidat, u no pas tanto. Empecipio con una editorial centrada en lo 20 d'aviento y las radidas celebracions que bi ha habiu, afundando mas en la crisi de l'aragonesismo politico que patimos dende fa anyos.
Lo nuclio d'o programa ye pleno con dos articlos bien diferents, pero que a fe que nos dan qué pensar. Lo primer va firmau por Daniel Salamero Herrera lo suyo titol ye Las fllors que no se ruixan, se mueren. Ye publicau en lo boletín C...
2023-01-031h 01
Tierra de barrenausTierra de barrenaus 9x07. Peluchismo letalPa las urbanitas, entre los que me incluigo, los animals son por un regular qualcosa rara, que no sabemos relacionar-nos-ie. Si no se vende en Verdecora, no sabemos qué fer con ells. No ye una pasa nomás d'a ciudat, pero ye verdat que aquí ye a saber que ixemenada. Asinas que, si no somos un descorazonaus, quan nos trobamos con un que ye veyendo la craba roya a sobén prebamos d'aduyar-le. Pero como no tenemos las ferramientas que cal y ye cutiano que los humanicemos, todas ixas buenas intencions pueden acabar fendo mas mal que bien. Tamara torna t'o...
2022-12-201h 33
Tierra de barrenausTierra de barrenaus 9x06. Academia Aragonesa d'a LuengaTarde, pero ha arribau. Ya i hai autoridat lingüistica pa l'aragonés, nombrada por las institucions, plural, diversa y representativa. Naixe d'una mala lei, como lo propio Director Cheneral de Politica Lingüistica escribiba en iste articlo chusto antes d'empecipiar a desarrollar-la. Naixe inexplicablement tarde, ya que habría d'haber estau una d'as prioridatz d'a Dirección Cheneral, mas quan los nombramientos de Cortz y Universidat yeran feitos fa a-saber-lo. Pero lo important agora ye que ye naixida. Ye momento de seguir treballando mirando-nos entabant.
Lo pasau 15 de noviembre, en lo Paraninfo d'a Universidat, prenioron posesión d'os suyos cargos...
2022-12-081h 31
Tierra de barrenausTierra de Barrenaus 9x05. X Trobada Vivir en aragonesPa qualsequier que quiera aprender, de verdat, una luenga ye fundamental la socialización en ixa luenga. Ye qualcosa que siempre hemos teniu claro en belunas d'as asociacions en desfensa de l'aragonés y que ha contrimostrau funcionar, aduyando a chenerar nuevos fablants activos. Lo contacto entre las personas que lo fablan por transmisión familiar y las que lo han aprendiu d'adultas ye vital pa que todas dos comunidatz se conoixcan y compartan inquietutz, realidatz y envistas y que talment s'habría de treballar mas pa crebar totz ixos mitos que ixemenan qui les intresa que no i haiga ente...
2022-11-211h 18
Tierra de barrenausTierra de barrenaus 9x04. Lo Diccionario ortografico de l'aragonés.Lo Estudio de Filología Aragonesa empecipió en 2006 una fayena tant important como chigant y, quasi, inabracable. Lo primer paso yera lochico, alcordar una grafía pa poder codificar tot lo que vendría a l’arreu. Facioron una propuesta razonada y ampla que mira de solucionar todas las qüestions mas problematicas de l’aragonés. Contino vinió la Gramatica Basica de l’Aragonés, que publicoron en la suya web y dende fa poco podemos disfrutar y fer servir tamién en papel gracias a la edición de Prensas de la Universidad de Zaragoza. En istos días, han feito una...
2022-11-0859 min
Tierra de barrenausTierra de Barrenaus 9x03 Pedretas y truquetasPasadas las fiestas d'o Pilar y la empecipiadura d'o curso, plega lo primer programa "normal" d'a temporada. Lo adedicaremos a la truqueta, ixa prenda absurda que en iste verano esdevinió obchecto de polemica por la recomendación de Pedro Sánchez de no fer-la servir, una decada dimpués de que ya bi hese polemica entre José Bono y Miguel Sebastián por lo mesmo motivo. Sentiremos dos cancions, en asturiano y catalán, que adedicoron a iste complemento Dixebra y Feliu Ventura. Tamién ye elemento central en un relato en aragonés que tos presiento.
Aleixando-nos d'a truqueta, Tamara to...
