Shows
Nser Zawya نسر الزاويةNser Zawya 33 - 01/07/2022 - نسر الزاوية● نهاية الموسم : الحصيلة العامة ● التحضير للموسم المقبل: شناهو الهدف و كيفاش نوصلو ليه ● على بعد 4 أيام من التاريخ المعلن للجمع العام : شناهو المشروع الرياضي ديال الأربع سنوات المقبلة2022-07-012h 00Nser Zawya نسر الزاويةNser Zawya 32 - 23/06/2022 - نسر الزاوية(1) دابا كاين إجماع بلي المرحلة السابقة (ولا المراحل السابقة) كانو فيها كوارث تسييرية ولا أغلاط تسييرية وصلاتنا لباب مسدود .. دابا كاينة إرادة لعهد تسييري جديد .. (2) لنفرض بلي مكان تا واحد عارف بلي غايكونو أخطاء تسييرية فالمراحل السابقة و بلي مكناش نقدرو نقولو بلي الدخان لي كان كايبان مكانش كايعني بلي لعافية غاتشعل.. (3) لنفرض جدلا كذلك بلي كل مرة كنا كانجربو شي حاجة مختلفة و بالتالي مكانش بالإمكان أننا نعرفو واش كنا كانعاودو نفس السبب لي كايوصلنا لنفس النتيجة .. الا اعتابرنا بلي (2) و (3) فرضيات صحاح .. كيفاش نقدرو نبرهنو على مصداقية و صحة (1) ؟! شاركو معانا الآراء ديالكم و التصور و السبل لي كاتبان ليكم تقدر تزيد بالراجا للقدام و لي كاتمناو كذلك من المكتب و الرئيس الحالي يخدمو عليهم.
2022-06-232h 03Nser Zawya نسر الزاويةNser Zawya 31 - 15/06/2022 - نسر الزاويةعلى بعد ساعات من إنعقاد الجمع العام الإستثنائي بعد تنحي المكتب الحالي من المسؤولية المنوطة إليه آخر الأوراق لتفادي الخروج بموسم صفري ، غذا إن شاء الله مقابلة الديربي لي غاتفصل بشكل كبير فحسم اللقب. ● شناهما الحظوظ ديالنا فمقابلة الغد و شناهو التأثير ديال النتيجة على بقية البطولة و الموسم المقبل؟ بعدما إستنفدت منظومة الإنخراط الحالية كل الحلول الكائنة و الممكنة و بعدما إقتنع الكل بإستحالة التغيير في ظل هاد الجمود و الإنحطاط لي وصلاتنا ليه ، ربما "الحل" يأتي خارج هاد المنظومة لي تضررات منها الراجا بزاف بينما ستافد و مزال كايستافد منها بزاف ديال الإنتهازيين. " عزيز البدراوي مرشح وحيد لرئاسة الراجا" بزاف ديال النقاط الإيجابية لي كاتبين بالواضح بلي البدراوي على علم بكل كبيرة و صغيرة فالراجا. بزاف ديال الجرأة و الشجاعة فالتطرق لمكامن الخلل على جميع الأصعدة و المستويات. كاريزما خطابية تليق برئاسة الراجا و رد الإعتبار للراجا لي افتقدناها منذ مدة ليست بالقصيرة. هادو هما أول الإشارات و أول الأفكار لي ممكن نلتقطوها الا سمعنا الخرجات ديال المرشح الوحيد. ولكن هدشي كايبقا غير خطابات لي ممكن تعتابر قوية أحيانا و شعبوية أحيانا أخرى. في إنتظار المشروع الرياضي و التنزيل الفعلي و العملي على أرض الواقع، قراءة و نقاش فأبرز المحاور لي تطرق ليها المرشح الوحيد فالخرجات الإعلامية الأخيرة : ● الحكامة الجيدة و الهيكلة الإدارية ● التسيير الرياضي و الأكاديمية ● التسيير المالي و تدبير النزاعات ● السياسة التواصلية و الشفافية ● إصلاح منظومة الإنخراط و تمثيلية الجمهور2022-06-151h 54Nser Zawya نسر الزاويةNser Zawya 30 - 31/05/2022 - نسر الزاويةمكتب أنيس محفوظ علم على إستقالة فنهاية الموسم. كلشي كاي ينتظر الاعلان عن: - تاريخ الجمع العام - أسماء المرشحين لرئاسة الرجاء في هاذ الظرفية الصعبة، أعلن كل من البدراوي و فهمي نيتهم الترشيح للرآسة. كل واحد فيهم كايقول بأنه حامل مشروع وكل واحد عند نهج ونظرة للخروج من الوحل الناتج عن سنين من العبث. الجمهور عايش أزمة ثقة في المنخرطين وباغي الرجاء ترجع لمكانها ولكن باي ثمن؟ بدورنا كطرف من جمهور الرجاء، عندنا رؤية خاصة بنا ولي غانتقاسموها معاكم في الحلقة 30 من بودكاست نسر الزاوية. و أول سؤال يطرح نفسه هو : واش الأزمة أزمة رئيس؟2022-05-311h 40
