Shows
Perhaps She Will013: End of The Great Galactic War (3,667 to 3,653 BBY)0:00 Intro1:43 News2:50 The Retaliation of Abyserys55:06 Knights of the Sith Empire1:17:15 Deceived1:39:21 Timeline: The Treaty of Coruscant1:44:48 Closing CreditsAugust 17, 2025This week's episode takes place between the years 3,667 and 3,653 BBY, at the end of the Great Galactic War. Daddy-Daughter hosts Joseph Kyle Rogan and Patience Eva Rogan explore the final two fan films in Jackson Smith’s Dark Conquest Trilogy: “The Retaliation of Abyserys” and “Knights of the Sith Empire”; the Old Republic cinematic, “Deceived”; and the final (aka first) Old Republic T...
2025-08-181h 48
Tipsy.podcast - 非主流文化導覽[2024年11及12雙月號]當下：從一吸，到一呼#44十一月一次聽演唱會，突然有一種「害怕失去快樂」的感覺。但與其浪費寶貴的時間在無用處的擔憂上，倒不如好好把握這十數首歌的時間。
今集由演唱會，談到睡覺前的小練習，再談談聖誕節。
Merry Christmas and Happy New Year!
-
另外，2025年本頻道將改為不定期更新(again)，多謝各位一直的收聽！
-
收聽及IG連結：https://linktr.ee/tipsy.podcast
2024-12-2418 min
Tipsy.podcast - 非主流文化導覽[2024年10月號]心扉：從未醉前的你和我，到交換心底話後的我們#43歌單：已因版權刪去(2026 Jan)-今個10月係由故事組成嘅月份，由朋友的感情世界，到工作場合與client對特攝嘅交流，再到那程地鐵上聽到一間租碟鋪與她的故事。今集由我小時候那想聽遍世間故事嘅志願，談到關係與交換心底話嘅聯繫。一些大事我們會在社交平台上與成百上千人分享，而那些瑣碎的日常我們只會留給最親密嘅人。你又把那些日常分享給誰了呢？-收聽及IG連結：https://linktr.ee/tipsy.podcast
2024-10-3111 min
Tipsy.podcast - 非主流文化導覽[2024年9月號]選擇：從留下X，到放棄Y #42歌單：N/A (今集自己揀！)
-
從一個免費的櫃，到執屋。從執屋，到選擇A不要B。從選擇出席中秋節不同活動，到談起《不丹沒有槍》。從不丹，到談起老子的《小國寡民》。
-
收聽及IG連結：https://linktr.ee/tipsy.podcast
2024-09-3018 min
Tipsy.podcast - 非主流文化導覽[2024年8月號]興趣：從三分鐘熱度，到只有心流一件事#41歌單：已因版權刪去(2026 Jan)-距離上集七月號只有一星期，原本正擔心沒有時間和內容準備八月號。即使這個擔憂成真，還好在這八月的最後一個星期，聽了演唱會，見了朋友，和可愛的人散了步，並從其中提取了今集內容。其中一位見了的朋友熱情地分享她對新興趣的熱愛，所以就談談「興趣」吧。從咖啡，談到三分鐘熱度，談到興趣的「抗藥性」，再談到「心流」狀態。-收聽及IG連結：https://linktr.ee/tipsy.podcast
2024-08-3116 min
Tipsy.podcast - 非主流文化導覽[2024年7月號]理解：從陪伴身邊人，到嘗試理解愛的光芒#40歌單： 已因版權刪去(2026 Jan)從台劇《不夠善良的我們》中，簡慶芬(楊依晨飾) 與丈夫何瑞之(賀軍翔飾)之間空有陪伴，沒有理解，最終婚姻破碎收場嘅關係，再以《Robot Dreams》，《長夜盡頭的微光》中主角之間如何去理解「愛」以及理解「對方」嘅故事，去同大家講一講「理解」在「愛」之中嘅重要性。今集從電視劇與電影，談到如何愛。-收聽及IG連結：https://linktr.ee/tipsy.podcast
2024-07-2313 min
Tipsy.podcast - 非主流文化導覽[2024年6月號]長大：從充滿蜜瓜的初夏，到第一次看彩虹的瞬間#39歌單：Luna Is A Bep & 林超英 CY Lam 〈超英歌〉(Buy Less Buy Better) -你嘅夏天盛載住咩味道？你第一次睇彩虹嘅心情又係點嘅呢？今集從蜜瓜蛋糕，講到小朋友以及他們背後的家庭。-收聽及IG連結：https://linktr.ee/tipsy.podcast
2024-06-3012 min
Tipsy.podcast - 非主流文化導覽[2024年5月特別號]海的想像#38SP歌單：岑寧兒 -風的形狀-5月特別號 - 特別體驗。記在天星小輪上遊維多利亞港的感受。-影片版本可在Spotify 上或在IG @tipsy.podcast 觀看。-收聽及IG連結：https://linktr.ee/tipsy.podcast
2024-05-3010 min
Tipsy.podcast - 非主流文化導覽[2024年4月號]四月：從按下快門的那一刻到發現你相中展露的笑容#37歌單：已因版權刪去(2026 Jan)-今集由日本愛情電影，講到攝影對我嘅意義。-收聽及IG連結：https://linktr.ee/tipsy.podcast
2024-04-3017 min
Tipsy.podcast - 非主流文化導覽[2024年3月號]告別：從不捨到不忘#36歌單：已因版權刪去(2026 Jan)-三月中嘅時候呢，因為大坑西邨嘅居民迎嚟最後搬遷嘅期限。有一個朋友約埋我，去嗰度兜兜轉轉一下。當中呢我哋傾咗唔少嘅話題，其中一個，係出生地嘅選擇。(以下係一個例子嚟嘅)我問過佢：「如果俾你再揀一次，你會唔會再揀石硤尾做你由細到大成長居住嘅地方啊？」佢諗左諗，答我：「都唔會轉。都習慣咗啦，都住咗廿幾年。」停頓左一秒，佢補充：「係囉，我喺一個由細到大住咗廿幾年嘅地方都咁唔捨得，更何況係呢一度呢一班住咗喺大坑西邨幾十年嘅街坊呢。」-呢個係一個告別嘅時代。縱然呢啲告別，唔一定係我哋自願選擇嘅。我地仍然要好好講每一次再見。正如我哋每日都見到夕陽落下一樣，即使每日都有都好，每個夕陽仍然都值得我哋停落嚟，駐足細看。-「勇敢地結束的人，會被獎勵一個好嘅開始」-收聽及IG連結：https://linktr.ee/tipsy.podcast
2024-03-3018 min
Tipsy.podcast - 非主流文化導覽[2024年2月號]距離：從朦朧的歷史到油麻地避風塘#35歌單：已因版權刪去(2026 Jan)封面圖：莫內 - Woman with a Parasol – Madame Monet and Her Son-「距離成就幻想」當故事遠去，會變成傳說。當故人離去，會成為甚麼？但那人的確曾經存在。-台灣228事件今年77周年。「77」係一個朦朧嘅數字，但其實離我地並唔遠。因為每個歷史都實實在影響我地嘅當下。用第一身視角寫下嘅social media post會係點嘅呢？-然後再同大家講下《葬送的芙莉蓮》同今個月參加嘅一個散步團，原來可以由油麻地好輕鬆咁行去油麻地避風塘/西九文化區。咩都講下咁，以上。-收聽及IG連結：https://linktr.ee/tipsy.podcast
2024-02-2917 min
Tipsy.podcast - 非主流文化導覽[2024年1月號]木漏れ日：從堅尼地城海旁到富士山下吉田町#34歌單：Lou Reed - Perfect Day -久違地更新podcast，祝大家2024年新年快樂！唔知大家有無試過獨遊？係咩原因令你會/唔會咁做？主持喺2024年一月上旬去左日本一轉，就同大家分享下當中有趣的一場相遇。再就住新上映的電影《新活日常》，同大家查下「木漏れ日」嘅意思，同埋發掘一下我地可以從一個咩角度去審視「重複」的日常生活。-感謝富士山下的那場對話，有緣再見。-收聽及IG連結：https://linktr.ee/tipsy.podcast
2024-01-3022 min
Tipsy.podcast - 非主流文化導覽《孤獨 - 羈絆》-SB33Reference list:
新世紀福音戰士Air/真心為你；
Existential Psychotherapy - Irvin Yalom；
Desert Places - Robert Frost；
The Art of Loving - Erich Fromm；
浣溪沙·一向年光有限身
-
人同其他心靈之間無法跨越嘅鴻溝、一種更加基本嘅孤獨人同世界嘅分離 -
就係「存在孤獨」
人由一出世開始，感官慢慢成長，由分辨顏色形狀，再到辦別出人與人之間的不同。
而當嬰幼兒發展出「分辨」的能力，就擁有了理解「你我之別」的基礎。
兒童繼續成長，就從母親處獨立，由「a part of mother」，變成「apart from others」。
成長，令人需要獨個面對具有壓倒性優勢的危險世界。
而呢一種對「獨個」恐懼，並非外在世界對我們的攻擊，而是我們人類內心「荒原」永有的內在感覺。
-
Desert Places by Robert Frost (節錄)
/They cannot scare me with their empty spaces
/Between stars - on stars where no human race is.
/I have it in me so much nearer home
/To scare myself with my own desert places.
