Shows
De Saftlade#50 E letschti reis <3Fründe, da isch sie: eusi letschti episode für de moment (defür mal chli länger ;)). Danke für eue support, eues mitträge und mitlose. Hend euch gern, Diego & Michi :)
2025-03-2258 minDe Saftlade#49 Die Folg isch so alt, dass sie schimmletHallöle! I dere früsche Folg vom Januar (lol) gahts um Sache im November und Dezember (double lol)! Aber das macht nüt, denn au ufgwärmti Bratwurst schmöckt no wie Bratwurst! I dere Episode gahts um die famosi Let‘s Dance Tour, Kiss Cams und e verwirrendi Rezension zu eusem Podcast. Usserdem spitted de Michi sini assozialste, coolste und lustigste Moment us sinere Stellvertretig - also ineklicke und gnüsse!
2025-03-0632 minDe Saftlade#48 Siitesprung wege SalatgurkeHallööööleeeee, mir sind‘s wieder! Eus git‘s no und mir hend mal wieder absolut verkackt! 😂 Das wär eusi DRITTLETSCHTI Episode, wo bereits im Dezember hetti sölle usecho (es isch februar lol). Aber ey: Gut Ding will Weile haben! Gnüssed de amüsanti, teils tüüfgründigi, teils absurdi Spaziergang durch eusi Gedanke und eusi Chindheit (bei Risiken und Nebenwirkungen lesen die Packungsbeilage oder fragen Sie Ihren Arzt oder Apotheker).
2025-02-0631 minDe Saftlade#47 Ligretto-Hass und GurkenspassDe Titel seits eigentlich scho: De Diego und de Michi tauched i dere Episode is Universum vo de Gürkli ih und findet use, dass sie beidi zimlich komischi Cravings hend. Usserdem wird de Spieltriib aktiv: De Michi entpuppt sich als sadistische Tyrann und de Diego als en Mensch mit vil Hirn, aber eme Tempo wie en Schnegg.
2024-11-1429 minDe Saftlade#46 Alles hat ein EndeFründinne und Fründusse, sinder ready für e Trio-Folg? De Michi nöd, wil das Mal chunts würkli hart uf hart: Gaht d‘Welt under wegen Klimawandel? Wird d‘Becky langsam es Urgestein? Und was… was passiert mit dem Podcast? Schaltet ih, de Michi brucht euch.
2024-11-0534 minDe Saftlade#45 Hexeverbrennig und Sunneschiin„Bisch du e Hex? - Du verzauberisch mich nämlich.“ …Und mit dem cringe Amachapruch heissemer euch herzlich willkomme i eusem epische Kinosaal! I de hütige Episode dreht sich alles um Film: De Michi erchlärt euch, warum er sini Fernbedienig fasch geg de Fernseh schlüderet und de Diego outet sich als öper, dem Musig wichtiger als d‘Storyline isch. Abgrundet wird die Episode dur en Iblick is klasselager vom Michi und ere Entfüehrig is underirdische Amsterdam. Es wird gruslig!
2024-10-1730 minDe Saftlade#44 Fake-Schwangerschafte und halbnackti GeburtstägFreunde des guten Geschmacks! Hüt wirds wieder mal fätzig: De Diego und de Michi redet über Schwangerschafte und über d‘Frag, ob mer fremdi Büüch streichle sött. Zudem werdet die schlechteste Gschenkidee füre gholt und es wird verzellt, wie de Michi a sim 18. Geburtstag halbnackt vor sine Gäscht gstande isch. Let‘s go!
2024-10-0430 min2024-09-1930 minDe Saftlade#42 Schlafposition: SchimmelpilzMit wenig Verspötig *5 Wuche oderso huesthuest* isch eue lieblings Kulturpodcast mit saftige und frische, oder ebe nüm ganz so frische, Räubergschichte usere unoffizielle Summerpause wieder zrugg!Vo tüüfe, philosophische Gspräch vo go-to Schlafpositione im höchere Alter, bis hii zum Michi sine traumatische und «nawtynawty» Erlebnis in irgendeme versiffte Studenteheim, irgendwo in Neuchâtel, isch alles mit debi.Vill Spass bim lose!
