Shows
Radio Maria CanadaEl Santo del Día: Beata Ana María Taigi
El Santo del Día – Junio 09
Beata Ana María Taigi
L'articolo El Santo del Día: Beata Ana María Taigi proviene da Radio Maria Canada.
2025-06-0904 min
In Taiwan We SpeakPuzzled by Taigi’s Nasal Sounds? Just Imagine You Have a Cold! (ft. Lîm Sim-An) | #InTaiwanWeSpeakDid you know that in Taigi, some words must be pronounced through the nose? This subtle nuance differentiates words like soa (sand) from soaⁿ (mountain). Nasal vowels are just one of the fascinating aspects our guest Lîm Sim-An shares about his language.
He also challenges the preconception that Taigi is a ‘backward language’, showing us how it can be modern, fashionable, and even cute—introducing to us some adorable words you might use in conversation with Taiwanese speakers.
Don’t miss the second half of our interview with Lîm Sim-An, app developer and creator of t...2024-09-1717 min
Formosa Dream ChasersHow I started covering Taigi songs feat. Tristan HilderbrandFrom a social media influencer to becoming a singer-songwriter in Taigi (the Taiwanese language), Tristan Hilderbrand (崔璀璨) shares that she was told that Taigi was considered a low-class language when she first came to Taiwan. In this episode, we learn how Tristan transitioned to gaining recognition for her Taiwanese covers, the kind of effort it takes to become a successful social media content creator, and why it is important to hold on to your vision even if no one understands it.
Find Tristan on Instagram (@yakitorisutan) and YouTube (Tristan H. 崔璀璨) to check out her other videos and Taigi song covers!2024-08-3000 min
historias para Catecismo FSSPXBeata Ana María Taigi: La Luz Oculta de Roma y Su Milagro de Sencillez" 9 de junio.Navega a través del siglo XIX en Roma y descubre a la Beata Ana María Taigi, una mujer de extraordinaria devoción y carisma, cuya vida cotidiana tocó a las personas más humildes y a las más influyentes de la época, incluyendo tres sucesivos Pontífices. A pesar de su modesto origen y sus desafíos personales, Ana María Taigi se convirtió en un faro de luz y sabiduría para muchos.
Este documental detalla su historia desde sus humildes comienzos en Siena, pasando por su matrimonio y vida doméstica, hasta sus experiencias místicas y su...2023-06-0919 min
Catálogo divino - la vida de los santos 🙏🏼105│Beata Ana María Taigi - 9 de Junio - 3ra temporada
¡Sigamos adelante en nuestro camino a la santidad!
¿Pero... hay tanto por hacer? Parece que el tiempo no nos da abasto para tantos compromisos.
Si, es cierto. Pero cuando tenemos nuestro corazón lleno de confianza en Dios, todo nuestro esfuerzo y servicio se convierte en oración.
Sin darnos cuenta, hacemos todo lo común, de manera espiritual, también.
Y la fuerza de Dios nos sostiene.
Dejemos que Dios sea nuestro consuelo y nuestra energía, así, como para los santos su motor fue la gracia d...2023-06-0912 min
NASA 逐工一幅天文圖 APOD Taigi724. 仙女座星系 ê 方向 揣著 料想袂到 ê 星雲 ft. 阿錕 (20230117)是按怎仙女座星系 ê 方向附近有看著酸素發出 ê 光弧？無人知影。氣體弧 是 藍色--ê，是舊年幾若个 業餘天文學家 揣著、確認--ê。這个光弧 ê 來源有兩个主要 ê 假說。一个是講，in 真正是 tī 仙女座星系 (M31) 附近。另外一个是講，in 只是咱 銀河系 內底 ê 雲絲，意外疊 tī 仝這个視線方向。較奇怪 ê 是，進前 tī M31 ê 深空影像 內底，無揣著主要 ùi 水素 發出來 ê 光弧。而且 tī 較遙遠 ê 星系 內底，嘛無揣著定定有--ê、ùi 酸素 發出來 ê 類似結構。這是頂真 ê 業餘天文學家用商業望遠鏡 揣著--ê。因為大部份專業 ê 天文望遠鏡，攏咧 研究 天頂足細 ê 範圍。這寡光弧 tī 天頂 ê 視角度 有幾若粒 月娘 遐爾大，較袂去看。未來 ê 觀測，一定會繼續追蹤酸素抑是 其他元素 發出 ê 光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20230117/ 影像： 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap230117.html 業餘天文學家, 光弧, 雲絲, 假說, 視角度, 仙女座星系, 台語, Taiwanese, 天文, astronomy, APOD, Taigi, 酸素, M31, 銀河系是按怎仙女座星系 ê 方向附近有看著酸素發出 ê 光弧？無人知影。氣體弧 是 藍色--ê，是舊年幾若个 業餘天文學家 揣著、確認--ê。這个光弧 ê 來源有兩个主要 ê 假說。一个是講，in 真正是 tī 仙女座星系 (M31) 附近。另外一个是講，in 只是咱 銀河系 內底 ê 雲絲，意外疊 tī 仝這个視線方向。較奇怪 ê 是，進前 tī M31 ê 深空影像 內底，無揣著主要 ùi 水素 發出來 ê 光弧。而且 tī 較遙遠 ê 星系 內底，嘛無揣著定定有--ê、ùi 酸素 發出來 ê 類似結構。這是頂真 ê 業餘天文學家用商業望遠鏡 揣著--ê。因為大部份專業 ê 天文望遠鏡，攏咧 研究 天頂足細 ê 範圍。這寡光弧 tī 天頂 ê 視角度 有幾若粒 月娘 遐爾大，較袂去看。未來 ê 觀測，一定會繼續追蹤酸素抑是 其他元素 發出 ê 光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20230117/ 影像： 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap230117.html 業餘天文學家, 光弧, 雲絲, 假說, 視角度, 仙女座星系, 台語, Taiwanese, 天文, astronomy, APOD, Taigi, 酸素, M31, 銀河系是按怎仙女座星系 ê 方向附近有看著酸素發出 ê 光弧？無人知影。氣體弧 是 藍色--ê，是舊年幾若个 業餘天文學家 揣著、確認--ê。這个光弧 ê 來源有兩个主要 ê 假說。一个是講，in 真正是 tī 仙女座星系 (M31) 附近。另外一个是講，in 只是咱 銀河系 內底 ê 雲絲，意外疊 tī 仝這个視線方向。較奇怪 ê 是，進前 tī M31 ê 深空影像 內底，無揣著主要 ùi 水素 發出來 ê 光弧。而且 tī 較遙遠 ê 星系 內底，嘛無揣著定定有--ê、ùi 酸素 發出來 ê 類似結構。這是頂真 ê 業餘天文學家用商業望遠鏡 揣著--ê。因為大部份專業 ê 天文望遠鏡，攏咧 研究 天頂足細 ê 範圍。這寡光弧 tī 天頂 ê 視角度 有幾若粒 月娘 遐爾大，較袂去看。未來 ê 觀測，一定會繼續追蹤酸素抑是 其他元素 發出 ê 光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20230117/ 影像： 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap230117.html 業餘天文學家, 光弧, 雲絲, 假說, 視角度, 仙女座星系, 台語, Taiwanese, 天文, astronomy, APOD, Taigi, 酸素, M31, 銀河系是按怎仙女座星系 ê 方向附近有看著酸素發出 ê 光弧？無人知影。氣體弧 是 藍色--ê，是舊年幾若个 業餘天文學家 揣著、確認--ê。這个光弧 ê 來源有兩个主要 ê 假說。一个是講，in 真正是 tī 仙女座星系 (M31) 附近。另外一个是講，in 只是咱 銀河系 內底 ê 雲絲，意外疊 tī 仝這个視線方向。較奇怪 ê 是，進前 tī M31 ê 深空影2023-02-0901 min
NASA 逐工一幅天文圖 APOD Taigi475. NGC 3521：佇氣泡內底 ê 星系 ft. 阿錕 (20220505)華麗 ê 捲螺仔星系 NGC 3521 離咱干焦 3500 萬光年遠爾爾，伊就佇北天 ê 春季星座 獅仔座 遐。NGC 3521 佇天頂足光 ê，用細台天文望遠鏡就會當看著伊。毋閣大部份 ê 天文攝影師攏較愛翕其他星系，親像是 獅仔座 ê 捲螺仔星系 M66 佮 M65。毋閣講實在 ê，咱 無可能 假影 看袂著 這个多彩 ê 宇宙肖像。這个星系 ê 大細差不多有 5 萬光年闊。伊有 無連紲、無規則外形 ê 特殊 捲螺仔手骨，面頂有塗粉綴咧、有粉紅仔色 ê 恆星形成區，閣有 藍色少年恆星 ê 星團。佇這幅 NGC 3521 ê 深空影像，咱閣看會著伊藏佇一个較暗 ê 大型氣泡外殼內底。這个外殼應該是潮汐殘骸，是 ùi 足久以前佮 NGC 3521 合併 ê 衛星星系 內底，搝長 ê 恆星流。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220505/ 影像：Mark Hanson and Mike Selby 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220505.html Powered by Firstory Hosting2022-06-0502 min
NASA 逐工一幅天文圖 APOD Taigi474. 埃及金字塔 kah 天頂 ê 行星 ft. 阿錕 (20220504)咱這馬透早，猶看會著行星連珠。木星、金星、火星、kah 土星，ùi 四月中開始到今，會 tī 透早踮天頂排做一逝，這是規世界攏看會著 ê 景色。這張相片 有翕著天頂幾若粒行星，是頂個月 tī UNESCO 聯合國教科文組織 世界遺產 ê 現場，Djoser 樓梯金字塔 翕 ê。這个金字塔 tī 埃及 ê Saqqara 大墓地，是 西元前 27 世紀起--ê。伊是目前為止咱所知影 上老 ê 金字塔。這是兩張相片合成 ê，前景是日落進前 ê 藍色時間 翕 ê，背景是踮仝一位，毋閣是隔轉工 ê 透早翕 ê。是講，早起時 ê 行星連珠，其實是 沓沓仔咧改變。頂個月底，木星 kah 金星換位 矣。這個月底，木星 kah 火星嘛會換位，兩粒行星 ê 角距離會 比 1 度閣較近。這張媠甲親像一幅圖 ê 行星連珠，只是巧合爾爾。Tī in ê 世界內底，猶是繼續踅 太陽 咧行，就 kah 過去幾若十億冬仝款。這是比這个 古早時代起--ê Djoser 金字塔，閣較早就有 ê 代誌。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220504/ 影像：Osama Fatehi 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220504.html Powered by Firstory Hosting2022-06-0402 min
NASA 逐工一幅天文圖 APOD Taigi473. 阿根廷 ê 日偏食 ft. 阿錕 (20220502)太陽是發生啥物代誌咧？兩工前，南美一寡所在發生 日偏食。日偏食就是日頭有一部份去予月娘 閘去 矣。這張 迵過雲 ê 日偏食相片，是日頭 tī 阿根廷 Patagonia 日落彼陣翕 ê。Tī 這張趨趨 ê 相片內底，地球是 tī 正爿。這擺 ê 日食，是月娘有一部份行到 地球 kah 太陽之間。雖罔講這張相片 予人印象足深 ê，毋閣因為日偏食造成環境變暗 ê 影響，是比日頭去予厚雲閘著 ê 影響閣較少。差不多閣兩禮拜，全 南美 kah 一部份 ê 北美 就會看著月全食 矣！月全食就是地球行到 月球 kah 太陽之間。差不多閣兩冬，北美 就會看著 日全食 矣！ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220502/ 影像：Aixa Andrada 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220502.html Powered by Firstory Hosting2022-06-0301 min
NASA 逐工一幅天文圖 APOD Taigi472. NGC 3628 ê 肖像 ft. 阿錕 (20220429)佇 NGC 3628 這張清楚 ê 望遠鏡影像內底，咱看會著膨獅獅 ê 星系盤，去予烏暗 ê 塗粉帶破做兩爿。這張華麗 ê 側向捲螺仔星系 肖像，予一寡天文學家 想著，伊閣有一个較有名 ê 偏名，叫做美國割包星系。NGC 3628 下跤閣有一个較細 ê 星系，應該是伊 ê 衛星星系。伊閣有一條足暗，毋閣伸足長 ê 潮汐尾溜。這條搝長 ê 尾溜差不多是 30 萬光年長，超過這幅圖倒爿頂懸 ê 範圍。NGC 3628 佮 伊兩个 厝邊星系，大捲螺仔星系 M65 佮 M66，去 hŏng 鬥做一組，叫做 獅仔座三生仔，in 三个是佇仝一个本地宇宙 ê 環境內。這三个厝邊星系 ê 重力交互作用，應該就是造成潮汐尾溜 ê 原因。而且這嘛是造成捲螺仔星系盤面頂有大片 ê 爍光，造成星系盤扭曲 ê 原因。這个迷人 ê 島宇宙 就佇北天 ê 春季星座 獅仔座 內底。伊差不多有 10 萬光年闊，離咱有 3500 萬光年遠。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220429/ 影像：Wilhelm Michael Kasakow, Olaf Guillaume 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220429.html Powered by Firstory Hosting2022-06-0202 min
NASA 逐工一幅天文圖 APOD Taigi471. 佮湖做伴 ê 天琴座流星 ft. 阿錕 (20220428)4 月 24 天欲光進前，這粒佇天頂 光-iàⁿ-iàⁿ ê 天琴座流星，綴銀河中央盤 ê 方向咧行。無偌久，伊 ê 反射光就投影佇中國雲南省念湖 ê 湖面。這个 逐年攏看會著 ê 天琴座流星雨，是目前咱知影上老 ê 流星雨。逐年四月底 ê 時陣，咱美麗 ê 地球會行過 長週期彗星 Thatcher 佇伊軌道留落來 ê 塗粉。這个時陣就是天琴座流星雨 ê 活跳期。順這粒 火流星 ê 軌跡，倒轉去揣伊來 ê 方向，就會揣著 流星雨 ê 輻射點。這个輻射點就佇天琴座，佇北天春季天頂較懸 ê 所在，無佇這幅圖內底。佇這个天星閃閃爍爍 ê 夜空，下半月才拄 peh--起來，月光就按呢投影佇恬靜 ê 湖面。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220428/ 影像：Jeff Dai (TWAN) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220428.html Powered by Firstory Hosting2022-06-0102 min