2022-10-241h 07
Tierra de barrenausTierra de Barrenaus 9x02 Cursos d'aragones 22/23Un curso mas la chent de l'Asociación Cultural Nogara - Religada ubre las puertas d'a suya escuela pa empecipiar los cursos d'aragonés 22/23. Contamos en l'estudio con Serchio, Jorge y Antón qui nos charrarán d'a ufierta formativa d'estianyo, d'a chornada de Devantadera d'os cursos y de tot lo que se fa en l'asociación. Tamién tendremos la experiencia de Vero y Aimar, que nos han deixau las suyas aportacions sobre los cursos.
Tamara nos charrará d'o 15 aniversario d'a Ciclería, ista cooperativa d'a bicicleta que se celebró con una chornada a on que bi habió de tot. David...
2022-10-111h 14
Tierra de barrenausTierra de Barrenaus 9x01 De festival en festivalEmpecipiamos lo nuevo curso y la nueva temporada de Tierra de barrenaus fendo una uellada entazaga y pa ixo, con Tamara, repasamos belún d'os festivals que hemos viviu en iste verano: Tamborilé, Poborina folk, PIR, Pirineos Sur, Aplec dels Ports y Vive Latino. Chorche nos recuenta como estió la zaguer edición d'a Feria Replega de coleccionismo celebrada en Monzón.
Ya mirando ent'o futuro tos charramos de quantas citas pa lo cabo de semana d'o 1 d'octubre. En Fonz se celebra lo Ixufrina Rock, un festival por l'aragonés con presencia d'a-saber-los grupos que dende lo scenario farán sonar l...
2022-09-271h 37
Tierra de barrenausTierra de Barrenaus 8x22 Fin de temporadaCampana y s'acabó! Rematamos con un programa a on que repasamos toda la temporada, remerando cada emisión d'iste anyo. Iste anyo no femos l'especial Temazos por motivos lochisticos, pero tamién tendremos bella propuesta mosical pa iste verano que empecipia, de man d'Armando y Tamara, dende l'estudio, y de Dabi dende lo suyo taxi.
Tos aguardamos en setiembre!
2022-07-191h 29
Tierra de barrenausTierra de Barrenaus 8x21 Calaixo de movidasQuasi zarramos ya la temporada, pero antes cal ir zarrando totz los calaixos de cancions que hemos iu emplindo a traviés de tot l'anyo. En ista edición bi ha habiu quatre nuevas tematicas: calaixo zapatista, d'o país, laboral y friki. Torna Tamara t'o programa pa aportar la suya opinión sobre la triga feita y proposar-ne d'atras. Dos horetas de mosica y charrazos
2022-06-212h 08
Tierra de barrenausTierra de Barrenaus 8x20 Historias de Diego Marin y achenda festivaleraDiego Marín Roig torna ta Tierra de barrenaus pa presentar-nos lo suyo nuevo libro. En ista ocasión traye una replega de relatos escritos entre 2006 y 2012 baixo lo titol No solo soñá(ba)mos. Historias imaginadas de yeso y plástico. Un libro trilingüe pleno de grans historias.
Tendremos tamién l'achenda pa istas primeras semanas d'o verano: festivals, conciertos, charradas y la Semana Cultural d'a Madalena en un mes que se barrunta bien moviu.
En la parte mosical tos traigo un nuevo tema en aragonés basau en un libro ganador d'o premio Arnal Cavero. ¡Muitismo calitre chunto! Y...
2022-06-071h 11
Tierra de barrenausTierra de Barrenaus 8x19 Cicloturismo de Luco ta Benas y muito masTornamos con un programa monografico a on que charraremos de cicloturismo. Visita Tierra de barrenaus Diego, qui en lo verano pasau se fació una ruta ciclista dende lo Xiloca, salindo de Luco, dica Benás y tornada por unatro camín. 13 días de bicicleta y experiencias que nos recuenta. Tamién torna t'o programa Tamara, que dende fa anyos tamién practica a sobén ista manera de conoixer mundo.
Y antimás, en la parte mosical, tos presento un disco bien intresant que plega, una vegada mas, dende lo País Valenciano, a traviés d'una canción adedicada a...
2022-05-241h 29
Tierra de barrenausTierra de Barrenaus 8x18. Fillos d'o Sobrarbe y masYa bien capuzaus en la primavera presentamos lo disco O camín d'o dragón de Os fillos d'o Sobrarbe una colla de mosica folk con presencia cutiana en ferias y mercaus medievals, que dimpués d'anyos de pasavillas ha decidiu grabar las suyas cancions.