2024-09-0531 min2024-08-0116 minDe Saftlade#40 Südländernippel und ZehebruchHAPPY BIRTHDAY DIEGOOOO!!! ❤️
Euse Lieblingsitalo isch wieder zrug und het echt en Liidensweg hinder sich: Theorieprüefige, Bandprobe und en unerwartete Zehebruch hend ihm de Abschluss vom sim 27. Lebensjahr versüesst. Was aber wie e einzigi Tragödie tönt, wird zum Afang vomene Krimi. Meister-Detektiv Diego wird mit sim erschte Fall konfrontiert: De gfessleti Maa in Bülach! (insert dramatic music)
2024-07-1842 minDe Saftlade#39 Bünzli-Alien in EnglandFründe us Graubünde (und woher ihr au chömed)! Mir sind endlich wieder "beck(y)"! Die Episode wird tüüf, die Episode wird saftig: Es gaht um die (mengmal nöd existenti) Kommunikation zwüsche Männer und Fraue, ganz vil Bünzli-Moment und die absoluti Brezel-Krise vom Michi. Hebed en schöne Tag UND BENEHMED EUCH IM ÖV!
2024-06-2737 minDe Saftlade#38 Mir stönd doch eh alli ufenand…Welcome back, Fründe! De Diego isch momentan innerlich am verrecke wege de Prüefige, darum wird er hüt dur en ganz spezielle Gast „ersetzt“ (isch natürlich nöd möglich
2024-06-0935 minDe Saftlade#37 Milchige JohannesMit es bitzli verspötig chunt e ganz bsunderi Episode uf euch zue: De Michi verzellt e scharfi gschicht über gschlechtsteil und sprüeht nur so vo früehligshormon. S‘Gliiche chan mer zwar nöd vom Diego behaupte, doch so wie er als guete Fründ isch, laht er de Michi i sine Gfühlswallige nöd allei: Es wird glacht, sich an Chopf glanged (oder woanders? - nei, jk 😂) und au es bitzli gstritte. So wie mer das halt under echte Fründe macht. Oh, und no öpis: De Diego laht sich uf es spiel ih, wo er doch lieber het...
2024-05-2031 minDe Saftlade#36 Erstarrte VaterFründe, eusi zwei Lieblingsrentner sind zrug und beidi hend sich d'Schultere zerrt (well done guys). Das haltet aber eusi zwei Lieblingssäftler nöd uf, richtig uf de Putz z'haue: Es gaht nomal i die tüüfschte tüüfe vo de Rabbit Holes und zu komische fetischähnliche Tendenze, wo de Michi in Bezug uf Pickel-Videos entwickled het. Doch au de Diego veränderet sich besorgniserregend: Er wird immer meh zum Opa und luegt gern absolut nüt ussegendi Landschafte vo de Bushaltestelle ah, was ziemlich "cringe" isch (um die cooli 12-Jährigi usem Workshop z'zitiere). Also: Stöpsel ine und...
2024-05-0332 minDe Saftlade#35 Chotzschwall in Bad RagazHüt wird es tüüfgründig, Freunde der Kultur. Weder de Diego no de Michi hetted denkt, dass sie so zum Kultur-Podcast mutiere chönted: Musig, Tanz, Freudschi Psychologie und Philosophie sind im Zentrum vo dere Folg. Und nöd z‘vergesse: De heissi Holzfäller uf Instagram und en Fründ, wo is Gebüsch chotzt. ;)
2024-04-1836 minDe Saftlade#34 Klerikali Kloster-KatastropheHelloouu :) De Diego lebt no und mir sind alli froh drüber. Die die Folg hüt wird peinlo deluxe: De Michi blamiert sich wieder mal im gym, spuckt fasch en Priester ah und erfindet e neui Metaphere für de Koitus. Letzeres wird vom Fachmann Diego gnau under d‘Luppe gno: Gaht de Maa würkli i d‘Frau oder isch es nöd eher d‘Frau, wo in Maa gaht? Ihr gsehnd: Es herrscht früehligserwache bim saftlade! Hebed en schöne, aber… *hust*
2024-04-0435 minDe Saftlade#33 Jäger und SammlerLüüt, die Episode wird es narrativs Erlebnis! De Diego wird i die „hohe Kunst des Erzählens“ ihfüehrt und blüeht drin uf wie e Orchidee i de Mikrowelle! Des Weiteren füehred euch eui Lieblingspodcaster i die mystischi Kultur vo de Chile ih und erchläred, warum mer regelmässig im Gottesdienst stöhnt. Meh muess mer gar nöd sege: Losed ine!
2024-03-0731 minDe Saftlade#32 De chopflosi ValentinNachdem de Michi gfühlt es halbes Jahr flach glege isch, sind sie wieder zrug: Eues Lieblingspodcast-Duo! Die Folg isch es absoluts Ghetto (wie jedi Folg lol): Hüt gaht es um e Karriere bi Onlyfans, d'Funktione vomene Ohr und wieso öpis schwarz wird, wenn mer schwarz dezue micht (fröged mich nöd, ich checke es immer noni, LG Michi). Usserdem redet eusi Jungs hüt über Liebi, Red Flags und... rollendi Chöpf.
