Shows
mengisch frög ich michWTF isch AuDHD? | s'innere Tauziehen vo Autismus und ADHS#61: Autismus und ADHS überlapped sich nöd nume, sie chönd au gleichzeitig vorcho. AuDHD bezeichnet Mensche, wo sowohl e Autismus Spektrum Störig (ASS), als au ADHS, hend. Obwohl die Kombi häufig isch, isch AuDHD kei offizielli Diagnose im DSM und durch die so gegesätzliche Bedürfnis vo ADHS und ASS, ischs Verstah und s’Erkenne vo AuDHD eso schwierig.Bi rund 40–50 % vo Mensche mit ere Autismus-Spektrum-Störig tretet zusätzlich ADHS uf. Umgekehrt chunnt ASS bi ADHS zwar au häufiger vor, aber weniger oft. Beidi Neurotypen sind stark genetisch bedingt, und n...
2026-02-0830 minmengisch frög ich michdie hässlicheri Person ide Beziehig sii | Vergliich und Unglichheit#60: Was isch wenn mir kein Alters- sondern en Schönheitsabstand hend ide Beziehig und ich bi am untere Endi… De Beziehig isch immer volle mit Unglichheite und so au bim Ussehe. Egal ob wahr oder nöd, ich fühl mich wie die hässlicheri Person ide Beziehig… und leider schriebet mir das Lüt au gern mal uf Social Media. Es isch es Tabu und tönt nach Compliment fishing, aber ich bin siit Jahre überzoge, dass ich Welte hässlicher bin als mini Partneri. In dere Episode rede ich ehrlich drüber, was...
2026-01-2523 minmengisch frög ich michbrännet mir all gaht us? | wänn Stress krankhaft wird#59: Wänn weisch obs jetzt zviel isch? Will Stress isch ja biz normal. Stress ghört hüt für vill Mensche zum Alltag. Doch wänn wird Stress eigentli krankhaft? Und was sind d’klare Burnout Symptom, wo mer ernst sött neh?In dere Episode luege mer gnauer ah, wie sich Burnout bi neurotypische Mensche zeigt, aber au bi neurodiverse Persone (z.B. bi ADHS, Autismus oder hochsensibleti). Chronischi Erschöpfig, emotionale Überforderig, Reizüberflutig, sozialer Rückzug oder s’Gfühl, gar nüme funktioniere z’chöne.Ich teile, wieso so vill vo eu...
2026-01-1124 minmengisch frög ich michFehldiagnose Borderline: isches BPS, ADHS oder ASS?#58: Borderline, ADHS und Autismus überlappet sich starch, was oft zu Fehldiagnose füehrt – vor allem bi Fraue und genderqueere Persone. Vill Symptom wie Impulsivität, Emotionsschwierigkeit oder en diffuses Selbstbild chönd sowohl uf ADHS, Autismus Spektrum Störig wie au uf BPS hinweise. Diagnoseskriterie sind meist uf männlichi Verhaltensmuster usgrichtet, drum werde Fraue oft spöter erkannt, will sie soziale Muster imitieret und maskiere. Doch was isch de Unterschiid ide Symptomatik zwüsche de Borderline Persönlichkeitsstörig, Aufmerksamkeitsdefizit- / Hyperaktivitätsstörigund Autismus Spektrum Störig? Negiert mini Autismus Diagnose mini v...
2025-09-0727 minmengisch frög ich michmini autismus abklärig#57: "habe ich autismus?" hani fascht scho so viel mal iigeh wie "bin ich lesbisch?" uf google, aber mer weisse snie mit gwüssheit bis mer sich dem verdacht stellt. ich ha vor paar monet als erwachseni, wiiblich sozialisierti person autismus spät diagnostiziert becho . das het ohni z'lüge recht fescht mis lebe uf de chopf gstellt und ich übertriebe nöd wenni segge, dass ich mich nöd nur wie en neue mensch fühle, sondern die autismus spektrum störig diagnose für mich extrem viel neui struggles aber au so viel meh lebensfroid und selbstakz...
2025-08-2432 minmengisch frög ich michII. externi validation: male validation & selbstfindig#56: Externi Validation | wo sie überall vorchunt & was sie mit eim macht - Teil 2hüt hani mini Fründin, Zoë, mit debi und mir schwätztet ime wiitere Teil über externi validation vo Soziali Phobie / Angststörig und wiemer die cha aagah bis zu männlichi validation vomer genauso ine queere Beziehig wie au unter nöd-Männer finde duet und wie belohnend d Arbet isch vom sich hinterfröge und selber finde. wär mega froh, wenn dir de Podcast gfallt du en mit teile, bewerte oder dini Kolleg*inne...