Con la calor y lo relax d'as midas d'a pasa, plegan convocatorias arrienda. Tos contamos quantas cosas d'as que han pasau en istas zaguers semanas y beluna d'as que ye por venir.
2022-05-111h 15
Tierra de barrenausTierra de barrenaus 8x17. Land of th madEntre la militancia mosical extrema, de qui nomás le fa goyo bell estilo concreto y fa d'ixo la suya identidat, definindo-se como heavy, punk u lo que siga, y la melomanía extrema de qui ama toda manifestación mosical, soi en bell punto meyo. I hai estilos enteros que desconoixco u que simplament no m'agradan mica: lo flamenco u lo reggaeton, por eixemplo. Pero en ixe disco duro a on que guardo la mia biblioteca mosical i hai firme variedat. En lo programa prebo de refleixar ixa diversidat, tot y que a sobén tiro de recursos facils y de...
2022-04-261h 19
Tierra de barrenausTierra de Barrenaus 8x16 Chornadas d'as luengas y mas Ixo RaiTornan, dimpués d'o tiempo d'as restriccions por la pasa, las Chornadas d'as luengas d'Aragón que organiza l'Asociación Cultural Nogara - Religada. Un programa que se desarrollará entre lo 18 y lo 26 d'abril y que, igual como totz los anyos, acullirá charradas sobre las luengas, antimás d'a prochección d'un documental y una trobada d'escalada en aragonés. Repasamos tot lo programa d'as chornadas y charramos d'os suyos protagonistas.
En la segunda parte seguimos replegando testimonios sobre lo que significó pa muitas aragonesas lo grupo Ixo Rai y lo que asperamos d'a suya tornada t'os scenarios iste 23 d'abril.
Pa remata...
2022-04-111h 18
Tierra de barrenausTierra de Barrenaus 8x15 Especial Ixo rai!A menos d'un mes t'o concierto que tornará a chuntar a Ixo rai! en Tierra de barrenaus femos un especial a on que repasamos toda la suya discografía y ascuitamos las colaboracions que hetz ninviau las oyents d'o programa. Una banda que fació historia en la mosica aragonesa y que nos marcó a toda una cheneración
2022-03-301h 27
Tierra de barrenausTierra de Barrenaus 8x14 Chuegos olimpicos y guerra en UcrainaDende la imposibilidad d'estar-nos allenos a l'actualidat informativa, prebamos de dar unatra envista sobre la invasión rusa de Ucraina. En un paisache informativo mas censurau que nunca y a on que qualsiquier que se salga d'a opinión hechemonica ye atacau de camín, la información d'os medios libres ye mas necesaria que nunca.
En ixa mesma linia contrainformativa, prebamos de trencar lo bloqueyo informativo arredol d'os Chuegos olimpicos planteyaus pa lo Pirineu. Charramos con Arriel, activista en desfensa d'as montanyas, que nos explica la oposición a istos chuegos olimpicos.
Siniesto Total se despide d'os scenarios y remer...
2022-03-151h 05
Tierra de barrenausTierra de barrenaus 8x13 Cronicas mosicals y literariasS'ubren las salas de conciertos y de camín s'implen de conteniu. De man de Rubén y Carlos y rechirando por las webs mosicals, charramos d'os conciertos de Crim, China chana y Fongo qui estioron en Zaragoza y Uesca presentando las suyas propuestas mosicals.
En la parte literaria tos recomiendo bell par de libros bien basicos y que creigo que pueden fer firme honra pa qualsequier que siga en las luitas socials y politicas.
Y antimás, como siempre, la millor mosica y bella convocatoria pa istos días.
2022-03-021h 17
Tierra de barrenausTierra de Barrenaus 8x12. Mallatas y pupasArribamos en la metat d'a temporada con una entrevista a la multipremiada Lucía López, la muller Arribamos en la metat d'a temporada con una entrevista a la multipremiada Lucía López, la muller que i hai dezaga d'o prochecto de comunicación sobre agroecolochía Mallata. Tendremos tamién un nuevo relato d'a man d'un conoixiu escritor y cantaire d'indie-pop y dos cancions de dos bandas que presentarán discos en istos meses.que i hai dezaga d'o prochecto de comunicación sobre agroecolochía Mallata. Tendremos tamién un nuevo relato d'a man d'un conoixiu escritor y cantaire...