Folged eus uf Instagram: desaftlade
2024-02-2230 minDe Saftlade#Grosses Announcement!Euses Instagram: @desaftlade. Lönd en Follow da, wenn ihr saftig und cool sind! :)
2024-02-0103 minDe Saftlade#31 Brüederliches Stöhn-DuettD‘Prüefigsphase isch dure und eui Jungs sind voller Energie zum is neue Jahr mit euch z’starte: Neus Cover, coole Content und bald vllt sogar no öpis meh (hihi). De Michi het wieder mal e interessanti Begegnig im Gym gha und droht sich ine innigi, erotisch ufgladeni Bromance verstrickt z‘ha. Währenddesse verzellt de Diego vonere Airpod-Bergigsmission im Coop, wo definitiv für Ufsehe gsorgt het. Eui Jungs sind back: Es wird gstöhnt, philosophiert, kocht und ganz vil glacht. Happy 2024 - yeyaaaaaaa!
2024-01-2533 minDe Saftlade#30 Aggressivi FrequenzerhebigFründe, Silvester staht vor de Tür und damit au die neusti Episode vo euem Lieblingspodcast! Hüt ufem Programm staht e SEHR unagnehmi Begegnig mitere überkorrekte SBB-Kontrolleurin und de Diego als Karaoke-Star. Des Weiteren verzelled eui Boiis, was sie das Jahr glernt hend und inwiefern de Podcast ab jetzt zunere Werbeplattform für Hellofresh umgmodlet wird (oder so). Losed ine, es chönt nämlich si, dass de Diego und de Michi s‘einte oder andere Projektli vom nechste Jahr ateased. Guete Rutsch und hebed en schöne - aber nöd euse HA HA HA.
2023-12-3138 minDe Saftlade#29 Adoptiert vo de Julia BeautxFründe, es git e zuesätzlichi Episode vo eue liebe Säftler für euch zu Wiehnachte! Hüt miteme ganz spezielle Gascht: De Gustav! Z‘dritte gahts hüt um s‘thema vorfreud und wiehnachtsgschenkli. Zudem chunt de Michi endlich dezue vo Let‘s Dance z‘verzelle und was für e creepy Stadt Stuttgart isch. Usserdem isch er jetzt offiziell vo de Julia Beautx adoptiert worde und klärt euch uf, was es mitem ominöse „UwU“ uf sich het. Usserdem zeiged euch d’Jungs, wie ihr eue Harndrang stüüre chönd. Und damit schöni Wiehnachte!
2023-12-2133 minDe Saftlade#28 Model-Jawline und Drummer-BizepsEui zwei schnittige Podcast-Dudes mit de Jawline des Todes meldet sich zrug: Wiehnachtsziit isch am Brenne - hoffentlich aber nöd eui Guetzli. ;)
Spitzbuebe Rezept:
250g Butter, weich
125g Puderzucker oder Zucker
2 TL Vanillezucker
1 Prise Salz
1 frisches Eiweiss
350g Mehl
ca. 200g Gelee ( Johannisbeeren /Quitten) oder Konfitüre (Aprikosen)
wenig Puderzucker
So wird’s gmacht:
Butter in einer Schüssel verrühren. Puderzucker, Vanillezucker und Salz beigeben, rühren, bis die Masse heller ist.
Eiweiss verklopfen, darunterrühren. Mehl beigeben, zu einem Teig zusammenfügen, etwas flach drücken, zugedeckt mind. 2h kühl stellen.
Ofen auf 200 Grad vorheizen. Teig portionenwe...
2023-12-1439 minDe Saftlade#27 De kackendi HolzchlotzD'Weihnachtsziit naht und damit au e neui Episode vo euem Lieblingspodcast! Passend zu de besinnliche Ziit wird es hüt sehr poetisch: Vo Wiehnachtsständli über Chat-GPT-Gedicht hi zu zweitklassige Witz und Pointe werdet euch de Diego und de Michi mit allem verwöhne, wo eues Herz begehrt (naja, fasch allem - don't think dirty). Hüt wird es zudem um die luschtigschte und fragwürdigschte Wiehnachtstraditione uf dere Welt gah! Es lohnt sich also seeeehr izschalte - villicht findsch ja au du no Gfalle dra mit tote Pferd um d'Quartier z'zieh oder din Onkel z'schlah. D'Wiehnachtsziit het somit offizi...