NASA 逐工一幅天文圖 APOD Taigi470. 獵戶座 kah 松仔 ft. 阿錕 (20220416)Kā kha-mé-lah 固定 tī 三跤馬面頂，翕幾若張短時間感光 ê 相片了後，kā 這寡相片按照 恆星 ê 位置對齊，才提著這張美麗 ê 夜空相片。這張相片是 tī 西班牙東北角 ê Albany`a 田庄 翕 ê。Tī 這張天星滿滿 ê 夜空相片中央，是獵戶座內底彼三粒足光 ê 恆星。獵戶座皮帶 上東爿（倒爿）彼粒是 參宿一。伊 to̍h chhāi tī 霧霧光光 ê 火舌星雲 kah 彼个有烏暗外形、有名 ê 馬頭星雲 ê 邊仔。咱用目睭直接看，就看會著 tī 獵戶座皮帶 彼三粒星 下底 ê 獵戶座大星雲。這是離咱 ê 美麗地球 上近 ê 大型恆星托兒所，干焦 1500 光年遠爾爾。咱會當 tī 相片內底看著暗暗彎彎 ê Barnard 環，伊看起來是 kā 獵戶座較光 ê 恆星 kah 星雲 箍 tī 內底。這是這是北方 ê 春天，所以咱熟似 ê 北方寒天 星座，這馬欲落去矣。獵戶座 ê 正爿下跤是西爿 ê 地平線，遐附近 有一粒足光 ê 藍巨星 參宿七，去磕著松仔 ê 樹椏。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220416/ 影像：Juan Carlos Casado (Starry Earth, TWAN) 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220416.html Powered by Firstory Hosting2022-05-3102 min
NASA 逐工一幅天文圖 APOD Taigi469. 共宇宙分--開 ft. 阿錕 (20220424)佇你揤這粒開關進前，未來猶有兩種宇宙通揀。等你揤這粒開關了後，你就會活 tī 唯一 ê 一个宇宙矣。遮是彼个有名 ê Schrödinger 的貓咪仔 ê 網路實驗。你若是 kā 這幅圖內底太空人 提咧 ê 彼張圖 ê 紅色開關揤落去，這幅圖會有兩款結果：一款是太空人提著一隻活--ê 貓咪仔，一款是太空人提著一隻死--去 ê 貓咪仔。你揤落去彼陣，你大腦 ê 腦波 kah 你 ê 電子設備會 tī 毫秒短 ê 時間內鬥空好勢，產生一个應該是 量子力學 主導 ê 隨機結果。有一寡人相信講，你個人發起 ê 量子決定，會 kā 宇宙分做兩个，活--ê 貓咪仔 kah 死--去 ê 貓咪仔 會 tī 較大 ê 多重宇宙 內底 ê 無仝宇宙同齊存在。另外一寡人相信講，你揤開關彼陣，就會用一款你進前無法度預測 ê 方式，kā 兩个可能 ê 宇宙 合做 一个矣。閣有一寡人相信講，宇宙 是古典、確定 ê。所以你揤開關彼陣，袂 kā 宇宙分做兩个，干焦會 kā 自開始就決定 ê 結果揤出來爾爾。咱 逐工一幅天文圖 相信講，毋管這件代誌是偌爾 白痴，你猶是會揤這粒開關。毋管出現佗一个結果，你應該攏會思考一下仔人生。抑是兩下仔！ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220424/ 影像：NASA, Erwin Schrödinger’s cat 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220424.html Powered by Firstory Hosting2022-05-3002 min
NASA 逐工一幅天文圖 APOD Taigi468. 銀河 ê 彩色氣輝帶 ft. 阿錕 (20220313)是按怎天頂發出這款光？敢若是有足大 ê 虹 tī 天頂一輾一輾疊出去按呢？這是 氣輝 啦！其實空氣隨時攏 leh 發光，是咱看袂著。毋閣，若是有風暴倚近，可能會 tī 地球大氣 造成明顯 ê 波紋。這款 重力波 to̍h 親像是 kā 石頭擲入去平靜 ê 水 內底產生波動仝款，伊是 tī 空氣內底產生波動。紅色 ê 氣輝 可能是 tī 87 公里懸 ê OH 分子 去予太陽 ê 紫外光 激發，發出 ê 光。毋閣柑仔色 kah 青色 ê 氣輝 可能是 閣較懸 ê 鈉 kah 酸素 原子 發出 ê 光。這个攝影師幾若年前 tī 中國 駛車到 青海省 Keluke 湖 附近 ê 時陣，本底是注意著 銀河系 美麗 ê 中央帶。伊 kā 車停 leh，落來翕相。結果伊 ê kha-mé-lah 敏感度袂䆀，翕出來 ê 相片 竟然 煞看會著 足明顯 ê 氣輝帶，而且規个天頂攏有。這張相片有用數位加強 ê 方式 kā 色光變甲閣較顯目。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220313/ 影像：Xiaohan Wang 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220313.html Powered by Firstory Hosting2022-05-2902 min
NASA 逐工一幅天文圖 APOD Taigi467. 木星表面的木衛烏影 ft. 阿錕 (20220427)木星表面彼个大烏點是啥物？彼是 木衛三 Ganymede 的烏影。伊是 木星 上大粒的衛星。木衛 若是行到木星四大衛星佮太陽之間，in 就會佇木星表面 產生烏影。這就和 月娘行到 地球佮太陽之間仝款。佮佇地球仝款，你若是 chhāi 佇 木星表面的烏影 遐，木衛就會共太陽完全閘去，按呢你就會看著 日全食 矣。毋閣佮地球無仝的是，木衛的烏影 會定定出現。閣較無四常 的是，太空船離 in 有夠近的，才會記錄著這張 高解析度 的 影像。Juno 太空船 佇二月底彼陣飛到 木星 附近，所以離太空船較近的木星雲佮木衛的烏影才會看起來 遮爾大。木星是 太陽系 上大粒的行星。Juno 太空船已經佇木星面頂，揣著足濟新的發現，嘛包括最近 高速擴大的圓形極光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220427/ 影像來源：NASA/JPL-Caltech/SwRI/MSSS 資料處理 kah 許可：Thomas Thomopoulos 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220427.html Powered by Firstory Hosting2022-05-2802 min
NASA 逐工一幅天文圖 APOD Taigi466. 水星 ê 鈉尾 ft. 阿錕 (20220503)彼毋是彗星喔！Tī 昴宿星團 下跤翕粒，是水星。對 太陽系上內底翕粒行星 長時間感光，會看著一个料想外 ê 物件：一條尾溜。水星 薄薄 ê 大氣層 內底有少量 ê 鈉元素，會去予太陽光激發發光。太陽光嘛會共 水星表面 ê 分子放出來，捒去較遠 ê 所在。尤其是 ùi 鈉元素 發出 ê 黃光，是有較光。這張深空相片是頂禮拜 tī 西班牙 La Palma 翕 ê，咱看會著水星 kah 伊 ê 鈉尾。毋閣這是有鬥濾光片翕 ê，會予發出鈉元素 ê 黃光 透過來。頭一擺 預測 水星有尾溜是 tī 1980 年代，頭一擺去 hŏng 揣著 是 tī 2001 年。有一隻 ùi 2011 到 2015 年 踅水星咧行 ê NASA 信使號機器人太空船，對水星 做足濟觀測，提著足濟尾溜 ê 細節。是講，一般咱講著 尾溜，攏是咧講 彗星 ê 尾溜較濟。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220503/ 影像：Sebastian Voltmer 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220503.html Powered by Firstory Hosting2022-05-2702 min
NASA 逐工一幅天文圖 APOD Taigi465. 第一幅視界尺度 ê 烏洞影像 ft. 阿錕 (20220501)烏洞看起來是生做啥款？為著欲揣著這个答案，地球各地 ê 電波望遠鏡 做伙合作，互相協調時間來觀測烏洞。咱觀測 ê 這粒 烏洞，是目前咱知影 tī 天頂 有上大 事件視界 ê 烏洞。若是孤一粒烏洞，就是干焦 烏-mih-mà 爾爾。毋閣伊是一个引力怪獸，邊仔有發光氣體踅伊咧行。歷史上頭一張 解析成功 ê 烏洞影像，是 M87 星系 中心 烏洞 邊仔 ê 區域。觀測 ê 解析度比烏洞 ê 事件視界 較細，按呢咱拄仔好會當看著烏洞 ê 事件視界。相片 中央烏烏彼區，毋是事件視界。伊是 烏洞 ê 烏影，是中央區 ê 發射氣體去予中央烏洞 ê 重力食去矣。烏洞烏影 ê 寸尺 kah 外形，是 事件視界邊仔 ê 發光氣體、強力 重力透鏡效應造成 ê 屈折、kah 烏洞自旋，做伙決定 ê。事件視界望遠鏡 (EHT) 共 烏洞烏影 解析了後，就有法度證明 Einstein 進前講過 ê 重力理論：就算是 tī 極端區域，重力猶是有咧作用。而且這擺 ê 觀測嘛予咱 清楚 ê 證據，講 M87 ê 中心有一粒自旋烏洞，伊 ê 質量有 60 億 ê 太陽質量遐爾大。這張影像是 tī 2019 年 ê 時陣發表 ê，EHT 這馬有 愈來愈濟望遠鏡 加入，嘛觀測 愈來愈濟烏洞。EHT 毋若會追蹤烏洞 ê 偏振光，這馬嘛開始觀測 咱 銀河系 中心 烏洞 kah 伊附近 ê 區域矣。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220501/ 影像：Event Horizon Telescope Collaboration 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220501.html Powered by Firstory Hosting2022-05-2602 min
NASA 逐工一幅天文圖 APOD Taigi464. 雪梨歌劇院天頂 ê 行星連珠 ft. 阿錕 (20220426)這个世界因為行星連珠煞精神起來。佇 地球 天欲光進前，東爿 ê 天頂有咱熟似 ê 行星排做一逝。佇地球北半球，這寡 排規排 ê 行星 差不多攏 排橫的。毋閣佇 地球南半球，這寡排規排 ê 行星煞攏排直的。這張相片 是佇 澳洲 南部 ê 雪梨歌劇院 翕 ê。這寡排直的 ê 行星是 5 工前 ê 影像。這寡透早就看會著 ê 行星，ùi 頂懸到下底是：土星、火星、金星、kah 木星。到四月底，金星 kah 木星會沓沓仔 換位，按呢 in ê 角距離就會變較細。紲落來到五月底，這兩粒行星 換位 了後，木星就會行倚到火星附近。到六月彼陣，水星嘛會加入，變做五星連珠。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220426/ 影像：Prasun Agrawal 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220426.html Powered by Firstory Hosting2022-05-2502 min
NASA 逐工一幅天文圖 APOD Taigi463. 龍骨座大星雲 ft. 阿錕 (20220425)佇 銀河 上光 ê 所在，有一个星雲當咧發生 足奇怪 ê 代誌。這个星雲就是 NGC 3372，伊嘛去 hŏng 叫做 龍骨座大星雲，是大質量恆星 kah 變化星雲 in 兜。佇 這幅圖 中央下跤彼个較光 ê 結構，是 鎖匙空星雲 (NGC 3324)，內底有幾若粒這款大質量恆星。這張影像 內底這規个 龍骨座星雲 有 300 光年 闊，就佇離咱 7500 光年遠 ê 龍骨座 內底。龍骨座 η 星 是龍骨座星雲內底，上活潑 ê 恆星。伊捌是 1830 年代，天頂上光 ê 恆星，毋閣了後就 隨變暗--去 矣。龍骨座 η 星 這馬應該 lih-欲 倚 超新星爆炸 ê 階段矣。伊 ê X-光 影像嘛 kā 咱講，龍骨座大星雲 大部份 ê 區域，一直攏是 製造超新星 ê 工場。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220425/ 影像：Ignacio Javier Diaz Bobillo 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220425.html Powered by Firstory Hosting2022-05-2402 min
NASA 逐工一幅天文圖 APOD Taigi462. 魔鬼塔天頂 ê 銀河 ft. 阿錕 (20220413)魔鬼塔是按怎來 ê？這是 tī 美國 Wyoming 州 ê 特殊 大岩石，伊 ê 起源到底是啥，到今猶 leh 冤。有一个主要 ê 假說是講，這是以前一寡無機會流到地表變做火山 ê 熔岩煙流，𠕇--去了後煞變做這款岩石。這个理論 閣講，以前 tī 這个密度較懸 ê 火山頷頸外口，捌包一輾較輕 ê 岩石，毋閣這馬已經去予侵蝕了了矣。賰 ê 部份 to̍h 變做這个 壯觀 ê 石塔。美洲原住民 kā 伊叫做 熊的旅館 抑是 殕色的大喇叭。這个實密 ê 岩石有地球面頂上長 ê 六角 柱 形體，有超過 180 公尺懸。相片面頂較懸彼塔，有 銀河系 ê 中央帶 迒過天頂。咱嘛看會著足濟有名 ê 天體。Tī 石塔 ê 正爿，有烏巡 ê 薰吹星雲，kah 紅色 ê 內海仔星雲。前景 有青色 ê 草仔 kah 樹仔，石塔 ê 倒爿地平線附近，有雲。Kah 其他足濟國際地標無仝，魔鬼塔 是會使 peh ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220413/ 影像：MaryBeth Kiczenski 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220413.html Powered by Firstory Hosting2022-05-2302 min
NASA 逐工一幅天文圖 APOD Taigi461. Messier 104 ft. 阿錕 (20220423)華麗 ê 捲螺仔星系 Messier 104 會出名，是因為伊 lih-欲 完全 側向 ê 外形，kah 會閘光 ê、厚-tut-tut ê 塗粉環。伊有一个足大粒 ê 中央核球，內底攏是恆星。頭前 ê 宇宙塗粉，予這个星系看起來敢若是一頂帽仔 ê 外形。所以這个星系才有一个閣較有名 ê 偏名，叫做草帽仔星系。這張有名星系 ê 清楚影像，是 ùi 超過 10 點鐘久 ê Hubble 太空望遠鏡 ê 影像資料來 ê。因為 M104 ê 中央核球足光 ê，按呢一寡較暗 ê 細節就看較無。Kā Hubble 影像處理了後，就有法度看著這寡較暗 ê 細節。草帽仔星系嘛叫做 NGC 4584，咱會當 tī 規个光譜 攏看著伊，而且 伊 ê 中央 有一粒超大質量烏洞。M104 離咱有 2800 萬光年遠，大細有 5 萬光年闊。伊是 室女座星系團 南爿 上大 ê 星系。仝款，視野內底彼寡十字形 ê 背景星，攏是咱銀河系內底 ê 恆星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220423/ 影像來源：NASA, ESA, Hubble Legacy Archive 資料處理 kah 版權：Ignacio Diaz Bobillo 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220423.html Powered by Firstory Hosting2022-05-2202 min
NASA 逐工一幅天文圖 APOD Taigi460. N11：LMC 內底的恆星雲 ft. 阿錕 (20220412)佇 本地星系群 內底，這个上大上媠 ê 恆星形成區，是去予大質量恆星、磨蝕風、厚-tut-tut ê 塗粉、kah 高能光 kā 雕出來 ê。這个恆星形成區叫做 N11，咱會當佇 大麥哲倫星雲 (LMC) ê 正爿頂懸 揣著伊。LMC 是 銀河 ê 厝邊，銀河是 LMC ê 母星系。是講，銀河是逐家足愛翕 ê 目標。這幅圖 是為著欲做研究翕 ê，所以本底是用 Hubble 太空望遠鏡翕 ê，落尾才閣 為著藝術性重新處理過。頂懸彼區叫做 NGC 1763，毋閣這規个 N11 發射星雲是 LMC 內底第二大 ê，上大 ê 是 蜘蛛星雲。咱嘛會當 tī 這幅圖內底，看著實櫼 ê 烏暗塗粉球 內底有拄做出來 ê 少年恆星。最近一寡利用 Hubble 資料 tùi LMC 內底 ê 變星做 ê 研究，會當幫贊咱 重新校正 咱觀測會著的宇宙 ê 距離尺度。毋閣這个結果，佮用四界攏是 ê 宇宙微波背景 算出來 ê 尺度，有小可仔無仝。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220412/ 影像來源：NASA, ESA 資料處理：Josh Lake 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220412.html Powered by Firstory Hosting2022-05-2102 min
NASA 逐工一幅天文圖 APOD Taigi459. 晨昏交界 ê 地球 ft. 阿錕 (20220422)咱美麗地球 ê 表面，有 壯麗 ê 海洋 kah 雲色。Tī 日時 轉變到 暗暝 ê 時陣，咱袂看著 in 面頂有一條明顯 ê 界線。顛倒是，這个烏影線抑是晨昏線是湠--開 ê。咱會當看--著 ê，是伊沓沓仔轉做烏暗色，就 kah 咱 tī 天欲光 抑是 天欲暗彼陣 ê 經驗 相-siâng。太陽 ùi 這幅影像 ê 正爿照過來，雲頂反射 ê 紅光，是太陽光行過厚塗粉 ê 對流層了後，賰較紅 ê 波段，反射--轉來 ê 結果。對流層就是地球大氣層上豐富 ê 上低層。若是 ùi 懸海拔層看，就會清楚看著 tī 日時彼爿 ê 頂層，有 去予散射 ê 藍色 太陽光，消失 tī 烏暗 ê 太空中。這張相片是 2001 年 6 月 ùi 國際太空站翕 ê。伊是 tī 離地表 390 公里懸 ê 所在，踅地球咧行。當然 你嘛會當 tī 厝 ê 看地球這馬 ê 狀況。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220422/ 影像：ISS Expedition 2 Crew, Gateway to Astronaut Photography of Earth, NASA 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220422.html Powered by Firstory Hosting2022-05-2002 min
NASA 逐工一幅天文圖 APOD Taigi458. Niú-iok ê 橋 kah 天頂 ê 行星連珠 ft. 阿錕 (20220420)你若是比日頭閣較早 peh--起來，按呢你應該會當看著這个趣味 ê 天景。有四粒行星 排做一逝，tùi 西爿地平線 ê 方向去。這寡行星實在是有夠光 ê。就算是市內 ê 光害 遮爾嚴重，猶是看會著。這張相片是 tī 美國 Niú-iok 市翕 ê，頭前彼个地標是 RFK (Triborough) 橋。這寡行星 ùi 倒爿到正爿是：木星、金星、火星、kah 土星。行星 tī 天頂 排做一逝，這是因為 in 攏 tī 仝一个 盤面 踅 太陽 leh 行。這个盤面就叫做 黃道面，是 太陽系 早期形成 ê，面頂有所有 ê 行星，嘛包括 地球。這个早起時 ê 四星連珠 現象，會 tī 四、五月一直看著。到六月 ê 時陣，水星 嘛會加入，變做五星連珠。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220420/ 影像：Stan Honda 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220420.html Powered by Firstory Hosting2022-05-1902 min