Nser Zawya نسر الزاويةNser Zawya 29 - 17/05/2022 - نسر الزاويةبعد الإقصاء المذل من CL ، كانقصيو راسنا رسميا من حظوظ الظفر بالبطولة بغض النظر على نتائج المتصدر بما يعني مابقاتش مسألة الفوز بالبطولة بين يدينا من غير لكان شي تعثر " آخر" ديال المتصدر. تحصيل حاصل و الهروب من المسؤولية عبر بلاغ الإستقالة ديال المكتب المسير و النداء لجمع عام إستثنائي في تحد سافر و خرق واضح لما يسمى "بالديموقراطية الرجاوية" : هذه بضاعتكم ردت إليكم. مؤخرا كترات الهضرة بزاف على أزمة منظومة الإنخراط و إصلاح منظومة الإنخراط و مسؤولية المنخرطين في إعادة كتابة سيناريو العبث كل عام بالديطاي الممل جدّا. واش بصاح المنخرطين عندهم يد فهدشي و شناهما الأسباب لي خلات أصابع الإتهام توجه ليهم؟ واش وصلنا لمرحلة الوعي الجماعي بمسألة إصلاح المنظومة ولا فقط effet de mode كيما وقع لمواضيع لا تقل أهمية كالإدارة الرياضية و الإدارة التقنية ؟ كيفاش ممكن ترجع الثقة ففرضية الإصلاح من داخل منظومة مسؤولة مباشرة على الواقع المعاش ؟ كونوا معانا هاد الليلة إن شاء الله مع 21:00 بالتوقيت المغربي لمناقشة هاد المحاور و التفكير فكيفية الخروج بأقل الأضرار هاد الموسم.2022-05-172h 10Nser Zawya نسر الزاويةNser Zawya 28 - 05/05/2022 - نسر الزاويةبعد تجرع مرارة الإقصاء من CL ، غانرجعو لماتش الروتور و ناقشوه à tête reposée و نعطيو التقييم ديالنا و نستخلصو الدروس و العبر من العودة للمنافسة فكأس العصبة الإفريقية. بقاو 8 ديال لماتشات و على بعد 3 نقاط من الصدارة مع لقاء مباشر مع المتصدر، بما يعني أن مسألة الحسم فاللقب بين يدينا. واش كلشي واجد و مستعد لهاد الرهان ؟! أخيرا و ليس آخرا غناقشو معكم متفرقات و أخبار كاتخص الراجا و جمهور الراجا من خرجات إعلامية ديال المسيرين و بلاغات المنخرطين و كذلك مشاكل ولوج الملعب .. إلخ2022-05-072h 00Nser Zawya نسر الزاويةNser Zawya 27 - 16/04/2022 - نسر الزاويةصديقات و أصدقاء بودكاست نسر الزاوية نتمناو تكونو بخير و على خير و عواشركم مباركة فهاد الشهر الكريم. أولا و قبل أي حاجة كانشكرو بزاف المتتبعات و المتتبعين لي تاصلو بينا و إستفسرونا على هاد الغياب لي صراحة شويا طويل ديال لبودكاست رغم التتبع ديالنا كجميع الرجاويات و الرجاوين 24/7 لمستجدات الراجا. الحمد لله الا جينا نشوفو الوضعية الرياضية ديال الراجا فسباق التتويج كانشوفو بلي مزال حاضرين و منافسين بقوة على جميع الأصعدة رغم المؤاخدات ديالنا على الأداء و رغم التحفظ ديالنا على المهم و الأهم "هيكلة النادي". هدشي مكايمنعش بأي حال من الأحوال بأننا مانوقفوش مع فرقتنا و نموتو معاها و نتيقو فالزاوية تال أقصى درجة. المنعطف الأخير هاد لعام كايحتم علينا نلعبو كاع لماتشات لي بقاو كفينالات حيت وصلنا لمرحلة ديال " الغلط ممنوع". بهاد المنظور Episode 27 من بودكاست Nser Zawya غانخصصوه لمناقشة ماتش ذهاب 1/4 العصبة كونطر الأهلي المصري و نحاولو ندويو على التجارب ديال الراجا و نركزو على نقاط القوة ديالنا في طريقنا إلى ⭐️⭐️⭐️⭐️ تقبل الله صيامكم و الله يحفظ البلاد و العباد . 4FRICA O'CLOCK2022-04-161h 12Nser Zawya نسر الزاويةNser Zawya 26 - 12/03/2022 - نسر الزاويةاسبوع جديد و حلقة جديدة ديال بودكاست نسر الزاوية 🦅⚽️ موعدنا من بعد ماتش حوريا ان شاء الله المحاور : - مناقشة ماتش العصبة و بركان - حظوظ الرجاء فالواجهات الثلاث و شنو نقدرو نتسناو هاد العام كنتائج رياضية - التغييرات التقنية مع مجيء الطاوسي و العامري يعيش الكيان و لا شيء غيره 💚2022-03-121h 47Nser Zawya نسر الزاويةNser Zawya 24 - 18/02/2022 - نسر الزاوية100 يوم بعد إنتخاب المكتب الحالي لنادي الرجاء البيضاوي
وبعد فترة الإنتدابات، كيتحتم علينا تحليل حط حصيلة مكتب أنيس محفوظ. خصوصية نسر الزاوية كتركز على النقط الأساسية لي كتلخص إنتظارات أو رؤية نسر الزاوية.