2022-02-171h 02
Tierra de barrenausTierra de Barrenaus 8x11. Viache mosical ta 2022Nuevo programa mosical de Tierra de barrenaus a on que ascuitaremos beluna d'as novedatz d'istos zaguers meses a on que a-saber-las artistas han feito nuevas cancions y anunciau la publicación de nuevos discos. 2022 promete estar un anyo bien moviu y divertiu con la tornada d'os conciertos y festivals, asinas que toca ascuitar todas ixas nuevas cancions que i sonarán.
2022-02-011h 09
Tierra de barrenausTierra de Barrenaus 8x10. Tierra de varrenadas edición viricaDimpués de quasi dos anyos veyendo la craba roya con lo d'o virus, no hemos conseguiu eslampar por mas tiempo y lo hemos pillau. Empecipiamos 2022 encadadas y, como en anteriors encadamientos, Arale y Barrenau se chuntan pa fer un nuevo Tierra de varrenadas, lo podcast coronavirico grabau de vermuteo. Sin guion pero con carinyo. Y tos. Muita tos.
2022-01-251h 03
Tierra de barrenausTierra de Barrenaus 8x09 Rufierta de cabo d'anyoLo cambio d'anyo ye un d'ixos momentos plens de topicos. Un d'ells ye lo de repasar las noticias de l'anyo que remata y fer prediccions d'as que pasarán lo que arriba. La formula funciona bien y ya la faciemos servir l'anyo pasau, con una rufierta a on que pasemos un buen rato.
En ista temporada torna la rufierta de cabo d'anyo, sin saputos ni expertos en cosa. Nomás quatre amigos charrando como si fuesenos en un bar, biera incluyida. No busques grans reflexions ni solucions a los problemas d'o mundo, que no en trobarás. D'atros n'i hai que...
2022-01-111h 27
Tierra de varrenadasTierra de varrenadas 42. Zaguer programaS'acaba lo confitamiento y s'acaba Tierra de varrenadas. Oooooooh! Nos despedimos d'ista experiencia podcastera con que hemos quiesto pasar un buen rato y fer-tos-lo pasar a toda la chent que nos hetz ascuitau. Barrenau seguirá con lo suyo programa Tierra de barrenaus a on que de seguras que amaneixerá Arale bien a sobén. Muitas gracias a todas por sentir lo programa y fetz-nos plegar lo vuestro carinyo.
2020-05-0333 min
Tierra de varrenadasTierra de varrenadas 41. Programa 41Programa 41 (agora sí que nos sabemos qué numero tocaba) a on que empecipiamos con la desescalada. Charramos d'o Viñarock, de fer videos, dentistas, runners, youtubers, aproveitar lo tiempo y Desmontando a la Pili.
2020-04-2935 min
Tierra de varrenadasTierra de varrenadas 40. Programa quarentenoArribamos a la quarentena, pero de programas. Nueva edición de Tierra de varrenadas de tot centrada en cocina y minchanga. Con polemicas sobre l'orichen d'as croquetas u lo pansius que han d'estar los ganchitos y la suya naturaleza narancha. Ya queda menos pa desconfitar-se!
2020-04-2836 min
Tierra de varrenadasTierra de varrenadas 39. Programa 39No salimos a fer gambada, pero sí a fer podcasting. Hue charramos d'ubrefacils, traduccions buenas y malas a lo castellano, cazataires, Profes prou, mutacions y adolescencia, y la necesidat d'una electrocharanga.
2020-04-2733 min
Tierra de varrenadasTierra de varrenadas 38. Programa 38Primer programa de Tierra de varrenadas dimpués d'o #Nogarafest. Charramos de Jar Jar Binks y Pippin, de confusions lingüisticas en castellano, de ninas en las carreras, individualismo y colectividat y de pelis catastroficas y efectos especials, entre atras cosas
2020-04-2638 min
Tierra de varrenadasTierra de varrenadas 37. Programa 37 Especial NogarafestPrograma grabau en directo vía Instagram adintro d'o Nogarafest que organizó la Asociación Cultural Nogara-Religada los dias 22, 23 y 24 d'abril, a on que bi habió charradas, artistas, muita mosica y diversión. Y astí estiemos nusatras, como siempre con los hordios, la cena y Kurt y una canción d'Armando grabada de propio pa iste programa
2020-04-2429 min
Tierra de varrenadasTierra de varrenadas 36. Programa 36La vispra d'a nuestra actuación estelar en lo #Nogarafest, charramos de numerar ninos, celebrar redotas, videos d'o dia d'o libro, los retz de refirme d'os barrios de Zaragoza, alimentación yankee, concursos de melons y, prou que sí, lo #nogarafest, con que nos lo hemos pasau de pistón.