NASA 逐工一幅天文圖 APOD Taigi457. 走路雞星雲內底 ê 恆星 kah 雲球 ft. 阿錕 (20220419)這隻大雞母 ê 雞卵，可能會孵出一粒恆星。這張用科學色彩表現 ê 相片，是去予編做 IC 2944 ê 發射星雲，毋閣伊明顯 ê 外形予伊提著一个名，叫做 走路雞星雲。這張相片下底，有較細、較暗 ê 分子雲，內底有足濟閘光 ê 宇宙塗粉。In 叫做 Thackeray 雲球，因為這是 Thackeray 發現 ê。「雞卵」是 重力 聚集、會當形成 新 恆星 ê 所在。是講 in ê 未來猶毋知，因為 in 嘛會去予附近少年恆星 ê 強輻射風，侵蝕了了。這寡一搭一搭 ê 發光氣體、有反射塗粉 ê 複雜區域、kah 大質量 ê 高能恆星，做伙 組成 開放星團 Collinder 249。Ùi 咱估算這个星雲 ê 距離 6500 光年遠 來算，這个華麗 ê 天景有 60 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220419/ 影像：Stefan Steve Bemmerl 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220419.html Powered by Firstory Hosting2022-05-1802 min
NASA 逐工一幅天文圖 APOD TaigiBonus. 村裡來了個暴走女外科 ê 小行星 - 這篇毋是 NASA 寫的 ft. 蔡老師公視「村裡來了個暴走女外科」第四集內底，小劉醫師用著一款手術叫做「王蟲縫法（王蟲紩法）」，是臺大病院婦產部 ê 施景中醫師發明–ê。這款紩法，會當佇產婦生產過程拄著性命危險 ê 時陣，莫 kā 產婦 ê 子宮提掉，閣有法度 kā 產婦 ê 命救轉來。施景中醫師解說 講，這款紩法 ê 英文叫做 Nausicaa sutures，會按呢號名是因為 Nausicaa 是希臘神話「Odyssey」內底一个國王 ê 查某囝，這个名有「重生」ê 意思，有一粒小行星嘛號做這个名。確實！有一粒小行星就叫做 192 Nausikaa，伊行佇火星佮木星之間 ê 小行星帶內底。伊 ê 直徑才 100 公里闊，差不多 ùi 台北到苗栗 ê 距離。伊 ê 視星等差不多是 8 等，佮海王星差不多平光。毋閣咱無法度用目睭直接看著，愛用天文望遠鏡才看會著。天文學家利用觀測提著 ê 光度資料，模擬出伊 ê 3D 模型，就親像這張相片按呢。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê Bonus： https://apod.tw/bonus/20220517_192nausikka/ 影像：Wikipedia - 192 Nausikaa 音樂：P!SCO - 鼎鼎 聲優：蔡老師 Powered by Firstory Hosting2022-05-1702 min
NASA 逐工一幅天文圖 APOD Taigi456. Leonard 彗星 ê 長尾溜 ft. 阿錕 (20220103)你無法度用望遠鏡看著 Leonard 彗星這條 超級長 ê 彗尾，因為伊傷長矣啦！你嘛無法度用雙筒望遠鏡看著彗尾，因為猶是傷長！嘛袂當用目睭直接看著，因為伊傷暗矣！你若是 tī 城市內底嘛看無，因為 天頂傷光矣！毋閣你若是 tī 一个烏-mih-mà ê 所在，會當用 kha-mé-lah tī 倚地平線 ê 所在翕著。彗星今仔日離太陽上近，拄仔好 tī 水星 kah 金星 中央。是講 彗星 若是猶活咧，你可能猶有機會。這張相片 是頂個月 tī 西班牙 Canary 群島 ê La Palma 島 翕 ê。是 kā 兩張 深空闊幅 kha-mé-lah 翕 ê 影像鬥出來 ê。紲落來，Leonard 彗星 若是有活咧，彗核賰 ê 部份就會離開 太陽系，永遠袂閣轉來！ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220103/ 影像：Jan Hattenbach 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220103.html Powered by Firstory Hosting2022-05-1701 min
NASA 逐工一幅天文圖 APOD Taigi455. 綴銀河行 ft. 阿錕 (20210703)你袂當 踮銀河面頂行。毋閣你會當 tī 這个烏墨墨 ê 夜空內底 認捌伊。Tùi 目睭來講，tī 烏暗無月娘 ê 暗時，這个迒 tī 天頂無夠光 ê 光跡，to̍h 親像是一條天堂路。發光 ê 天體光帶內底，是足濟暗淡、遙遠天星 ê 光。光帶中央去予閘光 ê 星際塗粉雲切做兩爿。這條光帶 to̍h chhāi tī 咱 ê 銀河 盤內底。伊叫這个名是因為伊看起來親像是一條牛奶路。Ùi Galileo 時代開始，銀河 to̍h 去予望遠鏡觀星者看足濟矣，內底有 一大陣算袂清 ê 恆星 kah 宇宙奇蹟。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20210703/ 影像：Rolf Weisenfeld 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap210703.html Powered by Firstory Hosting2022-05-1601 min
NASA 逐工一幅天文圖 APOD Taigi454. 葡萄牙天頂 ê 恆星 kah 行星 ft. 阿錕 (20220418)這个任務本底是欲記錄 暗時 tī 天頂 leh 飛 ê 鳥仔，毋閣落尾煞變做 leh 記錄這个美麗 ê 夜空。這張闊幅 ê 拼鬥相片 是 2020 年 tī 葡萄牙 Mértola 市 ê 金色 草埔 翕 ê。Tī 這个暗摸摸 ê 所在，咱隨有法度看著天頂彼个 tī 夜空發光、媠甲予人讚嘆 ê 彎弓橋：就是咱 銀河 系 ê 中央帶。毋閣這个夜空毋若按呢爾爾。天頂閣有薄雲，就親像是金色 ê 光帶。火星 tī 上倒爿遐，土星 kah 木星 嘛同齊出現，攏 tī 上正爿遐，kah 火星相對面。相片頂懸遐，閣會當揣著一粒足光 ê 織女星。較遠、較暗 ê 仙女座 是 tī 倒爿，就 tī 銀河 彎弓 ê 下底。這個月有幾若粒行星，會 tī 暗頭仔彼陣，踮天頂排做一逝。這寡行星有：木星、金星、火星、kah 土星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220418/ 影像：Miguel Claro (TWAN, Dark Sky Alqueva) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220418.html Powered by Firstory Hosting2022-05-1502 min
NASA 逐工一幅天文圖 APOD Taigi453. Jezero 隕石坑：3D ê 山龍 ft. 阿錕 (20210807)Kā 你 ê 3D 目鏡提來，踮火星表面徙動看覓咧。這个 3D 彩色影像是 tī 7 月 24，火星獨創號直升機第十改 tī 這粒紅色行星面頂飛 ê 時陣翕 ê。獨創號 ê 彩色 kha-mé-lah 翕兩張影像。兩張攏是 tī 12 公尺懸 ê 所在翕 ê，毋閣有小可仔搝開幾若公尺來提供立體視覺。這是提來建構彩色浮雕 ê 技術。獨創號 ê 立體影像是火星 毅力號 探測車科學團隊要求欲做 ê。團隊想欲 tī 毅力號第一改 ê 科學活動期間到 Jezero 隕石坑內底 ê 山龍 參觀。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20210807/ 影像：NASA, JPL-Caltech, Ingenuity 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap210807.html Powered by Firstory Hosting2022-05-1401 min
NASA 逐工一幅天文圖 APOD Taigi452. 動畫：奇怪 ê 電波箍仔 ft. 阿錕 (20220330)若是有一个逐家攏看袂著 ê 宇宙之謎，毋知你會按怎叫？像這个 奇怪 ê 電波箍仔，伊 ê 簡稱是 ORCs。ORC-1 代表 5 个神祕天體，in 干焦會當 tī 電波頻率 看會著。這是 2019 年 用 澳洲 新 ê SKA 探路者 電波陣列望遠鏡觀測 ê 時陣，無意中發現 ê。影片內底上尾彼張影像，是 2021 年 南非 MeerKAT 電波陣列望遠鏡 ê 觀測資料。按呢咱 to̍h 會當看著閣較清楚 ê 細節。電波觀測資料是青色 ê，to̍h 疊 tī 暗能量巡天計畫 ê 光學/紅外線 觀測影像 面頂。這个 ùi 動畫藝術家生出來 ê 插圖，才拄 kā ORC 起源 ê 其中一个概念舞予清楚。Tī 星系中心，若是有兩个 超大質量烏洞合併，in 發--出 ê 震波 to̍h 會產生電波輻射 ê 箍仔。這个箍仔 會愈來愈大，大到 kā 影片畫面攏櫼滿矣！Kā 這支影片 搝 較遠來看，按呢咱 to̍h 會當追蹤 ORC 脹大到 100 萬 光年 闊 ê 狀況。好咧佳哉，SKA 望遠鏡 會當 kā 咱鬥量 這个電波箍仔 kah 其他有可能 ê 科學現象。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220330/ 插圖：Sam Moorfield 觀測資料：CSIRO, HST (HUDF), ESA, NASA 影像：J. English (U. Manitoba), EMU, MeerKAT, DES (CTIO) 文字：Jayanne English 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220330.html Powered by Firstory Hosting2022-05-1302 min
NASA 逐工一幅天文圖 APOD Taigi451. 2MASS J17554042+6551277 ft. 阿錕 (20220319)這个視野中心 ê 恆星 to̍h 叫做 2MASS J17554042+6551277。這實在是有夠歹讀 ê，毋閣這就是伊 ê 名，是用座標來做伊 ê 目錄編號。愛好遙遠宇宙 ê 迷眾，應該已經慣勢伊尖尖 ê 形體矣。這个繞射圖樣是 18 塊 六角鏡 鬥--出來 ê James Webb 太空望遠鏡 (JWST) 產生 ê。Kā 摺--起來 ê 望遠鏡拍開了後，逐塊細塊鏡會 調整到紅外線波段需要 ê 繞射極限，予 in 有法度當做是一塊直徑 6.5 公尺闊 ê 主鏡 來運作。Ùi 這个 Webb 望遠鏡 ê 近紅外線 kha-mé-lah (NIRcam) 翕 ê 相片看會出來，in 對齊 ê 精確度已經到目前 ê 物理極限 矣。2MASS J17554042+6551277 離咱才 2000 光年遠爾爾，猶 tī 咱 ê 銀河系內底。毋閣 tī Webb 望遠鏡 leh 做對齊評估 ê 影像內底，背景彼寡星系可能有幾若十億光年遠，彼 to̍h 比咱銀河閣較遠 矣。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220319/ 影像：NASA, STScI, JWST 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220319.html Powered by Firstory Hosting2022-05-1202 min
NASA 逐工一幅天文圖 APOD Taigi450. 太空站飛過無閒刺鑿 ê 太陽 ft. 阿錕 (20220411)一般講來，國際太空站 (ISS) 干焦會當 tī 暗時才看會著。ISS 踅地球咧行 ê 時陣，咱看伊就是沓沓仔 tī 夜空 leh 飛。伊看起來就敢若是天頂 ê 一个 光點 爾爾，咱差不多一個月會看著伊一改。ISS 干焦會當 tī 日落了後 抑是 日出進前看會著。因為伊看起來會金爍爍，攏是因為伊反射太陽光。ISS 若是飛到地球 ê 烏影區，咱 to̍h 看袂著伊矣。咱唯一有法度 tī 日時看著 ISS ê 機會，是伊 ùi 太陽面頭前飛過 彼陣。毋閣伊飛足緊 ê，kha-mé-lah 愛用足短 ê 感光時間，才有法度翕著 ISS 擋 tī 太陽 面頭前 ê 剪影。這張相片就是按呢翕 ê，是這個月初 tī 中國 北京 翕 ê 系列相片，翕 ê 時機袂䆀。這組系列相片翕了了後，才閣 kah 另外一組相片 合做一張。另外彼組是 tī 差不多仝一个時間翕 ê，毋閣這組有特別翕這粒無閒刺鑿 ê 太陽 活動，kah 伊表面 ê 紋理。太陽活動是包括 tī 太陽邊界 特別紅 ê 太陽日珥、太陽表面 ê 太陽絲、kah 烏烏 ê 太陽烏子。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220411/ 影像：Wang Letian (Eyes at Night) 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220411.html Powered by Firstory Hosting2022-05-1102 min
NASA 逐工一幅天文圖 APOD Taigi449. 往回地球 ft. 阿錕 (20220417)是啥物物件欲轉來矣？這張相片是 國際太空站 面頂 ê 太空人，tī 2010 年彼陣，頭一擺 ùi 這个距離看著 ê 景色。彼个物件無偌久就隨變大，變做 烏色 ê 剪影 矣。等伊飛較倚了後，咱就看會出 這个 剪影 其實是一隻太空船。落尾，咱總算知影這是 奮進號太空梭。伊連鞭就欲停踮 踅地球咧行 ê 太空站矣。這張相片，是 奮進號 飛倚到地球地平線進前去予翕著 ê，咱閣看會著一重一重 ê 地球大氣層。綴 tī 太空梭後壁彼層藍色 ê，是 中氣層。白色彼層是 平流層，柑仔色彼層是地球 ê 對流層。這寡一重一重薄薄 ê 大氣層，攏 kā 加加 leh，嘛比 地球 半徑 ê 2 葩閣較薄。In 用無仝方式 leh 維持咱 ê 性命，比論講 酸素 會當予咱喘氣，大氣層 kā 危險 ê 輻射 擋 tī 外太空。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220417/ 影像：NASA, Expedition 22 Crew 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220417.html Powered by Firstory Hosting2022-05-1002 min
NASA 逐工一幅天文圖 APOD Taigi448. 火星面頂 ê 岩石：鱷魚的尻脊骿 ft. 阿錕 (20220415)這款 去予風雕出來 ê 岩石，to̍h 叫做風稜石。咱會當 tī 火星 Gale 隕石坑 Sharp 山跤，寬闊毋閣有小可仔崎 ê 平原 看著伊。好奇號探測車 tī 第 3415 工 (2022 年 3 月 15) ê 火星任務內底，用 Mastcam 翕幾若張相片，才閣用數位方式 kā 鬥做一張。相片內底有翕著一个叫做 鱷魚的尻脊骿 ê 岩石，伊看起來粗皮粗皮，敢若是有鱗仝款。探測車進前捌行到 鱷魚的尻脊骿 ê 岩石遐，結果伊 ê 車輪煞歹去。為著欲予探測車繼續 peh-山，好奇號團隊決定探測車愛翻頭，行另外一條路。好奇號自 2014 年 to̍h 開始 peh Gale 隕石坑 中央彼个 5.5 公里懸 ê 山。伊那 peh，to̍h 那會當研究 火星幾若十億年前，由水形成 ê 沉積層。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220415/ 影像：NASA, JPL-Caltech, MSSS 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220415.html Powered by Firstory Hosting2022-05-0902 min
NASA 逐工一幅天文圖 APOD Taigi447. Messier 96 ft. 阿錕 (20220414)這張 彩色 ê 高解析度相片 內底，有一个美麗 ê 島宇宙 Messier 96，伊 ê 捲螺仔手骨踅伊 ê 星系核 leh 行。M96 是一个捲螺仔星系，較暗 ê 捲螺仔手骨伸到離較光 ê 中央區較遠 ê 所在，差不多有 10 萬光年遠。這个大細差不多 kah 咱 ê 銀河欲平大。咱已經知影 M96 離咱有 3800 萬光年遠，伊是 獅仔座 I 星系群 ê 主要成員之一。背景星系 kah 較細 ê 獅仔座 I 星系群 ê 成員，攏會當 tī 這幅圖內底揣著。上趣味 ê 是，這个捲螺仔星系中心一點鐘方向 ê 外部捲螺仔手骨後壁，有一个 giōng-欲完全側向 ê 星系。這个 tī 後壁 ê 側向捲螺仔星系，差不多是 M96 ê 1/5 大。伊 光-iàⁿ-iàⁿ 中央核球，去予伊家己 ê 烏暗塗粉雲閘牢矣。這个背景星系若是 kah M96 實際 ê 寸尺差不多大，按呢伊 ê 距離應該會比 M96 閣較遠 5 倍。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220414/ 影像：Mark Hanson and Mike Selby 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220414.html Powered by Firstory Hosting2022-05-0802 min
NASA 逐工一幅天文圖 APOD Taigi446. 月球南極 ê 烏影 ft. 阿錕 (20220410)這張月球表面 ê 相片敢是 tī 顯微鏡下底翕 ê？毋是呢！這是用闊幅 kha-mé-lah 翕 ê 多重光照圖。為著欲產生這張圖，月球探測軌道太空船 tī 6 个月球日（地球 ê 6 個月）ê 時間內底，khêng 1700 張影像，以 月球南極 為中心，kā 無仝角度 ê 相片重複疊去-lih。落尾 這張圖，就是重重疊疊 ê 結果。表面每一點，其實是去予 太陽 照著 ê 時間比例。Tī 光照圖中央附近，有一个直徑 19 公里 ê Shackleton 隕石坑 底，伊完全攏 tī 烏影內底。月球南極 to̍h tī 時鐘 9 點方向 ê 隕石坑 ê 邊仔。月球南北極 ê 隕石坑底會永遠 tī 烏影 內底，毋閣山頂會 一直去予太陽光 照著。這張圖 tùi 未來欲起 ê 基地 來講實在是真好用。去予烏影閘暗去 ê 隕石坑 底，會當提來做 保存水冰 ê 水庫。照會著 太陽光 ê 山頂，會當提來做儉太陽能 ê 好所在。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220410/ 影像：NASA, Arizona State U., Lunar Reconnaissance Orbiter 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220410.html Powered by Firstory Hosting2022-05-0702 min