2023-11-3035 minDe Saftlade#26 Assoziale Asiat bim AsiatDie Wuche isch schwierig für de Michi: Nöd nur het er en astrengende Stuehlgang gha, sondern s’tram verpasst und sin chopf anere Stange agschlage. Währenddesse het de Diego sin Musterschüeler-Status a de ZHdK endgültig ufgäh, wil er kei Ufzgi meh macht. Als wär das nöd alles scho wild gnueg, chnurrt de Michi e fremdi Frau bim Bahnhof ah und verwandlet sis Zimmer ines Räucherparadies. Zu gueterletscht macht de Diego en wichtige Appel: Losed doch Lieder länger als 15 Sekunde. Das wär no flott. Zemefassend: Die hütigi Folg isch absolut t...
2023-11-1638 minDe Saftlade#25 FamiliegeschnüffelDie Folg staht ganz underem Motto «Gschwüsterteliebi». D’Ylenia, die chlii Schwöster vom Diego, isch hüt am Start und wirblet s’Podcast-Game ganz neu uf. Natürlich bespreched eusi Jungs au mit ihre nume die wichtigste Theme vom Lebe wie WC-Praktike, Laktoseintoleranz und Aggressionsusbrüch bim Autofahre. Zudem wird i dere Episode en gaaaaaaanz interessante Skill offebart, wo i de Familie vom Diego Standard isch (de Michi staht immer no under schock). Wer aber denkt, dass d’Ylenia nume cho isch zum chli Saft trinke, irrt sich: Sie isch da, um einiges z’berichtige, was de Diego und de Mi...
2023-11-0232 minDe Saftlade#24 Rüehrs i d’Limmat!Mit es bitzli verspötig chunt die neuschti Episode use und friends: S’Warte het sich sowas vo glohnt! Die Episode isch ultra deep und behandlet d’Frag, wie mer wüsse chan, ob mer am richtige Ort im Lebe staht! Des Weiteren hend eui Lieblingspodcaster wieder Mal nice Witz uf Lager und de Michi verzellt, wie er im Tanzkurs zunere Frau mutiert und i fremdi Brüscht kracht isch. Was d’Limmat mit all dem z’tue het? - Muesch halt i d’Folg itauche, denn weisch es! (itauche wege «i d’Limmat itauche und so», han grad welle poetisch si lolol
2023-10-2027 minDe Saftlade#23 Chipolata-Marketing-OpferFründe, i dere Episode wird gfiired: Eusi zwei Lieblingsburschte gönd uf d‘suechi nach de kuriosischte Fiirtig uf de Welt und merked eimal meh, dass d‘USA absolut en Dachschade het (no offense though lol). Usserdem isch es wieder passiert: De Michi isch wohlmöglich en Deal igange, wo ihn jetzt verpflichtet regelmässig früsches Gmües z‘chaufe… isch es choschtelos? Natürlich… nöd. I de Zwüscheziit isch de Diego zumene Reise-Füdli mutiert und verzellt über sini Ziit in London, was für Problem er mit Ziitplanig het und vomene dütsche Päärli, wo die ganz Reis ver...
2023-10-1230 minDe Saftlade#22 Killer-Panda in SpanieOh Boiiii, die Episode isch wortwörtlich de reinsti Horror! Im Lebe vom Diego und em Michi passiered ziemlich ominösi Sache: Em Michi begegnet i de Ferie en Killer-Panda, wo meh als nur gruslig isch. Währenddesse rettet de Diego e krepierendi Oma und kämpft gege italienischi Wildschwein. Doch au de Alltag vo euse zwei Helde isch nöd langwilig: Körperflüssigkeite und Ufsatz-Fails wie au zweitklassigi Memes findet ihre Weg i die Folg. Wenn meh wottsch wüsse, denn klick uf de Playbutton (du chline Player du lol). ;)
2023-10-0534 minDe Saftlade#21 Schöne Maa a de TramstationWuhuu, de Michi isch so energieglade wie no nie! Und de Diego... naja, er isch eifach Musiker. I dere Folg redet eui zwei Lieblingspodcaster über die magischi Würkig vo Schlaf und warum mer trotzdem immer übermüedet isch. Zudem verzellt de Diego vonere interessante musikalische Erfahrig miteme Lied, wo er absolut hasst, während der Michi mit sim neue Büro agit (sorry star). Wie i jeder Folg fehled natürlich au i dere die altbekannte komische Begegnige nöd, under anderem en ungwollte Flirt a de Uni wie au e heissi Begegnig am Bellevue.
2023-09-2829 minDe Saftlade#20 Tanzpartnerin mit MundgruchDe Michi macht eis uf Solo: De Diego isch a de ZHdK absolut am hustle, sodass euse Lieblingsasiat die Folg selber rocke muess. Ufem Menü hüt stönd die wohl schlimmsti erschti tanzstund überhaupt sowie e mysteriösi Audiodatei, wo de Michi zum Cringe bringe wird. Mir segeds mal so: Klein Michi het sini skills welle uspacke, isch aber meh cringe als skilled gsi. Nebst dene nerveufriibende Sache redet er aber au no über Bruefswahl, Werdegang und de Fakt, dass s‘lebe länger isch als mer denkt. Abgrundet wird die Folg dur die allerliebscht Anastasia, wo ihres Foulard vorem Leh...