2020-04-2336 min
Tierra de varrenadasTierra de varrenadas 35. Programa 35Vispra d'o dia 23 d'abril, celebres lo que celebres, y femos un programa con contenius bien confitaus. Bragas y braguitas, Manuel de Pedrolo y Acte de violencia, balcons en desfensa de l'orache, antihistaminicos y personaches de dibuixos animaus ixuplidaus. Y prou que sí d'o #Nogarafest
2020-04-2239 min
Tierra de varrenadasTierra de varrenadas 34. Programa 34En iste programa pre #Nogarafest tos recontamos lo zaguer conflicto vecinal d'a nuestra carrera. Charramos de buena y mala chent, de Vegetal Jam, Ni Zorra!, d'as drogas y un crowdfunding bien intresant, de morning shows y d'o primer directo de Tierra de barrenaus en Instagram.
2020-04-2134 min
Tierra de varrenadasTierra de varrenadas 33. Programa 33Tornamos de lunes con un programa que empecipia charrando de Puzzles. ¿Divertius u catenazo? Seguimos con Arévalo que no le fa goyo que le digan facha. Asinas que dende Tierra de varrenadas queremos tornar a decir-le facha. Y charramos tamién de festivals teruelanos, Sex in the city, animals chungarris y disenyo intelichent.
2020-04-2038 min
Tierra de varrenadasTierra de varrenadas 32. Programa 32Iste sabado ha tocau un programa pleno de recosiro. Hemos charrau de videochuegos y recreativos y de como fer de 5 pecetas, 25. En l'apartau internacional viachamos ta Irlanda y Francia a descubrir los suyos snacks y las suyas galletas. Y en temas d'actualidat, botigas que ubren u no.
2020-04-1835 min
Tierra de varrenadasTierra de varrenadas 31. Programa 31Dimpués d'un descanset, tornamos con mas rasmia que pa qué. Charramos d'os quesos que nos pretamos. D'as falcillas y las cosas tant pinchas que fan istos muixons. De l'aduya que aprecisan las chiquetas librerías zaragozanas, los bars que trobamos a faltar y lo Nogarafest, un evento que se fará a l'atra semana y a on que participaremos.
2020-04-1736 min
Tierra de varrenadasTierra de varrenadas 30. Programa trentaLo programa 30 de Tierra de varrenadas arriba con temas tant intresants como la nuestra cena, diferents maneras de dar-nos garrampa de ninos, lo bar de Teruel que no pagaba la premium de Spotify u disenyos mierder. Tamién nos vaga de charrar d'o vecín que nos ye dando ferrete en zagueras y de deseyar-tos buen confitamiento
2020-04-1534 min
Tierra de varrenadasTierra de varrenadas 29. Programa 29Lo dia d'a republica toca programa un poquet hater. Empecipiamos charrando de petardos y charrín-charrand acabamos con lo rosario de cristal. Le damos cera a l'Heraldo por lo suyo "periodismo". Y en la parte no hater charramos d'o turismo arredol de Mafalda, de l'aniversario de "S'ha feito de nuey" y d'a nueva canción de Manolo Kabezabolo
2020-04-1435 min
Tierra de varrenadasTierra de varrenadas 28. Programa 28Tornamos a teletreballar presencialment y charramos d'a depilación natural. En l'apartau cocinicas, de hummus de remolacha, la zarzaparrilla y las infinitas posibilidatz d'o fullatre. Y tamién muito recosiro sobre los pitufos, lo manga y bella serie mitica d'antes mas
2020-04-1334 min
Tierra de varrenadasTierra de varrenadas 27. Programa 27Un programa 27eno charrando d'escape rooms, bicis contra lo coronavirus, agapimu, watanegui, aserejé, abanibí, ropa interior y la tornada t'o treballo. Nos ha saliu un poquet matrimoniadas, pero son chococientos diyas de confitamiento. ¿Qué queretz?