NASA 逐工一幅天文圖 APOD Taigi445. 火-土 合相 ft. 阿錕 (20220409)Tī 這个視野內底，黃道星座摩羯座 ê 方向，有一寡較暗 ê 恆星 tī 黃道面 去予散射去。中央上光彼兩粒毋是恆星，in 是行星，是火星 kah 土星。這張 望遠鏡速翕 是 tī 4 月 4 號早起時翕 ê，有翕著透早迷人 ê 合相。這兩粒行星 ê 距離干焦 1/3 度爾爾。這一看就知影比一粒月娘 ê 視闊度閣較細。毋知你敢會當 kā 咱講，佗一粒是佗一粒？你若是臆講火星是較紅彼粒，按呢就予你臆著矣！火星面頂較暗彼粒土星，反射太陽光，發出黃白色 ê 光。就算土星較暗，咱嘛是看會著伊上大粒上光 ê 衛星，土衛六 Titan，就 tī 伊 ê 倒爿綴牢牢。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220409/ 影像：Damian Peach 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220409.html Powered by Firstory Hosting2022-05-0602 min
NASA 逐工一幅天文圖 APOD Taigi444. Earendel：早期宇宙 ê 一粒星 ft. 阿錕 (20220406)Earendel 敢是目前為止人類發現 ê 上遠 ê 天星？這 tī 科學上真有可能，咱 to̍h 愛 ùi Hubble 太空望遠鏡 觀測著一个大 星系團 開始講。咱會當 tī 遮看著星系團 ê 重力透鏡 效應 kā 遠方背景 ê 星系 放大 kah 扭曲。這張影像 內底 ê 紅線，就是背景星系去 hŏng 扭曲 ê 形體，目前為止咱量著伊 ê 紅移 是 6.2。紅線面頂 ê 珠珠仔，可能是一粒一粒恆星、抑是星團。星系團透鏡 產生一條 會當放大到上大 ê 放大線，會 kā 背景疊做伙 ê 天體 放大到幾若千倍。星系線 kah 上大放大線 ê 交叉點，有一粒珠珠仔，證明講伊是早期宇宙 ê 孤粒恆星。這粒恆星這馬去 hŏng 號做是 Earendel。未來 tùi Earendel 輝度 變化 ê 調查，可能會用閣較濟 ê Hubble 影像。而且，等今年 James Webb 太空望遠鏡 開始運作了後，嘛真有可能會用伊 ê 影像。Earendel ê 距離，比咱所知影宇宙中任何穩定 ê 恆星攏閣較遠。毋閣這無算爆炸產生 ê GRB 090423，伊 ê 紅移 是 8.2。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220406/ 影像來源：NASA, ESA, B. Welch (JHU), D. Coe (STScI) 資料處理：A. Pagan (STScI) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220406.html Powered by Firstory Hosting2022-05-0502 min
NASA 逐工一幅天文圖 APOD Taigi443. 七姊妹仔星團 kah 加州星雲 ft. 阿錕 (20220405)正爿頂懸藍色彼陣星，是 昴宿星團。伊嘛叫做 七姊妹仔星團，抑是 M45。昴宿星團 是天頂 ê 開放星團 內底，上光 ê、嘛 上好揣 ê。昴宿星團 內底有超過 3000 粒恆星，in 有 13 光年闊，離咱差不多有 400 光年遠。Tī in 邊仔 ê，是壯觀 ê 藍色 反射星雲，這是一寡足幼 ê 塗粉 造成 ê。有一个傳說是講，這个星團號名了後，有一粒足光 ê 恆星煞變暗--去。倒爿下跤彼个發紅光 ê，是 加州星雲。號這个名是因為伊 ê 外形 kah 加州 足成 ê。加州星雲 比 昴宿星團 較暗，所以伊較歹揣。伊嘛叫做 NGC 1499。這片發紅光 ê 雲，其實是酸素氣體，伊離咱有 1500 光年 遠。雖罔講 in 兩个離 差不多有 25 粒月娘遐爾遠，毋閣 這張闊幅、深空 ê 組合影像，猶是有 kā in 兩个 攏翕著。咱若是對這幅深空影像 斟酌 kā 檢查咧，閣會當揣著 恆星形成區 IC 348 kah 分子雲 LBN 777 (鷹仔囝星雲)。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220405/ 影像：Neven Krcmarek 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220405.html Powered by Firstory Hosting2022-05-0402 min
NASA 逐工一幅天文圖 APOD Taigi442. 冰島天頂 ê 捲螺仔極光 ft. 阿錕 (20220404)免緊張！彼隻車無任何危險！伊袂去予天頂彼个大捲螺仔吸去太空啦！捲螺仔光其實是 極光，會出現 tī 某一个季節。極光是太空中 ê 粒子挵著地球 ê 時陣產生 ê 現象，袂變做 真空 啦！這个 發展足緊 ê 極光，是太陽 ê 日冕物質噴出事件 (CME) 噴到 地球附近 造成 地球磁層 ê 波紋。頂層 ê 紅色 極光 tī 250 公里懸 ê 所在形成，是大氣層內底 ê 酸素原子 去予外太空 ê 粒子 直接激發 ê 紅光。下層 ê 青色 極光 tī 100 公里懸 ê 所在形成，是大氣層內底 ê 酸素 原子 kah 一階激發 ê 窒素 分子 相挵，間接激發 ê 青光。100 公里懸以下 ê 所在，有一寡仔酸素原子，這就是極光斷 tī 遮 ê 原因。Ùi 邊仔看，這个 仝心 圓筒形，畫出一个 戲劇性 ê 極光冕。這張影像是 3 月中 tī 冰島 Myvatn 湖 天頂翕 ê 一張感光 3 秒鐘久 ê 相片。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220404/ 影像：Christophe Suarez 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220404.html Powered by Firstory Hosting2022-05-0302 min
NASA 逐工一幅天文圖 APOD Taigi441. CMB ê 雙極：Tī 宇宙中加速 ft. 阿錕 (20220403)咱 ê 地球 毋是恬恬 chhāi tī 遐 ê。伊是踅 太陽 leh 行 ê。太陽是踅 銀河系 中心 leh 行 ê。銀河系是踅 本星系群 leh 行 ê。本星系群是落 tùi 室女座星系團 ê 方向去。毋閣 in leh 行 ê 速度，是比 規陣天體 相對 宇宙微波背景輻射 (CMBR) leh 行 ê 速度，閣較慢。這張是 COBE 宇宙背景探測衛星 tī 1993 年翕 ê 全天圖。微波光 tī 地球 ê 運動方向是 藍移，所以會較熱。毋閣伊 tī 天頂另外一个方向是 紅移，所以會較冷。這張 圖 暗示講，本星系群 用相對 原始輻射 一秒鐘 600 公里緊 ê 速度 leh 行。上開始根本 to̍h 無想到會看著 遮爾緊 ê 速度，而且到今嘛猶無法度解說是按怎會遮爾光。是按怎咱會行遮爾緊？到底是啥物物件 tī 遐 leh kā 咱影響？ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220403/ 影像：DMR, COBE, NASA, Four-Year Sky Map 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220403.html Powered by Firstory Hosting2022-05-0202 min
NASA 逐工一幅天文圖 APOD Taigi440. Hale-Bopp：1997 年 ê 大彗星 ft. 阿錕 (20220408)才無偌久，25 冬前 Hale-Bopp 彗星 踅到太陽附近的時陣，捌 tī 咱 ê 夜空產生足壯觀 ê 景色。這張相片是共彼陣 ê 原始天文相片，35mm ê 彩色幻燈片，數位化 ê 結果。這粒是 1997 年 ê 大彗星。這張壯觀 ê 影像，是佇 1997 年 4 月 1 號，彗星行過 近日點 幾若工後記錄 ê。這是用 細台望遠鏡 鬥 長焦鏡頭 感光 10 分鐘久 ê 相片，翕 ê 過程攏是手動導星。落尾翕著 Hale-Bopp 彗星 這兩條 hŏng 印象足深 ê 尾溜：白色 ê 塗粉尾溜 kah 藍色 ê 離子尾溜。相片內底 ê 離子尾溜伸足長 ê，迒過北天夜空 10 外度遐爾闊。Hale-Bopp 彗星 去 hŏng 報講，伊是一粒直接用目睭就看會著 ê 彗星。Ùi 1996 年 5 月底到 1997 年 9 月攏看會著。Hale-Bopp 彗星嘛叫做 C/1995 O1。咱這馬知影講，伊是經過 內太陽系 ê 彗星 內底，有上濟 早期太陽系 組成成份 ê 原始彗星。彗星是 ùi 遙遠 ê Oort 雲 來 ê 人客。這粒彗星後一擺閣來到近日點，會 tī 西元 4385 年彼陣。毋知你敢閣會記得 Hale-Bopp 彗星？ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220408/ 影像：Stefan Seip (TWAN) 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220408.html Powered by Firstory Hosting2022-05-0102 min
NASA 逐工一幅天文圖 APOD Taigi439. Nova Scotia ê 北極光 ft. 阿錕 (20220402)這个北極光看--起來敢若是 tī 另外一个世界，毋閣這張相片確實是 tī 地球一个清氣 ê 暗暝翕 ê。這是 3 月 31 丑時彼陣，tī 北緯 44 度翕 ê。這張相片 ê 感光時間是 5 秒鐘久，是 ùi 加拿大 Nova Scotia 省 Martinique 海岸省立公園 向北爿翕 ê。W-形 ê 仙后座 內底 ê 恆星，to̍h tī 地平線面頂、懸緯度 ê 紅色 極光 後壁，爍咧爍咧。專門觀測太陽 ê 太空船 有警告講，有可能會發生 太空風暴。所以觀測者知影講，應該會看著極光活動。這个咱知影會發生 ê 地磁風暴，是 日冕物質噴出事件 (CME) 引起 ê。這擺 ê 日冕物質噴出事件 (CME) 是 tī 活動力足強 ê 太陽活跳區 第 2975 區 噴--出來 ê。這會影響著咱 美麗地球 ê 磁層。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220402/ 影像：Jason Dain 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220402.html Powered by Firstory Hosting2022-04-3002 min
NASA 逐工一幅天文圖 APOD Taigi438. 比薩敧塔 kah 活跳 ê 日頭 ft. 阿錕 (20220401)這个霧霧 ê 天氣 成做大自然 ê 濾光片，予咱 tī 3 月 27 這工 ê 日落景色內底，連鞭 to̍h 看著有名 ê 建築。太陽 to̍h chhāi tī 比薩大教堂 kah 有名 ê 比薩敧塔 之間。Kah 太陽盤比--起來，遮大粒 ê 太陽烏子，看--起來嘛是烏烏一點。這是 tī 太陽活跳區 第 2975 到 2976 區 ê 大粒烏子。一工後，專門觀測太陽 ê 太空船 隨看著 活跳區 第 2975 區 噴出 活動力足強 ê 太陽閃焰，閣有 兩擺 ê 日冕物質噴出事件 (CME)。Tī 3 月 31 這工，對磁層上大 ê 影響，就是驅動 地磁風暴 kah tī 懸緯度夜空 ê 極光。3 月 30，活跳區 第 2975 區閣爆發矣！這擺產生能量較懸 ê X-級 太陽閃焰，這會予地球面頂 ê 電波信號暫時斷--去。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220401/ 影像：Antonio Tartarini 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220401.html Powered by Firstory Hosting2022-04-2902 min
NASA 逐工一幅天文圖 APOD Taigi437. 探索蝶鬚星系 ft. 阿錕 (20220331)Tī 南方 ê 烏鴉座 方向，離咱差不多 6000 萬光年遠 ê 所在，有兩个大星系當咧相挵。這兩个星系編做 NGC 4038 kah NGC 4039。自 in 兩个相挵到今，這个災難已經幾若億年矣。毋閣 in 內底 ê 恆星，無啥會相挵。星系 ê 大型 分子氣體塗粉雲，嘛定定會 tī 宇宙殘骸 ê 中心附近，驅動 激烈 ê 恆星形成活動。這个壯麗 ê 景色有 50 萬光年闊。咱看會著新 ê 星團 kah 去予 引潮力 ùi 事故現場擲到足遠 ê 物質。這張 遮爾清楚 ê 地面望遠鏡影像，是 kā 2012 年到 2021 年之間翕 ê 相片，揀 88 點鐘久 ê 感光時間 累積--起來 ê 結果。視野內底閣有較暗 ê 潮汐尾溜 kah 較遠 ê 背景星系。這个伸長 ê 弧形結構，予這兩个星系看--起來敢若是一對，這規組 to̍h 編做 Arp 244。咱一般攏 kā 叫做是：蝶鬚星系。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220331/ 影像：Dietmar Hager, Eric Benson 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220331.html Powered by Firstory Hosting2022-04-2802 min
NASA 逐工一幅天文圖 APOD Taigi436. 太陽面頂 有 法國 Eiffel 塔 ê 日珥 neh！ ft. 阿錕 (20220216)太陽面頂彼个是啥？雖罔講 伊看起來敢若是 法國 Eiffel 塔 leh 開花，毋閣伊其實是 太陽日珥。這个日珥 其實比你想 ê 閣較大，伊 ê 懸度 差不多 kah 木星 平大。這个 大日珥 差不多 tī 10 工前出現，伊 tī 太陽表面 趖 差不多 2 工了後 to̍h 爆發，利用 日冕物質噴出事件 (CME) kā 擲到 太陽系內底。這支影片 是 美國 田那西 州 Hendersonville 市 ê 天文攝影師 tī in 兜後埕翕 ê。這是一支 1 點鐘久 ê 縮時攝影影片，伊先放送，才閣回送。彼个 CME 現象 tùi 地球 並無 影響。毋閣咱 ê 太陽最近 閣 擲 一擺 CME，毋若 發動 地球 產生 極光，閣 kā 地球大氣層 歕予較懸 leh。結果，才拄發射 ê 星鏈 通訊衛星 煞 落轉來 地球。太陽面頂 ê 活動，親像是 太陽烏子、日珥、CME、kah 閃焰，攏愈來愈濟。這寡活動攏是 太陽 活動 極小期 欲結束 ê 現象。這个週期是一个 11 冬 ê 磁力週期。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220216/ 影片：Hawk Wolinski 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220216.html Powered by Firstory Hosting2022-04-2702 min
NASA 逐工一幅天文圖 APOD Taigi435. 暗暝 ê 冥王星 ft. 阿錕 (20220326)這个烏影景色 就是冥王星暗暝彼半爿。遮是一个暗淡 koh 遙遠 ê 世界。這張予人讚嘆 ê 太空視角內底，太陽 to̍h tī 49 億公里遠（差不多是 4.5 光時遠）ê 所在。這張相片是 飛足遠 ê 新視野號太空船 tī 2015 年 7 月 翕 ê。彼陣 ê 太空船離冥王星 2 萬 1 千公里遠，差不多是伊 ùi 離冥王星 上近彼位飛--出去 ê 19 分鐘後。這个 Kuiper 帶 ê 成員有戲劇性 ê 外形。Ùi 這張相片來看，咱知影冥王星 霧霧 ê 大氣層其實是蔫蔫，而且實在是 有夠複雜 ê。Tī 這張相片頂懸彼个月眉形 ê 晨昏區景色 內底，有南部地區 ê 窒素冰原，這馬叫做 Sputnik 平原，嘛有 坎坎坷坷、有水冰 ê Norgay 山脈。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220326/ 影像：NASA, Johns Hopkins Univ./APL, Southwest Research Institute 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220326.html Powered by Firstory Hosting2022-04-2602 min
NASA 逐工一幅天文圖 APOD Taigi434. Arp 78：白羊座內底 ê 特殊星系 ft. 阿錕 (20220324)咱會當 tī 頭足大粒 ê 白羊座 內底揣著 Arp 78 這个 特殊 ê 捲螺仔星系。這个島宇宙是比咱銀河系內底 ê 恆星 kah 星雲 閣較遠 1 億光年，伊 ê 大細是比 10 萬光年閣較大。伊嘛叫做 NGC 772，咱 tī 這張相片內底看會著足明顯 ê 捲螺仔手骨 ê 細節。這張相片是 tī 美國 Hawaii 州 Maunakea 山頂附近 ê 大台 北雙生仔座 望遠鏡 翕 ê 足清楚 ê 宇宙相片。咱若是綴 Arp 78 ê 捲螺仔手骨方向行，仝款 會拄著塗粉帶 kah 少年藍色星團。這真有可能是星系尺度 ê 引潮力 引起 ê 交互作用。Kah 伊足倚 ê 星系伴是 NGC 770，to̍h tī 這幅圖 正爿頂懸 ê 外口遐。咱嘛會當 tī 這个 宇宙 視野內底，看著閣較遠 ê 背景星系。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220324/ 影像來源：International Gemini Observatory / NOIRLab / NSF / AURA 資料處理：T.A. Rector (Univ. Alaska Anchorage), J. Miller (Gemini Observatory/NOIRLab), M. Zamani & D. de Martin 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220324.html Powered by Firstory Hosting2022-04-2501 min