ولهذا غنطرقو لحصيلة المكتب بهذ الشكل:
- 1- رؤية تغيير منظومة الانخراط في جمعية نادي الرجاء
- 2- رؤية هيكلة نادي الرجاء مقارنة بما أتى به المكتب المنتخب
- 3- رؤية تعزيز القدرة المالية لنادي
- 4- رؤية تعزيز التكوين وإعادة النظر في المنظومة التكوينية
- 5- المشروع الافتراضي المكتب وحقيقة التغيير
كونوا معانا فهاد الحلقة اليلة على الساعة العاشرة و النصف ليلا بتوقيت المغرب.2022-02-182h 09Nser Zawya نسر الزاويةNser Zawya 23 - 12/02/2021 - نسر الزاويةفهاد العدد غانديرو قراءة rétrospective لي غاترجعنا شويا لور باش نتفكرو فين كنا ؟! و شناهو التصور لي كان عند المكتب المسير فالحملة الإنتخابية ؟! و نلاحظو التنزيل على أرض الواقع فهاد 100 يوم.
غاندويو كذلك على الإنتدابات و نعطيو الرأي ديالنا لي بغينا ناقشوه معاكم و نوقفو كذلك على جودة squad لي غانكملو بيه لعام.
أخيرا و ليس آخرا ، غانقشو معاكم التعادل المخيب للآمال فاللقاء الأخير قبل ما ندويو على مقابلة الغد في أسمى و أرقى و أجمل مسابقة فالقارة الأفريقية CAF Champions League و الطريق إلى 2022-02-171h 31Nser Zawya نسر الزاويةNser Zawya 22 - 01/01/2022 - نسر الزاوية1- التعادل المخيب للامال ضد الماص و مقابلة الغد ضد الجيش
2- قرعة دوري الأبطال و حظوظ الرجاء في ظل ضبابية الميركاطو
3- فقرة عين النسر: معضلة الانضباط في مستودع ملابس الرجاء2022-01-011h 54Nser Zawya نسر الزاويةNser Zawya 21 - 24/12/2021 - نسر الزاويةالسلام على كل نسر في العالم.
حلقة الليلة لها طعم خاص. ماشى حيت الهزيمة، لخسارة واردة كما كيݣولو ولاد الزاوية. لا. طعم خاص لأنها بينات بزاف ديال التخاريف التسييرية و التقنية.