-
而這種人類對「孤獨」的恐懼，就是建立人際關係的驅動力。
建立有意義的關係，是對抗孤獨的主要力量，
而有關我們要建立有意義的連繫，
不在於挑選「對象」，而是一種看待世界的態度：
-
愛
應該係一種態度
一種看待世界嘅態度
當我地可以更加好咁去愛呢個世界
我地就可以更加好咁去愛每一個人。
-
/愛是人身上的主動力量
/如果我真正看一個人，我就會愛所有人，就會愛世界，就會愛生命。
-
留意：本集後tipsy.podcast更新頻率更改為不定期更新，敬請留意。
-
收聽
2023-09-1718 min
Tipsy.podcast - 非主流文化導覽[真心大推]🎮VA-11 HALL-A -WK20歌單：
CALICOMP 1.1 Startup；
Every Day Is Night - Garoad VA-11 HALL-A Soundtrack
-
Cyberpunk Bartender Action VA-11 HALL-A係一款Visual Novel，玩家操縱住主角 - Jill，一位煩惱住交帳單嘅bartender，以奉上唔同種類嘅酒去推動故事發展。即使我地影響唔到酒吧出面發生緊嘅事，至少我地可以確保客人今晚有美好嘅體驗。Time to mix drinks and Change lives！
-
遊戲售價 HKD79，如果大家仲心思思諗緊買唔買嘅話可以去先搵下soundtrack 聽下先！
-收聽及IG連結：https://linktr.ee/tipsy.podcast
2023-09-1015 min
Tipsy.podcast - 非主流文化導覽《無意義》_____- SB32開首：Oppenheimer(2023)歌單：ADOY - It Doesn't Even Matter, per se - 慶祝無意義.-(以下內容因篇幅關係有所省略，詳細請至podcast 平台收聽或閱讀spotify上的文字版)-當我地意識到世界之大、宇宙之大嘅時候，都不禁感嘆，人力量有限，生命亦不過數十載，可能因為一次大地震，隕石襲地球，太陽黑子風暴，而令我地所作所為灰飛煙滅，歸於虛無。 我地的行動、成就，都看似係如此渺小，無意義的。 如果大家係一路跟隨住tipsy.podcast成長嘅聽眾，或者有去聽翻舊集數，大家就會知道，tipsy.podcast喺第一季嘅時候，簡略咁同大家就住存在主義心理治療嘅題目講左一集，入面提到人生嘅四大終極關懷ultimate concern，就係：「死亡」、「自由」、「存在孤獨」，以及「無意義」。 而就住前2個題目 - 「死亡」，「自由」，大家分別可以喺集數SA06，同SA16聽翻，分別同大家講海德格嘅向死而生，以及佛洛姆嘅逃避自由。 今集同大家講下四大終極關懷之中嘅：「無意義」 - 「意義」 - 或者可以用其他嘅字眼黎理解，例如係目的、答案。 我地人類，係因為一個咩野目標、意義而誕生嘅呢？ 人作為一個生存喺時間維度嘅生物，其中一個尋找意義嘅方向，就係回歸事物被創造嘅當下。 正如一個水杯，係因為有液體需要被盛載而被創造，人類，又係因為咩原因而被創造嘅呢？而呢個被創造嘅源起，又係唔係意義所在呢？喺呢度，容許我先從宗教角度談起。 聖經 - 舊約全書/上帝說：「我們要照著我們的形象、按著我們的樣式造人，/使他們管理海裡的魚、空中的鳥、地上的牲畜，和全地，並地上所爬的一切昆蟲」。/上帝就照著自己的形象造人，乃是照著他的形象造男造女。 而上帝造左男人出黎之後佢又有以下嘅諗法 /耶和華上帝說︶/「那人獨居不好，我要為他造一個配偶幫助他」/耶和華上帝使他沉睡，他就睡了；/於是取下他一條肋骨，又把肉合起來。/耶和華上帝就用那人身上所取的肋骨造成一個女人。 我想講嘅嘅上述一段經文之中，有關女性被創造出黎嘅段落。從文字上黎睇，女性就係因為「那人獨居不好」，呢一種以現今角度看來微妙又奇怪嘅原因，而被創造出黎。 點解我只係講女性被創造嘅原因，而唔係男性嘅呢？ 最簡單嘅原因，就係因為我地每個人都係阿媽生嘅。如果你相信人類有一種物種嘅延續性，咁樣每個兒女都承繼住母親嘅某樣事物。 我喺呢一度借用一下昆德拉嘅文字黎繼續敘述一下呢個講法。昆德拉《無謂的盛宴》對肚臍有一種執迷。 呢本書有一個男性角色叫做亞瀾，自出生就被母親扔棄，由父親獨自撫養。因為佢對於母親無絲毫嘅記憶，所以佢就喺腦海入面想像一個虛構嘅母親出黎，並且一直同想像中嘅母親對話。 書本一開頭，亞瀾就對現今女性嘅裝束傾向於露出肚臍有一種不解。 大腿、屁股、乳房，都有住「性」吸引力 而肚臍， 比起大腿，屁股，乳房，又點解令人熱忱其中呢？ 呢一個問題，去到書嘅結尾，亞瀾腦海中嗰個想像嘅母親嘗試俾出一個答案，以下黎自篇章 (原文請自行參閱《無謂的盛宴》) 文章之中寫到夏娃係因為創造者嘅「心血來潮」而被創造，而之後毫無快感嘅交媾，創造夏娃嘅無數後代。 一棵由數百萬個數百萬陰戶連繫住嘅臍帶所構成嘅參天生命大樹，就扎根喺夏娃- 一個女人之上。 連同我閞初所講，如果母親同子女之間存在住一種延續性，子女承傳住母親嘅生命意義，咁我地追本尋源，就會發現現今數百萬又數百萬個生命就係源自於創造者嘅心血來潮之上，一個無意義嘅心血來潮之上。 我地嘅誕生，原來並無伴隨住意義同目的。 - 喺一啲人眼中，生命係一場要盛裝出席嘅宴會。喺昆德拉眼中，生命，就只係一場無謂嘅鬧劇。 所以就有左呢一本書嘅書名 - 《無謂的盛宴》 - 而喺距離昆德拉所在嘅法國八千多公里嘅黃土大陸，時隔大約二千年前嘅東漢。有一部詩集收編嘅一首詩，都對虛無嘅人生有一番抒發，並且俾出一個解決人生虛無嘅答案。 今日良宴會，歡樂難具陳。彈箏奮逸響，新聲妙入神。令德唱高言，識
2023-09-0329 min
Tipsy.podcast - 非主流文化導覽[每周一推] 🎼溫蒂漫步 Wendy Wander - WK19歌曲：溫蒂漫步 - 我想和你一起.-What's the romance in your mind ?The time when you received the letter you waited for day and night ,the old movie's relaunched ,or just embrace and dance in the heavy rain .We all pray for the love we dream of in the different ways .Dye everything in pink , and let spring melt in the dream .-喺嘅MV下面嘅comment，有一句我同好多其他人都讚同：「這種歌就是屬於那種 - 你很想唱，但在包廂 (卡啦OK) 裡卻永遠點不到的那首」。-收聽及IG連結：https://linktr.ee/tipsy.podcast
2023-08-2013 min
Tipsy.podcast - 非主流文化導覽[旅行2]🛬光陰似箭與心靈的包袱 -SB31開場：與雪女同行吃蟹
結尾：陳綺貞-旅行的意義
-
襯屋企人身體健康，就好好花時間陪伴。同屋企人出遊，係負擔，係一種甜蜜嘅負擔。
-
而一個人旅行，你會發覺人所需嘅物質行李十分少，反而心靈包袱麻煩許多。
-
收聽及IG連結：https://linktr.ee/tipsy.podcast
2023-08-1320 min
Tipsy.podcast - 非主流文化導覽[每周一推] ❔チ。-地球の運動について- 魚豊 - WK18歌單：amazarashi 『カシオピア係留所』feat. 「チ。」
-
地球。血液。知識
-
傳承感動，在近乎無限嘅宇宙，我地人類仍然可以以有限嘅生命，繼承先人智慧，結合自己嘅經驗，再將「感動」交給下一代。
-
如果你仲十五十六諗緊睇唔睇呢套漫畫，可以再睇埋下面由amazarashi寫嘅『カシオピア係留所』嘅歌詞，呢首係一首直接啟發自《チ。》嘅歌。
-
/生後間もない詩を引き連れ
出生後不久就帶領著詩文 /桑の枝に旋律を括り付け
將旋律綁在桑樹的樹枝上
/制服の丈に似合わない
制服尺寸不合身
/言葉らを鞄に忍ばせて
話語藏進包包裡
/カシオピア係留所の灯りの下在仙后座停泊處的燈光之下
/逃れられない君の影の常に逆に
面對無法逃離的你的影子
/進むべき光
光應該要總是背道而行
生まれながらに記されてた
天生就被記載上
/足元にある宇宙の影絵
腳邊有著某個宇宙的剪影
/カシオピア係留所の灯りの下
在仙后座停泊處的燈光之下
/秘めた意志 急かす未知
秘藏的意志 催促的未知
/受け取って手渡すこと
接收並傳遞下去
身を焦がした この好奇心が身を滅ぼすと 知ったとしても
即使知道 焦躁難耐的 這份好奇心 將會摧毀自己
/消えたりしなくて どうせ灰になるなら
也不願任其消失 既然最後都會化為灰燼
/いっそ書きとめて
不如就寫個盡興深く沈める 冷たくなる
那些深深沉於 逐漸冷卻的
/胸の奥の方 胸の奥の方
心底深處之物 心底深處之物
/この世にあるほとんどのものが 若這世上大部分的東西
/成し遂げた奴らの血の跡としたら
都是達成使命之人留下的血跡
この痛みだけは彼らと似ている那我只有痛楚與他們相似
/躊躇せず それを書き足せ 不帶躊躇地 添寫上去吧
/その痛みは共通言語だ
那份痛楚即是我們的共通語言啊
/夜空を塞ぐ星座に睨まれて
被堵塞夜空的星座給盯上
/大きなものの一部だと悟った
便領悟自己只是滄海一粟だけど迷い、選ぶ意志は 自分の中にあると知って
儘管迷惘，也明白 選擇權就在自己心中
/カシオピア係留所の灯りの下
在仙后座停泊處的燈光之下
/届かないならそれでいい
抵達不了也沒有關係
/果たせないことが辛いよ
畢竟前功盡棄多麼難受
願うことも吹き消したとき 訪れた闇
當連願望都被吹散時 黑暗隨即降臨
でも本当は但其實
/消えたりしなくて どうせ灰になるなら
也不願任其消失 既然最後都會化為灰燼
/いっそ書きとめて
不如就寫個盡興
深く沈める 冷たくなる 那些深深沉於 逐漸冷卻的
/胸の奥の方 胸の奥の方
心底深處之物 心底深處之物
長い旅路 多くの涙と 漫長旅途 與無數眼淚
/苦悩の果てに やっと見つけた
在苦惱的盡頭 終於找到的
/原型も時に 容易く盗まれて根源有時也會 被輕易盜取
/痛てえと笑い それを書き足せ 笑著喊痛地 添寫上去吧
/その痛みは共通言語だ
那份痛楚即是我們的共通語言啊
/それはまだ空が語る以前の
那是在天空尚未述說之前
/願い達が残した書置き
心願們就留下的遺言
/痛みの堆積が歴史だ 痛楚堆積成為歷史
/それが僕らの最初の武器
即是我們最初握有的武器
/カシオピア係留所の灯りの下在仙后座停泊處的燈光之下息を止めないで どうせ灰になるなら
不要停止呼吸 既然最後都會化為灰燼
/いっそ燃やして
不如就燃燒自己
2023-08-0617 min
Tipsy.podcast - 非主流文化導覽[旅行1] 🛫從旅行歸來，在香港才水土不服？ -SB30開場：(非廣告)麒麟一番搾 - 一番一會・盡享這瞬間
結尾：郁可唯 - 路過人間
-
無謂用旅行中的美好去對比平日生活的不好。
-
收聽及IG連結：https://linktr.ee/tipsy.podcast
2023-07-3020 min
Tipsy.podcast - 非主流文化導覽[每周一推] 🎷BLUE GIANT - WK17歌曲：BLUE GIANT - Hiromi.-一套能夠「聽見」音樂的漫畫-收聽及IG連結：https://linktr.ee/tipsy.podcast
2023-07-2313 min
Tipsy.podcast - 非主流文化導覽《Kitsch》遠走係為左捲土重來？留低就係慷慨就義？昆德拉與哈維爾- SB29歌單： Rubberband - CIAO.-今集以昆德拉對「媚俗」(Kitsch)嘅討厭為引子，同大家講講「留低」以及「遠走」 - 兩個行為本身並唔擁其以外的價值。如同昆德拉喺1975年由捷克出走到法國一樣，一個「流亡的知識份子」並唔需要被世人所強加的 ：「流亡者 = 海外抗爭」嘅情緒以及價值捆綁。-對莎賓娜來說，做[女人]，是她不曾選擇的一個景況。一件事如果不是選擇所造成的結果，我們就不能當他是功績，也不能當他是失敗。面對強加在我們身上的狀態，莎賓娜心想一定得找到一種正確的態度來面對他。在她看來，抗拒身為[女人]這件事是荒謬的以身為[女人]為榮也是荒謬的。試以[國藉]取代[女人]一詞，得出昆德拉對國藉的看法。-人出生，不能選擇的有二：國藉與性別。隨住科技進步，人可以重新選擇性別。當我地有能力移民嘅時候，亦可以重新選擇國藉。移民就係移民，唔好胡亂將「走」以及「留」強行地附加意義。決定「走」的人對「留下來」的人沒有虧欠，「留下來」的人亦非比「走了」的人愚笨。不要被「強加的價值(aka 媚俗)」左右選擇。對自己忠誠即可。-收聽及IG連結：https://linktr.ee/tipsy.podcast
2023-07-1623 min
Tipsy.podcast - 非主流文化導覽[每周一推] 🎼達明一派- 今夜星光燦爛- WK16歌：達明一派- 今夜星光燦爛
-
沒有「第三隻腳」的談判桌
漫無目的嘅晚上
霓虹燈映照下嘅街道
兩個失意的孩子漫遊
作出悲觀嘅預測
到此為止嘅光輝
你會留在這艘「通往成功的快船」嗎？
-收聽及IG連結：https://linktr.ee/tipsy.podcast
2023-07-0211 min
Tipsy.podcast - 非主流文化導覽《那情》逝去感情如何留得住？楊絳-SB28聲帶：賭俠歌單：徐小鳳 - 變色感情.-/變色感情誰人留得住/再等痴情回流殊不易/太多淒淒楚楚的心事/你不知道 亦不想講你知-今集透過楊絳回憶逝去丈夫錢鍾書，及女兒錢媛嘅書- 《我們仨》。同大家講下我地可以點樣學楊先生一樣去面對至親至愛離去之痛。無論你面對嘅係失戀、愛人過身、寵物離世、定要離開居住嘅城市都好，面對「逝去的感情」以及「得不到回應的愛」都唔容易。如果大家有住《變色感情》入面歌詞嘅「亦不想講你知」呢一個諗法，不妨透過其他方式宣發情緒。今集最後十分簡短咁同大家講-「講嘢唔一定需要講出嚟」。藝術創作都可以宣發情緒。-keyword: 藝術治療-《錢鍾書贈楊絳之十絕句》廿載猶勞好護持 氣粗語大舊吟詩而今律細才偏退 可許情懷似昔時少年情事宛留痕 觸撥時時夢一溫秋月春風閑坐立 懊儂歡子看銷魂纈眼容光憶見初 薔薇新瓣浸醍醐不知靧洗兒時面 曾取紅花和雪無遠行汗漫共乘槎 始識勞生未有涯從此繙書拈筆外 料量柴米學當家弄翰然脂詠玉台 青編粉指更勤開偏生怪我耽書癖 忘卻身為女秀才世情搬演栩如生 空際傳神著墨輕自笑爭名文士習 厭聞清照與明誠荒唐滿紙古為新 流俗從教幻認真惱煞聲名緣我損 無端說夢向痴人百宜一好是天然 為說從來鏡懶看拈出夭韶餘態在 恰如詩品有都官雪老霜新慣自支 歲寒粲粲見冰姿暗香疏影無窮意 桃李漫山總不知黃絹無詞誇幼婦 朱弦有曲為佳人繙書賭茗相隨老 安穩堅牢祝此身偶見二十六年前為絳所書詩冊、電謝波流似塵如夢、復書十章-收聽及IG連結：https://linktr.ee/tipsy.podcast