NASA 逐工一幅天文圖 APOD Taigi433. 金星 kah 火星：Tī 夜空同齊出現 ft. 阿錕 (20220329)這兩粒行星 tī 夜空同齊出現 ê 時陣，in 兩爿攏會看著對方，而且會擋一禮拜以上。像金星 kah 火星 這個月初 tī 天頂拄著行星 合相 ê 時陣，in 兩个差無夠 4 度闊。這張相片是幾工前翕 ê，彼當陣 ê 金星 沓沓仔 tī 暗頭仔 peh--起來。一暝一暝過去，火星 嘛沓沓仔落去矣。這張相是 kā 4 張鬥做一張 ê，是 tī 巴西 ê 庄頭 Teresópolis 翕 ê。透早 ê 天頂毋但看會著 金星 kah 火星，這馬 嘛 看會著閣較遠 ê 土星。這款 合相 只是 in tī 天頂 ê 視角度看起來足倚爾爾。實際上，金星、火星、土星是 tī 太陽系 內底無仝 ê 所在，in 會繼續 踅太陽行。後禮拜，土星 kah 火星 ê 視角度會 比 1/4 度閣較細。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220329/ 影像：Carlos Kiko Fairbairn 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220329.html Powered by Firstory Hosting2022-04-2401 min
NASA 逐工一幅天文圖 APOD Taigi432. Maldive 之夜 ê 寶石 ft. 阿錕 (20220328)銀河上南彼搭毋若有南十字，閣有離咱太陽上近 ê 恆星系統：半人馬座 α 星。南十字 上面頂彼粒是足光 ê 黃色恆星：南十字座 γ 星。Ùi 十字架 ê 南十字座 γ 星 畫一條線到 下底 ê 藍色恆星，十字架二，會指向 南天極。拄仔好是 3 月翕 ê 這張相片 內底，小島 ê 頭殼頂遐。彼个島嶼 to̍h 是 tī 印度洋 ê Maldives 共和國 ê Madivaru 島。Kah 暗淡 ê 銀河光 相比，烏烏 ê 烏碳橐仔星雲 to̍h tī 十字架 ê 倒爿。Tī 銀河 較倚倒爿遐，有兩粒較光 ê 恆星：半人馬座 α 星（倒爿彼粒）kah 半人馬座 β 星（嘛叫做 Hadar）。半人馬座 α 星 A 是 kah 太陽 相-siâng ê 恆星。伊是三星系統 ê 其中一粒，這个三星系統閣有 kah 行星系統 (系外行星)，離咱干焦 4.3 光年 遠爾爾。若是 ùi 半人馬座 α 星 來看，咱 ê 太陽 應該是一粒 tī 明顯 ê 仙后座 內底 足光 ê 黃色恆星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220328/ 影像：Petr Horálek (ESO Photo Ambassador, Inst. of Physics in Opava) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220328.html Powered by Firstory Hosting2022-04-2302 min
NASA 逐工一幅天文圖 APOD Taigi431. 瑞典樹林仔天頂 ê 海翁極光 ft. 阿錕 (20220322)天頂彼是啥物？是極光啦！太陽 tī 這個月初 ê 時陣，發生大型 ê 日冕物質噴出事件 (CME)，kā 一陣 高速運動 ê 電子、質子、kah 離子擲 tùi 地球來。一部份 ê 粒子挵著地球 ê 磁層，予伊產生一个閬縫，才 tī 北半球一寡懸緯度 ê 所在產生 壯麗 ê 極光。這張相片 主要是 tī 瑞典 ê 一个樹林仔 翕 Östersund 市 ê 景色 kah 天頂 ê 極光冕。這款 爍咧爍咧 ê 青光 其實是大氣 酸素分子 重組 發--出 ê 光。對一寡人來講，這看--起來敢若是大隻 海翁。毋閣嘛真歡迎你 kā 逐家講，你感覺這看--起來親像是啥物。太陽 tī 進前幾若年實在是 恬-chih-chih，有小可仔怪怪。這个恬靜 ê 現象已經煞矣。太陽 ê 磁週期是 11 年 一个循環。咱 ê 太陽這馬已經沓沓仔來到磁週期 ê 太陽極大期 矣。像這款 遮爾媠 ê 極光，紲落來會一直看會著。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220322/ 影像：Göran Strand 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220322.html Powered by Firstory Hosting2022-04-2202 min
NASA 逐工一幅天文圖 APOD Taigi430. 土衛六 Titan ê 海洋 反射 太陽光 ft. 阿錕 (20220327)土衛六 Titan ê 表面，是按怎會閃閃爍爍、遮爾光？有一个可能：是液態海洋反射 太陽光 。土衛六 Titan 有 足濟平平平 ê 甲烷湖。若是角度有著，海洋 to̍h 會 親像鏡按呢反射太陽光。Cassini 機器人太空船 tī 2004 到 2017 年 踅土星 leh 行。這張相片 是假色相片，是 Cassini 太空船 tī 2014 年 用 會迵過雲 ê 無仝波段紅外線 翕 這粒 厚雲 ê Titan。這款反射 是 遮爾光，光到 Cassini 太空船其中一台紅外線 kha-mé-lah ê 感光已經飽矣。雖罔講 這个 太陽爍光 是有較 困擾，毋閣伊嘛是 有貢獻。反射區證明講，Titan ê 北方有較闊、較複雜 ê 海洋陣列，伊 ê 幾何圖樣 暗示講，這馬是 tī 一个有明顯蒸發作用 ê 時期。Cassini 太空船 已經飛過這粒 咱太陽系 上神祕 ê 衛星幾若擺矣。伊 kā 咱講，Titan 是一个有 活跳天氣 ê 世界。伊定定會落雨，落 ê 是 液態 gá-suh。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220327/ 影像：NASA, JPL-Caltech, U. Arizona, U. Idaho 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220327.html Powered by Firstory Hosting2022-04-2102 min
NASA 逐工一幅天文圖 APOD Taigi429. 2021 年 規年 ê 天色 ft. 阿錕 (20220321)你若是會當一擺看著規年 ê 天色，毋知會是啥款？彼就 kah 今仔日這幅圖足 相-siâng ê。這是 2021 年 tī 荷蘭 用 全天 kha-mé-lah 每 15 分鐘 tùi 天頂翕一張 ê 結果。Kā 這寡影像 中央 彼逝 對予齊齊，才合做這張 天色圖。上面頂是 1 月，上下底是 12 月，中央較倚倒爿彼規逝直 ê 是 半暝。按呢你看著啥物？上明顯 ê 是，日時 ê 天色攏是藍色 ê，毋閣暗暝 ê 天色攏是烏色 ê。暗暝彼區有 12 條 光帶 迒過，彼其實是月娘 ê 月光。烏色漏壼上瘦彼位其實是 夏節，這工 ê 日時上長，上肥彼位是 冬節。昨昏是 春秋分點，就是暗暝 kah 日時平長 ê 一工。咱會當 tī 這張舊年 ê 天色圖四分之三懸 ê 所在，揣著北半球 ê 春分。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220321/ 影像：Cees Bassa (Netherlands Institute for Radio Astronomy) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220321.html Powered by Firstory Hosting2022-04-2002 min
NASA 逐工一幅天文圖 APOD Taigi428. 半人馬座 A ft. 阿錕 (20220317)半人馬座 A 是離咱地球上近 ê 活跳星系，伊離咱干焦 1100 萬光年遠爾爾。這个望遠鏡景色實在是有夠清楚。內底這个特殊 ê 長株圓星系閣叫做 NGC 5128，伊 ê 闊度有 6 萬光年闊。半人馬座 A 看起來是兩个一般星系相挵 ê 結果，這个結果產生奇幻複雜 ê 星團 kah 壯觀 ê 烏暗塗粉帶。Tī 星系中心附近 ê 宇宙殘骸，當 leh 去予一粒幾若十億倍太陽質量 ê 中央烏洞 沓沓仔食去。半人馬座 A to̍h kah 其他活跳星系仝款，這个過程可能會輻射出能量足強 ê 電波、X-光、kah gamma-光。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220317/ 影像：David Alemazkour 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220317.html Powered by Firstory Hosting2022-04-1901 min
NASA 逐工一幅天文圖 APOD Taigi427. 球形星團 杜鵑座 47 ft. 阿錕 (20220310)球形星團 杜鵑座 47 是南天 ê 寶石。伊嘛 叫做 NGC 104，tī 咱銀河系 ê 銀暈內底 kah 其他 200 个 球形星團 做伙 leh 賴賴趖。Ùi 地球來看，第一光 ê 球形星團是 半人馬座 ω，第二光 ê to̍h 是杜鵑座 47 矣。伊離咱有 1 萬 3000 光年遠，直接用目睭 to̍h 看會著。伊 to̍h tī 小麥哲倫星雲 附近，tī 杜鵑座 ê 方向。這个實密 ê 星團是 tī 120 光年闊 ê 空間內底 櫼幾若十萬粒 恆星。星團外圍 ê 紅巨星 實在是真簡單 to̍h 揣會著，伊 tī 這幅清楚 ê 望遠鏡畫面 內底，是一粒看起來較黃 ê 天星。球形星團 杜鵑座 47 櫼做一球。咱這馬知影講，伊內底有一粒恆星，是目前 踅烏洞 ê 恆星內底 離烏洞上近 ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220310/ 影像：Bernard Miller 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220310.html Powered by Firstory Hosting2022-04-1801 min
NASA 逐工一幅天文圖 APOD Taigi426. 變色杜定分子雲 I ft. 阿錕 (20220217)這幅望遠鏡南天景色內底有 烏-mih-mà ê 烏雲 kah 光-iàⁿ-iàⁿ ê 星雲。這表示講遮有足濟少年恆星，恆星形成 ê 活動嘛 真鬧熱。In chhāi tī 干焦 650 光年遠 ê 所在爾爾，踮 變色杜定分子雲複合體 kah 本地波 ê 邊界。Tī 1946 年編 ê Cederblad 目錄內底，有少年恆星 ê 恆星形成區 去予當做是厚塗粉 ê 反射星雲。這个目錄內底閣有 C-形 ê Cederblad 110，to̍h tī 相片倒爿中央。藍色 ê Cederblad 111 to̍h tī 伊 ê 下跤。這張相片內底閣有一个足顯目 ê 部份，是 柑仔色、V-形 ê 變色杜定紅外線星雲 (Cha IRN)。彼是去予新形成 ê 低質量恆星 ê 物質流 kā 雕出來 ê 形體。這幅構圖袂䆀 ê 影像 有 1.5 度闊。用附近 ê 變色杜定分子雲 I ê 距離來推算，這差不多是 17 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220217/ 資料來源：Stas Volskiy (Chilescope.com) 資料處理：Robert Eder 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220217.html Powered by Firstory Hosting2022-04-1702 min
NASA 逐工一幅天文圖 APOD Taigi425. Medusa 星雲 ft. 阿錕 (20220325)這个發光氣體看起來敢若是咧辮頭鬃，嘛親像是蛇紋，所以這个星雲才會提著一个有名 ê 名稱，號做 Medusa 星雲。Medusa 星雲嘛叫做 Abell 21，伊是一个較老 ê 行星形星雲，離咱有 1500 光年遠，tī 雙生仔座遐。這个星雲 kah 神話 內底 ê 名仝款，攏有一个戲劇性 ê 變化。若是看著 行星形星雲 這个階段，to̍h 代表伊本底是 像太陽這款低質量恆星，而且伊已經 演化 到上尾 ê 坎站矣。伊進前猶是 紅巨星，這馬已經變做高溫 ê 白矮星，而且當咧 kā 伊 ê 外殼擲--出去。高溫恆星 ê 紫外光 輻射 會提供能量，驅動星雲發光。Medusa 星雲 leh 演化 ê 彼粒恆星，是有較暗。伊 to̍h tī 發光 ê 月眉形氣體 ê 中央附近遐。Tī 這幅深空望遠鏡影像 內底，閣有一寡較暗 ê 雲絲 湠 tùi 較光 ê 月眉形氣體 ê 倒爿頂懸去。咱估計 Medusa 星雲 應該是有 4 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220325/ 影像：Damien Cannane 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220325.html Powered by Firstory Hosting2022-04-1602 min
NASA 逐工一幅天文圖 APOD Taigi424. 媠甲親像一幅圖 ê 春分日落 ft. 阿錕 (20220320)這條路是迵到佗位？迵到日頭啦！足濟城鎮攏有東西向 ê 路，毋閣一年會有兩工，日頭會 ùi 路中央 peh--起來 kah 落--落去。今仔日 to̍h 是其中 ê 一工：春分抑是秋分。今仔日毋若是一工內底 暗暝 kah 日時 平長 (「對分」「點」) ê 日子，嘛是日頭拄仔好 ùi 東爿 peh--起來，ùi 西爿 落--落去 彼工。這條路是 tī 美國 Illinois 西北爿 ê 一條東西向 ê 路。相片是 tī 2015 年 3 月 ê 春分 彼陣翕 ê，彼陣 ê 日落 to̍h 落-tī 路尾遐。Tī 真濟文化內底，3 月 ê 春秋分點 這工，會當做是一季 ê 頭一工。Tī 地球 ê 北半球 就是春季，tī 南 半球就是秋季。毋知你 上愛 ê 彼條路，敢嘛是東西向 ê？下暗日落 ê 時陣，你應該影--一下就知矣！ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220320/ 影像：Roland Christen 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220320.html Powered by Firstory Hosting2022-04-1502 min
NASA 逐工一幅天文圖 APOD Taigi423. 麒麟座 ê 雲絲 ft. 阿錕 (20220318)藍色 ê 反射星雲可能是代表厚塗粉 ê 區域。這張清楚 ê 望遠鏡景色 tī 天頂有超過 1 度闊，in to̍h tī 無啥光毋閣蓋奇幻 ê 麒麟座 方向。相片倒爿 ê 藍色星雲 IC 447 to̍h tī 麒麟座 R1 星雲複合體內底，離咱有 2500 光年遠。伊伸一條烏烏長長 ê 雲絲 到正爿下跤 ê IC 446 遐，kah 伊牽做伙。IC 447 內底有比太陽較高溫 ê 大質量 ê 少年恆星。In ê 光，是去予宇宙雲 內底 ê 恆星 反射出來 ê。觀測 kā 咱講，IC 446 內底嘛有一粒 少年恆星，是一粒 tī 早期演化階段 ê 大質量恆星。這个 kā 兩个恆星形成區牽做伙 ê 烏暗雲絲 kah 分子氣體，有超過 15 光年長。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220318/ 影像：Giorgio Ferrari 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220318.html Powered by Firstory Hosting2022-04-1401 min
NASA 逐工一幅天文圖 APOD Taigi422. 觀測會著 ê 宇宙 ft. 阿錕 (20220316)咱會當看偌遠？咱先假設講，你 ê 目睭會當看著各種無仝款 ê 輻射光，按呢逐項你看--著 ê 抑是 可能看會著 ê 範圍，to̍h 是 觀測會著 ê 宇宙。咱目前看會著上遠 ê 光是 宇宙微波背景，彼是 ùi 138 億年前 ê 宇宙來 ê。彼當陣 ê 宇宙是無透光 ê，to̍h 親像是 厚-tut-tut ê 霧仝款。有一寡仔 tī 咱邊仔 ê 微中子 kah 重力波，其實是 ùi 閣較遠 ê 所在來 ê。毋閣人類 ê 技術猶未到，無法度量著 in。這張相片 是用 愈來愈櫼 ê 尺度 來展示 觀測會著 ê 宇宙。中央有 地球 kah 太陽，邊仔是 咱 ê 太陽系，閣來是 厝邊恆星、厝邊星系、遙遠星系、早期物質 ê 雲絲、kah 宇宙微波背景。宇宙學家一般 ê 假設是講，咱這个 觀測會著 ê 宇宙，雖然干焦 leh 講咱附近 ê 宇宙爾爾，毋閣仝款 ê 物理概念，kah 規个「大宇宙」是相迵 ê。毋閣，猶是有幾若个較流行、毋閣猶是推論 ê 講法 認為 講，咱 ê 宇宙 是 閣較大 ê 多層宇宙 ê 一部份。這个多層宇宙，可能會有 無仝 ê 物理定數、無仝 ê 物理定律、較懸 ê 維度 leh 運作。嘛有可能是以咱這个宇宙做標準，毋閣 閣小可仔無仝 ê 版本。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220316/ 插圖：Wikipedia, Pablo Carlos Budassi 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220316.html Powered by Firstory Hosting2022-04-1302 min
NASA 逐工一幅天文圖 APOD Taigi421. 欲去天星 ê 路 ft. 阿錕 (20220315)這張相片，是一條欲去天頂揣天星 ê 路。這條路是 tī 智利 La Silla 天文台 附近，頭前有 ESO ê 3.6 公尺闊 ê 望遠鏡。倒爿是 這馬當 leh 起 ê BlackGEM 望遠鏡 ê 基座，看起來敢若足 siak-pha ê。這組望遠鏡是光學望遠鏡陣列，未來會用來做 LIGO kah 其他探測器 量 重力波 ê 光學對應天體 ê 定位工課。是講，其實毋若按呢 neh！相片 ê 正爿有紅色 氣輝 kā 夜空照予光，相片 ê 中央有 銀河系 ê 中央帶 趨趨迒過去。咱會當 看著 木星 tī 相片中央 ê 銀河中央帶面頂，嘛會當看著 土星 tī 3.6 公尺闊 ê 望遠鏡面頂。閣有咱 銀河系 上大 ê 兩个衛星星系，大麥哲倫星系 kah 小麥哲倫星系，to̍h tī 相片正爿遐。這張全景相片 是 kā 2019 年 6 月 30 翕 ê 幾若張 15 秒鐘久 ê 感光相片疊做一張 ê。兩工後，La Silla 天文台 to̍h 去拄著 罕得看著 ê 日全食 矣。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220315/ 影像：ESO, Petr Horálek (ESO Photo Ambassador, Inst. of Physics in Opava) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220315.html Powered by Firstory Hosting2022-04-1202 min