2023-09-1631 minDe Saftlade#19 Curly Edgar mit Double 360 Low Pass Filter Taper Fade Sh*tBrüder und Schwester des saftigen Podcasts! Mir hend eus hüt da versammled, um i die zweiti Rundi mit de Becky z'gah: Sie joined eurem Lieblingsduo nomal, wuhuuu! Wenn öpis die Folg beschriibt, denn isch es chaotisch: De Diego und d'Becky mached sich über d'Notfallchleider vom Michi luschtig und gröled ab sinere Ussprach vo gwüsse Läde. Aber wer vo eus isch scho perfekt? Uf das gaht d'Becky ih und verzellt vomene Versicherigschund, wo ihre fasch de letscht Nerv graubt het. Abgrundet wird das Spektakel dur en sehr fragwürdige Trend, was d'Haar agaht, laszive Suechafrage im Inter...
2023-08-3137 minDe Saftlade#18 Euse erschti 3erHallihallo! Mir sind back vo de Ferie und strotzed nur so vo Energie, wuhuu! Passend zu dem hemmer eus entschiide, dass mer s'erschte mal en 3er hend und euch jetzt devo berichtet (was das genau heisst, sei mal dahingestellt). Zudem gahts i dere Episode um die vergessliche Hirnis vo eune Lieblingsopis: D'Jungs vergessed Schlüssel, Badges und Ladegrät. Letschteres zwingt de Michi sogar zunere sehr cringe Begegnig miteme halbnackte Maa i de Garderobe. Apropos cringe: Seit euch Gen Z öpis? - Hüt wird en Fokus uf die einzigartige, teils spezielli Spezies vo Mensche gworfe, zu dene vil vo e...
2023-08-2427 minDe Saftlade#5S Esoterisches GestöpselD'Summerepisode chömed zumene Endi und au de Michi isch absolut am Endi: Er verwickled de Diego ines interessantes, wenn au chli unorganisiertes Gspröch über Chiromantie und diskutiert mit ihm, was es mit dem alles uf sich ha chönti. Nebst einige esoterisch aghuchte Theme, wo villicht meh Psychologie als Magie sind, gits aber au i dere Episode wieder eui täglichi Ration a Cringe: De Michi bim Coiffeur. Meh muess nöd gseit werde, usser dass de Dude mit sinere schiss Baby-Shower sich mal chli zemerisse söll.
2023-08-1719 minDe Saftlade#4S Stupsendi Hipster-OmaD'Summerepisode neiged sich langsam ihrem Endi zue und denn hend ihr wieder eusi Full Length Episode a de Bagge (mir überlönd euch s'Urteil, ob das positiv oder negativ isch)! Ihr werdets nöd glaube, aber die hütig Episode het einiges a Weirdness i sich, wobi de Michi usnahmswiis NÖD de Weirdo isch! Er wird im Coop agschreit, a de Bushaltestell atanzt und chunt zum Schluss, dass er wohl eifach es Ussehe ha muess, wo dezue iladet lol. De Diego thematisiert d'Problematik vo Händ zwüsche zwei Körper (nöd das, was ihr denked, ihr Schlingel) und dere...
2023-08-1017 minDe Saftlade#3S Alles wird verpopptFründe! Was für en glorriiche Tag: Nöd nume isch e neui Folg vo euem Lieblingspodi online, sondern die Diego het sich sogar uf die Episode vorbereitet!!! Euse Musigstudent macht sim Titel all Ehr: Als musikalische Gourmet und schwiizerische Dieter Bohlen weiss de Diego genau, was gueti Musig isch... und was nöd. Schnalled euch ah und hebed euch fescht: I dere Episode gahts ab i d’Vergangeheit und i d’Abgründ vo de menschliche Musikalität. Muhahahaha.
2023-08-0321 minDe Saftlade#2S Bsoffe wege NektarineNastrovje! Griifed (wenn ihr gnueg alt sind ) zum nechste Bier, Mojito oder Caipi, denn die Episode wird so berauschend wie de Alkohol selber! De Diego und de Michi verzelled vo ihrem Bezug zu Alkohol und wie sie insbesondere zu Bier stönd. Usserdem redet de Michi über es ungewollts Debakel amene Wohltätigkeits-Allass, wo er als Barkeeper gschaffed het und wie de Michito als Drink kreiert worde isch. Abgrundet wird die Folg dur es paar random linguistischi Facts, i dene es vor allem um de wiiblichi Körper gaht - scho no spannend, wie d'Italiener uf d'Indonesier abgfärbt hend.