2023-06-2521 min
Tipsy.podcast - 非主流文化導覽[此项目已被删除]🎼- WK15歌曲：殺死那個石家莊人 - 萬能青年旅店
-
收聽及IG連結：https://linktr.ee/tipsy.podcast
2023-06-1812 min
Tipsy.podcast - 非主流文化導覽[那城]🏢浮城- 流金歲月的開始 -SB27聲帶：流金歲月(1988)歌單：已因版權刪去(2026 Jan)-(最新版本自第16分鐘經修改，如果無時間聽多次修改後嘅內容可以睇以下文字參考版本)-當榮光遠去，餘光不再嘅時候，香港喺可見嘅將來不斷沉淪。當所有黃金時期留低嘅資產同成就被奪去，我地再都見唔到以往嘅痕跡嘅時候。我地就會改變成用睇神話，睇虛構故事嘅心態去看待香港歷史。因為唔洗去到下一代，可能之後幾年嘅我地自己，就已經完全忘記過去嘅香港。而忘記過去，我地亦同時失去同呢一片土地嘅連繫。-我地唔應該忘記六七暴動；唔應該忘記六四；唔應該忘記612嘅二百萬零一人。因為記憶本身就係對極權嘅抗爭。小說1984講：「誰能控制過去，就能控制將來；而誰能控制現在，就能控制過去。」歷史向來都係為政治服務嘅工具。最近，香港末任港督 - 彭定康先生喺一次訪問之中提到「極權主義政權視歷史為一種叛亂的認知」。所有同政權認知有所唔同或者偏差嘅歷史都要被刪改。當社會入面全部真實記錄都被查被禁，我地每個人腦入面嘅記憶 - 就係真實同真理嘅最後堡壘。我用翻一句自己嘅說話(aka廢話)對應小說1984嘅上述句子：「沒過去的人，沒有現在。沒現在的人，沒有未來。」-Lest We Forget-收聽及IG連結：https://linktr.ee/tipsy.podcast
2023-06-1219 min
Tipsy.podcast - 非主流文化導覽[意志和信心]📕浮城誌異 - 西西 -WK14聲帶： 世尊偈 (観世音菩薩普門品偈) (cho ver.) 及 Heart sutra (cho ver.) - 薬師寺寛邦.特別日子，不是其他，是本podcast一周年。應該係。-大家有無聽過「馬格利特」(René François Ghislain Magritte)呢個畫家？大家未必答到我，咁我就形容一下佢其中一幅作品，睇下大家有無印象：呢幅畫嘅上半部分係一片灰藍色嘅天空，下半部分係一排打橫排列嘅洋房。嚟到呢度，都仍然係一幅好普通嘅畫。但馬格利特所畫嘅畫都有住強烈嘅風格 - 就係脫離現實物理法則。所以喺呢一幅畫入面都有住非現實嘅事件發生緊。畫入面唔同嘅位置都有住飄浮喺半空嘅人類停留喺畫作上面。感覺上就好似天空落緊雨咁，只係落嘅唔係雨水，而係人類。呢一幅畫就係由 馬格利特所畫嘅〈戈爾康達〉(Golconde) (封面圖左二)。呢幅畫就係俾 西西 引用左喺《浮城誌異》入邊嘅第三章-入邊。《浮城誌異》由 西西 喺1986年創作，直到今時今日，亦經常被人研讀，其中一個原因，當然係因為文章嘅寓意，文章寫嘅浮城所代表嘅香港，入面對人同事嘅洞悉以及預言，到今日睇呢一篇37年前嘅文章都唔會過時。另一個原因就係喺學術層面上，《浮城誌異》13個篇章分別對應 馬格利特嘅13幅畫。原本13幅畫各自獨立，經西西重新編排，串連，好似電影蒙太奇咁樣剪接，每幅畫配合一個篇章嘅文字，以少見嘅「圖文互涉」呈現出一個個超現實同時對照眼前事實嘅思考空間。或者文章中如此超現實又如此貼近現實，可能就係因為我哋嘅時空就係如此嘅荒謬。接落嚟我會抽其中幾個篇章出嚟，同大家講吓呢一個奇異嘅飄浮喺半空中嘅 浮城。《浮城誌異》嘅第一個篇章就叫 浮城。對照嘅係 (封面圖左一)呢幅畫 ，講述好多好多年前 浮城就好似一個氫氣球咁飄浮喺半空之中，唔上升唔下降，有風吹過就只係微微搖晃，然後就郁都唔郁。或者只有祖父母輩嘅祖父母們先記得成件事係點樣開始，而佢哋而家嘅子孫就已經習慣咗呢一種飄浮嘅生活。而呢種唔上唔落，無根嘅生活，係需要乜嘢先可以令 浮城人堅持呢？喺第二章〈奇蹟〉入邊，西西就透過一則小說同讀者講，喺 浮城生活係需要「意志和信心」。而 浮城人，就靠住「意志同信心」創造出：九年免費教育、失業救濟、傷殘津貼、退休制度、高速公路、太空館、海洋公園，令 浮城成為世界上奇蹟一般嘅存在。第三章嘅亦都好有趣，講述 浮城人一齊發嘅一場夢。而第四章都留俾聽眾一個問題，「乜嘢蘋果唔係一個蘋果呢？」。想解答呢個奇怪嘅問題，就請各位自己去搵吓《浮城誌異》呢一篇文章自己去搵下啦。我哋skip一下，去到第六章〈課題〉，有一位老師帶領住一群學生去到大會堂睇展覽睇咗〈黑格爾的假日〉(封面圖右四)呢一幅畫。而篇章結尾呼應畫作入面嘅矛盾，有一個學生問「如果 浮城頭頂上有堅實嘅雲層， 浮城嘅上升就成為可喜嘅願望，咁仲抗拒啲乜嘢呢？ 」呢一度所謂嘅「堅實雲層」，有評論認為係指向1984年簽署嘅《中英聯合聲明》，如果五十年不變、高度自治、一國兩制、港人治港真係貫徹落實嘅話，我哋仲抗拒乜嘢呢？而其實 浮城人喺當時嘅困惑，西西早喺第五章〈眼睛〉就指出過。原文係係咁樣嘅：「掙開眼睛， 浮城人向下俯視，如果 浮城下降，腳下是波濤洶湧的海水，整個城市就被海水吞沒了，即使浮在海上，那麼，揚起骷髏旗的海盜船將峰擁而來，造成屠城的日子；如果 浮城上升，頭頂上那飄浮不定，軟綿綿的雲層，能夠承載這麼堅實的一座城嗎？」《浮城誌異》嘅篇章互相串連，我最鍾意嘅就係第十三章對第六章 - 老師帶學生睇展覽所做嘅連結，大家有興趣嘅話都希望大家去拜讀一下原文。返返去頭先引用嘅原文，浮城上升定下沉，到2023年，結局似乎早有定論，無論係無空氣嘅高空定係深海都好，白色恐怖都令人窒息，呼吸唔到。我喺今集結尾就拎啲佛偈同大家分享一下：係咁講嘅：或漂流巨海 龍魚諸鬼難 念彼觀音力 波浪不能沒或遭王難苦 臨刑欲壽終 念彼觀音力 刀尋段段壞或囚禁枷鎖 手足被鈕械 念彼觀音力 釋然得解脫「念彼觀音力」係啲咩呢，對於唔信佛嘅人黎講，係啲咩呢？或者就係西西喺第二章所寫嘅咁，就係靠住「意志和信心」啦。最後嘅最後，34年前好，兩日前嘅事件都好，都希望逝者安息，生者堅強。最後今集就播放迴向俾遭受苦難嘅人。呢度係tipsy.podcast，我哋 下集見 拜拜。-聲帶： 世尊偈 (観世音菩薩普門品偈) (cho ver.) 及 Heart sutra (cho ver.) - 薬師寺寛邦-On This Site, In 1989, Nothing Happened.-收聽及IG連結：https://linktr.ee/tipsy.podcast
2023-06-0412 min
Tipsy.podcast - 非主流文化導覽[紀錄之必要]📽韓國的電影史：怎樣的國家才有自信去省視過去- SB26開場聲帶：逆權司機 香港預告片
結尾聲帶：第73屆德國柏林影展- 杜琪峯訪問節錄
-
「記憶留下記錄，記錄留下歷史。」-韓國5·18民主化運動記錄館
-
今集由韓國民主進程里程碑-六月民主運動講起，講一講韓國嘅電影喺政策影響之下點樣由落後世界，再到而家可以風行全球嘅發展歷程。
-
電影與政治早已經分不開了。
-
收聽及IG連結：https://linktr.ee/tipsy.podcast
2023-05-2820 min
Tipsy.podcast - 非主流文化導覽[每周一推] 📽悲情城市- WK13「二二八，被壓抑、被禁閉、被關閉，雖彷彿不存在，但在詩人心中它是存在的。」《傷口的花- 二二八詩集》李敏勇.編-無獨有偶，最近開卷李怡的《失敗者回憶錄》亦有一句：「國家不幸詩家幸」去形容詩與大時代的關係。-正如今集開首讀的一詩，與電影《悲情城市》一樣以台灣1947年發生的「二二八事件」為主題。「二二八事件」可以粗淺地理解為外省人(二戰後隨國民黨到台人士)與本省人(自台灣日治時期已經居台人士)之間的衝突。但更準確說，是國民黨政府對台灣人施加「白色恐怖」的事件。但即使大家對「二二八事件」並無了解，亦不妨礙大家入電影院觀看。因為《悲情城市」只是訴說著一個家族，一個個小人物的故事。電影內容今集並無詳說，望各位自行觀看，謝。收聽及IG連結：https://linktr.ee/tipsy.podcast
2023-05-2110 min
Tipsy.podcast - 非主流文化導覽[法]⛵️跟著 孟德斯鳩 搭乘 五月花號-SB25開頭：黑社會2 以和為貴
結尾：Les Misérables - One Day More
何為「法」？「法」又何來？
今集我地由孟德斯鳩嘅《論法的精神》，講到一班搭船前往美洲新大陸嘅移民。
再由《五月花公約》，講到盧梭喺《社會契約論》入面評斷「好政府」嘅標準。
-
「法」在於民。
-
IN THE NAME OF GOD, AMEN. We, whose names are underwritten, the Loyal Subjects of our dread Sovereign Lord King James, by the Grace of God, of Great Britain, France, and Ireland, King, Defender of the Faith, &c.Having undertaken for the Glory of God, and Advancement of the Christian Faith, and the Honour of our King and Country, a Voyage to plant the first Colony in the northern Parts of Virginia; Do by these Presents, solemnly and mutually, in the Presence of God and one another, covenant and combine ourselves together into a civil Body Politick, for our better Ordering and Preserv...
2023-05-0725 min
Tipsy.podcast - 非主流文化導覽[每周一推] 📕圖書館革命- 有川浩- WK12/以圖書館為根據地的圖書館隊，徽章是洋甘菊，花語為「苦難中的力量」。- 圖書館革命- 有川浩/-在最新一期《審計報告》之中，審計署審視左公共圖書館的管理，包括康文署就國安法審查書籍的跟進工作。而喺《圖書館革命》一書中，就有一群以守護圖書免受不當檢閱的「圖書館隊」以各種手段抵抗企圖擴大審閱權嘅「媒體優質化委員會」。書中一開場以一單恐怖襲擊掀開一連串風波。因為恐怖襲擊嘅情節與一本虛構小說故事內容極度相似，架空世界嘅日本政府通過新嘅反恐特法。原本就擁有媒體審查權嘅「媒體優質化委員會」企圖以「國家安全」為名強制要求該小說作家放棄寫作的權利。喺「國家安全」以及「表達自由」之間，社會各方都有極大角力。每一個公共討論嘅空間都成為言語戰場。當中以守衛書籍為己任嘅「圖書館隊」率先將作家保護起黎。戰場一步一步由法庭，走至大眾言論之間，最終更上升至國際政治層面。尤其係當法律庭唔能夠保障市民應有嘅權利嘅時候，仲有咩可行手段？-即使現實之中我地無「圖書館隊」，仍然希望各位緊記洋甘菊嘅花語「逆境中的堅強、苦難中的力量」。-/「圖書館自由宣言」図書館は、基本的人権のひとつとして知る自由をもつ国民に、資料と施設を提供することを、もっとも重要な任務とする。この任務を果たすため、図書館は次のことを確認し実践する。第1 図書館は資料収集の自由を有する第2 図書館は資料提供の自由を有する第3 図書館は利用者の秘密を守る第4 図書館はすべての検閲に反対する図書館の自由が侵されるとき、われわれは団結して、あくまで自由を守る。日本図書館協会(1954)
-
收聽及IG連結：https://linktr.ee/tipsy.podcast
2023-04-3015 min
Tipsy.podcast - 非主流文化導覽[旅行外傳]🧳一啲知咗都無咩用嘅旅行小知識 -SB24開場： Surround 7.1 "Sphere" - Dolby
歌單： 山下達郎 - SPARKLE (Tribute Cover 2022)-今集有資訊，但都係一啲知咗都無咩用嘅資訊XD
究竟點解飛機上會容易啲醉？
主持又喺最近一次短途旅行對自己了解多左啲咩？
大家呢一刻又去左邊個國度聽緊podcast呢？總之希望大家去左旅行嘅都要記得聽tipsy.podcast呀！
-
收聽及IG連結：https://linktr.ee/tipsy.podcast
2023-04-2326 min
Tipsy.podcast - 非主流文化導覽[每周一推] 🎼宇宙幽靈 uchu yurei- Phantom- WK11今次介紹一支有濃厚日式風格嘅歌曲- Phantom。
演奏嘅樂隊Uchu Yurei -宇宙幽靈-係以 progressive， instrumental，fusion 為創作主軸嘅樂隊。佢地喺2020年成立。雖然從名字以及歌曲風格上都令人容易誤會佢哋係黎自日本。Uchu yurei的而且確係來自香港。而樂隊之中有住各式各樣嘅樂器（除左樂隊常見嘅結他，低音結他，keyboard ，仲有幾個我唔識分辨嘅管弦樂樂器）。從聽覺體驗上係一支辨識度極高嘅樂隊。
佢地除左樂器組成上有別於其他樂隊之外，佢地歌曲創作嘅結構上亦與流行樂曲大相逕庭。
以Phantom 為例，我地可以從佢嘅線性編曲以及不同樂器互相交錯而成的「故事」中，了解Uchu Yurei 嘅創作點解咁有獨特魅力。
推薦大家完整地聆聽一次佢地嘅樂曲，親身了解佢哋令人喜愛之處。係一支值得留意嘅樂隊！
-
收聽及IG連結：https://linktr.ee/tipsy.podcast
2023-04-1612 min
Tipsy.podcast - 非主流文化導覽[支竹常樂]🎭 處於痛苦與無聊之間的幸福巨獸-社交媒體與叔本華 -SB23封面圖：from Kuttiya Kanchanasopawong
歌單：Phum Viphurit - Welcome Change
-
/if you fee the beast, that beast will destroy you./
-
節錄：
...社交媒體發展趨勢我地亦都可以從佢地嘅slogan見到一二。
正如2012年facebook 公開招股ipo嘅時候，
朱克伯格提到Facebook的使命是讓這個世界更加開放互聯。
-
去到而家短片平台成為社交媒體主流嘅呢一刻。
抖音嘅一句slogan 就顯露出而家social media唔再以聯繫為基礎理念，
而係要人showoff。
抖音嘅嗰一句：
「抖音-記錄美好生活」。
我地唔止係要你嘅生活，
我地要嘅係美好生活，
除此之外都唔重要...