NASA 逐工一幅天文圖 APOD Taigi420. Hubble 太空望遠鏡翕 ê 氣波星雲 ft. 阿錕 (20220323)大質量恆星會歕出氣波。這張相片內底 ê NGC 7635 可能是所有恆星氣波內底上有名 ê。伊 to̍h 叫做 氣波星雲。雖罔講伊看起來足幼秀 ê，毋閣這个 氣波 ê 直徑有 7 光年遐爾長，表示講這經過一个足暴力 ê 過程。氣波 中心 ê 倒爿面頂，是一粒 O-型恆星。伊 ê 光度是比咱 ê 太陽閣較光幾若十萬倍，伊 ê 質量是比咱 ê 太陽 閣較大 45 倍。這粒恆星發出足猛 ê 恆星風 kah 足強 ê 輻射，kā 邊仔 厚-tut-tut ê 分子雲 歕出這个 發光 ê 氣波結構。這个 趣味 ê 氣波星雲 kah 伊邊仔 ê 星雲複合體，離咱有 7100 光年 遠，in to̍h tī 仙后座 遐。這張清楚、迷人 ê 宇宙氣波 景色，是 kā 進前提著 ê Hubble 太空望遠鏡 ê 影像資料 重新處理合成 ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220323/ 影像來源：NASA, ESA, Hubble 資料處理 kah 版權：Mehmet Hakan Özsaraç 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220323.html Powered by Firstory Hosting2022-04-1101 min
NASA 逐工一幅天文圖 APOD Taigi419. 鴟鴞星雲 內底 ê 恆星形成活動 ft. 阿錕 (20220314)恆星是 ùi 佗位生出來 ê？有一个恆星形成區叫做「EGGs」，to̍h tī 鴟鴞星雲 (M16) ê 氣體 kah 塗粉 組成 ê 大型雲柱 尾溜 遐。EGGs to̍h 是「蒸發氣體球」ê 縮寫，遐是 水素 分子氣體足厚 ê 所在。這款氣體球一丸一丸，煞落來會產生重力崩塌，形成恆星。Ùi 新恆星上高溫上光 ê 所在發出來 ê 光，kā 雲柱 尾溜 加溫，予氣體 kah 塗粉蒸發，咱才有法度看著閣較濟 EGGs kah 少年恆星。這張相片 是 2014 年彼陣，踅地球 ê 哈伯太空望遠鏡 用 超過 30 點鐘久 ê 感光時間翕好了後，才閣予 阿根廷 一个足有經驗 ê 志願者，用現代 ê 軟體，經過數位處理 ê 結果。進前 ê 超新星 若是無 kā 會產生恆星 ê 雲柱破壞了了，等新 ê 恆星生出來了後，嘛是會 tī 紲落來 10 萬年左右 ê 時間 kā 這寡雲柱沓沓仔 破壞 了了。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220314/ 影像來源：NASA, ESA, Hubble 資料處理 kah 版權：Ignacio Diaz Bobillo & Diego Gravinese 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220314.html Powered by Firstory Hosting2022-04-1002 min
NASA 逐工一幅天文圖 APOD Taigi418. Point Reyes 國家海岸公園 天頂 ê 銀河 ft. 阿錕 (20220312)北方 ê 寒天 星座 kah 銀河系 ê 光弧 to̍h tī 夜空中，地面 是美國加州 Point Reyes 國家海岸公園 ê 夜景，遠方 ê 海洋是太平洋。天郎星，to̍h 是 大犬座 ê alpha 星。伊是天頂這條內底有足濟恆星 ê 銀河弧 倒爿下跤 上光 ê 一粒星。西北方 ê 地平線 to̍h tī 這幅圖 ê 中央。獵戶座內底彼粒黃色 ê 參宿四、金牛座內底 ê 畢宿五、kah 較倚藍色 ê 昴宿星團 內底，攏 tī 銀河系 kah 地平線之間揣會著。這張相片是 3 月初彼陣翕 ê 全景圖。咱會當 ùi 這个連紲翕 ê 感光相片內底看著星雲。毋閣 in 本底其實是有夠暗，目睭直接看 是看無。Tī 北半球 ê 暗暝，天頂彼搭 闊莽莽 ê 光，是包括 tī 獵戶座 leh 發紅光 ê 半圓箍仔 Barnard 環，kah tī 昴宿星團 正爿面頂 ê NGC 1499 加州星雲。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220312/ 影像：Dan Zafra 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220312.html Powered by Firstory Hosting2022-04-0901 min
NASA 逐工一幅天文圖 APOD Taigi417. 虹 leh 微微仔笑 ft. 阿錕 (20220311)你有想欲看 虹 ê 笑容無？若是 tī 日頭較低 ê 時陣，向「天頂 (頭頂)」看去，可能 to̍h 有機會看著。這張相片是 2 月 24 tī Sicily 島 Ragusa 市 ê 棕樹 頭頂翕著 ê。相片內底這款 冰暈 嘛叫做 環天頂弧。像有這款色水 ê 光弧 定定去 hŏng 叫做是虹 ê 笑容，因為 光弧 ê 方向 kah 色水 ê 順序攏是顛倒反 ê。一般咱看著 ê 虹，會綴 tī 西北雨後壁出現，伊 ê 光弧是 彎對地平線去。毋閣 若是看著 環天頂弧，「天頂」to̍h 是 tī 光弧 ê 中心矣，紅色是 tī 上外口彼輾。真正 ê 虹是水滴 kā 太陽光 ê 光路屈折去，產生彩色光 ê 光譜。毋閣 環天頂弧 是 光線行過 扁扁仔 ê 六角形冰晶 了後，屈折 kah 反射 ê 產物。這 to̍h kah 冰晶會 tī 較懸較薄 ê 雲內底，產生 幻日 ê 現象仝款。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220311/ 影像：Marcella Giulia Pace 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220311.html Powered by Firstory Hosting2022-04-0802 min
NASA 逐工一幅天文圖 APOD Taigi416. 火星花 - 火星面頂 ê 石頭 ft. 阿錕 (20220309)這是目前為止火星面頂上奇怪 ê 石頭。這粒石頭是比一箍銀閣較細，毋閣伊面頂有幾若支手，予伊看起來敢若是一蕊花。若是講這粒石頭 真正是古早時代 火星花 ê 化石，按呢這 to̍h 是一个大發現矣！毋閣現此時，逐家 較愛用 較普通 ê 講法，來解說這个無四常 ê 結構。這馬有一个理論是講，這粒石頭是一款 結規丸 ê 現象，是 tī 岩石必開 ê 閬縫內底，產生 由水 沉積 ê 礦物。這寡 結規丸 ê 結構 to̍h 是會當 kā 物質櫼做一丸。伊會比邊仔 ê 石頭較𠕇、較實密，就算是邊仔 ê 石頭去予 侵蝕 了後，伊猶有法度留落來。這个花 ê 結構嘛有可能是 一款 晶簇 結構。這粒 細粒石頭 叫做 Blackthorn Salt，kah 進前 去予 翕著 ê 彼粒 火星 石卵 有 相-siâng。這張相片 是 好奇號探測車 二月底彼陣 tī 火星 翕 ê。Tī 火星 ê 這款石頭 實在是足趣味 ê。科學家會繼續研究 ùi 火星提著 ê 這款資料 kah 影像。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220309/ 影像：NASA, JPL-Caltech, MSSS 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220309.html Powered by Firstory Hosting2022-04-0702 min
NASA 逐工一幅天文圖 APOD Taigi415. 烏白色倒反 ê 衛星 ft. 阿錕 (20220308)這是 siáng ê 衛星？是 地球 ê 啦！毋閣這是烏白色倒反 ê 月球！Tī 這張相片內底，光暗區 ê 像素所對應 ê 數字倒反矣，產生一个假色影像，to̍h 親像是烏白相片 ê 底片 仝款。這个 倒反色 ê 彩色 月球 相片內底，較粉色 ê 部份是真 ê。毋閣有 tī 烏白色倒反進前，用數位處理 ê 方式 kā 色彩 ê 比例 放較大咧。平常時 ùi Tycho 隕石 坑噴出來 較光 ê 輻射巡 tī 遮是石青色 ê。這个 ùi 直徑 85 公里闊 ê 隕石坑噴出 ê 輻射巡，是 南半球（下底）上主要 ê 特徵。平常時較暗 ê 月海 tī 遮是白殕色 ê。這張相片是 ùi 英國 英格蘭 ê Southend-on-Sea 提著 ê。歷史上，用 底片 記錄 ê 天文影像，攏會直接利用 底片 ê 倒反色 來檢查。因為這會當予咱 ê 目睭 較緊揣著一寡較暗 ê 細節。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220308/ 影像：Dawid Glawdzin 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220308.html Powered by Firstory Hosting2022-04-0602 min
NASA 逐工一幅天文圖 APOD Taigi414. 金星 kah 太陽 ê 紫外光三重奏 ft. 阿錕 (20220306)這是一个足特別 ê 日食。一般講來，是 月球 kā 太陽 閘著 矣。毋閣 tī 2021 年 ê 時陣，是 金星 kā 太陽閘著矣。這 to̍h kah 月球 kā 太陽閘著 ê 日食 現象仝款。金星那綴太陽行到仝一條線，伊 ê 相位 嘛愈變愈薄，變做 月眉形 ê。落尾 in 對有齊齊，金星 ê 相位 to̍h 變做零矣。這粒金星 烏點，行過咱 ê 母恆星。這个現象，技術上咱會當 kā 叫做 金星 ê 環食，是講伊外口有一輾足大輾 ê 火環。這張相片 是 tī 掩星彼陣翕 ê，內底 ê 三色太陽是 踅地球 ê 太陽動力學天文台 tī 紫外光 翕 ê。相片正爿 ê 烏暗區是 日冕洞。金星 to̍h 繼續踅，幾若點鐘了後，一絲絲仔月眉形 ê 金星 to̍h 閣出現矣。後一擺 ê 金星凌日，會出現 tī 2117 年。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220306/ 影像來源：NASA/SDO & the AIA, EVE, and HMI teams 數位組合：Peter L. Dove 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220306.html Powered by Firstory Hosting2022-04-0502 min
NASA 逐工一幅天文圖 APOD Taigi413. 咱附近 ê 捲螺仔星系 NGC 4945 ft. 阿錕 (20220226)這是 大捲螺仔星系 NGC 4945 ê 特寫，這个宇宙星系是一个 側向 星系，kah 咱 ê 銀河系 是差不多大。Tī 這張彩色 ê 望遠鏡影像內底，咱會當清楚看著 NGC 4945 有厚塗粉 ê 星系盤，少年 ê 藍色星系團，kah 粉紅仔色 ê 恆星形成區。NGC 4945 tī 南天 ê 大 星座 半人馬座 ê 方向，離咱差不多 1300 萬 光年遠 ê 所在，按呢差不多是咱到 仙女座星系 距離 ê 6 倍遠。仙女座星系是離咱銀河系上近 ê 星系。咱若是用光學望遠鏡來 kā 看，NGC 4945 ê 星系中心區實在是看無。毋閣 X-光 kah 紅外線 觀測表示，伊 ê 核心區 有 足明顯 ê 高能發射 kah 恆星形成活動。這粒藏 tī 星系中心、活動力足強 ê 核心，予這个華麗 ê 島宇宙成做一个 Seyfert 星系。Seyfert 星系 ê 中心，其實有一粒 超大質量烏洞。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220226/ 影像：Dietmar Hager, Eric Benson 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220226.html Powered by Firstory Hosting2022-04-0402 min
Lajíooh FormosaLJOF03 Lí-kái kóng Tâi-gí tú-tio̍h ê tak-kha̍p | Understanding the frustration of using TâigíJ-siáⁿ iau-chhiáⁿ sim-lí chu-siong choan-gia̍p ê Kang Bēng-sûn phok-sū thàu-kòe thó-lūn lâi lí-kái Tâi-gí chiò-iau-kiàⁿ chiò chhut--lâi ê koài sū.J-siáⁿ invites Dr. Mengchun Chiang - Assistant Director of Training at Counseling and Psychological Services (CaPS) of Carnegie Mellon University - to discuss her experience of speaking Tâigí as a performance in Taiwan. And what that reveals Taiwan as a (wounded) society.J-siáⁿ 邀請心理諮商專業 ê Kang Bēng-sûn 博士透過討論來理解台語照妖鏡照出--來ê怪事In this episode:Why some Taigi speakers would discourage beginners learning/speaking TâigíThe love/hate mix feelings of native speakersSystematic oppressionDefining Taiwanese self-ident...2022-04-041h 18
NASA 逐工一幅天文圖 APOD Taigi412. 直接投影：提 tī 手--lih ê 月娘 ft. 阿錕 (20220228)你毋免用望遠鏡 to̍h 知影伊這馬咧看啥物。咱若是 kā 望遠鏡 看著 ê 景色投影到一个較大 ê 所在，應該是真利便。因為會當 kā 一粒 足光 ê 天體 傷強 ê 輝度 沖較薄咧。這款 沖較薄咧 ê 投影技術實在是真利便，咱會當 kā 用 tī 像 太陽 這款足光 ê 天體，尤其是拄著 日食 ê 時陣。這張孤張感光 ê 相片，to̍h 是 kā 這个投影技術用 tī 月圓 時 傷光 ê 月球。二月 ê 月圓出現 tī 兩禮拜前。Tī 一寡北爿國家 ê 文化內底，這款月娘 to̍h 叫做 雪月。投影 ê 儀器是 直徑 62 公分闊 ê 望遠鏡，to̍h tī 法國 Alps 山頭 ê Saint-Véran 天文台 內底。直接看月圓時 ê 月球是有較簡單，因為伊無 遐爾光。毋閣你 to̍h 無法度看著遮爾濟細節矣！後一擺 閣拄著月圓，會 tī 3 月 17。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220228/ 影像：Jeff Graphy 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220228.html Powered by Firstory Hosting2022-04-0301 min
NASA 逐工一幅天文圖 APOD Taigi411. 捲螺仔星系 NGC 2841 ft. 阿錕 (20220303)捲螺仔星系 NGC 2841 離咱有 4600 萬光年遠，會當 tī 北方星座 大熊座 ê 方向揣著。這張 深空景色 內底 ê 美麗 島宇宙，是 kā 2021 年 11 月 到 2022 年 1 月 之間，32 暗 好天 ê 時陣 翕著 ê 相片，疊做一張 ê。相片內底有明顯 ê 黃色 星系核、星系盤、佮 外圍較暗 ê 區域。毋閣塗粉帶、較細區 ê 恆星形成區、佮 少年星系團，to̍h 藏 tī 一節一節、捲 絚絚 ê 捲螺仔 手骨 內底。若是佮其他 ê 捲螺仔星系 相比，in ê 捲螺仔手骨攏較大支，嘛有較大範圍 ê 恆星形成區。NGC 2841 ê 直徑超過 15 萬光年闊，比咱 ê 銀河系閣較大。伊 ê X-光影像 kā 咱講，星系風 kah 恆星爆炸產生 ê 高溫氣體煙，攏走入去 NGC 2841 外圍 ê 星系暈 內底矣！ ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220303/ 影像：Vitali Pelenjow 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220303.html Powered by Firstory Hosting2022-04-0202 min
NASA 逐工一幅天文圖 APOD Taigi410. 星際彗星 2I Borisov ft. 阿錕 (20220305)2I/Borisov 彗星 是 ùi 銀河系 某一个所在 來 ê，伊這馬才拄來到咱 ê 太陽系。這粒彗星是業餘天文學家 Gennady Borisov tī 2019 年 8 月 30 揣著 ê。哈伯太空望遠鏡 tī 2019 年 11 月 kah 12 月 ê 時陣翕著這兩張影像，才知影講，咱揣著頭一粒星際彗星。倒爿彼張，tī Borisov 彗星 ê 視線方向，有一个 tī 遠方 ê 背景星系。伊看起來霧霧。這是因為 哈伯太空望遠鏡 kā 焦點囥 tī 這粒離地球才 3 萬 2700 公里遠 ê 高速彗星 kah 伊 ê 塗粉尾溜 遐。正爿彼張，是 2I/Borisov 彗星 才拄過 近日點 彼陣 去予翕著 ê。近日點 to̍h 是離太陽上近 ê 所在。歐洲南方天文台 ê 觀測 kā 咱講，這粒彗星 tī 2019 年 經過咱 ê 近日點 進前，可能猶毋捌 kah 捌粒 恆星 行遮爾倚過。Borisov 彗星離咱地球上近 ê 時陣，是 2019 年 12 月 28，彼陣伊 kah 咱 ê 距離才 2 萬 9000 公里遠爾爾。雖罔講哈伯影像已經足清楚矣，毋閣伊猶是無 kā 彗核解析出來。照這个結果，咱 to̍h 會當估算講，這粒彗核 ê 直徑應該是比 1 公里閣較短。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220305/ 影像：NASA, ESA, and D. Jewitt (UCLA) et al. 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220305.html Powered by Firstory Hosting2022-04-0102 min