2025-08-1024 minmengisch frög ich michI. externi validation: akademische druck & soziali ängscht#55: Externi Validation | wo sie überall vorchunt & was sie mit eim machthüt hani mini Fründin, Zoë, mit debi und mir schwätztet über externi validation im Chindesalter wie denn au über Notedruck, Performance Ängst, Soziali Phobie / Angststörig und People Pleasing. wie externi validation wichtig isch fürs ufwachse aber au dur die üsseri sogar positivi rückmeldig en Zwang oder Druck chan entstah, wo eim abbringt vom eigene Weg und de eigene Wert.
2025-08-0325 minmengisch frög ich michd'altersgrenze zu dine struggles | wenn problem chindisch werdet#54: du bisch doch z'alt zum no problem ha mit SH. du bisch doch scho erwachse,wieso fangsch jetzt aa rauche. du bisch doch z'jung zum es burnout ha. problem zha usserhalb vode timeline womer gwüsse problem zuegschriebe becho het, isch doch peinlich, fascht chindlich. die verinnerlichti timeline wie und wänn du was derfsch betrifft viel lebensbereich aber genauso struggles, vo mentali gsundheit zu gängigi problem. und s'spannendschte woni debi usegfunde ha: die timeline isch hauptsächlich vo falsche aanahme/informatione und vo de gsellschaftliche verharmlosig/entwertig prägt. Que...
2025-07-2021 minmengisch frög ich michs'Massband zu mim Wert | wenn Zahle dis Lebe kontrollieret#53: Was isch wenn du uf de Suechi nach dim Selbschtwert ee Abchürzig findsch? Es App, wo dir dini Zahl seit, wo dich nachher definiert. Du weisch zwar nöd was die andere füre Zahl hettet aber die hend definitiv ee höcheri als Du oder süsch würsch du ja au nöd eso liide unter .... Sich selber kontrolliere und messe kenne ich no allzu guet vode Essstörig. Wo Chleidergrössene zu de Zahl uf de Waag biszu de Kalorie, woni immer wieder usgrechnet ha. Doch au woni mich ha chöne mit viel Müeh...
2025-07-0618 minmengisch frög ich michsich ufopfere für anderi & emotionali dienstleistig#52: ich bi müed. Müed vom ständige geh, für lüt da sii, zuelose, tröste, ratschläg geh– und selber kei Platz zha. Immer müese sich bewiise und anderi vor sich zstelle, het nöd nume öppis mit mim Selbstwert z'tue, sondern au mit Misogynie: Mit de Erwartig, dass wiiblich sozialisiereti Lüüt sich für anderi ufopferet münd, sich um alles und jede kümmeret und emotionali Dienstleistung (!) erbringet – wiedermal gratis natürlich. I red drüber, wie das us mir e Rolle gmacht het, wo i gar nüm will sii. Weder im echte Lebe no
2025-06-2919 minmengisch frög ich michdie jugend will nüme schaffe: toxic arbeitskultur und ageismus | talk mit de cris#51: Arbet isch nöd alles! Das isch es Mindset womer immer meh bide Gen Z findet, doch bedütet das, dass mir trotz Jahre Arbetserfahrig söllet de Mindestlohn verdiene oder gegenüber ältere Konkurrente benachteiligt werde? "Die Jugend will nöd schaffe" wird eus immer wieder vorgworfe. Stimmt das? isch es würkli d Fuulheit vo eusere Generation wo so viel Gen Z's arbetslos macht oder isches Ageismus? Alles das und no vieles meh ii dere episode drüber wie toxisch d Arbetskultur jungi Lüüt behandlet und mit dem Voruteil s Versage nöd vo eus, sondern vo de iiste...
2025-06-2219 min
mengisch frög ich michangst vorem erwachsewerde & doppelmoral vode 20er | talk mit de cris#50: wenn du s gfühl hesch dass dir d ziit durd finger rinnt obwohl du gaht die beschte ziit vo dim lebe sötsch ha:vores paar täg het cris uf ihre privatstory gshared wie fescht sie angscht het vorem 25i werde. dass jedes jahr wenn ihre geburtstag chunt sie depressed wird und sich mitem jahr vorher vergliicht. wie ihre denn genau bewusst wird wie d ziit schiinbar ihre durd finger rinnt und das genau ide 20er, ii dere ziit womer ja no so jung, früsch und anschinend die beschti ziit vo sim lebe söt ha...