2020-04-1236 min
Tierra de varrenadasTierra de varrenadas 26. Programa 26Sabado de confitamiento y de torrichas. U torrillas. U torrijas. U quemisio. Ya sabetz de qué charramos. Y tamién de hortals, fer esporte en casa, la cinta que nos hemos visto ista tarde y lo gastroaplauso, una iniciativa que nos ha feito goyo a-saber-lo.
2020-04-1135 min
Tierra de varrenadasTierra de varrenadas 25. Programa 25enoFemos las vodas de plata con un programa edición gourmet a on que cenamos de pistón. Charramos d'un concierto de Love of Lesbian en Sarinyena, de fer caletas y d'Oberyn Martell. Y poco mas, porque con ixo nos minchamos la meya hora larga de programa. Y Viernes Santo. Que ye bien santo.
2020-04-1036 min
Tierra de varrenadasTierra de varrenadas 24. Programa 24Ropa interior, ruta d'o tambor y lo bombo, la zaguer serie que hemos visto, libros gratis y mas movidas en iste programa de Tierra de varrenadas, edición de Chueves Santo a on que lo nuestro menú consiste en potras y fuet sobre PPM (Puto Pan de Molde). Confitadas y por cada diya mas enreciadas!
2020-04-0931 min
Tierra de varrenadasTierra de varrenadas 23. Programa 23D'os dos patetz d'ahiere no en queda que un. Seguimos lo confitamiento compartindo las nuestras opinions sobre marcas blancas de biera, la envidia, que ye muito mala, y lo tamanyo d'as botellas en las mugas internacionals. Tamién nos queda tiempo pa las morenas, Alien y los documentals de La 2.
2020-04-0834 min
Tierra de varrenadasTierra de varrenadas 06. Programa seisPrimer sabado de confinamiento. Barrenau se fa un cubata, que feba tiempo que no tastaba lo ron. Arale sigue fiel a la biera y lo fuet. Kurt duerme tot lo programa. La mosica d'o confinamiento, los cambios, amistatz y vermutz, bars andorranos a on que encara se deixa fumar... Fateras que asperamos tos aduyen a levar millor ista movida.
2020-03-2137 min
Tierra de varrenadasTierra de varrenadas 05. Programa cincoArriba lo primer viernes de confinamiento y, a diferencia de Kurt, Arale y Barrenau son dispiertas y prestas pa dar-tos la vuestra dosi de podcast anticonfinamiento en aragonés. Hue debatimos prou sobre los chelaus, analizamos los enganyos de Hollywood arredol d'a hichiene d'os patos y, sobre tot, nos femos un par d'hordios y un plato de potras.
2020-03-2033 min
Tierra de varrenadasTierra de varrenadas 01. Programa unoArale y Barrenau empecipiamos un nuevo programa pa fer-tos (u fer-nos?) mas divertiu lo confinamiento. No sabemos quanto durará ni de qué i charraremos, pero prebaremos de que tos arribe toda la buena vibra que podamos y mesmo si tenemos bell conoiximiento de bella cosa, transmitir-tos-lo. En iste primer programa charramos sobre ¡oh sorpresa! lo coronavirus y tot lo que ye pasando y esbarramos pa acabar charrando de misas, festivals u gatos, entre atras cosas. Asperamos las vuestras sucherencias y aportacions!
2020-03-1631 min
Tierra de barrenausTierra de Barrenaus 6x10. Sonara en 2020Barrenau Session. Empecipia un nuevo anyo y inauguramos formato de Barrenau session, programas a on que tos presentaré bella propuesta mosical. La primer, con una triga de bandas que sonarán en 2020 por tener nuevo disco y / u fer chira. Me n'he deixau a-saber-las, pero tiempo tendremos de ir anyadindo-ne.
2020-01-141h 03
Tierra de barrenausParola de follet. Presentación en Zaragoza 15/05/2019Audio d'a presentación de Parola de Follet en Zaragoza, feita lo 15 de mayo en lo Centro d'historias. Libro en aragonés escrito por Carlos G. Esteban "Barrenau"
Parola de follet replega nueu cuentos ambientaus en un Aragón amagau, poblau por folletz, fadas, diaplerons y toda mena de sers fantasticos. Entre las suyas estrucias, la de dominar la parola. Con ellas fan edificios, treballan la tierra u mesmo fabrican obchectos. Los folletz son bien curiosos y viachan ta mundos exoticos mesmo pa ells. Siempre ubiertos a nuevas experiencias, descubren realidatz desconoixidas y fan partache d’as suyas experiencias con qui q...
2019-05-1948 min