-
收聽及IG連結：https://linktr.ee/tipsy.podcast
2023-04-0924 min
Tipsy.podcast - 非主流文化導覽[每年一推]✨藉張國榮說說：我們為何應該接觸「經典」？- WK10聲帶：今夜不設防S2 Ep16歌單：已因版權刪去(2026Jan)相信大家今日(2023年4月1日-20周年)會接觸到好多有關「哥哥」張國榮的資訊。所以在此不會再給予那些每年媒體重複的說辭。今集說說我們為何要接觸「經典」- 書、音樂、理論、人物等等等等..的理由。1. 被稱為「經典」的必定是值得我們接觸的好作品；2.「經典」給予我們評價其他事物的品味和標準；還有一個引用自意大利文學大師Italo Calvino 的 Why Read the Classics?一文：3. 選讀「經典」的過程可以塑造自我。-收聽及IG連結：https://linktr.ee/tipsy.podcast
2023-04-0110 min
Tipsy.podcast - 非主流文化導覽《聆聽-愛在當下》鋪頭貓、舊區重建與@家 -SB22聲帶：紅綠燈、飛機、屋企附近啲雀(包括但不限：珠頸斑鳩、噪鵑、麻雀、相思、喜鵲)、飯戲攻心歌單：已因版權刪去(2026Jan)關鍵字：鋪頭貓；舊區重建；深水埗；利東街；愛 - 專注；回憶的filter；兩個香港；打開門，行出去，去遠啲。-收聽及IG連結：https://linktr.ee/tipsy.podcast
2023-03-1219 min
Tipsy.podcast - 非主流文化導覽[每周一推] 🎼Clave-SAY GOODBYE TO- WK09今次介紹黎自Clave嘅一隻碟 - SAY GOODBYE TO。.不以「歌」或「單位」介紹，而係以album嘅形式介紹Clave。因為Clave嘅音樂不斷嘗試新可能性，所以以「碟」嘅形式介紹更加能夠聚焦以neo-soul為主要風格時期嘅佢地。從前，現在，未來的Clave都值得我地注意。-收聽及IG連結：https://linktr.ee/tipsy.podcast
2023-03-0511 min
Tipsy.podcast - 非主流文化導覽《距離-跨越中》天橋、室內都市霸權與@將軍澳 -SB21開頭：車聲？結尾：岑寧兒 - 一個人走走.-天橋本身係「連接」。日常生活中天橋連接商場成為一個龐大的商場集合體網絡。室內都市主義(Interior Urbanism) 同我地講呢一種巨大建築盡其所能包括城市的所有機能在內。而人們停留其中同時，其實亦將人以及地區的可能性扼殺。人只能夠扮演「消費者」，而商場亦將周遭區域的活力吸走。-天橋所連接的不只是商場，更是背後的資本霸權。-最後再講一講，將軍澳 - 一個由天橋及商場組成的市鎮，真係沉悶無趣？-收聽及IG連結：https://linktr.ee/tipsy.podcast
2023-02-2622 min
Tipsy.podcast - 非主流文化導覽[每周一推]📜詩人Yehuda Amichai -WK08Yehuda Amichai 被稱為以色列當代最偉大詩人
今次分別聽聽佢嘅3首詩
《愛與痛苦之歌》
《對耶路撒冷的愛》
《在我生前 憑我生命》
-
收聽及IG連結：https://linktr.ee/tipsy.podcast
2023-02-1907 min
Tipsy.podcast - 非主流文化導覽《漫步-在路上Re:m》行人路、公共空間與@大坑 -SB20(2023.02.12發佈; 02.19重製)開頭：@大坑結尾：已因版權刪去(2026 Jan)-道路是在連繫，還是分隔人群？為何作為公共空間一員嘅行人路可以協助建構出一個良公民社會？重製版本我地再深入聽下哲學家Hannah Arendt 眼中嘅理想行人路應該有嘅「五大要素」。今集談道路作為「公共空間」理應發揮的作用，以及本人喺大坑散步時嘅觀察所得。-收聽及IG連結：https://linktr.ee/tipsy.podcast
2023-02-1219 min
Tipsy.podcast - 非主流文化導覽[每周一推] 📽窄路微塵- WK07歌單：黃衍仁、 611 - 在路上
簡介後補。
收聽及IG連結：https://linktr.ee/tipsy.podcast
2023-02-0515 min
Tipsy.podcast - 非主流文化導覽[麻醉]☮️酒醉的嬉皮士在迷幻列車上做了甚麼？- SB19開頭：Trainspotting
結尾：Underworld - Born Slippy
接續上集提及我地要認清生活真相之後仍然要熱愛生活。
我地可以透過投入各種「喜好」黎熱愛生活。
當中有好嘅「興趣」，亦有唔好嘅「墮落」。
-
今集唔係討論好與壞嘅界線，只係聚焦「唔好」嘅部分。
我地點解明知有害，仍然去吸毒(&放縱、暴飲暴食、自殘、etc.)呢？
-
上半部先同大家講下上世紀6/70年代嬉皮士浪潮以及其中被大量使用嘅藥物- LSD。
下半部再分享2部電影：
Trainspotting 迷幻列車，及；
Druk 醉美的一課；
入面又係點樣透過Drug，訴說角色於社會當中迷失嘅故事呢。
-
收聽及IG連結：https://linktr.ee/tipsy.podcast
2023-01-2934 min
Tipsy.podcast - 非主流文化導覽[每周一推] 🎼Sunset Rollercoaster -Vanilla- WK06本周推介： Sunset Rollercoaster -Vanilla.使用歌單：Vanilla感覺落日飛車嘅歌只能意會，不能言傳。建議大家去落日飛車youtube睇Vanilla villa 專輯MV，一次過感受專輯入面3首歌嘅感覺，仲有佢嗰種「迷」。祝大家新年聚會唔會俾人問東問西。收聽及IG連結：https://linktr.ee/tipsy.podcast
2023-01-2209 min
Tipsy.podcast - 非主流文化導覽《OBEY》𓀒無情社會無自我，用心付出全因愛 - SB18開首：[高登音樂台]《香港早抖》
結尾：陳蕾 Panther Chan - 下流社會
-
我地少時經常被教導說我地係未來社會主人翁，但當我地出黎了解社會面貌就知道社會嘅主人從來唔係我地，而係永遠盆據上流嘅權貴。
今集同大家透過最近中國網內熱烈被討論而被封殺嘅詞「人礦」，以及1988年上映的類型片經典- 《They Live》，
同大家講下當代社會下嘅人如何不被當作「人」。
最後都係會灌大家飲完雞湯先結束，以《聖經-約拿書》中嘅一段故事，想同大家講：
我地不停工作付出，做社會嘅奴隸唔係因為我地係「資源」，而係為左我地所愛嘅人。
愛嘅本質，包括「付出」在內。
-
/狐狸對小王子說，「你在玫瑰身上所花費的時間，讓你的玫瑰花變得如此重要。
/世上只有一種英雄主義，就是在認清生活真相之後依然熱愛生活。
-
收聽及IG連結：https://linktr.ee/tipsy.podcast
2023-01-1532 min
Tipsy.podcast - 非主流文化導覽[每周一推] 🎼Night Tempo- WK05歌單：松原みき - 真夜中のドア／Stay With Me (原版及Night Tempo 版本)；Night Tempo - One Way My Love (Neon Mix)
今集先同大家簡略講講Future Funk 呢個音樂類型，再以Stay With Me 的兩個版本，分別係原曲及經Night Tempo remix 嘅版本俾大家直接聽下Future Funk 對CityPop落左咩魔法，令呢啲經典歌曲可以更加洗腦！
而我推介Night Tempo 嘅原因除左佢出息外，係因為如果大家想接觸CityPop經典嘅話，大家可以從Night Tempo 為切入點知道，70-80年代的日本流行樂之中有咩值得聽！
收聽及IG連結：https://linktr.ee/tipsy.podcast
2023-01-0813 min
Tipsy.podcast - 非主流文化導覽[ドラ焼き]🍥文化造就口味差異 但美味仍然團結人心- SB-17開頭：深夜食堂
結尾：[ASMR] hannibal lecter cooking
-
簡單講就係文化差異令人同人之間有不同，進一步可能引致衝突。有時候我地可以回歸初心，純粹以「先天直覺」取代「後天文化背景」資訊去理解一件事，一個人。如同我地在嬰兒時期就識分食物好唔好食咁，分辨「美味」係一件先天嘅直覺發揮作用。少一點計較，多一點初心。
-
收聽及IG連結：https://linktr.ee/tipsy.podcast
2023-01-0132 min
Tipsy.podcast - 非主流文化導覽[每周一推] 🎼HK citypop1 /力臻-都市爬行 /DeltaT x 楊雅餘-都市Lonely Night- WK04歌單：都市爬行- 力臻，都市~Lonely Night~- Delta T x 楊雅餘
講左citypop幾集，今次終於翻黎香港啦！
今次推介嘅2首歌各方面都十分貼合21世紀citypop嘅風格，想以廣東歌為一切入點嘅我十分推介呢2首歌。
而2位歌手， 力臻 同 DeltaT 都係專注創作citypop相關風格嘅歌手，都推介俾大家！
收聽及IG連結：https://linktr.ee/tipsy.podcast
2022-12-2113 min
Tipsy.podcast - 非主流文化導覽《逃避自由Re:m》🕊當我們的自由只能用在服從與破壞- SA16(2022.12.18 初製；2022.12.30重製)
開頭：Spider-Man 2002
結尾：無間道
今集以Fromm嘅《Escape from Freedom》為題，
同大家講下為何宗教歷史中 16世紀的 馬丁.路德等人推動宗教改革下誕生的(基督)新教會令群眾開始恐懼自由。
自由除了美好，亦有其代價，是名為不安、迷惘、焦慮的代價。
正因如此，人們想透過擺脫自由黎同時「解決」其自由之中的焦慮。
人們試圖以「機械式服從/從眾」、「權威主義」、「破壞」三個方向擺脫自由。
但Fromm就提到以上會因為(社會下的)人變為「自由個體」的過程係不可逆轉而失敗。
唯有透過同他人建立有價值同意義的關係，才可「緩解」人生於世的各種焦慮。
(但這就是《愛的藝術》的範疇，有機會再講。)
-
最後想問大家：大家準備好為自己作主未呢？
再同大家share 2個作品：一、Everything Everywhere All At Once；二、四疊半神話大系。
-
受自由之福，亦必受自由之苦。
解放自己的最大敵人就係自己。
收聽及IG連結：https://linktr.ee/tipsy.podcast
2022-12-1731 min
Tipsy.podcast - 非主流文化導覽[每周一推] 🎼ADOY- WK03本周推介： ADOY (아도이)
使用歌單：Pool, Antihero
繼續係來自韓國的音樂單位，今次更適合輕鬆聽~
收聽及IG連結：https://linktr.ee/tipsy.podcast
2022-12-0716 min
Tipsy.podcast - 非主流文化導覽[瞓啦好嗎？]🌃哥捱的不是眼瞓，而是好L眼瞓。報復性熬夜與DSPD -SA15開頭聲帶：墮落天使(1995)
結尾：NA
為左大家身體同心理著想，今集恐嚇下大家。 同大家講下睡眠不足會引起的身體問題。
除左常見的注意力唔集中，心情容易暴躁，低落之外， 仲有一個大眾唔熟悉的病- 睡眠相位後移綜合症(DSPS/ DSPD)。
診斷上容易同失眠搞亂，所以令治療上都唔容易。
患者會好似有jet lag咁，更加嚴重而自我改變唔到，生理時鐘混亂。
-
所以希望有報復性熬夜習慣嘅人可以重新審視自己嘅作息外， 亦想令有失眠嘅聽眾檢查一下自己係「失眠」，定係有「DSPD」呢？
-
最後嘅最後，主持拎左本《中華同義詞詞典》同大家讀，希望大家今晚早啲瞓！
收聽及IG連結：https://linktr.ee/tipsy.podcast
2022-12-0429 min
Tipsy.podcast - 非主流文化導覽[每周一推] 🎼dosii 도시- WK02本周推介： dosii 도시
使用歌單：Swan, 고열 (Goyeol)
/今個晚上你又想起那個誰？
收聽及IG連結：https://linktr.ee/tipsy.podcast
2022-11-3015 min
Tipsy.podcast - 非主流文化導覽[修復公義]⚖️下。而寬恕並非只有聖人可為之。修復式司法- SA14上集聲帶：The Mauritanian 失控的審判
下集歌曲：Johnny Depp Amber Heard Trial Theme Song Objection! Hearsay!