2025-06-0825 min
mengisch frög ich michLiebi Queers... LG e Lesbe#49: wenn du das losisch bisch du gay! du bisch en lgbtqia+ und häsch pronome. (obv en joke aber ich will wük nöd dass die episode aa die falsche lüt glangt.)die episode liit mer scho länger ufem herze, wills für mich sehr lang brucht het zum verstah und es mich au tüfer belaschtet het, aber au will ich nöd will ee wiiteri aagriffsflächi ufd community geh, bsundrigs lüt wo ES EIGENTLICH NÜT WÜR AAGAH! ich persönlich verspüre recht en feschte druck, gnueg gay zsi...
2025-06-0124 min
mengisch frög ich michbody image / d sicht uf de eigeni körper#48: body image isch sones thema das wird wahrschinli nie usdiskutiert sii. ganz viel lüt verzellet mir vo immer bezug zu ihrem körper und es schiint es git fascht niemer wo wük es "gsunds" body image het. es paar überkompensieret, es paar verdränget oder hasset sich eifach im stille. body image isch für mich scho immer es schwierigs thema gsi dur mini langjährigi essstörig, wo ich jetzt zum glück frei devo ha chöne werde, aber au dur mis umfeld, mini sozialisierig und dur vieli gschichte woni vo anderene mitbechum. mer ghört zu oft...
2025-05-1821 min
mengisch frög ich michfründe finde ide schwiiz#47: fründe finde ide schwiiz isch eigentlich impossible, jede/i het scho irgendwie sini gruppe sit chindergarte und wenn dsa nöd irgendwie als 4 jährigs greglet hesch, stahsch churz oder spöter jahre lang allei da, bisch nie en richtige teil vo fründschafte. viel vo eus hend dur eusi umständ nödchöne en aaschluss finde und fründe isch allgemein schwer desto älter mer wird aber jetzt auno ide schwiiz. wük eine vode verchlemmtischte ört. wenn du würsch uf de strass öper aaspreche, wirsch ehner als coucou aagluegt oder chli weird oder en druggie anstat...
2025-05-1124 min
mengisch frög ich michsis lebe zu sim eigne mache#46: irgendwie isch mis lebe wie trennt vo mir. es ghört wie nöd mir sondern ich lebs eifach als wärs zwar ee strass für mich aber sie ghört mir nöd. ich möcht mis lebe zu mim dihei mache, es dihei, wärmi und vertraue, sicherheit ii mim läbe finde und es zlebe als wärs mis. di episode isch chli meh calm und eifach chli zum zeme nahdenke, visualisiere und reflektiere :) ha eu lieb mini zimtschnägli ;)
2025-05-0417 min
mengisch frög ich michdenn bis doch schlecht, denn bis hald scheisse#45: Immer wieder glaubed mir, mir müend öpis perfekt mache oder sus isch’s nüt wert. Was, wenn mir eifach würkli nöd immer alles müend chönne? Was, wenn’s okay isch, schlecht z’sii – und nöd nur okay, sondern nötig? I red drüber, wie sehr mir üs selber lähmed mit de Angscht nöd es 100% zchöne, es nöd richtig zmache oder gar grotte schlecht. Wie’s plötzlich wieder leicht wird, wenn mer eifach ja seit zu dem, wo nöd klappt.Du darfsch hässlich male. Schl...
2025-04-2718 min
mengisch frög ich michregle wo eim helfe söttet machets lebe schlimmer#44: ich ha wahrschinli öpe 200 regle wo ich täglich muen iihalte. nöd us zwang aber us "selbstliebi" oder selbstverbesserig. mir kennets doch alli so 1x/Tag go spaziere söt helfe oder meh bewegig und plötzlich wirds zumene innere battle öpis z mache womer eigentlich gern macht oder es eim guet tueht eifach will die regle eso starr isch. Eimal pro Tag und süsch bisch enttüscht vo dir, schämsch dich, entwertisch dich. und das binere regle wo dir eigentlich söt guettueh. hüt schwäzemer über das und ich share es paar eigeni regle und nat...