2023-07-2717 minDe Saftlade#1S Brutal getrainierte OpaHerzlich willkomme zu de erschte Summerepisode: Churz, knackig, unterhaltsam! De Diego erlebt, wie en Opa sini Fightskills uspackt und so richtig uf de Putz haut. Währenddesse wird de Michi mit feministische, übermotivierte und erregte Tänzer konfrontiert. Das seit eigentlich scho alles us – vill spass!
2023-07-2015 minDe Saftlade#17 Beleidigti Meitli im WallisDe Michi isch zrugg und het einiges a skurile und witzige Erlebnis usem Klasselager mitbracht: D‘Sprachbarriere füehrt zu Verwirrig, Meitli us de Klass werdet uf guet bäuerlichi Art beleidigt und eme Schüeler wird früsche Berg-Snus abote. Nebst dem verhaderet sich de Philosophe-Diego i de Frag, was genau „real“ und „fake“ isch und inwiefern sich Chinderarbet vo gemeinnütziger Arbet unterscheide söll. Mir wünsched euch en super Summertag - vergessed eue Hammer und Pickel nöd, und miidet Hitzestrecke! Vil Spass, ihr Schlawiner! ;)
2023-07-1334 minDe Saftlade#16.5 Ja, wie sölli sege...Es lauft grad drunter und drüber... D’Semesterferie sind voll im Gang und die beide hend ihres Lebe scho nüm im Griff – also zumindest eine vo dene zwei Hobbypodcaster. Während de Diego irgendwie versuecht mit Musig Geld z’verdiene, gnüsst de Bergspezialischt Michael eh schöni Wuche im Wallis imne Klasselager. Oder gnüsst ers doch nöd? – wie au immer. Hender d’Instastories vom vergangene Weekend au gseh, also gseh im Sinn vo «JA, LANGSAM ISCH GUET!»? Am Diego ischs zumindest so ergange. Schöns Weekend und Kuss gaht use!
2023-07-0611 minDe Saftlade#16 Uuuuh… Aggressionsproblem!Hender gwüsst, dass Spielplätz wie Droge für Chinde sind? - De Michi grabt i sinere Erinnerig und stellt fescht, dass er sich nachem Gebruch vo gwüsse Grätschafte immer sehr „interessant“ gfühlt het. Apropos Droge: De Diego entpuppt sich als Pflanze, wo regelmässig de Photosynthese-Tanz usfüehrt, während de Michi zumene Pflanzeconnaisseur mutiert. Zudem chunt es endlich zum langersehnte Tanzupdate vom Michi: Niemmer wür sich wundere, wenn er bi Let‘s Dance 2024 debi wär. Parallel dezue verzellt de Diego vo sine Aggressionsproblem und inwiefern körperlichi Gwalt besser isch als verbali - am beschte also...
2023-06-2932 minDe Saftlade#15 Chindersuechi in ZüriAlso Peeps, vorab mal: De Diego und de Michi sind absolut müed und dure. Dementsprechend isch au die Folg es obsolets Chaos: De Michi versuecht sich a cringe Amachsprüch und erntet dementsprechendi Reaktione, während d’Schwöster vom Diego fasch inere Podcast-Sitzig chotzt. Usserdem müend die zwei Jungs Stellig zu ihrne Ussage über High School Musical näh und hend debi e erkenntnis: Männer sind mengmal eifach dumm. Zumindest wenns ums date gaht. Dumm het sich aber au de Michi gfühlt, wil er fasch es Chind in Züri verlore het… was da dehinder steck...
2023-06-2232 minDe Saftlade#14 Generelli GschmacksverstuchigMuess mer denn zu allem e Meinig ha? - De Diego und de Michi seged: Nei! I einere Sach sind sich aber beidi einig: Irgendöpis het d’2000er gröber Hopps gno: Harry Potter entpuppt sich uf Instagram als chline Schmuddelfilm, us Camp Rock wird e Low-Budget-Technoparty und us High School Musical e melodramatischi Katastrophe. Schlussendlich chan mer dene Film aber nöd abspreche, dass sie eus uf ihri Art unterhalte hend… und dass de Musigstil meh als nume fragwürdig isch. De Michi verzellt zudem vo sine tüüfschte und fragwürdige Troim, i dene er sine Lieblingsin...