هادشي غاناقشوه في حلقة الليلة من بودكاست نسر الزاوية رقم 21:
الخطايا الخمس لكأس السوبر
- التحضير
- التشكيلة
- خطة اللعب
- تأثير المدرب
- تأثير الاعبين
ما معنى الهزيمة أو تداعيات الهزيمة
- السقوط في أول إمتحان
- الهروب إلى الامام عبر التهجم على المكتب السابق
- ضياع مدخل مالي مهم كان يعول عليهم اجل الإنتدابات القادمة
رجاء ما بعد السبر
- حظوظ البطولة
- حظوظ عصبة الأبطال
- حظوظ الإنتدابات في ظل الأزمة المالية وغياب حلول لملئ الخزينة.2021-12-241h 57Nser Zawya نسر الزاويةNser Zawya 20 - 17/12/2021 - نسر الزاوية نقاش ما بعد ماتش اكادير في البطولة
خلاصة استعدادات الفريق في مرحلة التوقف
حظوظ الرجاء فماتش السوبر ضد الاهلي
ديما رجاء و يعيش الكيان 2021-12-171h 38Nser Zawya نسر الزاويةNser Zawya 19 - 03/12/2021 - نسر الزاوية● سوق الإنتقالات و إستمرار اللغز المحير Qui fait quoi فالراجا - علاش هاد الإصرار على مبدأ عدم تحديد الإختصاصات ؟! - من توصيات الجمع العام الأخير كون الراجا مثال يحتدى به فالتسيير و ربط المسؤولية بالمحاسبة، واش كانزيدو للقدام ولا كانرجعو اللور ؟! ● توقف البطولة و الحالة البدنية للفريق - تقييم préparation pré-saison و التأثير ديالها على المستوى العام ؟! واش حققنا الأهداف لي بغينا منها ؟! - شنو خاص يدار من طرف staff الجديد باش نكملو هاد العام فأحسن حالة بدنية/فنية ممكنة ؟! ● دور الجمهور بين الدعم اللامشروط و الثقة فالمكتب المسير - شنو "يقدر" يدير الجمهور باش يعاون الراجا ؟! شناهما الواجبات لي عليه و شناهو الحقوق لي عندو ؟! - شنو "خاص" يدير المكتب باش يربح الثقة ديال الجمهور ؟! واش أصلا المكتب محتاج ثقة الجمهور ؟! - #justiceforyoussef #العدالة_ليوسف2021-12-041h 38Nser Zawya نسر الزاويةNser Zawya 18 - 26/11/2021 - نسر الزاوية● دائما مع مغامرات l'agent secret البلجيكي Wilmots في مهمة مدرب ؟! مشرف عام ؟!
- من 2 ماتشات = 3 نقاط بما يعني يعني إستمرار مسلسل نزيف النقاط في سباق البطولة للموسم الثاني على التوالي ؟!
- قراءة فالإختيارات التقنية و الطاقم التقني المرافق Vs إشكالية الراجا Vestiaire
● الميركاطو الشتوي على الأبواب : في ظل عدم تحديد المسؤوليات و تكريس ثقافة الغموض من جهة و الوعود التي قدمها الرئيس في حملته الإنتخابية بإنتدابات وازنة من جهة أخرى، Déjà Vu شبح الميركاطو الصيفي يخيم على الأجواء؟!
- شكون لي غايصيفط لعابة و شكون لي غايجيبهم واش المدرب ؟! المشرف العام؟! المدير التقنورياضي؟! الرئيس ؟!
- و شناهي الصيغة ديال فك الإرتباط مع اللاعبين لي غايمشيو باش مانعيشوش Déjà Vu آخر و أزمة مالية أخرى ف 2023 و 2024 ؟!
● بعد قرابة شهر من تولي المكتب زمام الأمور، قراءة في أبرز القرارات
- شناهو الهدف الرياضي في هذا الموسم ؟!
- ما هو مصير "المشروع" لي تنتاخب عليه المكتب الحالي؟!
- كيفاش يمكن للجمهور و بقية الفعاليات يعاونو المكتب في
ظل التحديات و الصعوبات لي غاتواجهنا ؟! بطائق الأشتراك ، تفعيل دور المنخرط .. إلخ2021-11-281h 47Nser Zawya نسر الزاويةNser Zawya 17 - 19/11/2021 - نسر الزاوية- تعادل مخيب للآمال فالديربي و فك الإرتباط بالشابي : رجوع للأسباب و إستخلاص العبر - مدرب جديد / طاقم جديد و سياسة تواصلية قديمة - الطاقم الرياضي الإداري : لعبة الكراسي الموسيقية2021-11-281h 20Nser Zawya نسر الزاويةNser Zawya 16 - 31/10/2021 - نسر الزاويةبودكاست نسر الزاوية: الحلقة 16 - رجوع المبارتين السابقتين ضد الفتح و الدفاع الجديدي ⚽️ - أحداث الجمع العام و أبرز الخلاصات الرياضية و المالية 📝 - انتخاب الرئيس الجديد 🗳 يعيش الكيان 💚2021-11-011h 36Nser Zawya نسر الزاويةNser Zawya 15 - 23/10/2021 - نسر الزاويةالحلقة 15 من بودكاست نسر الزاوية 🦅🎙 على بعد بضعة ايام من الجمع العام اللي غادي يتم فيه اختيار رئيس الرجاء لأربع سنوات القادمة، حلقة اليوم غادي نناقشو فيها ما تم تقديمه كبرامج انتخابية من طرف المرشحين الثلاثة. واش كاين مشروع واضح المعالم للنادي ؟ واش اللوائح فيها كفاءات قادرة على مواكبة تحديات المرحلة القادمة ؟ كيفاش المنخرطين غادي يختارو ما بين المرشحين ؟2021-10-261h 20Nser Zawya نسر الزاويةNser Zawya 13 - 25/09/2021 - نسر الزاوية3 ديال لماتشات فالبطولة 3 ديال الإنتصارات، نقدرو نقولو بلي حققنا العلامة الكاملة لحد الساعة a fact is a fact ولكن باش نكونو منصفين كذلك هاد رباحات يقدرو يخليونا نفكرو باش نغطيو على بزاف ديال الأمور لي مزال خاصها تحسن ولكن كما عودناكم و بدون لغة خشب غنحاولو ناقشو هدشي معاكم فالفقرة التقنية. مناقشة المستجدات غاتكون أساسا حول البلاغات لي صدرهم المكتب المديري بخصوص الجمع العام "المؤجل و القابل للتأجيل" إضافة إلى بعض الأخبار التي تفيد بقرب رجوع الجمهور يشجع الراجا. عين النسر ديال هاد الأسبوع غاتخلينا نخرجو شويا من النمطية ديال الراجا و الواقع و المشاكل ديالها باش ندخلو ل Dimension Zawya و نفكرو ريوسنا و نعرفو الأجيال الصاعدة على واحد من الأساطير الشرفاء و النزهاء ديال ولاد الزاوية من لاعبين و مؤطرين و إداريين و مسيرين لي ضحاو بزاف من أجل الراجا و من أجل logo ديال الراجا وخلاوها تكون شعبية بالمبادئ قبل لبالماريس. شرف كبير لبودكاست Nser Zawya باش ندويو على رمز من هاد الرموز لي خلاونا نعشقو هاد الفرقة و لي من إجلال القدر و محاسن الصدف أنه كايحتافل ليوما بعيد الميلاد ديالو. موضوع الليلة " مصطفى مستودع "2021-09-281h 56Nser Zawya نسر الزاويةNser Zawya 12 - 16/09/2021 - نسر الزاوية- مناقشة مستجدات الجمع العام و برامج المرشحين الحاليين - تحليل المقابلة القادمة ضد اولمبيك خريبكة - فقرة عين النسر: كيفانش يمكن نطوروا الموارد المالية في نادي الرجاء ؟2021-09-241h 58Nser Zawya نسر الزاويةNser Zawya 11 - 10/09/2021 - نسر الزاويةدوينا فالحلقة لي فاتت على إشكالية منظومة الإنخراط و كيفاش أنها مكتشكلش واحد canal لي يقدر يستاغل الشعبية الكبيرة لي عند الراجا باش تكون واحد conversion ديال هاد الشعبية من ضغط كبير ديال الجمهور إلى مستوى supporter actif عبر توسيع قاعدة الإنخراط لي غاتعود بالإيجاب على الفريق ماديا و كشريك و محتضن للمشروع الرياضي لي غايزيد بنا للقدام. هدشي كان من خلال نظرة خارج هاد المنظومة. ولكن كيفاش هي الأمور داخل المنظومة ؟! ● واش الا كنا داخل المنظومة نقدرو نتافقو مع هاد الطرح ديال ضرورة "إصلاح الإنخراط" ؟! ● شناهو تاريخ الإنخراط بعدا فالراجا و كيفاش بدا و علاش ماتطورش ؟! ● واش بصاح المنظومة كاتحمل شي مسؤولية فغياب الإرادة ديال الهيكلة ؟! أسئلة من بين بزاف غانحاولو نجاوبو عليها و ناقشوها معاكم و مع الضيوف ديالنا فهاد الليلة. أخيرا و ليس آخرا و باش نحطو une platforme لهاد الغرض أي "إصلاح منظومة الإنخراط " و كمساهمة من Nser Zawya لإثراء النقاش، قدمنا فالحلقة لي فاتت فكرة "الراجا للجميع Raja pour tous " و كنا دوينا على شروط النجاح ديال هاد الفكرة. فهاد العدد غارجعو لهاد الشروط باش ندويو عليهم و ناقشوهم معاكم. موضوعنا ف Episode 11 من بودكاست Nser Zawya "إشكالية الإنخراط و تمثيلية الجمهور II "2021-09-111h 47Nser Zawya نسر الزاويةNser Zawya 10 - 03/09/2021 - نسر الزاويةMOINSبعد 9 ديال الحلقات ديال مناقشة مكامن الخلل لي كايبانو لينا أسباب مباشرة أو غير مباشرة كاتوقف حاجز أمام كيفاش كانتمناو نشوفو الراجا، فالعدد العاشر من بودكاست نسر الزاوية غانوقفو على واحد من أهم المواضيع لي مزال ماواخدش حقو فالأوساط الرجاوية. هاد الموضوع نقدرو نقولو بلي هو "مربط الفرس" لي يقدر يشرح لينا بزاف ديال المشاكل و les tensions لي كانعانيو منها كنادي عندو شعبية كبيرة بزاف. هاد المشاكل كل واحد و كيفاش كايشوفها : • كاين لي كايقول بلي كاتشكل ضغط كبير على الراجا؟! • و كاين لي كايشوفها غا سوء التفاهم بين مكونات الراجا؟! • فيما كايشوفها طرف آخر سبب ديال "غياب الإرادة ديال الهيكلة" بكل بساطة و لي دوينا عليها ف Episode 9. موضوعنا هاد الليلة فنسر الزاوية غايخرجنا شويا من التنظير باش نشوفو الممارسة على أرض الواقع : "إشكالية الإنخراط و تمثيلية الجمهور" فهاد العدد، غاناقشو معاكم هاد النقاط لي لفوق، و غانشوفو شنو كايدار فلفراقي لكبار و مغانمشيوش بعيد بزاف و غانشوفو شنو كايديرو لفراقي لي معانا ف Mama Africa. أخيرا و ليس آخرا غانحاولو نقتارحو أفكار باش نزيدو للقدام بمنظومة الإنخراط و التمثيلية ديال الجمهور. فالفقرة التقنية، مواكبة للميركاطو غاناقشو التقييم ديال التركيبة البشرية لي غانعولو عليها لعام الجاي. و بطبيعة لحال غانشوفو شناهما المستجدات لي كاينين و ناقشوهم معاكم. كونوا معانا هاد الليلة و بلوكيو l'agenda ديالكم مع 22:00 و الله يشافي كل مريض و الله يحفظ البلاد و العباد 🙌2021-09-051h 33Nser Zawya نسر الزاويةNser Zawya 09 - 28/08/2021 - نسر الزاويةبعدما دوينا فالحلقة لي فاتت على الحجر الأساس لي كايتبنا عليه المشروع الرياضي و وقفنا على الأهمية ديال مختلف الأطراف و كيفاش كل إختصاص كايكمل لخدمة ديال لاخر بداية بالإدارة التقنية و مرورا بمنصب مدير التكوين قبل مانوصلو للمدير الرياضي و staff ديال التحليل و visionnage و المعدين البدنيين إلخ. كانتقتراحو عليكم فهاد l'épisode باش نكملو puzzle ديال Projet Sportif بموضوع لا يقل أهمية على موضوع السيمانة لي فاتت = Business management أو كيفاش نقدرو نسوقو هاد المشروع الرياضي باش يكون ماشي غير profitable ولكن كذلك متوافق مع "هوية النادي". فالختام ديال فقرة عين النسر غناقشو معاكم التأثير ديال المشروع الرياضي على la gestion du succés و كذلك مبدأ "إستمرارية المؤسسات". أخيرا و ايس آخرا، فقرة التحليل التقني غانرجعو لنهاية كأس العرب و كيفاش كان التتويج باللقب و الأداء ديال squad. موضوعنا فالعدد 9 من بودكاست نسر الزاوية "المشروع الرياضي Le Projet Sportif 2/2"2021-08-292h 00Nser Zawya نسر الزاويةNser Zawya 08 - 20/08/2021 - نسر الزاوية بزاف و كاندويو (و كانطالبو) بالمشروع الرياضي فالراجا أو Projet Sportif باش نخرجو الراجا من مستنقع التسيير الهاوي و العبثي إلى بر التسيير العقلاني و الإحترافي. ولكن شناهو هاد المشروع الرياضي؟! و شناهما المحاور و الأسس لي كايتبنا عليهم المشروع الرياضي؟! شناهي علاقة المشروع الرياضي بالسياسات التسويقية؟! و كيفاش يقدر المشروع الرياضي يحمي لفرقة من التقلبات ديال résultat sportif؟! أسئلة غانحاولو نجاوبو عليها وناقشوها معاكم فالفقرة ديال عين النسر، بعدما ندويو على المستجدات ديال تأجيل العام و "فترة préparation pré-saison و ما رافقها" قبل نهائي كأس العرب نهار السبت.2021-08-211h 48Nser Zawya نسر الزاويةNser Zawya 07 - 01/08/2021 - نسر الزاويةMOINS● فوز خارج الديار في ختام المشوار ديال البطولة لهاد الموسم : بيت