2025-03-2322 min
mengisch frög ich michde lifestyle-vergliich (mis 300ste comeback)#43: helloo ich machs churz will bi nöd so gern öper wo caption schriebt. bi wieder zrug, danke eu und au de usziit. ich ha wük mega froid und au enegerie zum zrugg zsi, es acht so spass zum wieder chöne is mikro schwätze es paar gedankegäng zteile und sich selber z reflektiere. VIELE DANKE für eue konstanti support und ich freue mich wük tuuuussiig zum zruggsi hihihih
2025-03-0922 min
mengisch frög ich michcomfort zonees isch soo wichtig zum en space ha womer sich selber und sicher cha sii, aber abene gwüsse punkt, bi zuu viel comfort, erlürt mer sich, mer hört uf sache mache womer eigentlich will und d agscht die safe bubble zverlah wird immer grösser. hüt echli drüber wie ich mini comfort zone versueche immer meh verlah inkl some chlini story times
2024-12-0818 minmengisch frög ich michgnueg erreiche / gnueg siie Live-Episode, wo ich vor paar Woche vor eu in Züri geh ha. Es isch unglaublich gsi, mega uss minere comfort zone aber so so schön und ich bi extrem dankbar für alli, wo dabi gsi sind – Live aber au immer wieder da.
In dere Episode gah mir de Angscht und de Glaube-Satz uf de Grund, nie gnueg erreicht z’hend. Mir erläutere, wie sich die Gedanke nöd nume uf Leischtig wie Schuel und Arbeit, sondern uf vil meh im Läbe uswirket. Im Verlauf vo dere Episode wird klar, wo die Gedanke hä...
2024-11-2436 min
mengisch frög ich michoverthinke & chaos im chopf#40: tickets (gratis) für min live-podcasthttps://suisse-podcast.ch/festival-anmeldung-2024/hüt ee ganz rohi persönlichi episode über mis overthinking. über sache woni momentan angscht ha und wie ich versueche realistisch aa die angscht anezgah, zerkenne was ich konstruktiv cha drus use neh und so wiiter.
2024-10-2018 min
mengisch frög ich michich bin en loser und ich liebs#39: ich bin en loser. es isch eso oder jedefalls bin ich überzügt vo dere sicht uf mich. anstatt gege de glaubenssatz aazkämpfe mit "nei nei bin ich nööd" lerne ich drüber wieso ich so über mich denke und erkenne schlussendlich, dass en loser sii eigentlich eis vo de beschte sache isch ii mim läbe.
2024-10-1321 min
mengisch frög ich michsich selber (wieder) finde#38: wie findet mer sich selber, bsundrigs wenn mer so long öper andersch gsi isch? wer isch die person, wo ich bin? wie finde ich mich wieder? gits s wahre ich überhaupt no? wenn mer im leere isch wer mer selber isch , los die episode!
2024-09-2220 min
mengisch frög ich michmis alte Ich truure#37: ich verändere mich zum guete und doch vermisse ich s alte ich. ich ha sie cool gfunde und bsundrigs isch sie eifacher gsi. ich ha sie kennt, ich ha mich nöd müesse wehre gege schlechti gedanke und jetzt wonis mache und besser wird, bin ich müed. ich wünscht ich chönt zrugg zu ihre aber ich derf und cha nöd. es isch ziit mis alte ich ztruure.
2024-09-1511 min
mengisch frög ich michmentales alter - hinedrii/voruus sii#36: momentan gseeni sonen trend uf tiktok, wo lüüt ihres mentale alter testet und es eigentlich immer älter als die eigentlichiperson usechunt.ich rede hüt über euses mentale alter und s gfühl hinedrii und glichzitig voruus zsi. ich rede über was das gfühl siit de jugend mit mir macht und wie so viel verschiendeni wert eim fascht zum platze bringet.
2024-07-2123 min
mengisch frög ich michflucht vor sine gfühl#35: mer will sich eifach so schnell wie möglich us dere blöde situation, us dem nervige, verletzende gfühle usehole. aber was isch wenn genau das sfalsche isch und dini heilig stoppt? hüt redemer wie oft mir vo eusne gfühl flüchtet ii dem mir eus eigentlich wend helfe und au schniidet mir s thema vode selbstverletzig aah. ich wird sehr sachlich und nöd urteilend rede daher denki es wird nöd triggering :)
2024-07-0721 min
mengisch frög ich michich bin zrugg / updates, story times und selbstwert#34: hellooooich bin jetzt es ziitli weg gsi und ha eigentlich au nüme vorgha zrugg zcho. ich erchläre wieso no gnauer ide episode, aber jetzt bin ich DANK EU wieder da. ohni eu hätti glaubs de muet nüm gha zum wiiter mache. DANKE AA ALLNE VO EU WO MIT MIR INTERACTED HENDwenn mich supporte wilsch denn check out mis yt @mengisch
2024-06-2319 min
mengisch frög ich micherwachsewerde & ziitverschwendede übergang vo jugend und erwachse si isch mega furchtiflössend und es chömed so viel asprüch und verantwortige uf eim zue, obwohl mer überhaupt nöd weiss, wer mer isch. daher redemer hüt über die angst und glichzitig die co-existing angst vo ziit verpasse/nöd mitcho mit anderne.