NASA 逐工一幅天文圖 APOD Taigi409. 太陽軌道太空船 翕著 創記錄 ê 太陽日珥 ft. 阿錕 (20220302)咱 ê 太陽 sī 發生啥物代誌？頂個月，咱才拄翕著 有史以來 上大 ê 太陽 日珥 kah 規个太陽盤。這張 創記錄 ê 影像，sī 踅太陽 ê 太陽 軌道 太空船 tī 紫外光波段 翕 ê。恬去 ê 太陽日珥 sī 太陽表面 ê 高溫氣體雲，sī 太陽磁場 leh 控制 ê。這个 太陽日珥 實在 sī 有夠大 ê，伊 ê 闊度 kah 太陽直徑 有通比。太陽日珥 ê 爆發 實在 sī 真歹臆，伊會利用 日冕物質噴出現象 (CME) kā 噴出來 ê 高溫氣體 擲到 太陽系 內底。CME 若是挵著地球 kah 伊 ê 磁層，可能 to̍h 會 產生足光 ê 極光。雖罔講太陽日珥 確實會產生 CME 現象，毋閣伊這擺 ê 方向毋是 tùi 地球來。咱這馬已經知影 日珥 kah 太陽磁場 ê 改變有關係，毋閣 產生 太陽日珥 ê 能量機制 到今猶是一个 研究主題。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220302/ 影像：Solar Orbiter, EUI Team, ESA & NASA; h/t: Bum-Suk Yeom 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220302.html Powered by Firstory Hosting2022-03-3101 min
NASA 逐工一幅天文圖 APOD Taigi408. 美麗 ê Albireo AB ft. 阿錕 (20220224)天鵝座 β 星 對咱 ê 目睭來講，是一粒星。伊離咱有 420 光年遠，是 北十字星群 ê 一支跤。這个有名 ê 北十字星群 to̍h tī 天鵝座 內底。毋閣你若是 kā 細台望遠鏡 鬥 目鏡 來看，就會看著伊其實是一組美麗 ê 雙星。In 發出 ê 藍光 kah 黃光，是 夜空內底 ê 珍寶。天鵝座 β 星 嘛叫做 Albireo。伊較完整 ê 名是 Albireo AB，表示講伊是兩粒足光 ê 恆星組成 ê。In tī 這張望遠鏡速翕內底 發出兩款無仝款 ê 色光。In ê 可見光 光譜圖 to̍h 插 tī 正爿。頂懸彼張插圖是 Albireo A ê 光譜，伊是 K-型巨星，比太陽較冷。伊發出 ê 能量主要是 tī 黃光 kah 紅光波段。下跤彼張插圖是 Albireo B ê 光譜，伊是 主序帶 ê 恆星，比太陽較燒。伊發出 ê 能量主要是 tī 藍光 kah 紫光。Albireo A 是一組雙星，這兩粒恆星 踅 in ê 共同質心 做伙 leh 行。毋閣這兩粒恆星實在是傷倚矣，所以用細台望遠鏡 才會分 無啥會 出來。Albireo A 佮 Albireo B 是光學上 ê 兩粒星，毋是物理上 ê 雙星系統。這是 因為 咱有量著這兩組 tī 天頂 ê 運動，其實是無仝。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220224/ 影像：Robert Eder 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220224.html Powered by Firstory Hosting2022-03-3002 min
NASA 逐工一幅天文圖 APOD Taigi407. 棍螺仔星系 NGC 6217 ft. 阿錕 (20220221)足濟捲螺仔星系 ê 中央攏有棍仔形結構。咱 ê 銀河系 嘛去予人認為講，伊有一个 大細拄仔好 ê 中央棍仔。這張相片 內底 ê 棍螺仔星系 NGC 6217，有一个足明顯 ê 棍仔形結構。相片是 2009 年翕 ê，是用踅地球 ê 哈伯太空望遠鏡 面頂 ê 先進巡天 Kha-mé-lah 翕 ê。看會著烏暗雲絲 ê 塗粉帶，有足濟足光藍色恆星 ê 少年 星團，發紅光 ê 水素氣體 發射星雲，迵過星系中心 長棍仔 ê 恆星，kah 足光 ê 活跳星系核。這个星系核內底，可能藏一粒 超大質量 烏洞。光線 ùi NGC 6217 行到咱遮愛行 6000 萬年，估計這个星系差不多是 3 萬 光年 闊。咱會當 tī 細隻熊 ê 星座（小熊座）ê 方向揣著伊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220221/ 影像：NASA, ESA, and the Hubble SM4 ERO Team 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220221.html Powered by Firstory Hosting2022-03-2901 min
NASA 逐工一幅天文圖 APOD Taigi406. 地出 1 號相片：歷史相片 ê 重製 ft. 阿錕 (20220227)「緊來看喔！緊來看這个景色！地球欲 peh--起來矣講！真正是媠甲！」這句話是 50 年前 ê 太空人 講 ê。無外久，踅 月球 ê 太空船 to̍h 隨 kā 這个景色速翕起來，變做 歷史上 上有名 ê 影像之一。這張相片是 阿波羅 8 號 ê 太空人翕 ê。咱這馬 to̍h kā 這款 ùi 月球邊界 peh--起來 ê 地球景色 叫做「地出」。這張有名 ê 地出 相片，其實是 第二擺 翕著 ê。只是講，這是第一張彩色相片。真正 ê 第一張 地出 相片本底是烏白 ê。咱這馬用現代數位技術來 kā 上早以前 翕著 ê 三張 相片 處理理咧，to̍h 會當 kā 無仝解析度 ê 相片 重新組合做彩色 ê 版本。毋過免緊張！這張特寫相片，確實是這篇文章 上開始講著 ê 阿波羅 8 號 ê 太空人 Bill Anders 叫咱看 ê 景色 無毋著。感謝現代科技 ê 進步 kah 人類 ê 智慧，咱這馬會當看著無仝款 ê 版本矣！（歷史紀錄：遮有另外一張 無仝 ê 歷史烏白相片，是地球 ùi 月球邊界降落去 ê 地落 影像。彼張是閣較早 2 年 ê 踅月機器人太空船 1 號 翕 ê。） ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220227/ 影像提供：NASA, Apollo 8 Crew, Bill Anders 資料處理 kah and 許可: Jim Weigang 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220227.html Powered by Firstory Hosting2022-03-2802 min
NASA 逐工一幅天文圖 APOD Taigi405. 毅力號 tī 火星 ê 第 354 工 火星日 ft. 阿錕 (20220225)這張相片是 甲車平大台 ê 毅力號 探測車 面頂 ê Navcam 翕 ê 拼鬥影像。看會出來這張是 ùi 探測車 ê 甲板 面頂翕 ê，翕 ê 是火星 Jezero 隕石坑。這張拼鬥影像是 tī 火星任務 第 354 工火星日翕 ê。Tùi 地球人來講，毅力號降落 tī 火星 已經一年矣，差不多是地球時間 ê 2022 年 2 月 17。這台探測車 ê 質量是 1000 公斤，伊有 6 輪，是登陸火星 ê 探測車內底上重 ê。毅力號頭一年 ê 探索，已經收集 6 塊 岩心標本，以後才會提轉來地球。伊嘛是 獨創號 ê 基地，彼是火星面頂頭一台直升機。探測車閣用伊面頂 ê MOXIE（火星酸素原位資源利用實驗儀）對 這粒紅色行星 薄薄 ê 大氣 做實驗。Kā 伊內底 厚-tut-tut ê 二酸化碳素 變做 酸素。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220225/ 影像提供：NASA, JPL-Caltech 資料處理：Kenneth Kremer 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220225.html Powered by Firstory Hosting2022-03-2701 min
NASA 逐工一幅天文圖 APOD Taigi404. 地球 ê 暗暝 ft. 阿錕 (20220213)地球 tī 暗暝看起來是按呢 neh！毋知你敢會當揣著你上愛 ê 國家 抑是 城市？有一个好消息欲報予你知，城市 ê 燈火應該會當 kā 你鬥相共。人造 燈火 kā 咱鬥報位，予咱知影 地球面頂 發展較好 抑是 人口較濟 ê 所在 tī 佗。這包括 歐洲、美國東部、kah 日本 ê 海岸。足濟較大 ê 城市攏 tī 河川 抑是 海洋 邊仔，按呢 in to̍h 有法度坐船，用較低 ê 成本來交換物件。較暗 ê 所在 to̍h 包括 南美洲、非洲、亞洲、kah 澳洲 ê 中部。這張相片 有一个名是「烏色大理石」，是 kā 踅地球 ê Suomi NPP 極地軌道 氣象衛星 tī 2016 年翕 ê 幾若千張相片，重新 處理了後才 kā 組合做這張 ê。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220213/ 影像提供：NASA, Suomi NPP VIIRS 資料來源：Miguel Román (NASA GSFC) 資料處理：Joshua Stevens 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220213.html Powered by Firstory Hosting2022-03-2601 min
NASA 逐工一幅天文圖 APOD Taigi403. Green Bank 天文台頭頂 ê 獵戶座 ft. 阿錕 (20220223)遮爾大台 ê Green Bank 望遠鏡下暗會 tī 天頂發現啥物？相片倒爿下跤 ê 是 Robert C. Byrd Green Bank 望遠鏡 (GBT)，是世界 上大 ê 全指向 單接收盤 電波望遠鏡。GBT ê 中央接收盤是比跤球場閣較大。伊 tī 美國 ê 西 Virginia 州 ê 一个山頂，遐是一个 電波禁止區，袂當用電話 kah WiFi，連電磁爐嘛袂當用。GBT 毋若 tī 暗時探索咱 ê 宇宙，日時嘛 leh 看。因為 ùi 電波波段 來看，日時嘛是烏-mih-mà。這張相片是 tī 一月底翕 ê。這个構圖已經計畫幾若個月矣，是欲予 獵戶座 出現 tī 畫面 ê 正手爿。這張相片是 kā 前景 kah 背景分開翕了 了後，才閣 kā 疊做一張 ê。前景是 tī GBT 頭前幾若公里遠 ê 所在翕 ê，背景是前一暝用長時間感光翕 ê。背景 ê 深空影像 獵戶座 kah GBT 實在是 足合 ê。這是因為 tī 足濟 kah 獵戶座有關 ê 研究內底，GBT 上有名 ê 就是 kā 獵戶座分子雲複合體 無四常 ê 磁場 畫出來。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220223/ 影像：David Green 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220223.html Powered by Firstory Hosting2022-03-2502 min
NASA 逐工一幅天文圖 APOD Taigi402. 插圖：少年 ê 類星體 ft. 阿錕 (20220222)第一批類星體是生做啥款？咱這馬知影上近 ê 類星體，是 星系中心 有 超大質量烏洞 ê 活跳星系。氣體 kah 塗粉 去予 類星體 食去，發出強光，有當時仔是比伊 ê 母星系閣較光。毋閣，tī 宇宙早期 頭 10 億年生出來 ê 類星體，是有閣較神祕。這張插圖，是因為有最近 ê 觀測資料，藝術家才有才調度畫出早期宇宙 ê 類星體。伊可能是生做這款：中央應該有一个大質量烏洞，邊仔有氣體 kah 吸積盤 leh 踅，而且會噴出 能量足強 ê 噴流。類星體 是咱看會著 ê 上遙遠 ê 天體。伊發出 ê 訊息，予 人類 有當了解 咱早期 宇宙 是生做啥款。咱這馬已經知影這粒上老 ê 類星體 ê 紅移，是比 8 閣較細淡薄仔。自 大霹靂 開始算，伊才 7 億歲，這是這馬宇宙年歲 ê 幾若葩爾爾。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220222/ 影像：ESO, M. Kornmesser 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220222.html Powered by Firstory Hosting2022-03-2402 min
NASA 逐工一幅天文圖 APOD Taigi401. 金牛座 T 星 kah Hind 變光星雲 ft. 阿錕 (20220210)Tī 這張厚塗粉 ê 望遠鏡影像 中央，有一粒柑仔色色調 ê 恆星，金牛座 T 星，伊是 金牛座 T 型變星 這个分類 ê 原型星。伊倒爿彼个黃色宇宙雲，歷史上 咱 kā 叫做是 Hind 變光星雲 (NGC 1555)。伊差不多有 650 光年遠，tī 本地泡 kah 金牛座分子雲 交界 ê 所在。恆星 kah 星雲 ê 輝度變化攏足大 ê，毋閣 in 毋是同齊發生，所以這區才會予人感覺遮爾趣味。咱這馬 知影 講，金牛座 T 型變星 是較少年 ê 恆星，干焦幾若百萬歲爾爾。In kah 咱 ê 太陽是仝類 ê 恆星，毋閣 in 是 tī 恆星形成 較早期 ê 階段。這幅圖 閣較 複雜 ê 部份是，紅外線觀測結果講，金牛座 T 星 是 多星系統 ê 成員之一。而且 kah 伊有關 ê Hind 變光星雲內底，嘛藏一粒足少年 ê 恆星。這幅圖 ê 構圖袂䆀。若是用 金牛座 T 星 ê 距離來推算，這幅圖有 8 光年遐爾闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220210/ 影像：Dawn Lowry, Gian Lorenzo Ferretti, Ewa Pasiak and Terry Felty 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220210.html Powered by Firstory Hosting2022-03-2302 min
NASA 逐工一幅天文圖 APOD Taigi400. Tī 夜空決鬥 ê 兩條光帶 ft. 阿錕 (20220301)夜空彼兩條光帶是啥物？咱較捷看著 ê 是正爿彼條，彼是 咱銀河系 ê 中央光帶。咱 ê 太陽 to̍h 踅咱這个 捲螺仔星系 ê 銀河盤 leh 行。所以咱 tī 銀河內底看，這个銀河盤 踮 天頂 看起來 to̍h 會 親像是一條差不多輝度 ê 光帶。咱若是 離 市區 ê 燈火 較遠 leh，規年迵天 to̍h 攏看會著 銀河帶。咱較罕得看著 ê 是倒爿彼條，彼是 黃道光。是太陽光 反射 太陽系內底 踅太陽 leh 行 ê 塗粉，發出 ê 光。黃道光 tī 太陽附近會上光，所以你 tī 日出進前 抑是 日落了後 看較會著。若是較倚北爿，拄著三、四月 ê 暗頭仔，這條 黃道光帶 to̍h 會 tī 日落了後變甲足明顯 ê。咱一直到這世紀才知影講，黃道塗粉 是 彗星行過 木星附近 ê 時陣，落落來 ê 物質。今年欲看著像這張相片按呢，兩條光帶 踮 天頂一角 排 tī 隔壁，干焦幾若擺機會爾爾。這張相片 是 一月 ê 時陣，tī 中國 四川省 康定市 一个堅凍 ê 湖 面頂 翕 ê。相片內底閣有 仙女座星系 kah 流星。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220301/ 影像：Jeff Dai (TWAN) 音樂：高小糕 GaoXiaoGao 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220301.html Powered by Firstory Hosting2022-03-2202 min
NASA 逐工一幅天文圖 APOD Taigi399. 咱這馬知影上危險 ê 恆星：龍骨座 η 星 ê 3D 模型 ft. 阿錕 (20220209)地球附近上危險 ê 恆星 是佗一粒？應該是 龍骨座 η 星，伊是一个雙星系統，差不多是太陽質量 ê 100 倍大，離地球有 1 萬光年遠。龍骨座 η 星 是一粒定時炸彈，閣 幾若百萬年 to̍h 會變做 超新星 爆炸矣，到時 規粒地球會浸 tī 危險 ê gamma-光 內底。這粒星 tī 1840 年代 ê 時陣 捌出名過，因為彼陣伊 tī 南天變足光 ê。毋閣 tī 幾若十年 ê 時間內底，伊 to̍h 變暗去矣。這粒星猶未爆炸，伊猶藏 tī 侏儒星雲內底。侏儒星雲是一个 厚-tut-tut、脹大 ê 雙球結構，伊 to̍h 包 tī 雙星系統外口。研究這款噴出來 ê 物件，會當予咱了解 kah 爆炸有關 ê 線索。咱這馬會當用 NASA 衛星太空望遠鏡 ê 觀測資料，來建構爆炸 ê 視覺化 3D 分佈。大部份 ê 結構 攏會當 tī 紅外線、可見光、kah 紫外光 看著。毋閣上外層 ê 殼有幾若百萬度 ê 溫度遐爾懸，彼干焦有法度 tī X-光波段看著。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220209/ 影片：NASA, CXC, April Hobart 文稿：Michael F. Corcoran (NASA, Catholic U., HEAPOW) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220209.html Powered by Firstory Hosting2022-03-2102 min
NASA 逐工一幅天文圖 APOD Taigi398. 特殊 ê 星系群 Arp 273 ft. 阿錕 (20220219)這張相片是 tī 後埕用 細台望遠鏡翕 ê。前景 金爍爍 ê 恆星，其實是咱 銀河系 內底 ê 恆星。毋閣相片內底有兩个顯目 ê 星系，是比咱銀河系閣較遠，差不多 3 億外 光年閣較遠。In 看起來按呢彎彎曲曲，攏是因為 in 兩个倚傷近，引潮力 煞 kā in 兩个結做伙。這兩个星系實在是 足特殊 ê，in 去予人編做 Arp 273，嘛叫做 UGC 1810。毋閣咱這馬知影，這款 交互作用星系 tī 宇宙內底，其實是真四常。像咱銀河系附近，to̍h 有一个大捲螺仔星系，仙女座星系。伊離咱有 200 萬光年遠，這馬當咧倚近咱 ê 銀河系。這个特殊 ê 星系群 Arp 273，未來嘛應該會挵做伙。Tī 宇宙 ê 時間尺度 內底，這款星系相拄 ê 現象是會一直出現，落尾 in 會合併做一个星系。Arp 273 這兩个星系 ê 星系核，實在是足光 ê。Ùi 咱 ê 角度來看，這兩个星系核互相干焦離 10 萬 光年遠爾爾。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220219/ 影像：Jason Guenzel 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220219.html Powered by Firstory Hosting2022-03-2002 min