لخزين بين الحقيقة و الخيال؟! ● بعدما تم الإعلان على تاريخ الجمع العام: أول مرشح لمنصب الرئاسة و أول مشروع مطروح على السادة المنخرطين في تجاهل تام للمنابر الرسمية للنادي : تعليق على أهم ما جاء في المشروع ● الا كان إجماع على أن الأسابيع القليلة المقبلة غاتحدد مستقبل النادي واش كاين إجماع كذلك على أن الأيام القليلة المقبلة ( Préparation pré-saison) تقدر تحدد مصير الموسم المقبل بغض النظر على بقاء أو مغادرة المكتب الحالي؟! موضوع فقرة عين النسر ديال Episode 7 من Nser Zawya "الأولويات في ظل الوضع الراهن " • مستقبل الطاقم التقني • الإدارة الرياضية/التقنية • أهمية Préparation pré-saison2021-08-211h 31Nser Zawya نسر الزاويةNser Zawya 06 - 26/07/2021 - نسر الزاويةبعد تحقيق الأهم و ضمان التأهل لكأس العصبة لعام الجاي، ليوما إن شاء الله مع 21:30 مناقشة الحصيلة الرياضية للراجا 2020-2021 . موضوع عين النسر لهذا العدد : بعد طول إنتظار، و أخيرا مكتب الراجا كايكومينيكي التاريخ ديال الجمع العام لي هو (إلى حدود الساعة) 27-08-2021. -------- التفاصيل : الفقرة 1 في ثاني موسم ديال الجائحة، شنو نقدرو نقولو على الحصيلة الرياضية ؟! الفقرة 2 الحصيلة التقنية للموسم في غياب إدارة تقنية و رياضية. بداية بتركيبة بشرية مع جمال السلامي و مرورا بالميركاطو الشتوي و ختاما بالمدرب التونسي الشابي . شناهما أبرز النقاط لي ماركاو هاد لعام؟ عين النسر الجمع العام • تاريخ إعلان التاريخ : إيجابي أو سلبي؟ • المرشحين و المشروع الرياضي • المنخرطين : واش 167 منخرط قادرين يمثلو الجمهور و بإمكانهم يعطيو حلول بديلة ؟2021-08-211h 31Nser Zawya نسر الزاويةNser Zawya 05 - 13/07/2021 - نسر الزاوية
كيف لعادة و إحتراما للتقاليد و الأعراف، فوقت الضغط من كاع الجوايه الزاوية تقاوم تتألق و تتعملق مرة أخرى و كاتهدينا اللقب الإفريقي 9 ديال الراجا ✅ غايكون هدا هو موضوعنا ففقرة المستجدات ولكن كيفاش جا هاد الرباح و قدرنا نخرجو رابحين كونطر الشبيبة و كيفاش قدرنا نرجعو باللقب رغم النقص العددي ؟! أسئلة غانحاولو نتطرقو ليها فالفقرة الثانية مع قراءة تقنية للمقابلة النهائية. فالفقرة ديال عين النسر من Episode 5 ديال Nser Zawya و بعد تحقيق المهم لي هو اللقب (في إنتظار الحسم فالمركز 2 من البطولة) غاندوزو للأهم لي كلشي كايتسناه و غاندويو كيما عودناكم بدون لغة الخشب و بكل واقعية على " مابعد اللقب " و شنو كايتسنانا في قادم الأيام و الأسابيع في ظل المؤشرات لي كاتعطينا بزاف ديال الغموض ؟!2021-07-141h 30Nser Zawya نسر الزاويةNser Zawya 04 - 18/06/2021 - نسر الزاويةالحلقة الرابعة من نسر بودكاست نسر الزاوية
النتائج الاخيرة للفريق
تحليل تقني للمباريات الاخيرة
فقرة عين النسر : التواصل في نادي الرجاء الرياضي
ديما خضرا 2021-06-221h 19Nser Zawya نسر الزاويةBonus- 05/06/2021- حصيلة المدرب الجديد لسعد شابيصدارة ترتيب البطولة 🇲🇦، التأهل لدور 1/2 كأس CAF 🏆و إقصاء من كاس لعرش 🔚 دردشة خفيفة للوقوف على الحصيلة الرياضية للمدرب التونسي. قبل من مناقشة هاد الحصيلة غانرجعو للسياق لي جا فيه و نشوفو واش تبدلات شي حاجة فهاد السياق . أخيرا و ليس آخرا غناقشو شنو كايتسناه فهاد الأسابيع المقبلة قبل رجوع المنافسات لي بينات فيهم الراجا على النوايا الصريحة ديالها مدربا و مكتبا : • الحفاظ على لقب البطولة • التتويج بكاس CAF • كاس العرب2021-06-071h 35Nser Zawya نسر الزاويةNser Zawya 03 - 19/05/2021 - نسر الزاويةالفقرة رقم 1 من نسر الزاوية 3 :
واش ممكن ندويو على عودة الإنضباط لمستودع الراجا ؟!