-
上集：
以眼還眼，以牙還牙係一個唔少人都認同嘅理念。
報復式司法亦係同一個理念 - 應報理論。
上集以2009年台北市士林區隨機殺人事件，以及1981年一名母親於法庭上槍殺嫌疑犯的事件，
分別同大家講下報復式司法以及私刑之下，
我地身為局外人能否了解受害者(家屬)呢?
-
下集：
修復式公義以會面形式，將加害人加深了解自己的過錯，以至執行與受害者達成共識的彌補方案。
當中不止使得加害者有機會改過自新，亦容許受害者更大程度參與審判過程之中。
修復凡9不只有事件中的傷害損失，亦包括人同人之間的關係，信任。
最後再講下主持對整個法律的睇法：法庭唔係達成公義嘅最佳地方，但仍然係維護公義的最後地方。
-
/如果我們接受他們的條件，我們死去的戰友，是不會原諒我們的。
但我亦問一句，報復成功之後，我們還剩下甚麼？
收聽及IG連結：https://linktr.ee/tipsy.podcast
2022-11-2726 min
Tipsy.podcast - 非主流文化導覽[報復公義]⚖️上。你會不顧一切為深愛之人報仇嗎？- 報復式司法- SA13上集聲帶：The Mauritanian 失控的審判
下集歌曲：Johnny Depp Amber Heard Trial Theme Song Objection! Hearsay!
-
上集：
以眼還眼，以牙還牙係一個唔少人都認同嘅理念。
報復式司法亦係同一個理念 - 應報理論。
上集以2009年台北市士林區隨機殺人事件，以及1981年一名母親於法庭上槍殺嫌疑犯的事件，
分別同大家講下報復式司法以及私刑之下，
我地身為局外人能否了解受害者(家屬)呢?
-
下集：
修復式公義以會面形式，將加害人加深了解自己的過錯，以至執行與受害者達成共識的彌補方案。
當中不止使得加害者有機會改過自新，亦容許受害者更大程度參與審判過程之中。
修復凡9不只有事件中的傷害損失，亦包括人同人之間的關係，信任。
最後再講下主持對整個法律的睇法：法庭唔係達成公義嘅最佳地方，但仍然係維護公義的最後地方。
-
/如果我們接受他們的條件，我們死去的戰友，是不會原諒我們的。
但我亦問一句，報復成功之後，我們還剩下甚麼？
收聽及IG連結：https://linktr.ee/tipsy.podcast
2022-11-2725 min
Tipsy.podcast - 非主流文化導覽[每周一推] 🎼Ghostly Kisses - The city holds my heart- WK01今個星期計劃開始一星期兩集更新直至我支持唔住為止XD
但講明先！唔一定每星期都有「每周一推」，而星期日嘅更新就照常。
呢個系列會同大家分享我鍾意嘅作品，可以係歌、詩、小說、電影、遊戲，etc
而第一集同大家推介嘅係ghostly kisses嘅 The city holds my heart.
歌詞好鍾意，或者能夠代表到某些留下來的人的心聲。
而除左聽下歌手的由來以及歌詞意思之外，都同大家講下Dream pop 呢個音樂風格。
/Can't you see I just can't go?
/These walls are all I know
-
收聽及IG連結：https://linktr.ee/tipsy.podcast
2022-11-2312 min
Tipsy.podcast - 非主流文化導覽[催眠外傳]🎧重製後記-素材回顧_歌_第七封印- SA12結尾歌：meme歌黎XD 係由Charming Jo 조매력 cover嘅 "HEYYEYAAEYAAAEYAEYAA"
呢個cover實在太有感情，大家可以上youtube聽翻~
今集同大家回顧一下第一季重製入面用到的素材- 歌曲同電影。
而特別係第七封印呢套戲，因為都幾鍾意就用左相當篇幅講翻用左嘅片段嘅內容係講咩野~
啊，留意翻，如果你真係想聽完瞓嘅話記得唔好聽片尾曲喇！
收聽及IG連結：https://linktr.ee/tipsy.podcast
2022-11-2029 min
Tipsy.podcast - 非主流文化導覽[和平紀念日]❤️🩹下。浩氣長存：何以這土地值得付上生命？-SA11由於內容太長分開上下集俾大家容易分段聽！請務必先聽上集！
2022年11月13日(11月第二個星期日)為香港的和平紀念日。
上集講和平紀念日由來、日本侵略者方面「南方作戰」的計畫及 香港保衛戰簡史。
下集講2股保衛香港的力量-加拿大兵團 及香港義勇防衛軍。
上集聲帶：General Douglas MacArthur Farewell Speech to Congress;
下集歌曲：(依次為)The Maple Leaf forever - 永遠的楓葉，The Leather Bottle - 皇家香港軍團（義勇軍）進行曲，Highland Cathedral - 高地大教堂。
Lest We forget
收聽及IG連結：https://linktr.ee/tipsy.podcast
---
Send in a voice message: https://podcasters.spotify.com/pod/show/tipsypodcast/message
2022-11-1325 min
Tipsy.podcast - 非主流文化導覽[和平紀念日]❤️🩹上。英魂不朽：南方作戰絕境下的香港保衛戰- SA10由於內容太長分開上下集俾大家容易分段聽！
2022年11月13日(11月第二個星期日)為香港的和平紀念日。
上集講和平紀念日由來以、日本侵略者方面「南方作戰」的計畫及 香港保衛戰簡史。
下集講2股保衛香港的力量-加拿大兵團 及香港義勇防衛軍。
上集聲帶：General Douglas MacArthur Farewell Speech to Congress;
下集歌曲：(依次為)The Maple Leaf forever - 永遠的楓葉，The Leather Bottle - 皇家香港軍團（義勇軍）進行曲，Highland Cathedral - 高地大教堂。
收聽及IG連結：https://linktr.ee/tipsy.podcast
---
Send in a voice message: https://podcasters.spotify.com/pod/show/tipsypodcast/message
2022-11-1322 min
Tipsy.podcast - 非主流文化導覽[秋風]🍂潛月秋高風怒號，花霜雨下柔醉人 -SA09聲帶：渡辺謙「雨ニモマケズ」朗読
(10/11)中段加入BGM：天地孤影任我行
今集於2/11放風假嗰日錄，無寫稿所以呢度都無野寫...
透過杜甫-茅屋為秋風所破歌，及
宮澤賢治-雨ニモマケズ， 2首詩。
只想大家(包括主持本人)做一個溫柔的人。
收聽及IG連結：https://linktr.ee/tipsy.podcast
-
/杜甫-茅屋為秋風所破歌
八月秋高風怒號，卷我屋上三重茅。
茅飛渡江灑江郊，高者掛罥長林梢，下者飄轉沉塘坳。
南村羣童欺我老無力，忍能對面爲盜賊，公然抱茅入竹去。
脣焦口燥呼不得，歸來倚杖自嘆息。
俄頃風定雲墨色，秋天漠漠向昏黑。
布衾多年冷似鐵，嬌兒惡臥踏裏裂。
牀頭屋漏無干處，雨腳如麻未斷絕。
自經喪亂少睡眠，長夜沾溼何由徹?
安得廣廈千萬間，大庇天下寒士俱歡顏，風雨不動安如山！
嗚呼！
何時眼前突兀見此屋，吾廬獨破受凍死亦足！
-
/宮澤賢治-雨ニモマケズ
雨ニモマケズ
風ニモマケズ
雪ニモ夏ノ暑サニモマケヌ
丈夫ナカラダヲモチ
.
慾ハナク
決シテ瞋ラズ
イツモシヅカニワラッテヰル
一日ニ玄米四合ト
味噌ト少シノ野菜ヲタベ
.
アラユルコトヲ
ジブンヲカンジョウニ入レズニ
ヨクミキキシワカリ
ソシテワスレズ
.
野原ノ松ノ林ノ蔭ノ
小サナ萱ブキノ小屋ニヰテ
.
東ニ病気ノコドモアレバ
行ッテ看病シテヤリ
西ニツカレタ母アレバ
行ッテソノ稲ノ束ヲ負ヒ
南ニ死ニソウナ人アレバ
行ッテコハガラナクテモイゝトイヒ
北ニケンクワヤソショウガアレバ
ツマラナイカラヤメロトイヒ
.
ヒドリノトキハナミダヲナガシ
サムサノナツハオロオロアルキ
ミンナニデクノボート
ヨバレ ホメラレモセズ
クニモサレズ
.
サウイフモノニ
ワタシハナリタイ
.