2023-06-1534 minDe Saftlade#13 Asoziali PilotfolgDe Diego bechunt e spannend Luftpost vomene Pilot, wo eus ufklärt, was würkli bi ihne im Himmel abgaht. Damit isch e neue Ära bi eus abroche: D‘Ära vo de Zueschauer-Send-Ins [insert dramatic music]. Nebst em Pilotethema wird de Michi ziemlich assozial: Nöd nume würkt er super ibildet in Bezug uf sich selber, sondern erchlärt au, warum du nöd a sinere Party iglade wärsch. Abgrundet wird das ganze Fescht mit Müettere, wo hässig uf ihri Söhn sind, halb abgnagte Pouletschenkel und de Debatte, ob mer als Eltere sini chind schlah dörf. Jap, wie...
2023-06-0830 minDe Saftlade#12 Wylde UsgangEs sind fasch Semesterferie, wuhuuu! De Michi reist nach Bern und het einmal meh absolut komischi Begegnige, die ihm fasch sin akademische Erfolg chostet. In Bern achoo, lernt er es jungs Mädel kenne, das ziemlich vil vo sich haltet und sini letschte Nerve strapaziert. De Diego versuecht sich a Ratschläg für die hütigi Jugend und outet sich als absolute Overthinker. Nöd ganz einig sind sich die zwei Jungs bi de frag, ob sie wüsse wennd, wenn oder wie sie sterbed – aber spielts denn e Rolle? Sterbed doch schlussendlich eh all, nöd? Was als harml...
2023-06-0133 minDe Saftlade#11 Grillgmües NatureDe Diego lüütet d‘Grillsaison ih und lüüt: Ihr hend de bueb no nie so imbrünstig über es thema rede ghört! Uf jede Fall sind ihr mit dem Podcast bestens für eui Grillsaison grüstet und werdet vom Diego höchstpersönlich in Pool gschupft, wenn ihr Hörnlisalat mached! De Rescht vo de Episode isch e chli… wie söllemer sege…? Random? De Michi het uf jede fall öpis interessants über s‘essverhalte vo pilote usegfunde und warum de Schiller verfuulti öpfel i sinere Schriibtisch-Schublade gha het. Usserdem füehrt er es neus Wort für „uriniere“ ih und bri...
2023-05-2529 minDe Saftlade#10 Eifach nöd, Martha…Was?! Scho die 10. Episode vom Saftlade?! - Aiii! Wer hettis denkt? Und mir lebed alli no im Gegesatz zu de latiinische Sprach! Oder lebt sie doch no? Nebst dere linguistische Debatte und de sorgfältig recherchierte (oder so) Definition vo «jugendfrei», gits einiges z’verzelle: De Michi zieht bim Selfie mache d’Blick vonere fremde Muetter uf sich und e Nachbarin luured ihm im Stegehuus uf. I de zwüscheziit erchlärt de Diego, wie schwierig es isch es gspröch abzschnüüre und warum sini Fründin nie Tiktokerin si dürfti. Nebst dem verzellt de Michi vonere sonderbare Beg...
2023-05-1837 minDe Saftlade#9 Hypersensibli Gym-SessionI de 9. Episode vo euem Lieblingspodcast wird's emotional: De Diego und de Michi verrated euch, wenn sie s'letschte mal brüellt hend und de Michi verzellt, warum er letschtens brüellend am Bahnhof gstande isch. Zudem het Let's Dance s'lebe vom Michi absolut übernoh: Er het d'Stimm vom Jorge González übernoh und wär als sis Double nach Köln greist, hetted nöd einigi Sache em arme Bueb en strich dur d'rechnig gmacht. Aber Gott sei Dank passiert ja immer mal wieder au Guetes: Es wird en luschtige Tiktok-Trend vorgstellt, wo zu spannende Diskussione füehrt und d'Jungs e...
2023-05-1131 minDe Saftlade#8 Zersch küsse, denn redeYippie, es isch wieder Podcast-Time und Saft-Rating-Time! Nacheme potenzielle Würgreiz wegem Matcha imene Fruchtsaft, gaht’s hüt richtig i d’Tüüfi: De Diego verzellt vo sine Jahresvorsätz und de Michi teilt, wie und warum er sich geg e bestimmti Beziehig entschiede het. Das mündet i de entscheidende Frag, wie mer im Lebe s’Richtige macht und wie wichtig es isch, sich die Frag immer wieder z’stelle (sehr deep!). Agrichered wird die Folg dur en Tik-Tok-Hack, wie mer Knutschflecke wegbringt und dur e hitzigi Diskussion über unnötigi Gruppechats uf Whatsapp. Alles lebenswichtigi Inhält hüt! Also inek...