2024-03-3127 min
mengisch frög ich michLGBTQ terror in Ghana / talk mit Celine#32: zum d celine und ihres projekt füren treffpunkt für flinta people of color in kollaboration mit café revolution z unterstütze, folget doch ire uf instagram (@celine.osei) sie postet det updates und infos!!!hüt rede mer über es recht aktuells thema in bezug uf ghana und wie detet lgbtq persone verfolgt und iibuchtet werdet uf grund vo ihrere art wie sie gebore werdet. zu gascht ha ich d celine (ig: celine.osei) wo selber wurzle in ghana het und dur das au dur die momentani situation extrem betroffe isch. ich finds es wichtigs thema zum liecht...
2024-03-1720 min
mengisch frög ich michmental health update#31: ich bin ii letschter ziit chli untertaucht und ich möcht eu en ehrliche iiblick geh was genau lauft demti du falls du inere ähnliche position bisch maybe dich au chasch identifiziere und dich nöd allei muesch fühle. ich bi ide episode chli umenand gschweift aber finde es het allg no viel sache zum mitneh au wenns keis spezifischs thema het :)
2024-03-1017 min
mengisch frög ich michloslahhüt behandlet mir s thema vom loslah. wie eusi aagstrengti versuecht alles z kontrolliere s lebe zu liid verwandelt. mir redet drüber wie sich die aagspannheit üsseret, wieso sie da isch und wie achtsamkeit, im moment sii es mittel cha sii, de griff langsam zlöse. am schluss machemer ee meditation wo mir werdet versueche eusi gedanken verbiizflüsse lah und sich ii sim körper gspüre nd sich selber meh zbemerke.
2024-03-0321 min
mengisch frög ich michQueer Talk #1: straighte sex hitted eifach nöd#29: churze disclaimer: die episode isch en luschtige late night talk. daher alles chunt useme place vonere liechtigkeit und au chli luschtigkeit. s beschriebene isch nöd fakt, sondern eusi experience und mir chömed useme place wo mir eus selber zwunge hend mit em andere gschlecht öpis zha, will mir sgfühl gha hend mir münd. daher straighte sex hittet für EUS nöd und mir findets nöd geil, will mir immer eus vorstellet mir sind das ii dere filmszene oder irgendwo andersch udn es daher ii eus en ekel erzügt, will mir eus zu dem selbe...
2024-02-2525 min
mengisch frög ich michbodycount und sex#28: was isch din bodycount? ee typischi fraag anere party. ganz harmlos eigentlich. nöd für mich. nöd für vieli lüüt. hüt redi drüber wie mini beziehig zu sex sich über mini jugend veränderet het und wie ich sex als selbschtverletzig benutzt ha. ich rede drüber wie ich behandlet worde bin je nach mim bodycount und wie mich das mini beziehig zu sex beeifluss het. schick die episode nur us edukative gründ öperem, will es isch sehr persönlichs thema. ich selber het öper brucht früener, wo mit mir so eh...
2024-02-1821 min
mengisch frög ich michtipps zur selbstliebimich selber aafange liebe. es tönt so eifach aber so fern. mer weiss nöd wo aafange oder was mer überhaupt falsch macht. vilicht bin ich eifach nöd für selbstliebi gmacht. alli andere schiinets z schaffe aber ich irgendwie nöd. deswege die tipps wo dir genau segget was du chasch mache zum die eschte schritt zuemene lebe in friede mit sich selber. zum verstah wie wichtig es isch ziit mit sich selber zverbringe und wie die tipps mis lebe veränderet hend. schick die episode au kollege wo es problem demit hend de...
2024-02-0422 min
mengisch frög ich michanti-wanderlustIch bin scho uf de ganz welt gsi, aber ganz ehrlich, ich hasse reise. hüt chli ee chilligi episode, wo ich eu vo costa rica verzelle und au wieso ichs nöd gern ha umezreise, obwohl jedes mal weni ee ferie bueche, das wieder vergisse. AHH UND vergessed nöd min Podcast zbewerte dobe;)
2024-01-1818 min
mengisch frög ich michblick vom patriarchatkensch das au wenn du eigentlich nur churz wetsch öpis go iichaufe aber du trotz jogginghose und zwiitem tshirt vo männer aagmacht, aapfiifft oder sogar verfolgt wirsch? jede tag, ufem weg zum schaffe oder is gym, bim iichaufe am mäntig abig wird ich beläschtigt. ihri auge ziehnd mir regelrecht d'chleider vom liib und ich will nöd dass sie mich mit ihrne blick gschweige denn mit ihrne händ berüeret. aber das seggi normal.das seggi eifach eso. schliesslich sind mir frau eigentlich wük nüt meh als eifach es s*x-objekt für de mah, ee gr...