完 (IG有中文版）
2022-11-0624 min
Tipsy.podcast - 非主流文化導覽[MBTI測試]🦋你知道你自己是誰嗎？ft.V小姐 -SA08上幾個星期完成左第一季嘅重製，終於又翻黎計劃集數。
今集久違地有嘉賓上黎~今次同大家講下MBTI入面INFP同INFJ人格。
最主要傾下主持同嘉賓同唔同意自己係一個咁嘅人呢? (可能只係我地想傾，唔係大家想聽嘅XD)
歌：岑寧兒cover - 你知道你自己是誰嗎
收聽及IG連結：https://linktr.ee/tipsy.podcast
2022-10-3039 min
Tipsy.podcast - 非主流文化導覽《煙波酒徒》凡不能殺死我的 - 死亡、自由、孤獨、無意義 S1EP02重製2022.10.24發佈- 全文請至IG: tipsy.podcast 觀看。歌單： 已因版權刪去(2026 Jan)主題：「四大終極關懷」有興趣嘅聽眾可以睇睇以下4本書：酒徒；異鄉人；過於喧鬧的孤獨；存在主義心理治療。以及一句話總結今集： 我地要承認世間不幸的本質，然後以主觀的反抗賦予意義。-內容補回-今集首先用小說-酒徒，以及 異鄉人做開頭，同大家講下存在主義的文學小說入面經常會提到的並非人與人之間的人際孤獨，更多的是人和自己內心衝突的人心孤獨。亦同大家提到(酒徒)書入面的主角以酗酒的行為上的放縱作為麻醉人心孤獨的心理防衛機制。我地發展心理防衛的起因之一係內心渴望與現實處境有落差。咁係咪只要「山不轉，人轉」，降低自身對自己的要求就可以唔(行為及內心上)墮落呢?唔係，因為「要求/渴望」除左來自自身，亦有來自他人。沙特「他人即地獄」的說法就係講正因每個人都有自己的渴求，所以不同的願望必定會互相衝突。所以才有沙特如此說法。(異鄉人)書入面的主角更因脫離社會準則特立獨行而被判死刑。但提到存在主義的書最最最核心想講，兩本書都透過瀕死或死亡來同大家講人和世間之間的存在孤獨。而Irvin Yalom嘅存在主義心理治療入面，講到人類反思自己嘅處境嗰陣自然會涉足嘅四種終極關懷，存在孤獨甚至只係其中一個題目，而其餘3個題目，係死亡，自由，無意義。今集想探討上面4個終極關懷，同埋如何從中得到救贖。-(而提一提我自己的自救方法係創作，過於喧鬧的孤獨入面，引用一句「唯有粉碎自身，才能釋出精華」。而創作就係一項不斷自我粉碎，然後重塑自己的行動。)-(以下為簡略版，詳細請聽podcast 內容)死亡：可參考翻之前海德格 - 向死而生嗰集。簡單講就係死亡有其不可替代性，我地無泓體驗他人的死亡，死亡係最為孤獨的體驗。而人生來有向生的衝動而刻意忽視死亡的必然性。結果就係人有一種死亡焦慮，不去正面體會死亡終將到來的事實。而生命亦因忽略死亡是生命一部分而失彩。而存在主義心理治療書中提到曾經有瀕死經驗的人會過出更精彩的人生，因為他們深刻知道生命有限。我地亦可以透過一個簡單方法，將無形的死亡焦慮帶入現實，從有形的方式正面恐懼，然後跨過去。方法只需在紙上畫上一條橫線，線的一端代表生命起點-出生，另一端是生命終點-死亡，然後喺線上面點一點，點嘅位置要等同你自認為的壽命。咁樣就能夠以一個更直接的方式理解到生命的有限。擁抱死亡就係面對生命的最好方法。-自由：自由並非直接為人帶來負擔，而是當人有自由選擇的時候，就需要同時為自己的選擇負起責任。而這份責任的焦慮先係壓垮人的重擔。更有一個講法係「被暴君統治比沒有君主好」。有部分人會拒絕為自己而生存，因為自己幫自己做選擇意味住可以為行動嘅結果承擔責任嘅都只有自己。佢地亦都無藉口去將失敗的責任推俾暴君同其他人。面對自由的焦慮，我地的方法就係：要承認自己的不幸是自己做成，無其他人需要同可以為我地自己負責。直接面對責任就係面對自由焦慮的最佳方法。Podcast入面有提及「不能鈴」，心理治療師當聽到求診者提到佢地「不能夠」作出行動同改變嘅時候，心理治療師會糾正佢，要求佢將「不能夠」改做「不願意」。惟需要留意喺面對責任的問題的時候，人會有好大嘅內心偏見，始終需要他人觀察以及指明先更大可能改變自己。所以有需求都係尋找專業人士會更佳。重申一次，要認清責任和選擇權都在自己身上，即使係失敗的你都係你，只有呢一刻，呢一度嘅你係唯一嘅你，先可以逃離自由的焦慮勇敢為自己作主。-孤獨：呢度唔係講人同人之間嘅人際孤獨，或者人同自己內心的人心孤獨，而係人同世界之間的存在孤獨。海德格用「被拋入」黎形容人「未經同意被拋進自己無法選擇的存在的世界」。呢一個世界係無意義而荒謬的，每個人就如同身處喺名為存在的海洋之中的一個個孤獨的小船，而呢個無根，又無垠的海洋根本唔存在我地可以停靠的海岸。保護自己免受終極孤獨的方法係建立有價值的關係。有人毅然接納自己的孤獨，亦有人會選擇投身到他人的關係。呢啲關係當然唔能夠打敗孤獨，而只係彌補孤獨所帶黎嘅痛苦，因為我地同世間的脫離係一件改變唔到嘅事。咁咩先叫做有價值的關係呢?一段關係有分為接受孤獨之下的關係同 為左逃避孤獨的關係：前者毅然面對孤獨的存在，然後將情感轉向他人，透過關愛他人去拯救自己。後者係出於對孤獨的恐懼，藉住成為他人一部分以及用他人作為工具去令自己可以逃離孤獨。前者才是有價值，成熟的愛。書入面提到成熟的關係有幾種特點，都圍繞住一個準則，就係「無所求的愛」。成熟的關係，唔會強求對方，因為愛並非無所不能，所有關係都存在限制，總有一日，你所要求的對方俾唔到你。咁我地要點樣裝備自己去成就一段成熟而不問回報的愛情呢?我只可以用一句說話作為存在孤獨的總結：來自弗洛姆的「愛的藝術」 - 「孤獨的能力就是愛人能力的先決條件」。我地真正體會自己係同他人分離，更重要係同世間脫離的時候，要自愛，然後先能夠真正去愛人。-無意義：人嘅思考本身就係不斷尋找一種模式去理解同解決一件事，亦同時係一個直線思考模式，所以當我地要面對嘅係一個毫無邏輯，無情而又冷漠的世界嗰陣。就好自然感到不安而會好想去尋求一個模式去理解呢個世界，我地渴求意義，所以無意義的時候會不安。因為字數所限要草草完結，但此部分的面對無意義的方法及態度先係整本書，不，是整個人類族群都要知道的重點 – 反抗。宇宙的確無意義，而宇宙終結的時候所有事物都係「無」，所以人會認為一切不是永恆的存在都無意義，因為終將「唔存在」。但「唔存在」是否等同「唔值得存在」呢? 我們創造的回憶，關係都係有價值的，而價值係可以超越死亡的。即使再退一步我地面對嘅唔止係死亡而係宇宙的最終極結束，而價值亦唔係永恆，我地仍然面對呢種命運的時候以反抗的姿勢面對一切，而呢種反抗的態度，就會係意義所在。-簡單總結：我地接納同承認以上頭三種處境：接受死亡的意義；承認自己要為自己人生所負責；接受與世界之間的孤獨，但最終我地面對宇宙最終極的無意義，就需要高傲的反抗。一切意義都係主觀賦予的，我地要反抗虛無。-我地要承認世間不幸的本質，然後以主觀的反抗賦予意義。-完
2022-10-2359 min
Tipsy.podcast - 非主流文化導覽[公告]原於此處的3集第一季重製，請以舊至新尋找！提示：所有64秒的「集數」只用作提醒，其實無內容嘅！
收聽及IG連結：https://linktr.ee/tipsy.podcast
2022-10-1501 min
Tipsy.podcast - 非主流文化導覽[宇宙]🌌 星辰大海皆為有情物- SA07開頭: space shuttle launch 結尾歌曲: Space oddity - David Bowie 我聽過一句話：佢話人同動物其中一個突顯唔同嘅地方，就係人類會抬頭仰望星空。可能呢句說話係真嘅。喺野外嘅動物，日行性嘅動物，夜晚就訓著左，夜行性嘅動物就喺夜晚忙住搵食。未必係人類先有智慧去觀星。而係人類先至有閑暇餘力去做呢啲對生存無幫助嘅事。-但係點解我地由古至今，都無放棄過睇星星呢?甚至會同佢地改名，作故事同賦予佢地意義呢?有一種唔科學嘅解釋：就係人類呢個物種並唔屬於地球，而係屬於另一個星球。所以我地從心底裡好想回歸到群星嘅懷抱之中。-(隼鳥號故事)-你可能會話呢個任務事實上就係負責團隊事前準備嘅失敗，點解仲要歌頌呢個由一連串失敗所組成嘅一個充滿悲劇浪漫色彩嘅故事呢?我會答你，無錯，就係因為浪漫。每一個人造物都係人類向宇宙發出嘅情書，然後期待住呢封情書可以得到群星嘅回覆。-隼鳥號發射之前收集左88萬個人嘅簽名刻左喺探查器上面。就好似Voyager 1航行者1號攜帶住一張銅唱片一樣。上面有記載人類用各種語言講嘅問候說話同資料。人類向呢個宇宙嘅愛同好奇就依托住呢個已經遠離太陽系家鄉嘅信使向唔知存在喺宇宙邊一個角落嘅某一個佢寄出呢封信呢個信息未必有人收到但係太空探索本身就係一種高風險低回報嘅行為佢嘅本質就係一出浪漫嘅悲劇我記得好多年前，nasa收集簽名刻喺佢地探索火星嘅探測器上面我寫左我個名就係咁樣，縱使我嘅肉身會腐朽，身處嘅土地變更我嘅思念可能仍然流躺喺宇宙嘅某處咁樣諗，唔浪漫咩?-向宇宙探索，內在能平靜心靈，外在能展現力量。人類的科技發展，由無火既時代至現今工業革命4.0。途中是量同質的昇揚，不出百年，人類必大規模進入宇宙大航海既時代。向天張望係人既天性，發現未知係進步既動力。這是一個好既時代，也是人類踏入星辰大海的一個台階。我們有生之年未必可以見證太陽系大規模殖民，但一切種種都如初春般美好。-1970年，一名修女寫信給NASA, 問為何要花巨額金錢去太空探索，而不幫助千萬計貧窮的人。 Associate director of science -Ernst Stuhlinger 回覆：/However, I believe, like many of my friends,/that travelling to the Moon and eventually to Mars and to other planets is a venture which we should undertake now,/and I even believe that this project, in the long run,/will contribute more to the solution of these grave problems we are facing here on Earth than many other potential projects of help/which are debated and discussed year after year, and which are so extremely slow in yielding tangible results.(NASA -Ernst Stunlinger 回覆原文： http://www.lettersofnote.com/2012/08/why-explore-space.html?m=1 )-我們正處於最好既時代，我們對太空的想像從沒有停止。從《2001太空漫遊》到 《interstellar》如是。但願子孫能踏足光年之外。
2022-10-0226 min
Tipsy.podcast - 非主流文化導覽《向死的存在》🪦乎跳下路軌之際，思考死前生後命 -SA06(文字內容過長或會於podcast頁面有所刪減，可至IG @tipsy.podcast 閱讀簡略版全文.)(本集為S1 EP02 主題中- 死亡的延伸討論)開頭聲帶: 改編自投資免責聲明; 結尾歌曲: Turbonegro - Back To Dungaree High有人沖涼浸浴嘅時候會點香薰，有人食早餐嘅時候會先打扮好自己，有人錄podcast嘅時候會會為自己針杯酒。呢d都係為生活加添儀式感嘅行動。儀式係一件隆重嘅事，所以當我地講到宗教儀式嘅時候，我地想像到嘅係鋪張，會係一件大事。葬禮作為一生人最後一件事。有人認為要做得好好睇睇。著素色衫，拎花、燒紙錢甚或國葬等級嘅放禮炮，巡遊都係儀式嘅一部分。有唔少人，包括我認為葬禮送走嘅唔係先人，而係家屬嘅悲傷嘅心情。會咁諗最主要嘅原因無他，只係因為無人可以親口問死左嘅人對葬禮嘅睇法。無一個活人可以講得出死後嘅世界。有人會選擇通靈，問米，搵動物傅心師。人類本身嘅天性就包括鍾意探索未知，而呢個好奇心，包括對死後嘅世界。-所以有人會從神秘學、宗教嘅方法去解釋死亡同生命本質。宗教經常描述死亡之後靈魂嘅去向同停留嘅地方，有d聽落好有趣，有d好明顯係要導人向善，亦有d只係喺度出空頭支票。不論係永生，定係輪迴，都係著重死後的靈魂去向。十八層地獄，極樂世界、天堂、英靈殿。呢d死亡之後嘅應許、承諾影響住活著嘅人嘅行動。咁樣嘅話，就令到我地而家身處嘅物資世界，好似毫不重要咁。宗教叫我們脫離世界：-約翰一書 2:15/不要愛世界和世界上的事。人若愛世界，愛父的心就不在他裡面了。 因為凡世界上的事，就像肉體的情慾、眼目的情慾並今生的驕傲，都不是從父來的，乃是從世界來的。-但正如啱啱所講，我覺得葬禮係一個以生者為對象嘅活動。喺而家嘅普遍認知同研究之下，無人真係知道死左之後人嘅去向。更可以話死亡之後人係咪仲存在都講唔出。咁點解人要執著死後嘅榮耀同極樂呢?始終，我地掌握嘅只有呢個moment，咁樣，就去捉住死亡之前嘅世界啦。-海德格德國哲學家，在現象學、存在主義有住極大影響。而佢有句名言：向死而生Das Sein zum TodeBeing towards death-死亡喺海德格眼中係有咩意義呢?人必須正視死亡，只有從死亡嘅恐懼中明白自己活著的重要性，先會為自己計劃未來時，活出真正的自己，呢度有個概念，叫本真，非本真。海德格提到，世界上只有死亡係特別嘅，因為死亡係無辦法由其他人替代你去做。洗碗，可以叫屋企人幫手。甚至心跳，都可以有機器附助。但係死亡，只有你自己可以做，唔會有話人地替代你去死，你就永生唔洗死。-死亡，有住不可代理嘅性質。而死亡從一出世開始就如影隨形。死亡從來唔會係由死神同你預約時間。即使係你患上左絕症，醫生俾一個大致生命時間仲有幾耐例數都好。例如你今日知道仲有6個月命，都唔會擔保死亡會按照預定時間黎問候你。話唔定下一個星期，你食豆腐花嘅時候就嗝死。人在什麼時候死亡，都是合理的，沒有規定你該活多久。人應隨時準備死亡。-但係即使死亡可以隨時拎左你條命都好，事實上人類並唔會將死亡放喺心入面。存在(dasein)同死亡明明係一體兩面嘅，明明只要being存在，就有死亡嘅發生。只不過人類畏懼住死亡，所以人只係記得擁抱生命美好，就刻意忽視死亡。-海德格就係要同我地講，唔好拒絕死亡，因為只有對死亡嘅思考同焦慮，先可以確立自己-此在，活出本真，一個屬於自已嘅生命。有人會過一個社會，父母，他人設計俾佢嘅人生，呢d叫非本真嘅人生，呢班人叫做they self，佢地嘅自我係人地投射之下嘅自我。人生可以話係隨波該流，以現在作為思考立足點，人生俾咩佢食就食d咩。死亡係存在嘅終點，所以當我地從人必有一死嘅角度去審視生命，就係以未來作為立足點睇我地嘅一生。我地想我地一生係點嘅呢，我地想死亡之際係感到此生完滿，定係充斥住遺憾?-所以我地就會為左唔好令人生充滿遺憾而計劃未來，而去選擇咩野想要，咩野唔想要。正如死亡都只有我地自己可以體驗一樣，自己嘅生命係我地自己先會真正感受到。去到呢一步，我地就可以選擇拒絕隨波逐流，拒絕去過人地設定目標，一個非本真， they-self嘅人生。需要留意嘅係隨波逐流嘅人生都係一個本真嘅人生，只要係你選擇嘅生活方式，就係一個本真嘅人生。。-正面直視死亡，先可以有真實嘅生命。死亡唔係一個終點亦唔係生命嘅對立，而係一個視為影響生命嘅東西，生命之中入面包含嘅東西人係一個Being towards death 向死嘅存在-其實海德格之後都推翻自己嘅理論，後世亦都有唔少論述說明本真/本己嘅境界係極難達到嘅，而且都skip左唔少海德格精彩嘅論述。但係咁樣又有排講。所以就海德格就黎到呢到，我由我自己嘅思緒同大家渡過剩低嘅時間。-死亡是友善的，他永遠常伴左右，提醒我們危險在身旁。-等火車無幕門火車入站嘅嗰一刻想像住自己嘅骨肉被火車同鐵軌分離然後覺得咁死唔太值得再喺月台上面後退一步遠離邊緣心諗：原來我係咁珍惜生命只有經常將死亡放喺心入面，同死亡保持一個可親
2022-09-2424 min
Tipsy.podcast - 非主流文化導覽[AI ]👾 AI藝術&恐怖谷理論 "HAL！OPEN THE DAMN DOOR！"- SA05(文字內容過長或會於podcast頁面有所刪減，可至IG @tipsy.podcast 閱讀簡略版全文.)