2023-05-0437 minDe Saftlade#7 Manischi AirpodsuchtDe Jingle vom Podcast isch endlich da! Während de Podcast vo de zwei Jungs immer professioneller wird, bliibed die zwei Fründe ihrem kognitive Niveau treu: De Michi het e fasch manischi Soundtracksucht und de Diego luegt regelmässig sini Schissi ah. Zudem redet die zwei Jungs über Teletubbies, imaginäri Chindheitsfründe und de altbekannti Dab. Doch au i dere Episode hets en gwüsse Tüüfgang: Eusi kulturelli Haltig wird in Bezug uf Kunst i Frag gstellt und für Body Positivity plädiert. Apropos Body Positivity: Hender au scho mal de Helikopter gmacht?
2023-04-2738 minDe Saftlade#6 Auch die Dusche ist ein KloTagwohl mitenand (wie de Diego als Chrankepfleger imene wiise Kittel sege wür)! Nachdem de Diego sich i de letschte Episode als Gnocchi geoutet het, isch de Michi es Pasta-Orakel ga ufsueche, um meh über Gnocchi-Mensche usezfinde. Im Gegezug dezue, isch es de Diego das Mal, wo am Michi drüü Frage stellt: Eini unagnehmer als die ander (danke a dere stell, Bro): Vo Flexe vorem Spiegel bis zum Usscheide vo gwüsse Flüssigkeite i de Duschi und Guilty Pleasures isch Alles debi. Damit die Folg aber nöd ganz so verstörend ufhört, verzellt de Michi no, wie er zu...
2023-04-2038 minDe Saftlade#5 Rich in flavourNachdem de Diego um eis Haar sini Seel für d‘Reparatur vomene Totalschade a sim Macbook verchauft het, ruumed die zwei Jungs hüt chli uf: D’Ergebnis vo de Umfrage i de früehnere Episode werdet endlich besproche und de Michi offebart chli meh vo sinere tragische Heartbreak-Gschicht. Abgrundet wird die Episode dur e erschti Fragerundi, wo de Michi de Diego mit eue Frage löchered und usefindet, dass de Bueb «rich in flavour» isch.
2023-04-1338 minDe Saftlade#4 Jetzt wird ghürate!Passend zum Früehlig redet de Diego und de Michi übers Thema Dating und mached sich luschtigi, aber au vil tüüfgründigi Gedanke dezue: De Diego verzellt, wie er sini Fründin imene Notfallmanöver het müesse kläre, während de Michi vomene chline Heartbreak berichtet. Beidi sind sich einig: Öper ohni klari Intentione z’küsse chan zimlich kompliziert werde (nöd, dass das ihne jemals passiert wär, nei, nei). Und denn gits no de Mitstudent vom Michi, wo offensiv uf alli los gange isch. Die Episode isch Emotion pur!
2023-04-0641 min
De Saftlade#3 Flucht vorem FroschfiaskoNachdem de Diego em Michi fasch gege sin Wille en Spinatsaft mitbringt, chunts ih dere Episode zum erschte ultra professionelle Saftrating! Schlimmer aber no als de Spinatsaft isch s’Dilemma vom Michi: Er isch jetzt nämlich meh oder weniger freiwillig Abonnent vonere chostepflichtige Internetsiite und isch es paar Fränkli losworde (internally crying). Abgrundet wird das Finanzdebakel dur en epische Kampf bi Nacht, i dem de Michi sich zwunge gseht sin Zauberstab uszpacke, um e ominösi Frau z’konfrontiere und voreme tote Frosch z’flüchte.
2023-03-3035 minDe Saftlade#2 Racheplan mit Plot-TwistI dere Episode setzt sich de Diego für e vernünftigi Chleiderordnig i de Schwiiz ih und verzellt vo sine Vorstellige als zuekünftige Musiker. De Michi redet vo sinere Arbet als Lehrer und bemerkt, wie assozial und komisch d’Logik vo Schüelerufsätz si chan. Bsunders in Bann zieht die zwei Jungs d’Gschicht vonere rachsüchtige Muetter, wo d’Aglegeheite vo ihre Tochter i ihri Hand nimmt und vor NÜT zrug schreckt. Zum Schluss redet d’Jungs no über «s’fake» und findet use, inwiefern «bullshitte» em Michi dur d’Matur ghulfe het… oder au nöd.
2023-03-2336 min
De Saftlade#1 Zwüsche Schweiss und SchniedelI de erschte Episode stelled sich de Diego und de Michi vor und findet use, dass de Diego es chlises Farbgenie isch und de Michi is Gfängnis ghört. Usserdem offebared beidi Jungs ihri tüüfschte ÖV-Traumatas und de Michi berichtet vonere verstörende Begebeheit mitere interessante Frau, imaginäre Chatze und Dickpics. Und zu gueter letscht redet die zwei natürlich über ihre Podcast und erchläred, warum das Ganze da en echte «Saftlade» isch.
2023-03-1635 min