2024-01-1419 min
mengisch frög ich michaesthetics sind ee lüg#24: ii dere episode erkläre ich wieso ich nöd aa ein aesthetic glaube, wieso die idee schädlich isch für eus und ee kapitalistischi idee wo sich uf euses sozialverhalte übertreit het. Ästhetik isch nöd nur d Lehr vom Schöne sondern wird hützutags au sehr für Mikro-Trends benutzt wie zB gorpcore, bloquette etc. doch de drang nach zueghörgkeit und identität laht eus leer und fern vo eusere individualität und wahre selbst. hüt verzell ich wieso ich lieber hässlich und mich selbst als schön und öper andersch bin.
2024-01-0717 min
mengisch frög ich michscheiss neujahr - jahresrückblick
ich hasse neujahr. neujahr git mirs gfühl, dass ich nüt erreicht ha, hinne dii bin im vergliich zu de andere und definitiv nöd ready füren neuaafang bin. deswege möcht ich ee neui tradition aafange für mich um die neujahr, wos nöd drum gaht, sich mit friends, wo eim übers ganz jahr vergesse hend, zbesuufe oder allei dihei zsii und vor fomo und sozialem druck sgfühl ha, dassmer nöd ines neus jahr oder überhaupt da ane ghört.
scheiss uf neujahr.
2023-12-3123 min
mengisch frög ich michcybermobbing & instagram-politiker#22: cybermobbing isch öpis woni sehr angscht ha drüber zrede. ich weiss nöd gnau warum, aber desto meh ich mit influencer rede, desto meh wird mir bewusst, wie jede vo eus demit kämpft und daher es wichtig isch drüber zrede.ich gibe gege endi es paar tipps wo mir helfet daher wenn du momentan unter cybermobbing liidisch, chönd die dir sicher bizli helfe und süsch denk drah dass du immer dargeboteni hand chasch aalüte (die sind gratis und lieb) pls stay respectful
2023-12-1723 min
mengisch frög ich mich"hässlich" ufwachse: erwachsewerde ohne akzeptanz#21: Mir tauchet tüüf i das gfühl ii, vo de gesellschaft als nöd attraktiv wahrgenoh z'werde und schlussendlich mit dere resultierende unsicherheit und endlose strebe nach schönheit umzgah.oft isches als wür ich voreme verzerrte spiegel stah und es ishc mir nöd möglich mich selber zgseh. ich gseh nur was die anderne immer bemänglet hend, wie ich vo usse schiinbar wahrgnoh wird und nöd die person wo ich eigentlich bin. mir luegetuf wunde, wo die kommentär und ziite vo usschluss uf grund vo mim ussehe hinderlah hend und wie ich mit...
2023-12-1016 min
mengisch frög ich michalli hasset mich (soziali unsicherheit und tüfe selbstwert)#20: immer wenn ich en ruum betritt, han ich automatisch d'aanahm, dass all mich vo grund uf nöd gern hend und ich muen sie jetzt all überzüge, dass ich doch cool bin, dass ich doch en wert ha. ee kombination und selbsthass und selbstwiefel kombiniert mit dem ewige dran people z’please. hüt schwätzemer über das dilemma und drüber wieso es so wichtig isch so mechanisme ii sim verhalte zerchenne.
2023-12-0317 min
mengisch frög ich michtüfelschreis: influencer sii#19: ii dere episode gahts um jahre vo träne, mental berak downs, selbstzwiifel und eme vollkommene allei sii als influencer. Ich bliibe recht gfasst im video und gahne au nöd uf theme ii wie cyber mobbing (wird e eigeni episode), trotzdem hender hüt en iiblick wie es hinder dere perfekti gphotoshopped fassade vo influencer abgaht und i promise you es isch nöd so lässig wiemer denkt.