بين بلاغ الأمس و بلاغ الغد بلاغ اليوم "بالإنجليزية" ضد تحكيم لقاء الذهاب فلكاف
برمجة لقاء وجدة فالبطولة في موعده المحدد بلا بوليميك بلا صدع
الفقرة الثانية :
تحليل تقني ديال ماتش الفتح من إعداد RAJA "Stat's & Analysis"
تاريخ المواجهات ضد الفرق الجنوب إفريقية
كيفاش كان الذهاب مع Orlando ؟!
شنو نقدرو نتوقعو غدا كونطر وجدة ؟!
الفقرة التالثة :
بعدما دوينا على الشعبية ديال الراجا و الغياب ديالها فالمؤسسة فالحلقة الأولى، دوينا على الشعبوية فآخر عدد و وقفنا عل إشكالية الحلقة المفرغة ديال résultat sportif لي فينما كاتخرجنا من شي أزمة حتى كانلقاو راسنا داخلين فأزمة أخرى.
ليوما ختارينا ليكم موضوع " الأزمة"! هاد المصطلح لي ولا مقرون بزاف بالراجا للأسف فهاد السنوات الأخيرة ، بغينا فهاد الحلقة نعرفو شناهي هاد الأزمة؟! شناهو السبب ديالها؟! شناهي الحقيقة ديالها ؟! و كيفاش عين النسر كاتشوف سبل الخروج من هاد الازمة ؟!
كيف لعادة ماتبخلوش علينا ب feedback و الإقتراحات ديالكم باش نزيدو نطورو هاد الفكرة و ماتنساوش تبارطاجيو مع الجراد الا عجبكم لبودكاست Nser Zawya 2021-05-201h 19Nser Zawya نسر الزاويةNser Zawya 02 - 07/05/2021 - نسر الزاوية نسر الزاوية يحلق بنا إلى جنوب إفريقيا باش نتعرفو على المنافس المقبل ديالنا فكاس الكنفدرالية Orlando Pirates، معطيات و أرقام قبل لقاء الربع.
ضد مجرى اللعب محكمة TAS تحكم لصالح Mabide في وقوف عند الخبر و قراءة للسياق التاريخي للنزاعات و سياسة زيرو litiges
● مواضيع الفقرة الأولى من العدد الثاني لبودكاست Nser Zawya
● فالفقرة الثانية و على بعد دورة واحدة من نهاية فترة الذهاب فالبطولة و من بعد سلسلة ديال إنتصارات:
المدرب الجديد يحصد أول تعادل ضد الزمامرة
و من بعد 3 أيام كايتقصا من أول منافسة من أصل 4 لي لاعبين عليهم.
شناهما الأسباب ديال هاد النتائج السلبية و شناهو التأثير ديالها ؟!
● أخيرا و ليس آخرا، فقرة عين النسر غاتقربنا من واحد من أهم المواضيع لي فارضة راسها فالسنوات الأخيرة فالمشهد الرجاوي :
الشعبوية : علاش كاينة و شكون لي مستافد منها ؟! واش الجمهور عندو دور فالشعبوية؟! شناهي العلاقة ديال الشعبوية بالازمة و بالضغط ديال النتائج الرياضية ؟! واش كاين شي حل باش نحاربوها ؟!
تساؤلات غاناقشوها و نحاولو نلقاو ليها أجوبة معاكم فالفقرة الثالثة ديال Nser Zawya.
الملاحظات ديالكم كايهمونا باش نطورو هاد الفكرة هدشي علاش غانطلبو منكم تبارطاجيو معانا الرأي ديالكم أولا و الا عجبكم المحتوى تبارطاجيو Nser Zawya مع شعب الراجا
و ديما راجا2021-05-191h 20
Nser Zawya نسر الزاويةNser Zawya 01 - 30/04/2021 - نسر الزاويةالسلام شعب الخضرا،
اليكم الحلقة الاولى من برنامج نسر الزاوية ...
الفهرس :
ـ تعريف لبودكاست نسر الزاوية
ـ مناقشة الأخبار الرجاوية
ـ تحليل تقني لأداء الفريق مع المدرب الجديد من تقديم صفحة RAJA "Stat's & Analysis"
ـ فقرة عين النسر : تصور البرنامج للواقع الرجاوي الحالي و نظرة على المستقبل
ايلا عجبكم المحتوى، بارطاجيوه مع صحابكم الرجاويين وعطيونا رأيكم في سبل تطوير هاد البرنامج
ديما رجا2021-05-191h 47