開頭聲帶: 2001: a space odyssey; 結尾歌曲: I am AI- AI Composed Music by AIVA
有人認為因為AI出現，人類就可以從煩悶重複既嘅工作之中解放，從事更多創意，藝術工作。
但我曾經見到有個tiwtter上面既tweet係咁講既：
/好多人認為AI發展可以將人類脫離重覆既工作，做更多創新活動。
/結果事實上，更多嘅係，人類繼續做原本既事，AI就去用黎創作藝術。
/咁唔係好Utopia咩?
-
AI入侵我地既日常生活，甚至比我地想像中更多更早。
早喺1988年，大西洋月刊既Bill Dedman就已經用電腦演算幫助下檢索梳理了大量的嘅住屋按揭數據，揭露出住宅按揭市場入面嘅種族岐視。
你話呢個電腦只係整理數據，算唔上係AI。
咁我地時間拉近d，去到2016年既里約奧運會：
毫無疑問，電腦演算比人腦整理資料數據黎得更快更準確。
為左搶先報導奧運會成績，
華盛頓郵報使用機器人記者包攬左大量數據密集型嘅報道，
呢個技術係自動化新聞，automated journalism。
寫稿軟件對源源不斷嘅數據分析整理後，把信息跟事先定制好嘅新聞模板裏裡面對應詞句配對，然後出新聞稿，發表喺不同的平台。
令人類寫手可以編寫其他內容。
-
先前我透過一個FB既關於克蘇魯既社團接觸到用AI程式去畫畫，
略略講下用AI畫畫既程序：
不論係邊一種program 都會要求使用者打一句，至到一段文字去描述用家想要既作品。
演算法就會根據呢一行字去搵相關既畫作，圖片整合出你想要既畫。
-
而前陣子有件事都引起全球畫家，藝術家嘅擔憂，就係AI program畫畫已經出神入化，令佢地擔心生計。
美國科羅拉多州博覽會（Colorado State Fair）舉辦了一個美術比賽，
當中，一幅名為〈太空歌劇院（Theatre D’opera Spatial）〉的作品，成功奪得「數碼藝術/數碼修改照片」類別的冠軍。
遊戲設計師Jason M. Allen創作的得獎作品
結合了文藝復興時期和Steampunk風格。
畫作以外太空的歌劇院作為背景，一群表演者站在巴洛克風格演奏廳的中央，凝視著窗外的風景。
而呢幅就係用program Mid journey畫嘅。
所以有其他參加者就批評AI軟件製圖是「作弊」、「創作AI畫作不應自稱為藝術家」、「AI畫作不算藝術品」等等。
甚或提到「藝術已死」。
-
雖然我喺今集成日都叫呢d program 做AI，
其實某程度上係呃緊大家，因為完全AI應該可以自已運行。
而上面提到既電腦演算，都需要人做data 既input。
所以要去到AI 發展出天網，skynet版本嘅 張家輝 講「我就係天網，天網就係我。」嘅日子仲有段時間。
-
上面提到嘅例子最多都係威脅人類嘅工作機會，而唔係人類作為生命嘅存在，人類點解就咁驚會被AI滅族取代呢?
喺podcast一開頭嘅就係經典嘅scifi 太空電影: 2001 a space odyssey
而仲有好多影視作品: matrix, i robot, terminator, bladerunner, 普羅米修斯, 遊戲 Detroit: become human
甚至係Wall E 呢啲都建基於，或者有橋段講AI 機械人反抗甚至征服統治人類。
以下我嘅講解，會將AI 同機械人撈埋一齊講，因為2者混合外表以及智慧都相似人類先有討論價值。
-
我嘗試歸納一下，點解人類覺得：AI會係人類嘅威脅嘅想法，
分別係1. 似人而非人, 2.妒忌
-
有啲作品會將AI 以一個人類模樣嘅形式存在，例如普羅米修斯嘅仿生人David咁。
有無試過見到一啲好像真嘅公仔嗰時，會覺得噁心呢。
有一個講法係，人類會從本能上害怕 似人但非人嘅事物。
呢個叫做恐怖谷理論嘅假想。
係一個關於人對機械人、類人物體human like object感覺嘅理論。
主要人對於呢啲human like object 有3個階段嘅感受。
第一個階段：「不夠擬人」，那它的類人特徵就會顯眼並且容易辨認，人類會覺得佢可愛，覺佢似人嘅嗰啲部分得意；
第二階段：「足夠但唔係百分之百擬人」，就係同上一個階段調翻轉，唔係突顯當中嘅似人部分，而係突顯當中嘅非人部分，令我地覺得噁心，奇怪；
第三個階段：就係「100%似人」，咁樣又會完全似人，人類產生同人之間嘅移情作用，又會有好感產生。
所以人類對於相似人類，但並非人類嘅AI機械人會有厭惡排斥嘅感覺。
-
2022-09-1819 min
Tipsy.podcast - 非主流文化導覽[天佑女王]🕯👑-SA04上半部為簡述英女王一生，不在此再以文字列出。
有興趣人士可以到英國王室網站 www.royal.uk 查看。
-
下半部則同大家講解「The King is Dead. Long Live the King."
呢個看似矛盾嘅短語同時宣布了前任君主逝世，並向新任君主致意來確保政權過渡嘅穩定。
所以喺今次查理斯三世繼位，
應該係講：
"The Queen is dead, Long Live the King"
(女王駕崩，國王萬歲！)
呢個係一個有時官方發出嘅聲明，亦普遍被民間使用，標誌著新君主在舊君主駕崩之後即時自動繼位。
用呢種立即移交權力嘅想法來避免王位懸空。呢個著名的嘅短語係用黎表示主權連續性。
-
喺其他的君主制國家中，情況並非常態，新君主嘅統治多數以加冕典禮或其他傳統儀式開始。例如，1569年－1795年存在嘅波蘭立陶宛聯邦採用選舉君主制，過渡期因此相對較長。
整個聯邦的政治制度被稱為波蘭選王制，是貴族共和制和選舉君主制的混合，法律與由眾議院貴族控制的議會限制君主的權力。
有句話總結左上述教條：「國王當政但不統治」。
係選舉民主，君主立憲，聯邦制嘅先驅。
-
我地翻翻黎講呢8個字
1936年1月，因喬治五世逝世，愛德華八世在「國王駕崩，國王萬歲！」聲中登基。
而呢句說話首次被使用，係1422年嘅法國。
喺查理六世去世後，查理七世即位時首次宣布。
"Le roi est mort, vive le roi!" (法語)
而當我地要再向時間線上游追溯呢句宣言背後嘅思想，
就去到1272 年嘅英格蘭，當時亨利三世去世，而他的兒子愛德華一世正在十字軍東征中。為避免爆發王位爭奪戰。
王室宣布：“王位永不空，國永不無君。” 因此，愛德華立即被宣佈為國王。
"The throne shall never be empty; the country shall never be without a monarch"
-
鍾意以上內容可以follow 呢個podcast, 都可以share 出去。
想了解更多女王嘅一生可以上英國王室網站 https://www.royal.uk/
呢度係tipsy podcast
long live the Queen!
EP歌曲：God save the Queen (英屬香港版本)
2022-09-1217 min
Tipsy.podcast - 非主流文化導覽[月色真美的那一夜] 🌜如果我對你說愛，你會答應嗎？ - SA03開頭聲帶:鬼滅之刃; 結尾歌曲：Fly me to the Moon (EVA 版本)
今夜は月が綺麗です。
-
傳說日本大文豪- 夏目漱石擔任英文老師期間，
曾經同學生討論要如何翻譯一篇英文短文，文中嘅男孩喺美麗嘅月色底下忍唔住向女孩告白（I love you），
就好似我地平時翻譯的習慣，學生們將這句話直接翻譯為〝愛しています〞（我愛你）。
夏目認為「日本人係不會這樣說的」，沒有日本人會直白將「我愛你」三個字輕易講出口，不如翻譯為“月が綺麗ですね”（月色真美）。
-
另一樣想講係一句都係來自日本嘅詩，
「山川異域，風月同天」
這句詩背後，有一個同中國有著千年淵源的故事：
那是在一千多年前，日本王室有個人叫長屋王，熱愛佛法，
他派了很多遣唐使前往大唐，並且製作了一千件袈裟帶給大唐的僧人，
這一千件袈裟非常特別，每件上面都用刺繡繡著一首詩：「山川異域，風月同天，寄諸佛子，共結來緣。」
大意係 希望諸佛子弟能來到這裡再續來緣。
決定東渡日本弘揚佛法嘅 鑒真先後六次東渡，前五次都失敗了。
直到第六次東渡，鑒真才終於成功，前後歷經十二年。
-
最後同大家講下如果聽到人講「月色真美」可以點樣回應：
接受：
風也溫柔;
死而無憾;
拒絕：
可惜在遙遠嘅地方;
once in a blue moon;
-
祝大家中秋節快樂，搵到人同你一齊賞月啦!
2022-09-1020 min
Tipsy.podcast - 非主流文化導覽[談。佛]📿佛牌，法門，信仰 ft 業餘收藏家 William -SA02第一次錄製訪談型節目，自己發覺一錄d無稿嘅野就唔掂XD
音質亦因為file corrupt過，請見諒...
由介紹泰國佛特式開始，同大家一齊聽下佛牌點樣整，正牌陰牌製作上有咩分別；陰牌係用咩嘢材料？整佛牌又有分咩法門？
再講下「放下執著」，電影-大隻佬入面嘅老生常談；
最後講下William 嘅其中一個收藏品。
一個50年代由高僧製造嘅銀盒，原本用途係一個盛載名貴藥膏嘅盒，藥膏由多種稀少花種製成。因為手作數量極少，比起用黎「查」，多數都係作為展示品。同時銀盒亦可以用黎供奉成願，可以供金，亦可以貼金箔還願。
2022-09-0439 min
Tipsy.podcast - 非主流文化導覽[早餐]🍳唔食無朝氣，食完壞肚皮-SA01呢一集就係我所講既不分主題內容嘅集數
純粹從心出發，講啲我想講嘅野。
由廣東早餐，到港式早餐，再最後同大家分析下台灣早餐店奶茶點解有令人「大落賽」嘅效果?
早餐好重要，記住breakfast like a king!
2022-08-2813 min
Tipsy.podcast - 非主流文化導覽[電影外傳]🎥_神探大戰_殺手列車__明日戰記&獨行月球無咩內容，純粹同大家update下channel發展，未來唔會再有「季度」分開主題，以後內容會更加不著邊際，亦希望有新嘗試，加入對談集數。 跟住再同大家share下幾套睇左既作品咁就group埋做一集咁XD (用XD會唔會好老...利申90後)
*更正殺手列車導演之前係拍過 Deadpool 2而非1
2022-08-2111 min
Tipsy.podcast - 非主流文化導覽[思念的那一集]回憶、歲月、房間的窗 S2 Ep04 ft. 詩人 梁秉鈞 (也斯)
回憶美好，但一去不回。 所以好多人用佢地既方法記錄閃爍即逝既時光， 香港有批人用佢地既專長留低佢地對香港既思念同愛。
街道詩 顧名思義，藉著街道黎抒情嘅新詩。
街道詩就要講詩人 梁秉鈞 也斯 在也斯執筆的年代，香港街道既日常仲未係「合適」既文學題材，也斯就記錄左香港為人忽視既另外一面風景。
街道詩將當刻嘅街道時光紀錄， 將作者嘅思念同情感凝結。
歲月喺文字之中停止轉動。
原本我想講一d大家都會點頭，共鳴既關於回憶既大道理。
但因為可能回憶係一種只屬於自己一人自私而又無從分享既感動，我實在苦無頭緒。
寫稿時咁啱落雨，望出去窗既景色，就想帶大家一齊幻想一下我房間窗外，本只屬我一人既景色。
如果你遊離在外，或者已經失去那片窗戶。
在你回憶既時候，希望可以用文字記錄你自己既回憶。
因為回憶並不可靠，還請多寫字，多影相。 最
-
後相贈白居易既「我生本無鄉，心安是歸處。」俾在外既遊子。 心安，便是歸處。
2022-08-1413 min
Tipsy.podcast - 非主流文化導覽[分手的那一集]再見、死亡、香港- S2 Ep03 ft 林夕 - 十年
生命有輕重之分，因為人有親疏之別。
人生向來比劇本更加離奇，唔講道理。
一個花盆要跌落黎，唔會先問你係好人定壞人。
我地可以做既，只有講好每一次既晚安，每一次好好望住對方雙眼講再見!