2023-11-2616 min
mengisch frög ich michborderline inere beziehig / talk mit minere fründin#18: "beziehige mit borderliner sind manipulativ! sie sind toxisch, unstabil und immer es uf und ab!" = ich cha demfall nie gliebt werde...oder jedefalls han ich das so immer verstande. ee persönlichkeitsstörig wo genau das als grösschti angscht het: immer verlasse zwerde. Und genau eso wird ee beziehig mit eus oft betitlet. ich frög hüt mini früdin wie sie mit mine struggles und minere "toxische" art umgaht. wie mer en borderliner verstaht und ihn sogar liebe cha. danke aa mini fründin wo mir als ers...
2023-11-1917 min
mengisch frög ich michstressbewältigung: tipps gege burnout#17: de aateil vo persone, wo bide arbet unter stress liidet, isch vo 18% im Jahr 2012 uf 30.3% gstiige. knapp d'hälfti (49%) vo gstresste persone fühlet sich emotional erschöpft, was als zeiche für es hohes burn-out-risiko und in verbindig mit eme weniger guete gesundheitszuestand staht. ich bin konstant unter stress. nöd nur nimmt d arbetslascht vo jahr zu jahr zue, sondern au de stress im alltag, social media wo eus dezue drängt konstant schöner und "annerchannter" zsi, de kapitalismus wo eus siit chli mitgeh wird, dass mir immer besser, immer erfolgriicher münd si, familiep...
2023-11-1219 min
mengisch frög ich michbody image #2#16: heeeyy, hüt gits nomal ee episode zu body image. es isch sones relevantes und grosses thema und es liegt mir au am herze, dass mir eus mit hilf vo mim wüsse au chönd immer meh akzeptiere und liebe egal was eus d schönheitsnorme segget. din körper isch dis huus und er isch so guet zu dir. your body is your vessel.
2023-11-0519 min
mengisch frög ich michselbstvertraue#15: heeeyy ich ha die wuche mega problem mitem audio gha und au 2 mal d datei verlore und wieder ufgnoh dh entschuldige es wird nögscht mal besser. selbstvertraue isch glaubs so öpis wo mir all biz problem demit hend und daher dueni hüt gern mini wichtigste tipps mit eu teile, falls ihr au no eigeni hend let me know ich cha au no en zweite teil mache :)enjoooyyy
2023-10-2520 min
mengisch frög ich michich bin nöd chrank gnueg#14: ich cha mir kei hilf hole will ich bin nöd chrank gnueg. ich chas niemerem segge will die andere sind schlechter drah.hüt redemer über de gedanke "nöd chrank gnueg zsi" und wieso das de gedanke selber dich scho chrank gnueg macht.mir schwätzed drüber wo mir de gedanke überall chönd finde und natürlich au wasmer gege ihn cha mache. wie immer ee episode wo dir söll unterstützig und verständnis zeige oder au dir cha denkenswiise vo anderne lüt cha ufzeige hihi
2023-09-2420 min
mengisch frög ich michachselhaar sind hygienischer#13: haar ghöret nöd aa fraue? körperbehaarig isch nöd nur unschön, sondern au unhygienisch und eifach widerlich. hüt decket mir es paar mythe uf zu thema behaarig und wieso körperhaar gar nöd eso grusig sind. jede cha mache was er well, well jede stod dezue was er machtdie episode sött ufklärend und gege de gsellschaftlichi druck "glatt rasiert zsi" grichtet sii und nöd gege vorliebe oder persönlichi entscheidige vom einzelne :)
2023-09-1720 min
mengisch frög ich michtipps für depressed bitches#12: was cha mir jetzt no helfe? wenn nüm magsch am morge ufstah geschweige denn iregndwas mit froid im lebe zmache denn helfet mir die folgende tipps recht fescht.falls du mich selbstschädliche gedanke zkämpfe häsch bitte meld dich umbedingt bi öperem. mir het zum bispiil dargeboteni hand (https://www.143.ch/) mega ghulfe. lüt dete lieber eimal zviel anschatt eimal zwenig aa (tel:143) will ich verspriche dir hoch und heilig, uf nacke vo mir, es wird besser !!!!
2023-09-1016 min
mengisch frög ich michich bin durchschnittlich#11: ich bin nöd speziell. ich bin nöd extraordinär oder ii öppisem extrem guet, ich bin eifach durchschnittlich. hüt wieso dass das völlig okey isch, wieso mir das mindset au mega hilft und was de druck vo "andersch" oder "besser" zsi als die andere mit mir gmacht het.