NASA 逐工一幅天文圖 APOD Taigi397. 月光下 ê 極光 ft. 阿錕 (20220212)這个湖是 tī 瑞典 ê Stockholm 北爿 20 公里遠 ê 所在。這工 ê 月娘是膨月，冰 tī 月光下 leh 唱歌，月光 踮 堅凍 ê 湖面 照出樹仔 ê 烏影。這个迷人 ê 夜景是 tī 二月 10 號 翕 ê。極光爍咧爍咧，敢若窗仔布，tī 夜空 leh 跳舞。是講大自然 tī 北方暗暝 ê 演出，定定有這款 小型地磁風暴 造成 ê 極光。太空天氣出現暴風雨 ê 現象，是 日冕噴出物 造成 ê 影響。日冕噴出物 是 幾若工前 日珥爆發 產生 ê 物件，伊才拄掃過咱地球 ê 磁層。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220212/ 影像：P-M Hedén (Clear Skies, TWAN) 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220212.html Powered by Firstory Hosting2022-03-1901 min
NASA 逐工一幅天文圖 APOD Taigi396. M1：毛蟹星雲 ft. 蔡老師 (20211224)毛蟹星雲 ê 編號是 M1，伊毋是彗星，是 18 世紀 Charles Messier 星表頭一个天體。實際上，咱這馬已經知影 毛蟹星雲 其實是一个 超新星殘骸，是大質量恆星死亡爆炸了後 ê 雲屑仔。天文學家 tī 1054 年 ê 時陣 to̍h 有發現伊 矣。這是用 地面望遠鏡翕 ê 影像，是 kā 闊頻 kah 狹頻資料鬥做這張遮爾清楚 ê 彩色相片。狹頻資料是追蹤硫磺離子、水素離子、酸素原子 ê 發射線，是欲探索 脹大星雲 內底交纏做伙 ê 雲絲。對現代天文學家來講，其中上特別 ê 天體是 毛蟹星雲脈動星，to̍h 是相片中央上光彼粒，這是一粒一秒鐘踅 30 擺 ê 中子星。這粒恆星核心崩塌 ê 殘骸 to̍h kah 宇宙發電機 仝款，伊是毛蟹星雲 ê 動力來源，予伊 tī 電磁波頻譜產生發射線。毛蟹星雲差不多是 12 光年闊，伊 tī 金牛座 內底，離咱干焦 6500 光年遠爾爾。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211224/ 影像：Michael Sherick 音樂：P!SCO - 鼎鼎 聲優：蔡老師 翻譯：An-Li Tsai (NCU) 原文：https://apod.nasa.gov/apod/ap211224.html Powered by Firstory Hosting2022-03-1802 min
NASA 逐工一幅天文圖 APOD Taigi395. 兩个朋友中央 ê 星系 ft. 蔡老師 (20211106)8 月 ê 一个暗暝，有兩个朋友 peh 到 Alps 山 tī 法國這爿 ê Plateau d'Emparis 山了後，to̍h 踮遮 享受這个風景。Tī 2400 公尺懸 ê 所在看--著 ê 天頂實在是真清楚。這幅 chhāi 直 ê 全景圖前景，去予已經 lòe--去 ê 月光照予光。全景圖 ê 倒爿邊仔爍咧爍咧 ê，是綴銀河盤咧行 ê 仙后座 kah 英仙座 ê 恆星。仙女座星系 看--起來敢若是一片較暗 ê 雲，內底有一粒較光 ê 核心。這个星系 to̍h tī 這个暗暝 chhāi tī 兩个朋友 ê 頭殼頂。仙女座星系 是 離咱上近 ê 大捲螺仔星系，伊是比咱銀河系內底 ê 恆星閣較遠。Tī 這个暗暝，銀河外 ê 星系 景色毋若按呢，天頂猶閣有一个暗暗霧霧 ê 光點，to̍h 拄仔好 chhāi tī in 兩个人中央。這个光點是 M33，就是咱熟似 ê 三角星系。三角星系是 本星系群 第三大 ê 星系，排 tī 仙女座星系 kah 銀河系後壁，伊差不多離咱有 300 萬光年遠。Tī 這暗，這兩个朋友 ê 距離干焦 3 光奈秒 近爾爾。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211106/ 影像：Martin Lefranc 音樂：P!SCO - 鼎鼎 聲優：蔡老師 翻譯：An-Li Tsai (NCU) 原文：https://apod.nasa.gov/apod/ap211106.html Powered by Firstory Hosting2022-03-1702 min
NASA 逐工一幅天文圖 APOD Taigi394. Mirach ê 幽靈 ft. 蔡老師 (20211028)若是講著鬼，Mirach ê 幽靈 敢若無遐爾 恐怖。Mirach ê 幽靈 是一个暗暗霧霧 ê 星系。毋閣天文學家知影講，伊拄仔好 kah 一粒足光 ê 恆星 Mirach ê 視線方向 giōng-欲仝。Mirach 嘛叫做 仙女座 β，to̍h tī 這个星場 ê 中央。Mirach 是一粒 紅巨 星，離咱有 200 光年遠。伊比太陽較冷，毋閣比太陽較大粒，伊實際上嘛比太陽較光。Ùi 大部份 ê 望遠鏡來看，爍光 kah 繞射光尖 藏 tī Mirach 附近 ê 天體，才會予 這个暗暗霧霧 ê 星系 看起來 敢若是 反射 Mirach 恆星光 ê 結果，to̍h 親像是伊 ê 幽靈仝款。Tī 這張清楚 ê 相片 內底，Mirach ê 正爿面頂有 Mirach ê 幽靈，伊去予編做 NGC 404，離咱有 1000 萬光年遠。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211028/ 影像：John Chumack 音樂：P!SCO - 鼎鼎 聲優：蔡老師 翻譯：An-Li Tsai (NCU) 原文：https://apod.nasa.gov/apod/ap211028.html Powered by Firstory Hosting2022-03-1601 min
NASA 逐工一幅天文圖 APOD Taigi393. NGC 6559：Tī 內海仔星雲東爿 ft. 蔡老師 (20211007)內海仔星雲嘛叫做 M8，tī Charles Messier 編 ê 彼个有名 ê 星雲星團目錄內底排第八。若是 kā 你 ê 望遠鏡徙 tùi 內海仔星雲 ê 東爿，你 to̍h 會 tī 銀河中心有足濟恆星 ê 人馬座 星場，揣著這个 迷人 ê 景色。這个星雲複合體雖然 離咱真近，煞比 M8 小可仔較暗，無排 tī Messier ê 目錄內底。伊是 tī 正爿 ê 恆星形成區 NGC 6559，內底有閘光 ê 塗粉，顯目 ê 紅色發射星雲，kah 藍色反射星雲。Kah M8 仝款，tī 大型分子雲邊仔 ê NGC 6559 離咱差不多是 5000 光年遠。Tī 這个距離，望遠鏡視野差不多是 3 粒月娘闊，to̍h 是 130 光年闊。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20211007/ 影像：Roberto Sartori 音樂：P!SCO - 鼎鼎 聲優：蔡老師 翻譯：An-Li Tsai (NCU) 原文：https://apod.nasa.gov/apod/ap211007.html Powered by Firstory Hosting2022-03-1501 min
NASA 逐工一幅天文圖 APOD Taigi392. 冰島天頂 ê 捲螺仔極光 ft. 蔡老師 (20210912)天頂是發生啥物代誌？是極光啦！這个極光 是 tī 2015 年翕 ê。因為伊遮爾光 koh 發展遮爾緊，才會予 冰島 人注意著。這个極光是 ùi 太陽風暴來 ê。風暴內底有 ùi 太陽爆發出來 ê 高能粒子，幾工後 會 ùi 保護地球 ê 磁層 ê 閬縫 迵入來。雖然講 咱有法度 辨識 這个 捲螺仔花樣。毋閣有 創造力 ê 人 可能會 kā 這个複雜 ê 光 當做是 凊凊彩彩 to̍h 看會著 ê 大氣 幻影。這張相片 ê 前景是 tī Ölfusá 河，彼當陣 ê 路燈 kā Selfoss 市 ê 橋照甲 光-iàⁿ-iàⁿ。低雲後壁 ê 月娘 是十五暝左右。太陽 ê 活動 會 影響著地球 ê 極光。太陽活動極小期 按照歷史來看，會恬 11 冬。極小期結束了後，極光嘛會沓沓仔增加。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20210912/ 影像：Davide Necchi 音樂：P!SCO - 鼎鼎 聲優：蔡老師 翻譯：An-Li Tsai (NCU) 原文：https://apod.nasa.gov/apod/ap210912.html Powered by Firstory Hosting2022-03-1403 min
NASA 逐工一幅天文圖 APOD Taigi391. 白厝頂 歇陣噴泉 頭頂 ê 極光 ft. 阿錕 (20220220)有當時仔天地會做伙爆發。這个多彩 ê 極光，幾若年前突然間爆發。彼當陣 青色極光 tī 地平線附近出現，顯目 ê 紅色極光帶 tī 較懸 ê 天頂爆發。這張相片 to̍h 親像一幅圖遐爾媠。較光 ê 月娘 tī 前景 leh 發光，一寡仔 咱較熟 ê 恆星 to̍h chhāi tī 遠方。這个細膩 ê 天文攝影師，有計畫欲鬥一張大張 ê 影像。伊 tī 美國 黃石國家公園 ê 白厝頂 歇陣噴泉 遐，kā 伊計畫中 ê 畫面一張一張翕起來。結果有影，半暝了後，白厝頂 歇陣噴泉 to̍h 爆發 矣。伊 kā 溫泉水柱 kah 水蒸汽 噴到天頂，噴到幾若公尺懸 ê 所在。歇陣噴泉 ê 溫泉水 去予 幾公里深、燒燙燙 ê 岩漿 滾甲變做水蒸汽，才鑽過岩石 ê 閬縫，噴到地表。差不多有一半較有名 ê 歇陣噴泉，攏是 tī 黃石國家公園 內底發生 ê。造成極光 ê 地磁風暴 會 tī 一工內消失，毋閣 白厝頂 歇陣噴泉 會繼續每 30 分鐘噴一改。 ——— 這是 NASA Astronomy Picture of the Day ê 台語文 podcast 原文版：https://apod.nasa.gov/ 台文版：https://apod.tw/ 今仔日 ê 文章： https://apod.tw/daily/20220220/ 影像：Robert Howell 音樂：P!SCO - 鼎鼎 聲優：阿錕 翻譯：An-Li Tsai (NCU) 原文：https://apod.nasa.gov/apod/ap220220.html Powered by Firstory Hosting2022-03-1302 min
Santos do Fundão#043 - Beata Anna Maria TaigiFaaaaaala Santidade!
Você conhece a Beata Anna Maria Taigi?
Ela nasceu em Siena, em 1769, numa família burguesa e de tradição cristã. Ainda pequena se deparou com a dor de perder os pais e ficar órfão. Essa é mais uma santa mística, que recebeu importantes dons de Deus, como o de sabedoria, discernimento espiritual e profecia. Uma mulher extraordinária, que usou os seus dons a serviço da igreja.
E o que a beata tem a nos dizer? Muita coisa! Ela viveu as mesmas dificuldades que muitas famílias enfrentam hoje. Ouça o no...2021-08-041h 25
Nicky PíoAnna María Taigi, esposa, madre y mística.Anna María Taigi durante muchos años, cuando oraba en su capilla, tuvo frecuentes visiones y éxtasis, en los que preveía el futuro. Se dice que predijo la caída y muerte de Napoleón Bonaparte. También se afirma que un día se le aparecieron la Virgen María y el Niño Jesús sentados dentro del sol, y que fue la segunda mujer del siglo XIX en ser estigmatizada. Dios se manifestaba en Ana María donde ella se encontrara, en medio de cualquier tarea, por medio de visiones, de éxtasis, a tal punto que decía con...2021-07-2345 min
Sê SantoQual a relação entre o tempo e o Matrimônio? Quem foi a Beata Anna Maria Taigi?O tempo deve ser bem vivido e ordenado para as coisas do Alto, assim se dá o salto para a Santidade.
Hoje falaremos sobre uma mulher leiga, casada, mãe, do lar, mística e terciária. A Beata Anna Maria Taigi dedicou-se aos filhos, esposo, pobres e demais filhos de Deus, deixou-se ser guiada, dentro da rotina do lar e da maternidade biológica e espiritual, para o caminho de santidade que o Senhor escolheu para ela. Em tudo compartilhou com os irmãos, seus bens materiais e espirtuais, para a honra do Criador e para a...2021-07-1807 min
The IslandersEpisode 58: A Conversation with A-Hua-Sai II: For The Love of TâigíWe continue our conversation with A-Hua-Sai in this episode, and we talk more about his motivation and methods in restoring Tâigí as a language. What can we do more to protect it? Listen to this episode to hear the fascinating story between a man and his mothertongue. Powered by Firstory Hosting2020-11-2124 min
The IslandersEpisode 57: A Conversation with A-Hua-Sai I: Tâigí is DyingA-Hua-Sai is a protector of Taiwan’s mothertongues with Tâigí being his forte. This week we talk to him about his day job as a popricer(What’s that? Listen to find out!), and how our local languages are dying. Powered by Firstory Hosting2020-11-1826 min
Absorb This Ground-Breaking Full Audiobook — Perfect This Weekend.Blessed Anna Maria Taigi by Bob Lord, Penny LordPlease visithttps://thebookvoice.com/podcasts/2/audible/6131to listen full audiobooks.
Title: Blessed Anna Maria Taigi
Author: Bob Lord, Penny Lord
Narrator: Bob Lord, Penny Lord
Format: mp3
Length: 26 mins
Release date: 05-12-20
Ratings: 5 out of 5 stars, 6 ratings
Genres: Religious
Publisher's Summary:
This story is about another who suffered, only as a Dry Martyr for her Lord, a willing victim of sacrifice for her Church. Just as Blessed Anna Maria Taigi was being born in Italy, another child was coming into the world, Napoleon Bonaparte. When Anna Maria opened her eyes and let out her first cry, it was to...2020-05-1226 min
Modelos De FeBeata ana maria taigi-10 de junioDurante el siglo XIX una de las mujeres más populares y de mayor fama de santidad en Roma, fue Ana María Taigi, una sirvienta, esposa de un obrero.
Nació en 1729 en Siena (Italia). Su padre quedó en la más absoluta pobreza y se fue a vivir a Roma. La pusieron unos meses en la escuela, pero luego llegó una epidemia de viruela y cerraron la escuela. Ella medio aprendió a leer, pero no aprendió a escribir. Apenas medio garrapateaba su firma y nada más. Su familia vivía en una mísera casucha en un barrio pobre de Ro...2015-06-1000 min