恐懼同貪婪 -
係杜琪峯導演經常講既主題。
而今次杜sir喺七人樂隊入面執導既遍地黃金，描繪香港千禧年代。
從而家未來既角度黎講，我地當然知道2003年要貪婪，因為之後樓價會一直升。
2008年要恐懼，因為股市高位過後係金額海潚。
咁2022年呢，我地應該繼續陷落去定係分手?
好多人選擇喺一段關係之中留低，
除左妄想時間會修補一切之外，
係因為對呢段關係仍然有幻想，
幻想住嗰個唔會發生既如果同可能。
縱使曾經深愛既人，事，物
傷害左你
你都會對佢存有不切實際既幻想
只因曾經深愛，所以怕分開。
分手/再見，邊個更難講出口呢?
最後透過林夕填詞既，希望你能夠向某個人，某個城市講聲「再見」。
2022-08-0715 min
Tipsy.podcast - 非主流文化導覽[讀] 夜鶯頌- 節錄 John Yeats (中文部分為余光中譯版)S2 第二集提到的夜鶯頌- Ode to a Nightingale。
食完宵夜飲緊酒就揾野做錄下音讀下詩咁。
放心，今個星期唔係得呢集既!
2022-08-0502 min
Tipsy.podcast - 非主流文化導覽[港產的那一集]/我知道這不是夢， 這是現在。- S2 EP02[今集內含劇透，敬請留意] ft 七人樂隊 & 詩 - 豎笛與長琴
/我來到你身旁，
/你是山，
/你是海……依偎著你，
/我知道這不是夢，
/這是現在。
< >
今集更新的早一天有幸去睇一套港產片 - 七人樂隊
之後仲有由洪金寶，袁和平，杜琪峰擔任嘉賓既映後分享會
聽君一席話，勝讀萬卷書
洪金寶導演於問答環節回答到香港武打片後繼無人既困境
原因係香港再不能如當年一樣給予人希望，人才自然唔會再黎香港。
私以為，香港人應有義務支持港產既好作品
只有創造機會，就可尚存一息
即使有種種限制，也可以在自己可行既範圍作出行動。
七人樂隊中，譚家明導演既《別夜》(英: Tender is the night)
以一對戀人分離為題材，以詩詞帶動觀眾情感，講述那個唯一且動人的夢。
下一集繼續以七人樂隊中既內容為題材，講講
說了再見，便會再見... ... 嗎?
(留意本集過場音樂或比想像中耐，希望大家能夠有時間思考以及培養情緒)
2022-07-3119 min
Tipsy.podcast - 非主流文化導覽《Dating app-愛的那一集》 永遠的下一位 S2 EP01/耶穌說的愛是無條件的、獻身的，
/奧修說的愛是能量的互動、是自由的、無束縛的，
/昆德拉說的愛是機遇的、偶然的、命定的，
有好多古今中外嘅人都答過愛是甚麼呢個問題。
而愛，對100個人，可能就有100種定義。
Dating app 作為現代愛情產業下既產物，
俾 用戶一種感覺 「永遠都有下一個，而下一個可以更好」，
今集透過 2022 Oscar Best Anime Short - The Windshield Wiper 同大家講下
現代愛情之下，"the one" 仲係咪存在既呢?
而「下一個永遠更好」係錯覺，定係一個給予自己安全感既藉口?
/不會得到最愛 最多只有更愛
/這麼反覆比較繼續重複到未來
/才明白愛情 是我和自己的競賽
@tipsy.podcast @tipsy.foto
2022-07-2417 min
Tipsy.podcast - 非主流文化導覽《徒亂人意》tipsy.dream S1EP01重製2022.10.16發佈
今集係充滿實驗性質嘅一集，呢一集有嘅只係體驗同感受。
分別從罪與幸福、回懷與懷舊、感受、答案、行動、孤獨、醉、死，以及愛嘅角度一齊感受下呢個醉左嘅夢。
素材：
東邪西毒(1994)；戲
Det sjunde inseglet (第七封印) (1957)；戲
Träumerei (夢幻曲) - Shumann；歌曲
As you fade away - Neffex；歌曲
Verdens verste menneske (世界上最爛的人) (2021)；戲
當年情 - 張國榮；歌曲
What is Reality? - Alan watt；說話
Feeling's Not Mutual - Single Friend；歌曲
2016哈佛大學演講 - Steven Allan Spielberg；說話
The Human Condition(人的條件) - Hannah Arendt(1958)；書
Bladerunner 2049 (2020)；戲
L'Étranger(異鄉人) - Albert Camus；書
Plastic Love - 竹内まりや；歌曲
Voices - Patrick Patrikios；歌曲
酒徒 - 劉以鬯；書
夕陽之歌 - 梅艷芳；歌曲
Lost in Prayer - Doug Maxwell；歌曲
Příliš hlučná samota(過於喧鬧的孤獨) - Bohumil Hrabal；書
"Let me tell you one thing..." - David Bowie；說話
Interstellar (2014)；戲
Also sprach Zarathustra, Op. 30 - Richard Strauss。歌曲
應該無漏，完。
2022-06-111h 00
Tipsy.podcast - 非主流文化導覽《導聽徒說-序》 將思考交給直覺，把本能還予理性-S1EP00重製2022.10.09發佈- 全文請至IG: tipsy.podcast 觀看。
醉住廣播tipsy.podcast，中文名曾經叫做「醉住洗杯」，英文名就無改過嘅。
呢個podcast將會同大家一齊聽下社會入面嘅非主流文化。
會有最多見到嘅，係平時主持生活上嘅體驗，思考，睇過嘅作品，前人嘅理論而得黎嘅集數；
有時會有外傳，一d又無內容又聽到好眼訓嘅集數；
亦有極少出現，讀一段詩，讀一篇文章，有感而發嘅集數。
而每一集都會同大家開支酒，希望聽眾聽嘅時候都為自己準備一杯野飲。
呢個podcast嘅內容並唔會同大家講一d好創新好尖端嘅野，我所做嘅只係同你一齊用心去感受呢個世界，一齊去喚醒你內腦入面深處嘅回憶。
所以喺一切開始之前，我地黎一齊從心同埋腦，兩種角度去了解「自我」係啲咩野。
-
今日呢集序章，跟從笛卡兒一方，以及佛洛依德一方 兩個截然不同嘅想法去了解何謂我，何謂自身。
認識自我向來都係哲學上嘅一大課題。
去嘗試理解自己就係同時於去嘗試理解世界。
世界並唔一定係只可以從客觀方式去理解。
唯心主義講嘅係以心智為基礎去理解世界，
人的意識是萬物的根源以及物質現象發生的先決條件，
根據這個觀點，意識作為物質存在的前提是存在於物質之前的。
而我地人嘅觀點，想法，就會影響呢個世界事物嘅性質。
-
我地嘅自我意志會影響物質嘅定義。
但係又係咩野去定義自我嘅呢?
-
一個十分著名嘅法國哲學家 - 笛卡兒
最出名嘅係一句大家必定會聽過嘅：
「我思故我在」。
笛卡兒作為一個提出懷疑論嘅人，
認為世界並唔可以肯定，一切都可以懷疑，可以係惡魔所瞞騙我地嘅一場夢。
而唯一可以肯定嘅，就係思考緊嘅自己
-
笛卡兒用「二元論」去分開呢個意識同外在世界做「認知主體」同「被認知嘅客體」：
作為「認知主體」嘅意識係純粹思維，具有直觀和判斷的能力，我就先用理性呢2個字去借代；
而客體就係一種存在喺物質世界佔有空間嘅野，
因為人嘅肉體，感官係可以被意識左右同瞞騙，所以我地嘅身體都被區分為客體object。
而從呢個二元論裡面，笛卡兒除左將我地嘅意識同肉身，世界分割開之外。
佢之後亦都有意將佢地排列優次，
認為人嘅思想，理性嘅意識係優於我地嘅肉體。
然後就延伸到，
佢認為人嘅行動，係完全由我地嘅理性控制，
理性係控製我地行動嘅根據。
-
但係咪真係咁呢?
理性，或者叫意識係咪就真係我地所有行動同諗法嘅起點呢?
-
佛洛依德同尼采認為：
我地嘅行動並唔係全部受意識控制，當中係由潛意識去掌控。
咁呢啲潛意識，或者叫做直覺本能係點黎嘅呢?
佛洛依德就話：係我地嘅回憶堆砌出我地嘅潛意識
即係可以話係我地嘅過去，形成現在嘅我地
可能係一次年幼，童年時候嘅經驗，就影響住我地嘅一生。
我地嘅心靈係無得同身體反應切割分開去睇嘅。
而就係呢啲一件件過去嘅重要經歷，令而家呢一刻嘅我地面對一啲dejavu 一啲似曾相識嘅處境。
就會好直覺咁本能作出反應。而呢一種直覺，我地係唔應該喺理解自我嘅時候擺喺理性之後，而係應該平等看待嘅。
-
最後，同大家講下我地要點樣運用呢2種力量，再去平衡兩者。
-
如果係一段美好嘅記憶，就自然會俾我地力量，當然要好好記住。
而如果係一件，或者講係一連串唔好，但依然重要嘅經歷，
仍然請你好好記住。
只係我地要記住嘅唔係嗰件事情，而係嗰段感受。
好好思考呢一份焦慮以及驚慌嘅感覺，
將佢轉化為憤怒，再將佢昇華做一份希望，
一份唔想再遭遇呢個恐懼嘅希望。
等你嘅身體去記住，
等你個心去記住，而唔係用你嘅理智同思緒。
-
另一方面，我地可以從過去之中得到行動嘅動力本能。
但唔代表我地一定要俾過去束縛。
當痛苦嘅過去唔能夠轉化成為力量，而係成為束縛住我地行動嘅泥沼。
喺呢個時候就要運用我地嘅意識理性去截斷來自過去嘅幽魂纏繞。
喺呢度嘅並唔係可恥嘅逃避，而係帶有勇氣嘅同過去幽魂砍斷連結嘅行為。
-
無論係直覺定係理性，都可以同時使用，將身體交俾直覺，然後將心靈付託俾理性。
-
序章嘅時間黎到呢度
鍾意啱啱內容既可以follow 呢個podcast 同ig, ig會有更多無錄做podcast嘅短文同埋酒嘅介紹。
聽完今集亦推薦大家可以先去聽下第一季嘅集數 ，只要碌到去時間最早嘅集數就會搵到。
第一季會繼續同大家去了解自我，以及喺一個荒謬嘅空間以及無意義嘅時間入面點樣去拯救自己。
呢度係tipsy podcast，希望之後嘅集數仍然會聽到你地
2022-06-0829 min
Tipsy.podcast - 非主流文化導覽[ ] 靜默收聽及IG連結：https://linktr.ee/tipsy.podcast
純文字，podcast無內容
當2014年開始多左人認為呢樣野係鄰國既事，認為我地無需要記得，亦無責任悼念。 以一個香港人黎講，的確可以有以上既結論。 但我地亦會為美國槍擊案而難過，為韓國世越號沉沒而憤怒； 我地會因為種種悲劇流下眼淚，為一個個唔完滿既故事而悲傷； 只因我們同樣生而為人。 生而為人，我很抱歉，但我們也有種責任。 不為傳承，只為與生俱來既良知。 所以亦都係點解，我會鍾意引用東邪西毒既句子。 /我曾經聽人講過「當你唔可以再擁有既時候，你唯一可以做既，就係令自己唔好忘記。」/
2022-06-0401 min
Star Wars Audio ArchivesSeason 4 Mid-Season Show And Giveaway We hope you enjoy today's show. If you liked the show, please give a five-star rating on whatever platform you use to consume your content. It really does help. If possible, share it with your friends and family. It would be greatly appreciated. And don't forget to favorite the show. That way you will be notified every time we release a new episode. As always, thank you for spending your time listening to this podcast. For people with any questions about the show. Please do not hesitate to email us We would love to hear from you. Follow us o...
2021-11-0614 min
2021-11-0519 min
Fr. Daniel PoovannathilS5.E6. മത്തായി 5.1-4: സുവിശേഷഭാഗ്യങ്ങൾ (ഭാഗം 1) | Mathew 5.1-4: Beatitudes (Part 1)Fr. Daniel Poovannathil talks about Jesus selecting his initial few disciples and Jesus's ministry. He explains the new laws given by Jesus as per the new covenant. He shares the meaning of being poor in spirit, and the ones who mourn will be comforted. This teaching can also be viewed on YouTube at https://youtu.be/7EyMYq3-Ho8
2019-01-0659 min