2023-09-0318 min
mengisch frög ich michpanikstörig & brechphobie / talk mit de greta#10: was isch ee panikstörig und wie beeiiflusst die de alltag? hüt verzellt eus d greta meh über ihri panikstörig und auch churz über ihri brechphobie und wie sie mit dene issues umgaht. viele dank ad greta (ig: gretairenaaa ) für ihri offeheit und ich ha mich meeegaa gfroit mit dir derfe meh über die zwei mental issues zlerne
2023-08-2724 min
mengisch frög ich michbarbie isch nöd feministisch#9: barbie isch pseudo-feministisch. de film isch schön und luschtig, aber mir münd ufhöre ihn so fescht zpriise für dini "politik" will die isch sehr mangelhaft. (das alles isch mini eigeni meinig, aber wenn du no meh meinige würschgern ghöre zum film uf youtube het sehr viel)
2023-08-1715 min
mengisch frög ich michborderline-persönlichkeitsstörig, talk mit de zoé#8: heeeyy zeme :) hüt redet mir, nämlich min erschte gascht jemals, d zoé (sie/ihr), und ich, über eusi erfahrige mit bps (bpd, im englische), erchläret was das mit eusem läbe so macht und werfet allgemein liecht uf die störig, wo über 1.5% vode bevölkerig drunder liidet. viele dank ad zoé (ig: @zoe.haenni) für ihri offeheit, ich ha mich mega gfroit mit dir derfe zeme z diskutiere
2023-08-0625 min
mengisch frög ich michself love guide#7: heeeeyy zeme:)hüt red ich ganz konkret drüber was für schritt ich gnoh ha zum min selbschthass verringere und schlussendlich sogar aagfange mich gern ha. ich hoffe es hilft eu genauso fescht wie mir. phaltet stift und papier bereit will hüt wirds theoretisch :)
2023-07-3024 min
mengisch frög ich michfründschafte und fründe#6: heeyy falls dich nöd interessiert, wie mini vergangeheit gsi isch in bezug uf fründschafte, dänn spuel vor bis ca. minute 10. ab dete verzelle ich, was ich en gsunde aasatz finde zum richtigi fründe finde und din wert dir nöd wegneh lah vo lüt. pls share this episode falls sie dir gfalle hät
2023-07-2319 min
mengisch frög ich michwer bin ich? identitätsfrage#5: wer bin ich? ee frag wo ich mir so oft stelle obwohl ich immer wieder s gfühl ha dass ichs jetzt usegfunde ha. ee frag wo vieli künschtler inspirieret und anderi zu grunde füeret. hüt verzell ich eu will ich mit dere frag umgahne bsundrigs will ich ab und zu s gfühl ha dass sie mich fascht verdruckt, dass es gar keis wahres ich ii mir drinn hät. lets dig deep
2023-07-0915 min
mengisch frög ich michsocial anxiety#4: heeyy zememir hät letscht mal öper im Q&A vorgschlage über social anxitey zrede und will ich ee ziit ii mim läbe sehr fescht under dem gliitte ha, wirdi hüt drüber rede was mir so ghulfe het und eifach au d konvo drüber öffne. denk drah du bisch nöd allei und hilf hole isch ee stärchi daher wenns bi dir schlimm isch wende dich doch anen psycholog
2023-06-2513 min
mengisch frög ich michwarum mache ich social media?#3: wassup:)hüt lahn ich eu hinter d kulisse mit de frag wieso ich social media mache. TW: es wird real also ich wird sicher nöd so tue als wär zB Follows keis Glückserlebnis ABER ich han hald wük en grössere, wichtigere Gedanke hinder dem wasi mach und wär cool wenns der aalosisch
2023-06-1815 min
mengisch frög ich michmis coming out#2: wassup:)ich bin siit letschtin usem closet und mis ganze coming out isch sehr confusing gsi. Ich fange bi Tag 1 aa und verzelle bis Tag 8125, will ichs au ersch bi Tag 6255 ca. checkt ha. Also enjoy mini Chinder,-Jugend- und Erwachsene-Gschichtli drüber wie ich eifach konstant confused und ii Fraue verliebt gsi bin ohnis checke :) TW: very gay
2023-06-1114 min
mengisch frög ich michbody image#1: heeey zemehüt wirds direkt chli deep mit thema körperbild und wie mer mit dene unsicherheite cha umgah . ich find bsundrigs im summer, wo jetzt aagfange het, isch das thema wie chli relevanter au für mich und daher hilft es au mir die episode zmache demit ich sie in tääg vo zwiifel cha lose. ich rede sehr offe drüber wird aber nüt triggerings aaspreche wie kaloerie, gwicht etc. falls du willsch rede, mis instagram und tiktok isch @mengisch(pls remember i am a flawed and sensible person too)
2023-06-0419 min